Acts 16:15 in Colorado 15 Junni Lídiabe yachi familialabe mumunhilaie. Mumunhitobi, chiquilabe itsanque rocaie: —Nulari chiqueca Miya Jesucrístobe cayaica joe titori, chiquilachite pechularana! tie. Junni michi rocainasanan, yachica pechubi jilaiyoe.
Other Translations King James Version (KJV) And when she was baptized, and her household, she besought us, saying, If ye have judged me to be faithful to the Lord, come into my house, and abide there. And she constrained us.
American Standard Version (ASV) And when she was baptized, and her household, she besought us, saying, If ye have judged me to be faithful to the Lord, come into my house, and abide `there'. And she constrained us.
Bible in Basic English (BBE) And when she and her family had had baptism, she made a request to us, saying, If it seems to you that I am true to the Lord, come into my house and be my guests. And she made us come.
Darby English Bible (DBY) And when she had been baptised and her house, she besought [us], saying, If ye have judged me to be faithful to the Lord, come into my house and abide [there]. And she constrained us.
World English Bible (WEB) When she and her household were baptized, she begged us, saying, "If you have judged me to be faithful to the Lord, come into my house, and stay." So she persuaded us.
Young's Literal Translation (YLT) and when she was baptized, and her household, she did call upon us, saying, `If ye have judged me to be faithful to the Lord, having entered into my house, remain;' and she constrained us.
Cross Reference Matthew 10:41 in Colorado 41 Diosichi mantate paminlaca Diosichi jonun tenchi facarilaquinari, Diosi nulaca se tichunae. Yachi mantate paminlachi premioca cuwanato, nulachinan jun tsancanan pecuwachunae tie. Junni Diosichi sen tsachilacanan Diosichi jonun tenchi facarilaquinari, Diosi ya senlachi premioca cuwanato, nulachinan jun tsancanan pecuwachunae tie.
Luke 9:4 in Colorado 4 Manca yabiri féto, junbisiri chularana! jun pueblobi nechi manlono fecári.
Luke 10:5 in Colorado 5 Niyanlachi yabitiya fenato, seque chularana! tito saludailaina! tinue.
Luke 14:23 in Colorado 23 Junni aman patronni peyunca manan manherechunae tinue yape wa minubinan, na minubinan tsachilaca neyasa. Tsachilaca jasa caride! tichunae yachi yabi yape quidiisa.
Luke 24:29 in Colorado 29 Junni ya tsachilari yabe duque rocainato, nantari jitude! tilatinue. Quebi inae. Chiquilachibi catsoto, ayuna nanchi manaman jina! latinue. Junni aman yari junlachica pejinue.
Acts 8:12 in Colorado 12 Junni Simón tsantin chusanan, Felipe Jesucrístoca cuenta quebi janue. Diosi ya mantananun tsachi bolon suwananuncanan micarinaminue. Junni duque tsachila, unilala, sonala, Felipe cuenta quinaminca quereito mumunhilainue.
Acts 8:38 in Colorado 38 Tsantisi, caroca tsoresa carito, Felípebe Etiopía tsachibe pibi patilainue. Pibi wito, Felipe yaca mumunnue.
Acts 11:14 in Colorado 14 Pedro micarinun fiquica meralaquito, nunan nuchi yabi chuminlanan se lono podeilaichunae tie tie tinue.
Acts 16:33 in Colorado 33 Junni jun quepen Diosichi fiquica jera micarinunsi, ya polisia Páblola fudaicaca tsaleto cuwanue. Junsi jeralela mumunhilainue ya polisiabe yachi yabi chuminlabe.
Acts 18:8 in Colorado 8 Junni miinun yabi mantamin, Crispo tinun, yanan Jesucrístobe cayaito mumunhinue. Yachi yabi chuminlanan Jesucrístobe cayailainue. Junsi duque Coríntobi chuminlanan Jesucrístobe cayaito mumunhilainue.
