1 Timothy 2:5 in Colorado 5 Itsanque joe: Mancasiri Diosi joe. Junni Diosiri man nanchi joe; tsachilari man nanchi jolajoe. Junni quitsate Jesucrístosiri joe se patarichun. Yanan tsachi ica joto, se patarimin joe yape tsachilabe Diosibe pa tala itolajosa.
Other Translations King James Version (KJV) For there is one God, and one mediator between God and men, the man Christ Jesus;
American Standard Version (ASV) For there is one God, one mediator also between God and men, `himself' man, Christ Jesus,
Bible in Basic English (BBE) For there is one God and one peacemaker between God and men, the man Christ Jesus,
Darby English Bible (DBY) For God is one, and [the] mediator of God and men one, [the] man Christ Jesus,
World English Bible (WEB) For there is one God, and one mediator between God and men, the man Christ Jesus,
Young's Literal Translation (YLT) for one `is' God, one also `is' mediator of God and of men, the man Christ Jesus,
Cross Reference Mark 12:29 in Colorado 29 Junni Jesuri beconan pato itsantinue: —In mantá fe merántsan mantá joe tinue: Israelítala, meralaquede! Miya Diosi chiquilachi Diosi joe. Yasiri tsa Miya joe.
Luke 2:10 in Colorado 10 Junni anjeli mantimini jeleratulajode! tinue. Junsi itsantinue: —Meralaquede! tinue. Nulachi sen fiquica tanjanayoe tinue. Junni in fiqui duque son josa carimin fiqui joe tinue yape jeralela son jolajosa.
John 1:14 in Colorado 14 Junni ya “Diosichi Fiqui” tinun jominnan tsachi inue. Tsachi ito, chiquilabe pesonnaminue. Duque laquirato, tsarasica pamin jominue. Apa Diosichi mancari Nao joto, duque mantá tan jominue. Junni tsan jominca chiquilari quiralaquiyoe.
John 17:3 in Colorado 3 Nusiri tsa Diosi joe; lari Jesucristo nu ereca jun joyoe. Junni chiquilaca miraminla, yalari numatotiya sonnato polelaichunae tie.
Romans 3:29 in Colorado 29 ¿Diosi israelítalachisiri Diosi jun? ¿O jeralelachi Diosi jotun? Jeralelachi Diosi joe.
Romans 10:12 in Colorado 12 Junni Diosiberi israelítalanan, israelita itonlanan, jun tsannan jolajoe. Ya Miya joto, jeralelachi Miya joe. Junni jerale yabe rocaiminlaberi sen joe.
1 Corinthians 8:4 in Colorado 4 Junni epe diosi joe tinun moldechi tsachica epe cuwacaca tenca calaquisa! Ya tsachicaca fino munaraminla itsanlatichunae: Mancasiri Diosi joe latichunae. Junni epe diosi joe tinun molderi Diosi itolajoe latichunae. Junni tsachicaca yalachi cuwaca jonari, tichinantiya cuwaca itoe latichunae. Junto culpa ituto finiquintsan joe latichunae.
1 Corinthians 8:6 in Colorado 6 Tsan josanan, chiquila yalaca tennatulajoyoe. Chiquilari miralarayoe mancasiri Diosi joeque Apa Diosi. Yari jera quica jonan, yachi tenchi sonnalarayoe. Junsi mancasiri Miyanan joe Jesucristo. Yari Apa Diosichi mantate jera quica jonan, yachi sonbabe sonnalarayoe.
1 Corinthians 15:45 in Colorado 45 Junca Diosichi Pilabi itsanque chuteca joe: Casale tsachiri Adán tinun jominue. Yari sonnamin tsachi inueque chuteca joe. Junni Diosiri ya tsachichi pucaca quinato, toca quica jominue. In to tsachi jominue. Yachi alicalari ya tsannan jolajoyoe. Chiquilanan in to tsachila jolajoyoe ya cuwentanan. Junni nanni wanbileri manca tsachiman Adán cuwenta jominue. Ya Cristo jominue. Junni Adán sonnacachiri sonnamin jominue. Cristo mantimini sonnasa carimin joe. Yachi Tencari tsachilaca sonnasa carimin joe. Adán in to tsachi jonan, Crístori Diosichi to tsachi joe. Adanchi alicalari ya cuwenta jonan, Crístobe cayaica junlari Cristo cuwentanan jolajoyoe. Junni casale casaleri Cristo cuwenta itolajoyoe. Casale casaleri naitobi Adán cuwenta inola joyoe. Junte nechi aman Cristo cuwenta inola joyoe. Junni chiquilanan Adán cuwenta jominnan, Cristo cuwentanan jocaichunae.
Galatians 3:20 in Colorado 20 Junni manpolaricaca pánari, paluca cuwaminla jolajochunae; mancasiri itochunae. Diosi, ya trato quinato mantimini, ya mancasiri Abrahanbe panue.
Ephesians 4:6 in Colorado 6 Diosiri mancasiri joe. Ya jerale yaca quereiminlachi Apa joe. Yari jeralelaca mantamin joto, jeralelaca ayudaimin joto, jeralelachibi joe.
Philippians 2:6 in Colorado 6 Yari Diosi jotonan, Diosibe parejo cajochique tenfetunue.
Hebrews 2:6 in Colorado 6 Diosichi Pilabi yaca man postote pato, itsanque chuteca joe: Tsachila seiton jolajosatiya, nu Diosi chiquilaca tennamin joe. Tsachila epe jominlacatiya laquiramin joe.
Hebrews 7:25 in Colorado 25 Yari numatotiya sonnato polemin joe. Junto yaca quereito Diosibe cayaica junlachi tenchi numatotiya Apa Diosibe rocainato poleno podeichunae. Junto yalaca numatotiya se larino poden joe.
Hebrews 8:6 in Colorado 6 Jun patelela in tote Diosichi tenchi quimin jominlanue. Tsan josanan, Crístori jamochi Diosichi tsa postobi quinato, fécari seque quimin joe. Matu mate Diosiri israelítalabe trato quinue. Amana mate chiquilachi tenchi fécari seque queyanae tito, casan trato quica joe. Yari fécari sen trato joe. Jun tsanquenan Crístori israelita patelelaca fécari sen patele joe.
Hebrews 9:15 in Colorado 15 Junni Cristo chiquilachi tenchi casan trato quisa carinue. Caque tratobe penenato, jutsa quimin cajominlanue. Junni Cristo puyanue ya jutsa tenchi jera pacara quichun. Casan tratori testamento quinun cuwenta jochunae. Jana testamento pila quimin tsachila pila quilaquichunae molatiya erensia cano jonunca. Junni casan trato quicabe Diosi wenteca junlachi tenchi Diosi numatotiya tsara seque quichunae erensia cuwanun cuwenta.
Hebrews 12:24 in Colorado 24 Junsi nulari Jesúchicanan jacala joe. Ya chiquilaca jera se patarinue Diosibe casan tratoca quito. Ya casan tratoca quinato, yachi asanca larinue. Junni Jesuchi asanca tenca canato, matu tote Abélicanan tenca calaquede! Abélichi asanca mantenhito, totenun tenchi casticaquintsan joeque tenhintsan joe. Aman Jesuchi asanca tenca cato fe seque tenca cantsan joe. Yachi asanbe tsachilaca perdonaichun trato quinue.
Revelation 1:13 in Colorado 13 Jun quiranari jun quitsale tiyato wiruranue. Tsachi ica jun tinun tsachinan quiran joe. Nede fecári baren camisa pun, tencabi oro sendorica quica jun, jonue. Oroca quica sendori joe.