1 Corinthians 1:9 in Colorado

9 Junca Diosi nene patumin joe. Ya nulaca cayaisa tica jominhe yape yachi Naobe man junni jolajosa. Ya Naori chiquilachi Miya Jesucristo joe. Junni nulaca Crístobe cayaisa tito, seque nenasa carichunae nene patuto.

Other Translations

King James Version (KJV)

God is faithful, by whom ye were called unto the fellowship of his Son Jesus Christ our Lord.

American Standard Version (ASV)

God is faithful, through whom ye were called into the fellowship of his Son Jesus Christ our Lord.

Bible in Basic English (BBE)

God is true, through whom you have been given a part with his Son, Jesus Christ our Lord.

Darby English Bible (DBY)

God [is] faithful, by whom ye have been called into [the] fellowship of his Son Jesus Christ our Lord.

World English Bible (WEB)

God is faithful, through whom you were called into the fellowship of his Son, Jesus Christ, our Lord.

Young's Literal Translation (YLT)

faithful `is' God, through whom ye were called to the fellowship of His Son Jesus Christ our Lord.

Cross Reference

Matthew 24:35 in Colorado

35 Yoquidonan, tonan, jeraichunae. Lachi fiqui mantimini numanan epe fiqui ituchunae tie; la ticatiya tsanhichunae tinari, jun tsannan ichunae tie.

John 15:4 in Colorado

4 Junto nula labe man junni jonola joe. Lanan nulabe man junni joanae tie. Uba aliri silibi churatutori, numanan puca ino podeituchunae tie. Nulanan jun tsanquenan labe man junni itotori, natiya seque nenano podeilaituchunae tie.

John 17:21 in Colorado

21 yape jeralela man junni jolajosa. Apa Diosi, ¿labe nube man junni jolajoyoco? tie. Junni inlanan chiquilabe man junni jonola joe tie. Tsan jonola joe yape nuca tennatuminlari quereilaisa la nu ereca jun jaca joeque.

Romans 8:28 in Colorado

28 Diosi yaca laquiraminlachi tenchi ticatiya jera seto cuwamin joe. Diosi ya laquiraminlaca yabe cayaisa tica jominue yalacanan se suwachun.

Romans 8:30 in Colorado

30 Junni wenteca junlaca yabe cayaisa tinue. Junni tsanticalaca culpa itonla joe tinue. Junni culpa itonla joe tinunlaca duque sen suwanue.

Romans 9:24 in Colorado

24 Ya laquiranunla chiquila jolajoyoe. Diosiri chiquilaca yabe cayaisa tica joe. Israelítalacasiri yabe cayaisa titue; israelita itonlacanan yabe cayaisa tinae.

Romans 11:17 in Colorado

17 Junni chide peleca manan tenca calaquede! Israelítala mantimini tsachi tanun sen olibo tinun chide pele cuwenta jolajoyoe. Israelita itonlari jelen olibo pele cuwenta jolajoe. Junni tsachi tanun olibo pele ali poreereto, nulaca junbi tulannue. Junni nulari tsachi tanun olibo pelebi pealimentailainae.

1 Corinthians 1:30 in Colorado

30 Ya nulaca Jesucrístobe pesonnasa carimin joe. Junni Jesucrístori Apa Diosichi mantate chiquilaca duque seque quimin joe. Chiquilaca mirasa carimin joe. Yachi tenchi Diosi chiquilaca sen jolajoe timin joe. Ya chiquilaca se larimin joto, fe seisa caridede jimin joe.

1 Corinthians 10:13 in Colorado

13 Yucanni nulaca niyaquetiya jutsa quisa carichique tenfenasatiya, nulari yaca feino podeilaichunae. Yucanni nulacanan uyanlacatiya fécari pasuwatumin joe. Piyanlelacanan jun tsancarinan pasuwamin joe jutsa quisa carichique. Tsanquinasanan Diosiri nulaca telaquepotuchunae. Nula tsansiri wantaino poden jonari, yucan wari nantari pasuwatuchunae. Diosi yaca porechunae wari nantari pasuwatusa. Yucan pasuwanasanan, Diosi nulachi micuwachunae niyaito yucanca feino jonunca. Diosi micuwanan, nula yucan pasuwanaminca wantaino podeilaichunae jutsa quituto.

