Philippians 4:3 in Chumburung 3 Ne̱ m be̱e̱ mo̱ e̱ ko̱re̱ fo̱ Sisigoo (fo̱ ke̱nyare̱ kaase̱ e̱ kaapo̱ fe̱yɛ Nare̱bɛɛpo̱-kase̱ŋtiŋ) fe̱yɛ fo̱ kya akye̱e̱‑ɔ‑rɔ, a le̱e̱ fe̱yɛ baa waa kusuŋ keŋkeŋ sa ne̱ ase̱sɛ a nu ase̱ŋ timaa‑o. So̱so̱ ne̱ Wuribware̱ de wo̱re̱ ko̱ ne̱ ɔɔ kyo̱rɛɛ bamo̱ ne̱ ba nya ŋkpa na kukyure ne̱ a mo̱ŋ de kɛɛ‑ɔ anyare̱ waa‑rɔ. Akye̱e̱ amo̱ na Ke̱lɛmɛns na bamo̱ ne̱ mo̱ aa bamo̱ a waa kusuŋ‑o anyare̱ bo̱ wo̱re̱ amo̱‑rɔ.
Other Translations King James Version (KJV) And I intreat thee also, true yokefellow, help those women which laboured with me in the gospel, with Clement also, and with other my fellowlabourers, whose names are in the book of life.
American Standard Version (ASV) Yea, I beseech thee also, true yokefellow, help these women, for they labored with me in the gospel, with Clement also, and the rest of my fellow-workers, whose names are in the book of life.
Bible in Basic English (BBE) And I make request to you, true helper in my work, to see to the needs of those women who took part with me in the good news, with Clement and the rest of my brother-workers whose names are in the book of life.
Darby English Bible (DBY) yea, I ask thee also, true yokefellow, assist them, who have contended along with me in the glad tidings, with Clement also, and my other fellow-labourers, whose names [are] in [the] book of life.
World English Bible (WEB) Yes, I beg you also, true yoke-fellow, help these women, for they labored with me in the Gospel, with Clement also, and the rest of my fellow workers, whose names are in the book of life.
Young's Literal Translation (YLT) and I ask also thee, genuine yoke-fellow, be assisting those women who in the good news did strive along with me, with Clement also, and the others, my fellow-workers, whose names `are' in the book of life.
Cross Reference Luke 10:20 in Chumburung 20 Mo̱ne̱ ma sa a mo̱ne̱ akatɔ gyi fe̱yɛ ibrisi a bu mo̱ne̱, amaa mo̱nꞌ sa a mo̱ne̱ akatɔ gyi bwe̱e̱tɔ fe̱yɛ Wuribware̱ a kyo̱rɛɛ mo̱ne̱ anyare̱ bo̱ be̱ya so̱so̱.”
Acts 9:36 in Chumburung 36 Amɔ ɔkye̱e̱ ko̱ mɔ bo̱ Yopaa maŋ ne̱ mò̱ aa Lidaa mo̱ŋ bo̱ e̱fɔ bwe̱e̱tɔ‑ɔ‑rɔ, ne̱ ɔɔ kɔɔre̱ Yeesuu gyi bwe̱e̱tɔ. Mò̱ ke̱nyare̱ e̱ gye̱ Tabitaa. (Amaa Griiki‑ro mò̱ ke̱nyare̱ e̱ gye̱ Dɔɔkas, kaase̱ e̱ kaapo̱ fe̱yɛ Kyaŋkpo̱raŋ.) Ɔkye̱e̱ mɔ fe̱raa atiripo̱‑rɔ ke̱kya na ke̱dame̱naŋsɛ wo̱re̱ dooo ne̱ ɔ naa ɔ waa.
