1 Corinthians 15:2 in Colorado 2 Lari nulaca jun fiquica micaricayoe. Junni nula jun fiquica quereito telaquepotutori, se loca jolajochunae. ¿O jamoleri quereicala joyun?
Other Translations King James Version (KJV) By which also ye are saved, if ye keep in memory what I preached unto you, unless ye have believed in vain.
American Standard Version (ASV) by which also ye are saved, if ye hold fast the word which I preached unto you, except ye believed in vain.
Bible in Basic English (BBE) By which you have salvation; that is to say, the form in which it was given to you, if it is fixed in your minds, and if your faith in it is not without effect.
Darby English Bible (DBY) by which also ye are saved, (if ye hold fast the word which I announced to you as the glad tidings,) unless indeed ye have believed in vain.
World English Bible (WEB) by which also you are saved, if you hold firmly the word which I preached to you--unless you believed in vain.
Young's Literal Translation (YLT) through which also ye are being saved, in what words I proclaimed good news to you, if ye hold fast, except ye did believe in vain,
Cross Reference Luke 8:13 in Colorado 13 Junsi weyanlachi tencari su jamote cuwenta jolajochunae. Aman yalari Diosichi fiquica meráto, son tito meralaquichunae tinue. Junto telenle potuca jun cuwenta, moora fecári tennaminla joto peleiyoe tilatichunae tinue. Yucan yalaca jutsa manquisa carichi tinan, Diosichi fiquica mantelaquilaquichunae tinue.
John 8:31 in Colorado 31 Junni Jesús yaca tennamin israelítalabe itsantie: —Nula peleituto lachi fiquica meráto nenatori, lachi tsachila patsa jolajochunae tie.
Acts 2:47 in Colorado 47 Diosica seque pamin jominlanue. Junni jerale tsachila Jesucrístobe penenaminlaca quirato, sen jolajoe timin jominlanue. Junni Miya Diosi ma cura uyan tsachilacanan se larinan, yalanan Diosichi tsachilabe pelayailainue.
Acts 8:13 in Colorado 13 Junsi Simonnan quereito mumunhito, Felípebe penenaminue. Felipe mantimini duque wepanato quirantsancari seque quinaminue yape tsachila Diosica tenca calaquisa. Junni Simonni junca quirato duque wepananue.
Romans 1:16 in Colorado 16 Jesucrístoca paca sen fiquica lari luratiyoe. Jun fiquiri sonban jonan, Diosi jutsa quiminlaca junbe se larimin joe. Jerale jun fiquica quereiminlaca se larimin joe casale israelítalaca, jun benete israelita itonlacanan.
Romans 11:22 in Colorado 22 Tenca calaquede! Diosi duque laquiratonan, casticanan quimin joe. Yaca telaquepoto, quereituchi timinlaca quirato casticaquimin joe. Nula quereimin jonunca quirato laquiramin joe. Junni nulanan yaca telaquepolaquituna! Tsannari, nulacanan manporeerechunae.
1 Corinthians 1:18 in Colorado 18 Junni tsachilachi mite uraran fiquichi micarituto, Diosichi sen fiquica micarimin joyoe Cristo corosibi puyanueque. Yucanchibi puyano junla mantimini jun fiquica epe joe timinla joe. Chiquilari wari se lominla joto miralarayoe ya sen fiqui joeque. Jun fiquica meráminlachi tenchi Diosi sonban joto ayudaichunae.
1 Corinthians 1:21 in Colorado 21 Ya tsachila duque miraminla jotonan, Diosica miino podeitucala joe. Diosi tsa miramin joto, tsan josa carinue tsachilaca uyan quiraque se larichun. Tenca mánta Diosica miino podeitunan, chiquila micarica fiquica quereiminlaca se lariyanae tinue. Ya tsachilari Diosichi fiquica micarinoca epe joe timinla josanan, Diosi tsanque se larinoca se joe tinue.
1 Corinthians 15:11 in Colorado 11 Junni la, o man weyanla, micarilaquinan, ya fiqui micaricaca nulari quereilaie.
1 Corinthians 15:14 in Colorado 14 Junni Cristo mansonhitumanpari, chiquilari epele micarimin jono jominla joinhie. Nulanan Crístobe epenan cayaica jono jominla jonhoe.
2 Corinthians 2:15 in Colorado 15 Itsanque joe: Chiquilari Crístochi insienso lucu cuwenta jolajoyoe. Junni Crístori insienso lucuca Diosichi tenchi quimin joe. Junni insienso lucu quinaminca tsachila pubailaichunae. Se loca jun tsachilanan, casticaino junlanan, yaca pubailaichunae.