1 Corinthians 10:16 in Colorado

16 Chiquilari acradeseinun bino cuchinato, jeralela man junni joto Cristo chiquilachi tenchi puyato asan larinueque tenca caminlayoe. Bibu pisuleto finato, jeralela man junni joto, Cristo puyato mansonhicaca tenca caminlayoe.

2 Corinthians 1:18 in Colorado

18 Diosi nene patumin joe. Junni chiquilanan ya cuwenta joto, janhan titori, fiqui canbiyaituminlayoe.

Galatians 1:15 in Colorado

15 Tsan josanan, laca na caitumincanan Diosi wenteca jominue. Junto laca duque laquirato, yabe cayaisa carie.

Galatians 2:20 in Colorado

20 Lari Crístobe corosibi petotaica cuwenta joyoe. Junni lari casonnatonan, lachi tenca munateri nenatiyoe. Crístori lachi tencabi pechuto, ya ticatiya seque quimiyamin joe. Lachi pucabe casonnayoe. Juntonan Diosichi Naoca tennato sonnayoe. Yari laca duque laquirato tencachiquenan cuwapoinue lachi tenchi puyachun.

Ephesians 2:20 in Colorado

20 Jesucrístochi tsachila jeralela layaito, suca quica ya cuwenta jolajoichunae. Jesucristo patsa, yari caque chuteca su cuwenta jochunae. Ya quiminlari ya suca quirato miintsan jochunae ya seque quinanunca. Junni Crístochi mantá tanlanan, Diosichi mantate paminlanan, yalari jun ya tenchi simiento quica su cuwenta jolajochunae. Yala micarinanunca meráto seiminla joyoe. Junni nulanan Jesucrístochi joto, jun yabi su cuwenta pejolajoe. Diosichi Tenca nulachibi chusa, nula Diosichi ya cuwenta jolajoe yape Diosi nulachibi chusa. Junni jun yaca quinasanan, quinasanan, Miya Diosichi ya peilainayoe.

Ephesians 3:6 in Colorado

6 Junni ya sen fiquiri itsanque joe: Israelita itonlanan Diosichi tsachila pejono podeilaichunaeque. Nanni matunan Diosi trato quica jominue yachi tsachilaca se larichun. Junni amanari israelítalasiri Diosichi tsachila itolajoyoe; israelita itonlanan Jesucrístobe cayaitori yachi tsachilanan pejolajoe. Jeralela man bolonni jolajoyoe israelítalabe israelita itonlabe.

Colossians 1:24 in Colorado

24 Aman nulachi tenchi duque padeseinatotiya, son jonijoyoe. Crístochi tsachilari layaito yachi puca cuwenta jolajoe. Junni yalaca la ayudaimin joyoe. Diosi lachi tsanque mantá cuwaca joe yape nulaca yachi fiquica jera micarisa. Junni Crístori labe pae yachi tsachilachi tenchi duque padeseichunaeque. Junni lari capadeseino jonunca jera padeseinayoe.

1 Thessalonians 2:12 in Colorado

12 Diosi nulaca yabe cayaisa ticae yape ya mantananun tsachi bolonbi pewilaisa, yape ya cuwentanan sen jolajosa. Junni yari nulabe duque sen jonan, nulari Diosichi sen tsachila jonola joe. Junni chiquilari tsanque seque nenalarasa payimin jominlayoe.

1 Thessalonians 5:23 in Colorado

23 Diosi chiquilaca pansi chusa carimin joe yape wepanatuto chularasa. Junni yabe rocainayoe yape nulaca jera se suwasa. Nulaca cuidaisa rocainayoe yape nulachi tencanan, nulachi pucanan, sen jolajosa. Se suwasa rocainayoe yape Jesucristo manpatano mate culpa iton jolajosa.

2 Thessalonians 2:14 in Colorado

14 Nulaca se larichun wentenue. Chiquilachi sen fiquica merása carito se larinue yape jun fiquichi chiquilachi Miya Jesucrístobe tsara sen mantá petalarasa.

2 Thessalonians 3:3 in Colorado

3 Tsan jolajosanan, yalari Miyaca quereituchi timinla josanan, yacari quereintsan joe. Ya nulaca sonba tenca suwato isaichunae yape yucan nulaca fe lotusa.

