Acts 10:36 in Colorado 36 Junni aman Diosi israelítalaberi sen fiquica pasa carinue. Ya Jesucrístoca paca fiqui joe. Ya Jesucrístori se patarimin joe tinue yape tsachilabe Diosibe pa tala itolajosa. Jesucristo jeralelachi Miya joe tinue.
Other Translations King James Version (KJV) The word which God sent unto the children of Israel, preaching peace by Jesus Christ: (he is Lord of all:)
American Standard Version (ASV) The word which he sent unto the children of Israel, preaching good tidings of peace by Jesus Christ (He is Lord of all.) --
Bible in Basic English (BBE) The word which he sent to the children of Israel, giving the good news of peace through Jesus Christ (who is Lord of all)--
Darby English Bible (DBY) The word which he sent to the sons of Israel, preaching peace by Jesus Christ, (*he* is Lord of all things,)
World English Bible (WEB) The word which he sent to the children of Israel, preaching good news of peace by Jesus Christ--he is Lord of all--
Young's Literal Translation (YLT) the word that he sent to the sons of Israel, proclaiming good news -- peace through Jesus Christ (this one is Lord of all,)
Cross Reference Matthew 10:6 in Colorado 6 Israelítalachicasiri jilaide! tie. Yala Diosichi topiyaca opisa cuwenta jolajoe tie.
Matthew 11:27 in Colorado 27 Junni Jesuri yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi lasiri yachi Nao joto Apa Diosica tsa mirayoe tinue. Junto uyanlari la entendeisa caritunari, Diosica miino podeilaituchunae tinue.
Matthew 22:44 in Colorado 44 Miya Diosi lachi Miyaca mantachunae tinue yape yachi tsa tede nanchi chudito yabe pemantasa. Nuca fe losa cariyanae tichunae. Junni junte mechude! tichunae tinue nuca pa jominlaca fe losa carino fecári.
Matthew 28:18 in Colorado 18 Junni aman Jesús chiquilachica jato itsantie: —Jamochinan tobinan jera mantaca lachi cuwaca joe tie.
Luke 2:10 in Colorado 10 Junni anjeli mantimini jeleratulajode! tinue. Junsi itsantinue: —Meralaquede! tinue. Nulachi sen fiquica tanjanayoe tinue. Junni in fiqui duque son josa carimin fiqui joe tinue yape jeralela son jolajosa.
Luke 24:47 in Colorado 47 Junni la puyato mansonhicabi, piyanle tote tsachilaca jera meracarintsan jochunaeque chuteca joe tinue yalachi jutsaca piyarintsan jochunaeque. Aman jutsa quinunca telaquepoto, casan tala tenca mancalaquinari, yalachi jutsaca piyarichunaeque meracarintsan jochunae tinue. Casale Jerusalenbi, junte nechi piyanle tote, lachi mantate jera tsanque meracarintsan jochunaeque chuteca joe.
John 3:35 in Colorado 35 Apa Diosi yachi Naoca laquirato, yachi jera mantacanan cuwanue yape jeraleca mantamin josa.
John 5:23 in Colorado 23 Lachi tsanque jera mantá cuwacae yape jerale tsachila laca respetailaisa. Apa Diosica respetainola joe. Junni jun cuwentanan lacanan respetainola joe tie Diosichi Nao jonan. Lari Apa Diosichi Nao joto, Apa Diosi ereca jun jacayoe. Junni laca respetaituminlari Apa Diosicanan respetaitulajoe.
Acts 2:36 in Colorado 36 Tsan josanan, nula israelítalari ya Jesuca corosibi totesa carilaquinue tinue. Tsanni nula Jesuca totesa carica josa, Diosi yaca wenteto miya suwanue tinue. Yaca wenteto Cristo tinun suwanue tinue. Nula jeralela junca meralaquede! Tsarasica pánayoe; nene pátiyoe tinue. Pedro tsanque cuenta polarinue.
