Colossians 1:15 in Chumburung

15 Ane̱ ya de̱ŋ ŋu Kristoo, amɔ ane̱ a ŋu Wuribware̱ ne̱ ɔko̱ mo̱ŋ tɛɛ ŋu‑o ne̱e̱. Mò̱ a gye̱ Wuribware̱ mò̱ gyi wo̱re̱ kpeŋ‑o si‑o, mò̱ e̱ de̱ŋ o gyi ke̱tɔ ke̱maa ne̱ Wuribware̱ a twe̱e̱‑ɔ se̱ kuwure.

Other Translations

King James Version (KJV)

Who is the image of the invisible God, the firstborn of every creature:

American Standard Version (ASV)

who is the image of the invisible God, the firstborn of all creation;

Bible in Basic English (BBE)

Who is the image of the unseen God coming into existence before all living things;

Darby English Bible (DBY)

who is image of the invisible God, firstborn of all creation;

World English Bible (WEB)

who is the image of the invisible God, the firstborn of all creation.

Young's Literal Translation (YLT)

who is the image of the invisible God, first-born of all creation,

Cross Reference

John 1:1 in Chumburung

1 Atɔ ke̱maa ke̱le̱e̱kaase̱‑ɔ, Abware̱se̱ŋ kyɔ ɔ bo̱‑rɔ. Abware̱se̱ŋ‑ɔ na Wuribware̱ i te. Abware̱se̱ŋ‑ɔ na Wuribware̱ gye̱ ko̱ko̱ŋko̱.

John 1:14 in Chumburung

14 To, ne̱ Abware̱se̱ŋ‑ɔ a bo̱ kii nyiŋkpasɛ, ne̱ ɔɔ kye̱na ane̱ ase̱ kafo̱ŋfwe̱e̱. Ɔ bo̱ ane̱ ase̱, ne̱ oo ŋu ane̱ e̱wɛɛ bwe̱e̱tɔ, ne̱ o de kase̱ŋtiŋ ɔ kyɔ ke̱tɔ ke̱maa. Ne̱ ane̱ a ŋu mò̱ wuraa na mò̱ ke̱dabe̱ ne̱ a kaapo̱ ane̱ fe̱yɛ mò̱ e̱ gye̱ Wuribware̱ mò̱ gyi ko̱ŋko̱ kpeŋ‑o.

John 1:18 in Chumburung

18 Amaa fe̱raa ɔko̱ mo̱ŋ tɛɛ ŋu Wuribware̱, mò̱ gyi ko̱ŋko̱ amo̱ ne̱ o te me̱raa mò̱ se̱ Wuribware̱‑ɔ, mò̱ e̱ gye̱ ne̱ ɔɔ kaapo̱ ane̱ŋ ne̱ Wuribware̱ du‑o.

John 3:16 in Chumburung

16 A kaapo̱ fe̱yɛ Wuribware̱ a kpa kaye̱‑rɔ ase̱sɛ ke̱baŋse̱‑ɔ se̱, ne̱ ɔɔ taa mò̱ gyi ko̱ŋko̱ wo̱re̱ kpeŋ ne̱ o de‑o sa ane̱ fe̱yɛ ɔke̱maa ne̱ ɔ kɔɔre̱ mò̱ o gyi‑o maa wu, amaa ɔ nya ŋkpa na kukyure ne̱ a mo̱ŋ de kɛɛ‑ɔ.

John 14:9 in Chumburung

9 Ne̱ Yeesuu a lee kanɔ fe̱yɛ, “Filipo, le̱e̱ ke̱de̱daade̱daa ne̱ mo̱ aa mo̱ne̱ pɛɛɛ a kye̱na‑ɔ. Fo̱ saŋ fo̱ mo̱ŋ nyi mo̱ aaa? Ɔke̱maa ne̱ oo ŋu mo̱‑ɔ, oo ŋu n se̱ ne̱e̱. Ne̱ e̱me̱ne̱ se̱ ne̱ fo̱ yɛ ŋ kaapo̱ mo̱ne̱ n se̱?

John 15:24 in Chumburung

24 N dɛɛ mo̱ŋ ba kaye̱ mɔ‑rɔ bo̱ waa asuŋ ne̱ ɔko̱ mo̱ŋ tɛɛ waa amo̱‑ɔ ne̱e̱, weetee n se̱ maa bu bamo̱ bɔye̱ ne̱ ba waa‑ɔ ke̱pɔ. Ane̱ŋ ne̱ a du‑o, baa ŋu ke̱tɔ ne̱ mo̱ a waa‑ɔ, ne̱ amo̱‑ɔ pɛɛɛ gbaa bo̱ saŋ ba kisi mo̱ aa n se̱ pɛɛɛ.