Acts 16:14 in Chumburung 14 Akye̱e̱ amo̱ ne̱ ane̱ a sa se̱ŋsa gywii‑o ɔko̱ ke̱nyare̱ e̱ gye̱ Lidiya. Ɔ gye̱ awaagya timaa ofepo̱ ne̱e̱, ne̱ ɔɔ le̱e̱ Tiyatira maŋ ne̱ ɔ bo̱ Asiya swe̱e̱re̱ se̱‑ɔ. Ɔkye̱e̱ amo̱ i suŋ Wuribware̱ nɛɛnɛɛ. Ne̱ Wuribware̱ a buŋŋi mò̱ mfɛɛre̱ na ɔ kɔɔre̱ ase̱ŋ ne̱ Pɔɔl e̱ tɔwe̱‑ɔ gyi.
Romans 12:1 in Chumburung 1 Mo̱ ko̱so̱bɛɛ‑ana, mbe̱yɔmɔ mo̱ne̱ a ŋu ane̱ŋ ne̱ Wuribware̱ a ŋu mo̱ne̱ e̱wɛɛ bwe̱e̱tɔ, ne̱ ɔɔ mo̱rɔwe̱ mo̱ne̱‑ɔ. Ane̱ŋ‑ɔ se̱‑ɔ, mo̱ e̱ ko̱re̱ mo̱ne̱ ne̱e̱ fe̱yɛ mo̱nꞌ taa mo̱ne̱ e̱ye̱e̱ pɛɛɛ bo̱ sa Wuribware̱. N gye̱ mo̱ne̱ lowi ne̱ ɔ kpa, amaa ɔ kpa ne̱e̱ fe̱yɛ mo̱nꞌ kye̱na kakye̱na timaa ne̱ ka pre̱ mò̱‑ɔ. Na mo̱nꞌ lee mo̱ne̱ mme‑ro suŋ mò̱.
Romans 16:2 in Chumburung 2 Mo̱nꞌ kra mò̱ nɛɛnɛɛ ane̱ nyaŋpe̱ ke̱nyare̱‑rɔ, fe̱yɛ ane̱ŋ ne̱ a bware bo̱ sa Wuribware̱ ase̱sɛ fe̱yɛ bo̱ waa‑ɔ. Na, mò̱ e̱ kpa ke̱tɔ ke̱maa bo̱ le̱e̱ mo̱ne̱ ase̱, mo̱nꞌ kya mò̱‑rɔ na ɔ nya ke̱mo̱, a le̱e̱ fe̱yɛ ɔ gye̱ nyare̱ timaa ase̱sɛ bwe̱e̱tɔ ase̱ na mo̱ ase̱.
Romans 16:9 in Chumburung 9 Mo̱ e̱ ka Orabanus, mo̱ bɛɛko̱ ne̱ mo̱ aa mò̱ mpe̱pe̱yɔ a waa Kristoo kusuŋ‑o kanɔ. Mo̱ e̱ ka mo̱ nyare̱ timaa Staakis kanɔ.
Romans 16:12 in Chumburung 12 Akye̱e̱ anyɔ mɔ, Trifiinaa na Trifoosa i suŋ keŋkeŋ ba sa ane̱ nyaŋpe̱. Mo̱ e̱ ka bamo̱ anyɔ amo̱ kanɔ nɛɛnɛɛ. M be̱e̱ mo̱ e̱ ka ane̱ nyare̱ timaa Pɛɛsis kanɔ. Mò̱ gbaa be̱e̱ ɔ gye̱ ɔkye̱e̱ ko̱ ne̱ ɔɔ waa kusuŋ keŋkeŋ sa ane̱ nyaŋpe̱‑ɔ.