Acts 2:38 in Colorado 38 Junni Pédrori yalabenan itsantinue: —Nula jeralela jutsa quinunca telaquepoto, casan tala tenca mancato, mumunhilaide! tinue Jesucrístochi icayoe tito. Junni Diosi nulachi jutsaca piyarito, yachi Tencaca nulachibi wisa carichunae tinue. Epe cuwanique cuwenta, yachi Tencaca nulachibi wisa carichunae.
Acts 3:25 in Colorado 25 Junni ya Diosichi mantate paminla israelítalanan pejominlanue nula cuwenta. Yalari Diosichi fiquica matu mate patonan, nulachi tenchinan pánaminlanue. Aman Diosi patsa matu to Abrahanbe itsantinue. La nuchi alica mancaca wenteyanae tinue yape piyanle tote chuminlachi tenchi sen quisa. Junto Diosi nulachi matu to tata Abrahanbe tsantinato, nulachi tenchinan tsantinaminue tinue.
Acts 5:31 in Colorado 31 Junsi yaca jamochi laricanue tinue yape yachi tsa tede nanchi pemantato chusa. Junni Jesús jamochi chuto, israelítalaca yalachi jutsaca jera telaqueposa carino munarae. Yari nulachi jutsaca piyarino podeichunae.
Acts 11:19 in Colorado 19 Aman junsi israelítala Estébanca totetobi, jerale Jesucrístobe penenaminlabe seiton ica jominlanue. Junni israelítalaca jelechi Jesucrístobe penenaminla ara cura jera sujica jominlanue. Fenecia toca, Chipre toca, Antioquía puebloca sujica jominlanue. Junchi sujito nenato, Diosichi fiquica micaridede nenaminlanue. Junni casale israelítalacasiri micarinaminlanue.
Acts 13:32 in Colorado 32 Junni Pablo Diosichi fiqui miinun yabi camicarinato itsantinue: —Junsi chiquilanan ya sen cuentaca polarilaquinayoe. Meralaquede! tinue. Diosi chiquilachi matu to tatalabe pato, nulachi tenchi tsara seque queyanae tica joe tinue.
Acts 13:46 in Colorado 46 Juntonan Páblobe Bernabebe natiya jeleratuto, israelítalabe itsanlatinue: —Nulacari Diosichi fiqui casale micarino jominlayoe latinue. Nula mantimini ya fiquica natiya merátuchi tilatinae latinue. Diosibe numatotiya sonnato poleno munaitumin tsanni jolajoe. Jun tenchi chiquila nulaca telaquepoto, israelita itonlachica jilaichinayoe tilatinue. Yalaca Diosichi fiquica micaribi jilaichinayoe latinue.
Romans 10:11 in Colorado 11 Diosichi Pilabi itsanque chuteca joe: Jerale Crístobe cayaiminla luralaratuchunaeque chuteca joe.
Romans 14:9 in Colorado 9 Jun tenchi Cristo puyato mansonhinue yachi tsachila casonnalarasanan o puyaca jolajosanan yalachi Miya ichun.
1 Corinthians 15:27 in Colorado 27 Diosichi Pilabinan junca paca joe: Diosiri yaca jerale tilacatiya fe losa carichunaeque chuteca joe. Junni Diosiri Crístoca jeralelaca fe losa carichunae tinan, Diosicari fe lono itochunae. Junca tenhintsan joe.
2 Corinthians 5:18 in Colorado 18 Diosisiri jera tsanhisa carimin joe. Yari Crístoca erenue yape tsachilaca yabe manse patarisa. Junsi chiquilachi mantá cuwae yape uyanlacanan payilaquisa, yape yalanan Diosibe manse patilaisa.
Ephesians 1:20 in Colorado 20 Junni Diosi chiquilachi tenchi sonban joto, jun sonbabenan Cristo puyacaca mansonhisa carito, jamochi mantanloto yachi tsa tede nanchi chuteto tae.
Ephesians 2:13 in Colorado 13 Amanari wari nulari Jesucrístochi joto, uyan quiraque manjolajoe. Cristo yachi asanca larica jonun tenchi nulanan Diosichi pejolajoe.