2 Timothy 1:9 in Colorado

9 Diosi chiquilaca se larito tsara seque nenasa carimin joe. Juntonan chiquila se quinun tenchi chiquilaca se laritue. Yachi tenca munatenan chiquilaca se larie. Itsanque joe: Diosi to caquituminnan miraminue chiquila Jesucrístochi jonola jonunca. Junto chiquilaca laquirato se larino tenca canue.

Titus 1:2 in Colorado

2 Chiquila numatotiya jamochi sonnato polenola joyoeque quereiminla joyoe. Jun tenchi la Diosi mantaca jun nenayoe. Diosi to caquituminnan panue chiquila numatotiya sonnato polenola joeque. Junni ya nene patumin jonan, ya paca fiquica tsa lono joeque meralarayoe.

Hebrews 2:17 in Colorado

17 Junni Jesuri mantá tan patele ino jominue. Patelelari Diosibe mantaito nenaminla joe tsachilachi jutsaca piyarisa carichun. Junni tsachilaca laquiramin mantá tan patele jochun, tsachilabe jun tsannan ino jominue.

Hebrews 3:1 in Colorado

1 Junni aman acola, soquila, nulanan Diosichi jolajoe. Nulacanan jasa carinue yape yachibi pechularasa. Junni Jesucrístoca tenca calaquede! Chiquila quereinun fiquica ya cuenta quee. Chiquila quereiminlachi tenchi ya duque mantá tan patele cuwenta joe.

Hebrews 3:14 in Colorado

14 Nulari Crístobe cayaitobi, yaca tennato pansi nenamin jominlae. Junni puyano fecári tsanque nenatori, Crístobe man junni jolajochunae.

Hebrews 6:18 in Colorado

18 Junni yari palu fiqui cuwenta patie. Diosi trato quica fiqui man fiqui joe. Diosinan testico ito meráyoe tica, yanan man fiqui joe. Ya palu fiquica tsachila fe tenhino podeilaichunae Diosi nene patuchunaeque. Junni chiquilachi tenchi ya palu fiqui cuwanue. Chiquilari se lochun Diosibe cayaica jolajoyoe. Junni chiquilari jun fiquibe tsarasica mirano poden jolajoyoe. Son tito mirano poden jolajoyoe chiquilachi tenchi ticatiya sen quichunaeque. Seque queyanae titori tsanquichunae.

Hebrews 10:23 in Colorado

23 Numa palaquiyoe Diosi chiquilachi tenchi seque quino jonunca meralarayoeque. Junni Diosi tsanqueyanae tito, nene patumin jochunae. Junni nulanan peleituto, jun tsanquenan tenca cato meralarana!

Hebrews 11:11 in Colorado

11 Abrahanchi sona Sárari duque sinuca jominnan, Diosica quereito, na wino podeinue. Diosinan yabe paca jominue na wichunaeque. Junni na winue Diosi tsa pamin jonan.

1 Peter 5:10 in Colorado

10 Junni nulari nasi padeseinunbi, Diosiri nulaca jera manse patarito, jera sonba tenca mansuwachunae. Nulaca laquirato, niyaquetiya se quimin joe. Junsi Jesucrístobe cayaisa ticae yape numatotiya yabe uraran tsente pechuto polelaisa.

1 John 1:3 in Colorado

3 Yaca quirato, yaca meráto, nulabe cuenta polarinayoe yape nulanan chiquilabenan man junni jolajosa. Chiquila mantimini Diosibenan yachi Nao Jesucrístobenan man junni jolajoyoe.

1 John 1:7 in Colorado

7 Diosi mantimini tsente chue. Junni tsachilanan tsente cuwenta seque nenatori, yabe man junni jolajochunae. Chiquilari tsente nenalaranari, Diosichi Nao Jesucrístochi asan chiquilachi jutsaca jera tsalemin jochunae.

1 John 4:13 in Colorado

13 Yachi Tencaca chiquilachibi erenue. Junnan miino podeilaiyoe yabe penenalaranan, yanan chiquilabe penenaeque.

Revelation 19:11 in Colorado

11 Junni Diosichi to lasainan, fibaden calu quiraie. Junbi chuminni “Tsarasica Pato, Encanatumin Joe” tinun joe. Yari jutsa quiminlaca duque tuca miito casticaquimin joe. Quera quicaato, se patarichunni quicaamin joe.