Titus 2:10 in Chumburung 10 Ŋkee bo̱ ma kaŋ ywii, na a sa a bamo̱ nyaŋpe̱‑ana kɔɔre̱ bamo̱ gyi ke̱tɔ ke̱maa‑rɔ. Bamo̱ ya waa mfaanɛɛ, ne̱ bamo̱ nyaŋpe̱‑ana i ŋu fe̱yɛ ane̱ ke̱kaapo̱ ane̱ ɔmo̱rɔwe̱po̱ Wuribware̱ a ase̱ŋ‑ɔ bo̱ daŋ.
Other Translations King James Version (KJV) Not purloining, but shewing all good fidelity; that they may adorn the doctrine of God our Saviour in all things.
American Standard Version (ASV) not purloining, but showing all good fidelity; that they may adorn the doctrine of God our Saviour in all things.
Bible in Basic English (BBE) Not taking what is not theirs, but giving clear signs of their good faith, in all things doing credit to the teaching of God our Saviour.
Darby English Bible (DBY) not robbing [their masters], but shewing all good fidelity, that they may adorn the teaching which [is] of our Saviour God in all things.
World English Bible (WEB) not stealing, but showing all good fidelity; that they may adorn the doctrine of God, our Savior, in all things.
Young's Literal Translation (YLT) not purloining, but showing all good stedfastness, that the teaching of God our Saviour they may adorn in all things.
Cross Reference Matthew 5:16 in Chumburung 16 Mfaanɛɛ dɛɛ ne̱ mo̱nꞌ laŋŋe̱‑rɔ ase̱sɛ akatɔ‑rɔ, na bo̱ nya ŋu atɔ timaa ne̱ mo̱ne̱ e̱ waa‑ɔ, na bo̱ kyo̱rɔ Wuribware̱, mo̱ne̱ se̱ ne̱ ɔ bo̱ so̱so̱‑ɔ.”
Matthew 24:45 in Chumburung 45 Ne̱ Yeesuu a kya se̱ tɔwe̱ gywii mò̱ agyase̱po̱‑ɔ fe̱yɛ, “Mo̱ a fu‑ro a m ba se̱‑ɔ, mo̱ e̱ kaapo̱ mo̱ne̱ ke̱yaafɔre̱ ne̱ mo̱ ase̱ o nyi ase̱ŋ, ne̱ o bware‑o. Mo̱nꞌ sa a ane̱ taa fe̱yɛ nyaŋpe̱ ko̱ e̱ kpa a o tu kpa, ne̱ ɔɔ taa ke̱yaafɔre̱ ko̱ fe̱yɛ ɔ bo̱ de̱e̱re̱ mò̱ lɔŋ na mò̱ ayaafɔre̱ ne̱ baa saŋ‑ɔ se̱, na bo̱ nya nya ateese gyi saŋ ne̱ a bware fe̱yɛ bo̱ gyi‑o.
Luke 16:6 in Chumburung 6 Ne̱ ɔ yɛ, ‘Mfɔ aŋko̱re̱ ke̱lafa bo̱rɔ bo̱‑rɔ.’ Ne̱ ke̱yaafɔre̱‑ɔ yɛ, ‘Ke̱e̱, ko̱kɔ a wo̱re̱ ne̱ fo̱ a kyo̱rɛɛ sa mo̱ nyaŋpe̱‑ɔ. Taa na fo̱ kye̱na na fo̱ kyurowi ke̱lafa‑ɔ kyo̱rɛɛ fe̱yɛ amo̱ kanɔ bo̱ adunuu.’
Luke 16:10 in Chumburung 10 Ɔke̱maa ne̱ o gyi kase̱ŋtiŋ nse̱ŋ ngyingyii‑ro‑o i gyi kase̱ŋtiŋ ase̱ŋ dabe̱‑rɔ, ne̱ ɔko̱ ne̱ mò̱‑ɔ mò̱ e̱ ba aye̱ba nse̱ŋ ngyingyii‑ro‑o mɔ e̱ ba aye̱ba ase̱ŋ dabe̱‑rɔ.
John 12:6 in Chumburung 6 Mò̱ a tɔwe̱ amo̱‑ɔ, n gye̱ sa ne̱ atiripo̱ ase̱ŋ e̱ gye̱ ne̱ a tiri mò̱, amaa bo̱ le̱e̱ ane̱ŋ ne̱ ɔ gye̱ oyu‑o si. Mò̱ ase̱ ne̱ Yeesuu mò̱ aa mò̱ agyase̱po̱‑ɔ atanne̱ bo̱, amaa mò̱‑ɔ mɔ i ywii amo̱ ako̱ o gyi.
