3 John 1:2 in Colorado

2 Jesucrístochi tsachila weyanlari lachica jato, labe cuenta quito, nuca seque nenae tilatie. Junni la Diosibe rocainato, nuchi tenca se jonan, nuchi pucacanan senan josa rocaimin joyoe. Nuca duque seque chusa carisa rocaimin joyoe. Junni aman nuca cuenta quimin tsachilari nuca seque pato, tsarasi paca fiquica meráto nenamin joe tilatie. Junni lari yalachi fiquica meráto, duque son tiyoe.

Other Translations

King James Version (KJV)

Beloved, I wish above all things that thou mayest prosper and be in health, even as thy soul prospereth.

American Standard Version (ASV)

Beloved, I pray that in all things thou mayest prosper and be in health, even as thy soul prospereth.

Bible in Basic English (BBE)

My loved one, it is my prayer that you may do well in all things, and be healthy in body, even as your soul does well.

Darby English Bible (DBY)

Beloved, I desire that in all things thou shouldest prosper and be in health, even as thy soul prospers.

World English Bible (WEB)

Beloved, I pray that you may prosper in all things and be healthy, even as your soul prospers.

Young's Literal Translation (YLT)

beloved, concerning all things I desire thee to prosper, and to be in health, even as thy soul doth prosper,

Cross Reference

Philippians 2:4 in Colorado

4 Junsi tencachique munaranuncasiri tenca calaquituna! Uyanla munaranuncanan petenca calaquina!

Philippians 2:27 in Colorado

27 Junni yari duque quiyanpun jominhe. Puyachinaminhe. Junnasa Diosi mantimini yaca duque laquirato manse suwae. Lacanan Diosi laquiraminhe. Epafrodito puyaca jomanpari, lari nantanancari laqui jono jomin joinhie. Junni Diosiri yaca manse suwanato, lacanan laquiraminhe yape duque laquiitusa.

Colossians 1:4 in Colorado

4 Chiquilari nulaca meralaquiyoe Jesucrístobe cayaito, jerale yachi tsachilaca laquiralaraeque. Jun tenchi nulachi tenchi acradeseiminlayoe.

1 Thessalonians 1:3 in Colorado

3 Nulanan chiquilachi Miya Jesucrístoca tennato, duque seque quiminla joe. Diosica laquirato, yaca meráno tenfeminla joe. Peleituto Jesucrístoca quereito ya manpatano fecári yaca meralarae. Junni tsanla jonunca tenca cato, chiquilachi Apa Diosibe rocaimin jolajoyoe.

1 Thessalonians 2:13 in Colorado

13 Junni nula chiquilachi fiquica meráto quereilaie. ¿Ya fiqui Diosichi fiqui joco? Junni nulari jun fiquica tsachilachi fiqui itoe tito, Diosichi fiquie tito, quereinilaie. Jun tenchi Diosibe numasitiya acradeseiminla joyoe. Jun fiquica meráto quereito, seilainae.

1 Thessalonians 2:19 in Colorado

19 Junni meralaquede! Chiquilachi Miya Jesucristo manpatano mate yachi cale wirurasa, nulacanan junte pewiruralarasa tenjae. Chiquila junca meralarayoe. Nulaca junte manquiranato, duque son tito manquiralaqueyanae chiquila nulaca ayudaicalayoe tito.

1 Thessalonians 3:6 in Colorado

6 Junni amanari pansi manjoyoe. Timoteo chiquilachica manjato cuenta quee. Nula Diosica duque tennato, nula tala laquiracaalaquito, seque chularae tie. Chiquilacanan laquirato mantenhiminla joe tie. Chiquila manquirachi tica cuwentanan, nulanan chiquilaca manquirachi latinae tie.

2 Thessalonians 1:3 in Colorado

3 Acola, soquila, numasitiya nulachi tenchi Diosibe acradeseinola joyoe. Nulari Diosica fécari tennamin ilainae. Nula tala fécari jeralelaca laquiracaaminla joe. Jun tenchi acradeseintsan joe.

2 Thessalonians 2:13 in Colorado

13 Junni tsan josatiya, acola, soquila, nulachi tenchi numasitiya Diosibe acradeseinola joyoe. Miya Jesús casalele nechi nulaca laquirato wentenue yape yachi Tenca nulaca se suwato se larisa. Tsarasi paca jun fiquica quereito, se lolaie.

James 5:12 in Colorado

12 Lachi acola, soquila, fe merántsan fiquica nulabe pachinayoe: Nulari tsarasica pachinayoe tito, Diosi mirasa juraquito pánayoe timinla joe yape uyanla nene joe tilatitusa. Aman tsanque palaquituna! tiyoe. Itsanqueri panola joe: Titiya tsa jonari, junca janhan tintsan jochunae. Tsarasica pamin tsachila juraquitusanan, janhan o te tinari, quereinilaichunae. Junni tsanque sequeri panola joe yape nulaca culpa quilaquitusa.

1 Peter 4:8 in Colorado

8 Junni seque tenca cantsan fiquica chutechinayoe: Nula tala tsarasi laquiracaalaquina! Nulari nulaca duque jutsa quiminlaca laquiratori, yalaca pailaituchunae.

2 Peter 1:3 in Colorado

3 Diosi duque poden joe. Junto chiquilachi tenchi jera quino jonunca quiniquinue yape Diosica meráto seque nenano podeilaisa. Tsarasi sen mantá tan joto, chiquilaca yabe cayaisa ticae. Junni ya cayaisa cariminca seque miito, tsanque seque nenano podeinola joyoe.

2 Peter 3:18 in Colorado

18 Junni chiquilachi Miya Jesucrístoca fe miide jito, yabe fécari sonban tenca ilaina! Yari chiquilaca se larimin joe. Yacari se tintsan joe. Amananan yaca se tinato, numatotiya yaca se tito polentsan jochunae. Tsanqueri joe.

Revelation 2:9 in Colorado

9 Nulaca mirayoe. Padeseilainae. Popere jolajoe. Tsan jotonan, Diosichi tsachila joto oco cuwenta jolajoe. Weyanlari nulaca yucacuraminla joeque jera mirayoe. Junni ya yucacuraminlari israelítala joto Diosichi jolajoyoe tinatonan, tsan itolajoe. Satanachi bolon tsachila jolajoe.