Philippians 1:27 in Chumburung 27 Mo̱ne̱ fe̱raa, ke̱tɔ ke̱maa ya waa mo̱ gbaa ooo, mo̱nꞌ de̱e̱ kye̱na fe̱yɛ Kristoo awuye‑o, ane̱ŋ ne̱ a bware bo̱ sa Kristoo kuŋu si ase̱ŋ timaa‑o. Ne̱ mo̱ne̱ ya taare̱ waa mfaanɛɛ fe̱raa, hare̱e̱ gbaa mo̱ ya nya mo̱ e̱ye̱e̱ ba bo̱ ka mo̱ne̱ kanɔ, bɛɛɛ mo̱ŋ nya ooo, mo̱ i nu fe̱yɛ mo̱ne̱ de kanɔ ko̱ŋko̱ mo̱ne̱ ye̱re̱‑rɔ keŋkeŋ, ne̱ mo̱ne̱ a waa kanɔ mo̱ne̱ e̱ kɔ mo̱ne̱ e̱ sa Wuribware̱ a kase̱ŋtiŋ‑o, na mo̱ne̱ mo̱ŋ se̱re̱ mo̱ne̱ ado̱ŋ. Ane̱ŋ se̱‑ɔ, Wuribware̱ e̱ gye̱ ne̱ ɔ ba amo̱‑ɔ a ɔ bo̱ kaapo̱ mo̱ne̱ ado̱ŋ‑ɔ nɛɛnɛɛ fe̱yɛ bo̱ maa nya ŋkpa na kukyure ne̱ a mo̱ŋ de kɛɛ‑ɔ, amaa mo̱ne̱ fe̱raa, mo̱ne̱ e̱ nya ane̱ŋ a ŋkpa na kukyure‑o.
Philippians 2:20 in Chumburung 20 Mò̱ wo̱re̱ e̱ gye̱ se̱sɛ ne̱ mò̱ mfɛɛre̱ du fe̱yɛ mo̱ lee‑o. Ne̱ kase̱ŋtiŋ si mo̱ne̱ ase̱ŋ mɔ tiri mò̱ bwe̱e̱tɔ.
Philippians 4:2 in Chumburung 2 Mbe̱yɔmɔ, mo̱ e̱ ko̱re̱ mo̱ne̱ akye̱e̱, fo̱ Yodiya na fo̱ Sintikee, ne̱e̱ fe̱yɛ mo̱ne̱ a tɛɛ mo̱ne̱ gye̱ se̱sɛ na mò̱ ko̱we̱bɛɛ ane̱ nyaŋpe̱ a ko̱ko̱we̱bɛɛ‑ɔ‑rɔ se̱‑ɔ, mo̱nꞌ waa kanɔ.
Colossians 1:7 in Chumburung 7 Ipafras ne̱ ane̱ e̱ kpa mò̱ ase̱ŋ bwe̱e̱tɔ‑ɔ ase̱ ne̱ mo̱ne̱ a suye amo̱‑ɔ le̱e̱. Ane̱ aa mò̱ e̱ gye̱ ne̱ ane̱ e̱ waa kusuŋ ko̱ŋko̱ ane̱ e̱ sa Kristoo. Ne̱ ane̱ e̱ kɔɔre̱ mò̱ ane̱ i gyi mò̱ kusuŋ ne̱ o kperi mo̱ne̱ se̱ ɔ waa ɔ sa Kristoo‑o‑ro.
1 Timothy 5:9 in Chumburung 9 Ɔkye̱e̱ ke̱maa ne̱ ɔ gye̱ kpenlekye̱e̱, ne̱ oo gyi nsu adusiye, ne̱ ɔ bo̱ asɔre̱e̱‑ɔ‑rɔ, ne̱ ɔ mo̱ŋ le̱e̱ mò̱ kuri kamɛɛ‑ɔ dooo ke̱nyare̱ ne̱ fo̱ kyo̱rɛɛ waa asɔre̱e̱ wo̱re̱‑ɔ‑rɔ fe̱yɛ ɔ gye̱ asɔre̱e̱ kpenlekye̱e̱. Amo̱ ne̱ a be̱e̱ a tii si‑o e̱ gye̱ fe̱yɛ a tiri fe̱yɛ ase̱sɛ nyi kpenlekye̱e̱ amo̱ fe̱yɛ ɔ waa itimaa. Ane̱ŋ a kpenlekye̱e̱‑ɔ, a bware fe̱yɛ ɔ gye̱ mò̱ ne̱ ɔɔ be̱ra mò̱ ŋyaagyi nɛɛnɛɛ, ne̱ ɔɔ daŋ o de daa timaa‑o. A be̱e̱ a tiri fe̱yɛ ɔ waa ɔko̱ ne̱ ɔɔ kra afɔ nɛɛnɛɛ mò̱ aye̱, ne̱ ɔɔ fwe̱e̱ Wuribware̱ ase̱sɛ ayaa se̱, ne̱ ɔɔ kya bamo̱ ne̱ ase̱ŋ e̱ to̱ bamo̱‑ɔ‑rɔ, ne̱ mò̱ akatɔ i pee kusuŋ ke̱maa timaa mɔ ne̱ ke̱ bo̱‑rɔ‑ɔ se̱.