Acts 5:2 in Chumburung 2 Ne̱ mò̱ aa mò̱ ka a waa kanɔ, ne̱ ɔɔ te̱ŋ atanne̱‑ɔ kitiŋ lee, ne̱ ɔɔ taa amo̱ ne̱ aa saŋ‑ɔ yaa bo̱ sa ayaa‑rɔ aye̱re̱po̱‑ɔ fe̱yɛ bo̱ ke‑ro sa atiripo̱‑ɔ, ne̱ baa waa fe̱yɛ atanne̱‑ɔ gye̱ amo̱ ne̱ baa fe bamo̱ ko̱dɔɔ‑ɔ nya‑ɔ pɛɛɛ ne̱e̱.
1 Corinthians 4:2 in Chumburung 2 Ke̱tɔ ne̱ ko̱ kyɔ, ne̱ ki tii si‑o e̱ gye̱ fe̱yɛ ane̱ŋ a ayaafɔre̱‑ɔ kaapo̱ fe̱yɛ Wuribware̱ e̱ taare̱ a ɔ kɔɔre̱ bamo̱ gyi.
Ephesians 4:1 in Chumburung 1 Mo̱ ne̱ baa kperi kusuŋ ne̱ mo̱ e̱ waa mo̱ e̱ sa ane̱ nyaŋpe̱ Yeesuu‑o si tii mo̱‑ɔ e̱ ko̱re̱ mo̱ne̱ ne̱e̱ fe̱yɛ, Wuribware̱ a te̱e̱ mo̱ne̱ fe̱yɛ mo̱nꞌ kye̱na kakye̱na timaa‑o si‑o, mo̱nꞌ le̱ŋ e̱ye̱e̱ kye̱na ane̱ŋ.
Philippians 1:27 in Chumburung 27 Mo̱ne̱ fe̱raa, ke̱tɔ ke̱maa ya waa mo̱ gbaa ooo, mo̱nꞌ de̱e̱ kye̱na fe̱yɛ Kristoo awuye‑o, ane̱ŋ ne̱ a bware bo̱ sa Kristoo kuŋu si ase̱ŋ timaa‑o. Ne̱ mo̱ne̱ ya taare̱ waa mfaanɛɛ fe̱raa, hare̱e̱ gbaa mo̱ ya nya mo̱ e̱ye̱e̱ ba bo̱ ka mo̱ne̱ kanɔ, bɛɛɛ mo̱ŋ nya ooo, mo̱ i nu fe̱yɛ mo̱ne̱ de kanɔ ko̱ŋko̱ mo̱ne̱ ye̱re̱‑rɔ keŋkeŋ, ne̱ mo̱ne̱ a waa kanɔ mo̱ne̱ e̱ kɔ mo̱ne̱ e̱ sa Wuribware̱ a kase̱ŋtiŋ‑o, na mo̱ne̱ mo̱ŋ se̱re̱ mo̱ne̱ ado̱ŋ. Ane̱ŋ se̱‑ɔ, Wuribware̱ e̱ gye̱ ne̱ ɔ ba amo̱‑ɔ a ɔ bo̱ kaapo̱ mo̱ne̱ ado̱ŋ‑ɔ nɛɛnɛɛ fe̱yɛ bo̱ maa nya ŋkpa na kukyure ne̱ a mo̱ŋ de kɛɛ‑ɔ, amaa mo̱ne̱ fe̱raa, mo̱ne̱ e̱ nya ane̱ŋ a ŋkpa na kukyure‑o.