Romans 8:29 in Chumburung

29 Bamo̱ dɛɛ bamo̱ ne̱ Wuribware̱ a kyɔ o nyi fe̱yɛ ba kii mò̱ fɔŋfɔŋ ase̱sɛ‑ɔ se̱‑ɔ, ɔɔ sa ne̱ bamo̱ kakra e̱ gye̱ fe̱yɛ bo̱ kii mò̱ gyi‑ana, na bo̱ kii fe̱yɛ mò̱ gyi Yeesuu‑o, na mò̱‑ɔ mɔ nya kii bamo̱ daa bre̱sɛ.

2 Corinthians 4:4 in Chumburung

4 Bo̱ maa nya ŋkpa amo̱, a le̱e̱ fe̱yɛ bo̱ maa kɔɔre̱ Kristoo ba gyi. Bo̱ maa kɔɔre̱ mò̱ ba gyi, a le̱e̱ fe̱yɛ a du fe̱yɛ Ɔbɔnsam, ne̱ o de kaye̱ mɔ‑rɔ ase̱sɛ mfɛɛre̱ se̱ ke̱yaale̱ŋ‑ɔ, a sa ne̱ baa kii ate̱napo̱, na bo̱ ma taare̱ a bo̱ nu abware̱se̱ŋ‑ɔ kaase̱‑ɔ. Bamo̱ ya nu kaase̱, ba ŋu fe̱yɛ ase̱ŋ timaa ne̱ ane̱ e̱ tɔwe̱‑ɔ e̱ kaapo̱ ane̱ŋ ne̱ Kristoo de ke̱dabe̱ na wuraa‑o. Bo̱ le̱e̱ fe̱yɛ bamo̱ ya de̱e̱re̱ Kristoo, ba ŋu fe̱yɛ ɔ gye̱ ɔko̱ ne̱ ɔɔ le̱e̱ Wuribware̱ kpa ke̱maa se̱.

2 Corinthians 4:6 in Chumburung

6 Fe̱yɛ ane̱ŋ ne̱ Wuribware̱ a twe̱e̱ ke̱tɔ ke̱maa‑ɔ, ne̱ ɔɔ tɔwe̱ fe̱yɛ, “Ke̱laŋŋe̱rɔ laŋŋe̱ kibugyii‑ro,” ane̱ŋ dɛɛ ne̱ oo buŋŋi ane̱ akatɔ, ne̱ ane̱ a ŋu fe̱yɛ mò̱ akatɔ‑rɔ e̱ to̱re̱ se̱, ne̱ ane̱ a bo̱ gyii fe̱yɛ o de Wuribware̱ a ke̱dabe̱‑ɔ.

Philippians 2:6 in Chumburung

6 “Ke̱tɔ ke̱maa‑rɔ, o du ne̱e̱ fe̱yɛ Wuribware̱‑ɔ. Amaa mò̱‑ɔ mɔ mo̱ŋ waa mò̱ mfɛɛre̱ fe̱yɛ ɔ ba mò̱ fɔŋfɔŋ e̱le̱ŋ na ɔ bo̱ sa a mò̱ aa Wuribware̱ de̱e̱ kii ko̱ko̱ŋko̱.

Colossians 1:13 in Chumburung

13 A le̱e̱ fe̱yɛ ke̱tɔ ne̱ ɔɔ waa‑ɔ e̱ gye̱ fe̱yɛ Wuribware̱ a lee ane̱ le̱e̱ kibugyii ne̱ ki de ane̱ ke̱yaale̱ŋ‑ɔ‑rɔ, ne̱ ɔɔ sa ne̱ ane̱ a tii mò̱ gyi ne̱ ɔ kpa mò̱ ase̱ŋ bwe̱e̱tɔ‑ɔ kuwure‑o si.

Colossians 1:16 in Chumburung

16 Mò̱ se̱ ne̱ Wuribware̱ a bo̱rɔ twe̱e̱ ke̱tɔ ke̱maa ne̱ ane̱ ke̱e̱‑ɔ na ke̱tɔ ke̱maa ne̱ ane̱ mo̱ŋ ke̱e̱‑ɔ ne̱ ke̱ bo̱ so̱so̱ na kaase̱‑ɔ. Wuribware̱ mbɔɔ ne̱ ɔɔ sa bamo̱ ke̱yaale̱ŋ e̱wo̱re̱se̱ e̱wo̱re̱se̱‑ɔ gbaa, mò̱ se̱ ne̱ Wuribware̱ a bo̱rɔ twe̱e̱ bamo̱. Kase̱ŋtiŋ si mò̱ se̱ ne̱ Wuribware̱ a bo̱rɔ twe̱e̱ ke̱tɔ ke̱maa, ne̱ ɔɔ taa amo̱ pɛɛɛ bo̱ sa mò̱.