Philemon 1:8 in Chumburung 8 To, mbe̱yɔmɔ mo̱ e̱ kpa a ŋ ko̱re̱ fo̱ ko̱tɔko̱. Weetee ane̱ pɛɛɛ a gye̱ Kristoo ase̱sɛ‑ɔ se̱‑ɔ, mo̱ŋ se̱re̱ fe̱yɛ n tɔwe̱ gywii fo̱ fe̱yɛ n sa kanɔ a fo̱ waa ke̱tɔ ne̱ a tiri fe̱yɛ fo̱ waa‑ɔ, na mo̱ŋ ko̱re̱ fo̱. Amaa bo̱ le̱e̱ ane̱ŋ ne̱ fo̱ e̱ kpa mo̱ ase̱ŋ‑ɔ se̱ ne̱ ŋ yɛ mo̱ e̱ ko̱re̱ fo̱. Amo̱se̱‑ɔ ke̱nyaŋbre̱sɛ fe̱yɛ mo̱ a du mɔ‑ɔ, ne̱ baa be̱e̱ tii mo̱ bo̱ le̱e̱ Yeesuu kuŋu si ase̱ŋ se̱‑ɔ, mo̱ e̱ ko̱re̱ fo̱ mo̱ e̱ sa mo̱ gyi Onisimus. Ke̱tɔ se̱ ne̱ mo̱ e̱ te̱e̱ mò̱ ɛ mo̱ gyi‑o e̱ gye̱ fe̱yɛ saŋ ne̱ n da tiikpa mfe̱e̱‑ɔ, ne̱ mo̱ a sa ne̱ oo gyii Yeesuu Kristoo.
Revelation 3:5 in Chumburung 5 Ɔke̱maa ne̱ ɔ kɔ a o gyi Ɔbɔnsam se̱‑ɔ, mo̱ e̱ sa mò̱ atɔ buŋsɛ fufuri a o buŋ, ne̱ ma kpɛɛ mò̱ ke̱nyare̱ a n le̱e̱ wo̱re̱ ne̱ mo̱ a kyo̱rɛɛ bamo̱ ne̱ bo̱ de ŋkpa na kukyure ne̱ a mo̱ŋ de kɛɛ‑ɔ anyare̱ waa‑rɔ‑ɔ‑rɔ. Na n taa mò̱ bo̱ kaapo̱ n se̱ Wuribware̱ na mò̱ mbɔɔ‑ɔ fe̱yɛ ɔ gye̱ mo̱ se̱sɛ.
Revelation 13:8 in Chumburung 8 Na kaye̱‑rɔ ase̱sɛ pɛɛɛ suŋ mpase̱ wuye‑o, amɔ ɔke̱maa ne̱ kasanne̱gyii ne̱ baa mɔɔ‑ɔ a kyo̱rɛɛ mò̱ ke̱nyare̱ waa wo̱re̱ ne̱ ɔ kaapo̱ ɔke̱maa ne̱ o de ŋkpa na kukyure ne̱ a mo̱ŋ de kɛɛ‑ɔ‑rɔ pwɛɛ ne̱ Wuribware̱ a dɛɛ twe̱e̱ kaye̱‑ɔ.