Philippians 2:15 in Chumburung 15 Mfaanɛɛ ne̱ mo̱ne̱ e̱ taare̱ a mo̱nꞌ le̱e̱ e̱bɔye̱‑rɔ, na ɔko̱ ma taare̱ po̱rɔ mo̱ne̱, na mo̱nꞌ kii Wuribware̱ mò̱ gyi‑ana ne̱ bo̱ mo̱ŋ de e̱bɔye̱, ne̱ bamo̱ ŋkpo̱nɔ‑rɔ a fwiiri‑o. Mo̱ne̱ a te ndɔɔ a kaye̱ mɔ‑rɔ a ase̱sɛ ne̱ bo̱ de mfɛɛre̱ bɔye̱ na apoo‑o‑ro‑o si‑o, mo̱ne̱ e̱ gye̱ ne̱ mo̱nꞌ kra abware̱se̱ŋ ne̱ a sa ŋkpa na kukyure ne̱ a mo̱ŋ de kɛɛ‑ɔ‑rɔ, na mo̱nꞌ bo̱ kaapo̱ ane̱ŋ a ase̱sɛ‑ɔ. Mo̱ne̱ e̱ gye̱ ne̱ mo̱nꞌ laŋŋe̱‑rɔ fe̱yɛ ane̱ŋ ne̱ kiferi e̱ laŋŋe̱‑rɔ kanye‑o. Mo̱ne̱ ya waa mfaanɛɛ fe̱raa, mo̱ne̱ se̱‑ɔ, mo̱ e̱ taare̱ a ŋ kaapo̱ mo̱ e̱ye̱e̱ Kristoo akatɔ‑rɔ kake nsi ne̱ ɔ be̱e̱ o kiŋŋi a ɔ ba‑ɔ, na a kaapo̱ fe̱yɛ mo̱, Pɔɔl, mo̱ŋ suŋ kusuŋ keŋkeŋ sa mo̱ne̱ bo̱ twe̱e̱.
Philippians 4:8 in Chumburung 8 Mo̱ ko̱so̱bɛɛ‑ana, ŋkee mo̱nꞌ de̱e̱ fa atɔ timaa ne̱ a de ke̱nyare̱‑ɔ mfɛɛre̱ na atɔ ne̱ a gye̱ kase̱ŋtiŋ, ne̱ a sa se̱sɛ ke̱dabe̱, ne̱ a bware, ne̱ a mo̱ŋ de iyisi, ne̱ a gyi akatɔ, ne̱ a sa ne̱ ba kyo̱rɔ se̱sɛ‑ɔ.
1 Timothy 1:1 in Chumburung 1 Mo̱, Pɔɔl, ne̱ ane̱ ɔmo̱rɔwe̱po̱ Wuribware̱ na Kristoo Yeesuu ne̱ ɔ gye̱ ane̱ te̱maa, ne̱ ɔɔ tɔwe̱ fe̱yɛ ŋ kii Kristoo Yeesuu a ayaa‑rɔ aye̱re̱po̱‑ɔ ɔko̱‑ɔ e̱ gye̱ ne̱ mo̱ e̱ kyo̱rɛɛ wo̱re̱ mɔ mo̱ e̱ kyo̱ŋwe̱ fo̱, Timotii. Mo̱ a taa fo̱ bo̱ kii mo̱ gyi ne̱e̱, a le̱e̱ fe̱yɛ mo̱ ya kya fo̱‑rɔ, ne̱ fo̱ a kɔɔre̱ Kristoo gyi. Mo̱ e̱ ko̱re̱ ke̱bware̱ko̱re̱ mo̱ e̱ sa fo̱ fe̱yɛ ane̱ se̱ Wuribware̱ na ane̱ nyaŋpe̱ Kristoo Yeesuu i yure fo̱, na bo̱ mo̱rɔwe̱ fo̱, na bo̱ sa fo̱ kaye̱e̱yuri.
1 Timothy 5:17 in Chumburung 17 To, mbe̱yɔmɔ, asɔre̱e̱ abre̱sɛ mɔ, bamo̱ ya suŋ kusuŋ timaa fe̱yɛ ane̱ŋ ne̱ abre̱sɛ suŋ‑o, amo̱ fe̱raa asɔre̱e̱ agyi sa bamo̱ kakɔka iluwi e̱nyɔ e̱nyɔ kanɔ se̱. Asɔre̱e̱ abre̱sɛ ne̱ ba pee akatɔ keŋkeŋ ba tɔwe̱ abware̱se̱ŋ, na ba kaapo̱ ase̱sɛ abware̱se̱ŋ‑ɔ ase̱ŋ ne̱ mo̱ e̱ tɔwe̱‑ɔ.
1 Timothy 6:1 in Chumburung 1 Anya a ke̱be̱gya‑ɔ se̱ fe̱raa, bo̱ bu bamo̱ anyaŋpe̱ kpa ke̱maa se̱, na ɔko̱ ma nya tɔwe̱ ase̱ŋ bɔye̱ bo̱ kye Wuribware̱ ke̱nyare̱ na ane̱ atɔ ke̱kaapo̱‑ɔ.