Ephesians 4:5 in Colorado 5 Jesucrístori mancasiri Miya joe. Chiquila quereinun fiquinan man fiquisiri joe. Jeralela jun tsanquenan mumunhicalayoe.
Philippians 2:11 in Colorado 11 Jeralela palaquichunae Jesucrístori piyanlelaca mantamin Miya joeque. Jeralela tsanlatichunae yape Apa Diosicari tsara sen patsa joeque mirantsan josa.
Colossians 1:15 in Colorado 15 Junni Apa Diosiri quiratunun josanan, yachi Nao Diosi jotonan, quiranun inue yape tsachila Diosica miilaisa. Junni Diosichi Naori jera Diosi quicaca mantá tan joe.
Colossians 1:20 in Colorado 20 Junni yachi Naochi mantá cuwanue yape jeralelaca Diosibe se patarisa. Tote chuminlaca, jamochi chuminlaca, jeralelaca Diosibe se patarimin joe. Corosibi puyato, yachi asanca larito, jeralelaca se patarimin joe.
Hebrews 1:2 in Colorado 2 Junni amana mate, to jeraino queloinasa, Diosi yachi Naocaman chiquilabe cuenta quisa erenue. Yachi Naocari ticatiya piyanleca tsacumin jono joe tinue. Yachi Apachi mantate yari jeraca quica joe. To, yo, pe, ticatiya quica joe.
Hebrews 1:6 in Colorado 6 Yari Diosichi caque Nao joe. Junni Diosiri yaca na isa carichinato, itsantinue: Lachi anjelila jeralela ya naicachi cale telenhinola joe tinue.
Hebrews 7:2 in Colorado 2 Junni Abrahanni miyalaca fe loto, yalachica ticatiya jera josoleto tanjanaminue. Junni ya jera josoleto tanjananunca Melquisedechi nasi cuwanue Diosichi tenchi cuwanayoe tito. Chunca ticatiya cato, Melquisedechi manca cuwanue. Aman Melquisedec tito, jun fiquiri yalachi fiquichi pato, tuca mantamin miya tinun joe. Junsi Salem tinun pueblobi miya joe tito, Wepanatuto pansi chusa carimin miya joe tinun joe.
Hebrews 13:20 in Colorado 20 Diosi nulaca jera se quino poden josa carideque rocainayoe yape yabe mantaito nenano podeilaisa. Nula Jesucrístoca quereiminlaca se suwasa rocainayoe. Diosi nulaca duque sen josa munaranan, tsanquenan se suwasa rocainayoe. Yari chiquilaca pansi chusa carimin joe yape wepanatuto chularasa. Yari chiquilachi Miya Jesucristo puyaca jominca mansoncarinue. Ya Jesucrístori fe mantá tan joto, yachi tsachilaca seque cuidaimin joe opisaca seque cuidaimin cuwenta. Yari puyato yachi asanca larito, nulachi tenchi numatotiya trato joto polesa carica joe. Junni numatotiya yaca tsara sen joe tintsan joe. Tsanqueri joe.
1 Peter 3:22 in Colorado 22 Crístori jamochi loto, Apa Diosichi tsa tede nanchi mantato pechue. Junni jerale jamochi nenaminla, anjelilanan, mantá tanlanan, yabe mantaiminla joe.
Revelation 1:18 in Colorado 18 Sonnayoe. Puyaca jominnan mansonhicayoe numatotiya sonnato polechun. Junto tsachila puyato puyacalachica jica jominlaca la manse larino poden joyoe tie.
Revelation 17:14 in Colorado 14 Junni Opisa Nabe quera quicaalaquinaminca Opisa Nari fe ichunae tie. Ya Opisa Nari miyalaca mantamin Miya joe. Yari jerale mantaminlaca mantamin joe. Aman yachi tsachilari Diosi wenteca junla joto, yalari natiya peleituto Opisa Nabe penenaminla joe.
Revelation 19:16 in Colorado 16 Yachi camisabi, yachi botebi manca mumunnan chuteca joe. MIYALACA MANTAMIN MIYA, JERALE MANTAMINLACA MANTAMIN chuteca joe.