Revelation 17:8 in Chumburung 8 Kabo̱ amo̱ ne̱ fo̱ ke̱e̱ mbe̱yɔmɔ‑ɔ, nsaŋ‑ɔ baa ŋu kamo̱, ne̱ mbe̱yɔmɔ fe̱raa kaa wu, amaa ka le̱e̱ ke̱maŋtaŋ loorisɛ‑ɔ‑rɔ, na a maa kyee ba mɔɔ kamo̱. Ase̱sɛ ne̱ bo̱ te kaye̱ mɔ‑rɔ, ne̱ Wuribware̱ mo̱ŋ kyo̱rɛɛ bamo̱ anyare̱ bo̱ waa ase̱sɛ ne̱ bo̱ de ŋkpa na kukyure ne̱ a mo̱ŋ de kɛɛ‑ɔ wo̱re̱‑ɔ‑rɔ hare̱e̱ pwɛɛ ne̱ ɔɔ dɛɛ twe̱e̱ kaye̱‑ɔ, bamo̱ ya ŋu kabo̱ na ka le̱e̱ ke̱maŋtaŋ‑ɔ‑rɔ, e̱ye̱e̱ e̱ kpe̱ŋ bamo̱ pɛɛɛ. A le̱e̱ fe̱yɛ kabo̱‑ɔ dɛɛ ka bo̱‑rɔ, ne̱ mbe̱yɔmɔ fe̱raa kaa wu, amaa ka be̱e̱ ka ba ŋkpa‑rɔ.
Revelation 20:12 in Chumburung 12 Ne̱ mo̱ a ŋu bamo̱ ne̱ baa wu‑o abre̱sɛ na ŋyaagyi, na bo̱ ye̱re̱ kuwuregya‑ɔ akatɔ‑rɔ. Ne̱ Wuribware̱ a mbɔɔ‑ɔ bo̱ko̱ a buŋŋi e̱wo̱re̱‑rɔ. Ne̱ baa be̱e̱ buŋŋi wo̱re̱ ko̱‑rɔ, mfe̱ŋ ne̱ baa kyo̱rɛɛ bamo̱ ne̱ bo̱ de ŋkpa na kukyure ne̱ a mo̱ŋ de kɛɛ‑ɔ anyare̱‑ɔ. Baa gyi bamo̱ ne̱ baa wu‑o ase̱ŋ ane̱ŋ ne̱ ɔke̱maa mɔ a kye̱na kaye̱ mɔ‑rɔ bo̱rɔ‑ɔ, fe̱yɛ ane̱ŋ ne̱ baa kyo̱rɛɛ waa e̱wo̱re̱‑ɔ‑rɔ‑ɔ.
Revelation 20:15 in Chumburung 15 Ne̱ baa twe̱e̱ ɔke̱maa mɔ ne̱ mò̱ ke̱nyare̱ mo̱ŋ bo̱ ŋkpa na kukyure ne̱ a mo̱ŋ de kɛɛ‑ɔ wo̱re̱‑ɔ‑rɔ bo̱ waa ke̱de̱e̱kpɛɛtekii‑o‑ro.
Revelation 21:27 in Chumburung 27 Amaa ɔke̱maa ne̱ o de iyisi‑o maa lwee mò̱‑rɔ. Ɔke̱maa ne̱ ɔ waa apeerese̱ŋ‑ɔ, na ɔko̱ ne̱ ɔ ba aye̱ba‑ɔ, be̱e̱ ɔ maa lwee mfe̱ŋ. Amɔ bamo̱ ne̱ kasanne̱gyii‑o a kyo̱rɛɛ bamo̱ anyare̱ waa mò̱ wo̱re̱‑ɔ‑rɔ fe̱yɛ bo̱ de ŋkpa na kukyure ne̱ a mo̱ŋ de kɛɛ‑ɔ dooo e̱ gye̱ ne̱ ba lwee maŋ‑ɔ‑rɔ.