1 Timothy 6:3 in Chumburung 3 Ɔko̱ e̱ bo̱ asɔre̱e̱‑ɔ‑rɔ, ne̱ mò̱ ya kaapo̱ ke̱kaapo̱ ne̱ ko̱ kwe̱e̱ ke̱mo̱ ne̱ ane̱ e̱ kaapo̱‑ɔ‑rɔ, ne̱ mò̱ e̱ mo̱ŋ sure kase̱ŋtiŋ ne̱ ane̱ nyaŋpe̱ Yeesuu Kristoo a kaapo̱‑ɔ se̱, ne̱ ɔ be̱e̱ ɔ maa kɔɔre̱ ke̱tɔ ne̱ ke̱ gye̱ ke̱bware̱suŋ‑o o gyi‑o gye̱ ke̱se̱bɔrɔle̱ŋ wuye ne̱e̱, ne̱ ɔ be̱e̱ ɔ mo̱ŋ nyi sɛye̱. Ane̱ŋ a se̱sɛ‑ɔ e̱ lɔ e̱bo̱ŋ ne̱e̱, ne̱ o de ikii ɔ maa nu ase̱ŋ kaase̱. Ane̱ŋ se̱‑ɔ, mò̱ e̱ gye̱ ne̱ ɔ sa a bo̱ko̱ ne̱ bamo̱ mfɛɛre̱ mo̱ŋ du kyɛɛkyɛɛ, ne̱ bo̱ mo̱ŋ de kase̱ŋtiŋ‑o i gyiiri ikii, ne̱ ba ka ko̱kwe̱e̱, ne̱ ba kpa e̱kɔ, ne̱ ba saare̱ ase̱sɛ, ne̱ bo̱ naa ba tɔwe̱ nse̱ŋŋe̱ bamo̱ ko̱so̱bɛɛ‑ana kamɛɛ.
1 Peter 2:12 in Chumburung 12 Mo̱nꞌ sa a mo̱ne̱ atɔ waasɛ ke̱maa waa daŋ mo̱ne̱ aa bamo̱ ne̱ bo̱ maa suŋ Wuribware̱‑ɔ mbo̱ŋtɔ‑rɔ, na bo̱ ma taare̱ po̱rɔ mo̱ne̱ fe̱yɛ mo̱ne̱ gye̱ e̱bɔye̱ awaapo̱, amaa bo̱ ŋu mo̱ne̱ atɔ waasɛ timaa‑o, na bo̱ ye̱re̱ amo̱ se̱ kyo̱rɔ Wuribware̱ kake nsi amo̱ ne̱ ɔ ba‑ɔ.
1 Peter 3:16 in Chumburung 16 Amaa mo̱nꞌ de̱e̱ yuri e̱ye̱e̱, na mo̱nꞌ ba kanɔ timaa bo̱ be̱ŋŋaa se̱sɛ‑ɔ. Mo̱nꞌ tii e̱bɔye̱ ko̱waa kpa, na mo̱ne̱ mfɛɛre̱ ma nya po̱rɔ mo̱ne̱. Mfaanɛɛ se̱, bo̱ko̱ ya saare̱ mo̱ne̱, ne̱ baa sa e̱se̱ŋsa bo̱ kye kakye̱na timaa ne̱ mo̱ne̱ te fe̱yɛ Kristoo awuye‑o, ipeere e̱ nya bamo̱ bo̱ le̱e̱ bamo̱ fɔŋfɔŋ ase̱ŋkpare̱gyi ne̱ baa tɔwe̱‑ɔ se̱.
2 John 1:9 in Chumburung 9 Mo̱nꞌ nyiŋŋi si fe̱yɛ ɔke̱maa ne̱ ɔ mo̱ŋ gya ke̱kaapo̱ ne̱ Kristoo a kaapo̱ ane̱‑ɔ se̱‑ɔ, ne̱ ɔ kaapo̱ atɔ ne̱ a kwe̱e̱‑ɔ, Wuribware̱ mo̱ŋ bo̱ mò̱ kakpo̱nɔ‑rɔ. Ɔko̱ ne̱ ɔ kya se̱ ɔ gya Kristoo ke̱kaapo̱‑ɔ se̱‑ɔ fe̱raa, ane̱ se̱ Wuribware̱ na mò̱ gyi Yeesuu bo̱ mò̱ kakpo̱nɔ‑rɔ.