Romans 16:23 in Colorado 23 Gáyonan nulachi saludo peerenae. La Pablo yalachibi chuyoe. Jesucrístochi tsachila tala yalachi yabinan layaiminla joyoe. Junsi Erástonan nulachi saludo peerenae. Yari munisipiobi tesorero joe. Junsi Cuarto mumun aconan nulachi saludo peerenae.
1 Corinthians 1:13 in Colorado 13 Junni ¿ti quichun tsantin chularayun? ¿Cristo quitsaica jun? ¿La Pablo nulachi tenchi corosibi puyaca join? ¿Lachi tsachila ito mumunhicalayun?
2 Corinthians 5:14 in Colorado 14 Te, loco itolajoyoe. In fiquica miralarayoe: Cristo jeralelachi tenchi puyaca jonari, jeralela puyano jominlanue. Junni jeralelachi tenchi puyanue yape casonnaminla yalachi tenca munate nenalaratusa. Yari chiquilachi tenchi puyatonan, mansonhica joe. Jun tenchi chiquilanan yachi tenchi nenanola joyoe. Crístori chiquilaca tsansi duque laquiranan, yachi tenchi micarito nenanola joyoe.
2 Corinthians 12:11 in Colorado 11 Lari tenca iton cuwenta paniquinamanyoe. Nulari laca tsanque pasa carilaquee. Lari epe tsachi jototiya, ya Crístochi fécari mantá tan joyoe timinlacari fécari mantá tan joyoe. Junni nulari junca tenhitori, lacanan isa paca jomanpari, tencachiquenan isa pano itono jomin joinhie.
Galatians 6:10 in Colorado 10 Junni numasitiya jeralelabenan sen jolajona! Crístobe cayaica junlabe mantimini fécari sen jolajona!
Ephesians 1:1 in Colorado 1 La Pablo nulabe duque saludainayoe. Diosi laca wenteca joe yape Crístochi mantá tan nenasa. Nulanan Jesucrístobe pecayaicala joto, Diosichi tsachila jolajoe.
Philippians 1:7 in Colorado 7 Nulacari duque laquirato tenca camin joyoe. Junto nulaca son tito tenca cano joyoda. La titiya quinasanan, nulari ayudaiminla joe. Lari dorasanan, Jesuca paca sen fiquica micarinasanan, jun fiqui tenchi beco pánasanan, Diosi laca laquirato cuidaimin joe. Junni tsan josanan, nulanan Diosibe peayudaiminla joe.
Philemon 1:17 in Colorado 17 ¿Junni nuri laca niyaque tenca canayun? ¿Laca nube parejo peayudaimin joeque tenca canayun? Tsanque tenca canatori, laca cuwenta Onésimoca facariniquede!
Hebrews 13:2 in Colorado 2 Quiratununlaca facaricalaquina! Weyanlari quiratununlaca facaricanato, anjelilaca miitutonan facaricanaminlanue.
1 Peter 5:12 in Colorado 12 Silvano in pilaca lachi tenchi chutenae. Lachi tencari yari Diosica seque quereimin aco joe. In pila nacábiri nulaca payito, tuca cuenta quinayoe. Inni Diosi tsarasica paca fiqui joe tinayoe tsachilaca laquirato se suwamin joeque. Junni jun fiquica tennato, natiya peleilaituna!
2 John 1:10 in Colorado 10 Junni nulachica micaribi jaminlaca tenca cato meráto quiralaquina! Juntonan tsarasi fiquica micarilaquitunari, yalaca tina facaricalaquituna! Yalabe nin wiyato seque chudilaide! titulajona! Tsanlatitori, yala seitonque pánanunca sen joe timin cuwenta patilaichunae. Junni nulachi yabinan yalaca tina pocalaquituna!
3 John 1:5 in Colorado 5 Nuri acolachi ticatiya munaranuncatiya cuwaca jominue. Quiratunun acola josatiya, cuwaniquinue. Junni tsanquino duque se jominue.
3 John 1:8 in Colorado 8 Junni chiquilari Diosica quereiminla joto, yalaca facaricanola joyoe. Tsanquitori, tsarasi fiquica pemicariminla cuwenta jocaichunae.