2 Corinthians 6:1 in Colorado 1 Junni chiquilari Diosibe peayudainato, nulaca itsanque payilaquinayoe: Diosiri nulaca duque laquirato se larichi tinae. Junni nulari junca meráto, epele merátulajona!
Galatians 3:4 in Colorado 4 Duque padeseinatonan, ¿epenan padeseilaiyun? Natiya epe itono jonhoe.
Ephesians 2:8 in Colorado 8 Diosi chiquilaca laquichi se larinue Jesucrístobe cayaica jonun tenchi. Junni tenca mánta se lolaitiyoe. Sen jochique tenfenatonan, tenca mántari natiya se lono podeilaituanae. Tsan josanan, epe cuwanique cuwenta Diosi chiquilaca laquirato se larinue yape monantiya uyanlaca fe sen jolajoyoe tilatitusa.
Colossians 1:23 in Colorado 23 Junni nulari jun mate sen jochun yaca duque tennato canenanola joe. Jesucrístochi sen fiquica meráto, Diosichi tsara senca meralaquinue. Jun senca nulachi cuwano joeque meralaquinue. Junni yaca seque tenca cato méranola joe. Sonban tenca ito, peleituto, jun senca méranola joe. Jun sen fiquicari jerale tote chuminlaca micarica joe. Junni la Páblonan jun sen fiquica micarimin iyoe.
2 Thessalonians 2:15 in Colorado 15 Junni acola, soquila, sonba tenca inilaina! Chiquila micarinanan, meran pun ito nenalarana! Fiquichi micaricaca, o pilachi micaricacanan, jeraleca seque merámin ito natiya peleilaituna!
2 Timothy 1:9 in Colorado 9 Diosi chiquilaca se larito tsara seque nenasa carimin joe. Juntonan chiquila se quinun tenchi chiquilaca se laritue. Yachi tenca munatenan chiquilaca se larie. Itsanque joe: Diosi to caquituminnan miraminue chiquila Jesucrístochi jonola jonunca. Junto chiquilaca laquirato se larino tenca canue.
Hebrews 2:1 in Colorado 1 Jun tenchi Diosichi fiquica fécari meráto, duque tennanola joyoe manpansituchun.
Hebrews 3:6 in Colorado 6 Crístori merámin joto, yari Diosichi yabi mantamin jominue Diosichi Nao joto. Junni chiquilari Diosi chunun ya cuwenta jolajoyoe. Junto peleituto quereinola joyoe. Diosi chiquilachi tenchi seque quino jonunca son tito meralarayoe. Tsanque seque nenanoca puratutori, Diosi chunun ya cuwenta jolajoichunae.
Hebrews 3:14 in Colorado 14 Nulari Crístobe cayaitobi, yaca tennato pansi nenamin jominlae. Junni puyano fecári tsanque nenatori, Crístobe man junni jolajochunae.
Hebrews 4:14 in Colorado 14 Jesús Diosichi Nao joto, fe mantá tan patele joe chiquilachi tenchi. Chiquila cumana tenca jolajoyoe. Tsan jominlaca chiquilachi patele laquiratumanpari, pansile pele tenca ito Diosica quereino telaquepono jominla joinhie. Junni laquiramin joe. Yucan chiquilaca jutsa quisa carichique tenfemin joto, Jesúcanan jun tsanquenan jutsa quisa carichique tenfenue. Tsanque tenfenasanan, jutsa quitunue. Junni ya chiquilachi patele joto, ya chiquilachi tenchi Diosichibi wica joe. Jun tenchi chiquila quereinunca natiya telaquepolaquitusa!
Hebrews 10:23 in Colorado 23 Numa palaquiyoe Diosi chiquilachi tenchi seque quino jonunca meralarayoeque. Junni Diosi tsanqueyanae tito, nene patumin jochunae. Junni nulanan peleituto, jun tsanquenan tenca cato meralarana!
James 2:14 in Colorado 14 Lachi acola, soquila, tsachila seitonque canenato Diosica quereimin joyoe titori, epe palaquichunae. Tsanque quereiminlari se lonola itochunae.
James 2:17 in Colorado 17 Junni Diosica quereimin joyoe tinatonan, seque quitutori, epele quereiminla jochunae. Puyaca cuwenta jochunae.
James 2:26 in Colorado 26 Aman jana tsachila puyato, pucari jera epe iminla joe tenca loto. Junni Diosica quereinatonan seque quitutori, jun tsanquenan epe jochunae puyaca jun tsachi puca cuwenta.