1 Timothy 1:17 in Chumburung

17 Amo̱se̱ se̱‑ɔ, mo̱nꞌ sa a ane̱ bo̱nyaa Wuribware̱, na ane̱ kyo̱rɔ mò̱, na a mo̱ŋ de kɛɛ, a le̱e̱ fe̱yɛ mò̱ kuwure‑o mo̱ŋ de kɛɛ, ne̱ mò̱ fɔŋfɔŋ gbaa maa be̱re̱ na o wu, amaa ane̱ mo̱ŋ ke̱e̱ mò̱ fe̱raa, mò̱‑ɔ mò̱ wo̱re̱ kpeŋ e̱ gye̱ Wuribware̱. Amɛye̱.

1 Timothy 6:16 in Chumburung

16 Mò̱ wo̱re̱ kpeŋ e̱ gye̱ ne̱ ɔ maa wu. O te ke̱laŋŋe̱rɔ‑rɔ ne̱e̱, ne̱ ke̱tɔ a laŋŋe̱‑rɔ ke̱ e̱ to̱re̱, ɔko̱ maa taare̱ a ɔ de̱e̱re̱ mò̱. Ne̱ ɔko̱ mo̱ŋ tɛɛ ŋu mò̱, ane̱ŋ dɛɛ ne̱ ɔko̱ maa taare̱ a o ŋu mò̱. Ane̱ bo̱nyaa mò̱, mò̱ e̱ gye̱ ɔdabe̱ ne̱ ɔ bo̱ le̱ŋ nsu pɛɛɛ. Amɛye̱.

Hebrews 1:3 in Chumburung

3 Wuribware̱ a ke̱laŋŋe̱rɔ dabe̱‑ɔ bɔ mò̱ se̱ ne̱e̱ ke̱ e̱ laŋŋe̱‑rɔ. Ɔɔ le̱e̱ Wuribware̱ ke̱tɔ ke̱maa‑rɔ. Mò̱ ase̱ŋ dabe̱‑ɔ ne̱ o de ɔ sa ne̱ atɔ pɛɛɛ mɔ e̱ yɔ se̱ kyɛɛkyɛɛ. Ɔɔ kpɛɛ ase̱sɛ iyisi. Ne̱ ŋkee o yii so̱so̱, mfe̱ŋ ne̱ ɔɔ kye̱na Nyiŋkpe̱ŋ‑ɔ‑kyɔ-bamo̱-pɛɛɛ-ke̱dabe̱ kigyisesare̱e̱ se̱, ne̱ mò̱ aa mò̱ i gyi kuwure.”

Hebrews 1:6 in Chumburung

6 Amaa saŋ ne̱ Wuribware̱ e̱ kpa fe̱yɛ ɔ baa mò̱ gyi‑o kaye̱‑rɔ‑ɔ, ɔ yɛ, “Wuribware̱ a mbɔɔ‑ɔ, mo̱nꞌ bo̱ suŋ mò̱.”

Hebrews 11:27 in Chumburung

27 Nte̱tɔ se̱ gbaa ne̱ ɔɔ fa mfɛɛre̱ fe̱yɛ ɔ ko̱so̱ a ɔ le̱e̱ Igyipiti swe̱e̱re̱ se̱? N gye̱ owure a kaduŋfwii‑o ne̱ ɔ se̱re̱. Amaa aa le̱e̱ ane̱ŋ ne̱ ɔɔ kɔɔre̱ Wuribware̱ gyi‑o si. Ɔ maa se̱ ɔ yɔ akatɔ‑rɔ ne̱e̱ fe̱yɛ sabe̱e̱‑ooo mò̱ a taare̱ a ɔ ya ŋu Wuribware̱, Wuribware̱ ne̱ ɔ gye̱ ɔko̱ ne̱ ɔko̱ maa taare̱ a o ŋu mò̱‑ɔ.

Revelation 3:14 in Chumburung

14 Ne̱ Yeesuu yɛ n kyo̱rɛɛ ase̱ŋ mɔ bo̱ kyo̱ŋwe̱ fo̱ ne̱ fo̱ gye̱ kabɔɔ ne̱ fo̱ e̱ de̱e̱re̱ Lodikiya asɔre̱e̱ awuye si‑o fe̱yɛ, “Nu ase̱ŋ ne̱ n de mo̱ e̱ baa fo̱‑ɔ. Mo̱ anyare̱ e̱ gye̱ ‘Amɛye̱’ na ‘Kase̱ŋtiŋ wuye’ na ‘Ɔko̱ ne̱ kufu mo̱ŋ de mò̱ fe̱yɛ ɔ tɔwe̱ kase̱ŋtiŋ‑o’. Mo̱ se̱ ne̱ Wuribware̱ a bo̱rɔ twe̱e̱ ke̱tɔ ke̱maa.