1 Timothy 5:11 in Chumburung

11 Amaa fo̱ ma kaŋ taa akpenlekye̱e̱ ne̱ bo̱ mo̱ŋ be̱re̱‑ɔ anyare̱ bo̱ tii amo̱ ne̱ a bo̱ asɔre̱e̱ a wo̱re̱‑ɔ‑rɔ‑ɔ se̱. A le̱e̱ fe̱yɛ bamo̱ a bo̱ kii akpenlekye̱e̱, ne̱ baa tɔwe̱ bo̱ be̱ya bamo̱ aa Kristoo mbo̱ŋtɔ‑rɔ fe̱yɛ bo̱ maa lɛɛ waare̱e̱‑ɔ, ke̱tɔ maa kyee na bamo̱ mfɛɛre̱ kyurowi, ba yo̱rɔwe̱ awaare̱yɛ.

Other Translations

King James Version (KJV)

But the younger widows refuse: for when they have begun to wax wanton against Christ, they will marry;

American Standard Version (ASV)

But younger widows refuse: for when they have waxed wanton against Christ, they desire to marry;

Bible in Basic English (BBE)

But to the younger widows say No: for when their love is turned away from Christ, they have a desire to be married;

Darby English Bible (DBY)

But younger widows decline; for when they grow wanton against Christ, they desire to marry,

World English Bible (WEB)

But refuse younger widows, for when they have grown wanton against Christ, they desire to marry;

Young's Literal Translation (YLT)

and younger widows be refusing, for when they may revel against the Christ, they wish to marry,

Cross Reference

1 Corinthians 7:39 in Chumburung

39 Mbe̱yɔmɔ ɔkye̱e̱ ne̱ ɔɔ waare̱e̱‑ɔ mo̱ŋ bo̱ mò̱ e̱ye̱e̱ na mò̱ kuri saŋ o te. Amaa mò̱ kuri ya wu fe̱raa, o de kpa fe̱yɛ ɔ be̱e̱ waare̱e̱ ɔko̱ ne̱ ɔ kpa‑ɔ. Amaa a tiri fe̱yɛ Kristoonyi ne̱ ɔ waare̱e̱.

1 Timothy 4:3 in Chumburung

3 Ane̱ŋ a ase̱sɛ‑ɔ e̱ kaapo̱ fe̱yɛ a mo̱ŋ de kpa fe̱yɛ ɔko̱ waare̱e̱, ne̱ bo̱ be̱e̱ ba kisi ateese ko̱ kigyi. Wuribware̱ mɔ a twe̱e̱ ateese mɔ ne̱e̱ a bamo̱ ne̱ ba kɔɔre̱ mò̱ ba gyi, ne̱ bo̱ nyi kase̱ŋtiŋ‑o nya gyi amo̱, na bo̱ sa mò̱ aŋsɛ.

1 Timothy 5:9 in Chumburung

9 Ɔkye̱e̱ ke̱maa ne̱ ɔ gye̱ kpenlekye̱e̱, ne̱ oo gyi nsu adusiye, ne̱ ɔ bo̱ asɔre̱e̱‑ɔ‑rɔ, ne̱ ɔ mo̱ŋ le̱e̱ mò̱ kuri kamɛɛ‑ɔ dooo ke̱nyare̱ ne̱ fo̱ kyo̱rɛɛ waa asɔre̱e̱ wo̱re̱‑ɔ‑rɔ fe̱yɛ ɔ gye̱ asɔre̱e̱ kpenlekye̱e̱. Amo̱ ne̱ a be̱e̱ a tii si‑o e̱ gye̱ fe̱yɛ a tiri fe̱yɛ ase̱sɛ nyi kpenlekye̱e̱ amo̱ fe̱yɛ ɔ waa itimaa. Ane̱ŋ a kpenlekye̱e̱‑ɔ, a bware fe̱yɛ ɔ gye̱ mò̱ ne̱ ɔɔ be̱ra mò̱ ŋyaagyi nɛɛnɛɛ, ne̱ ɔɔ daŋ o de daa timaa‑o. A be̱e̱ a tiri fe̱yɛ ɔ waa ɔko̱ ne̱ ɔɔ kra afɔ nɛɛnɛɛ mò̱ aye̱, ne̱ ɔɔ fwe̱e̱ Wuribware̱ ase̱sɛ ayaa se̱, ne̱ ɔɔ kya bamo̱ ne̱ ase̱ŋ e̱ to̱ bamo̱‑ɔ‑rɔ, ne̱ mò̱ akatɔ i pee kusuŋ ke̱maa timaa mɔ ne̱ ke̱ bo̱‑rɔ‑ɔ se̱.

1 Timothy 5:14 in Chumburung

14 Amo̱‑ɔ se̱‑ɔ, mo̱ e̱ tɔwe̱ mo̱ i gywii ane̱ŋ a akpenlekye̱e̱ ne̱ bo̱ mo̱ŋ tɛɛ kii akye̱e̱bre̱sɛ‑ɔ fe̱yɛ bo̱ be̱e̱ waare̱e̱, na bo̱ ko̱we̱ ŋyaagyi, na bo̱ de̱e̱re̱ bamo̱ e̱lɔŋ se̱, na bo̱ ma sa a ane̱ ado̱ŋ nya kpa tɔwe̱ bamo̱ kuŋu si ase̱ŋ bɔye̱.

James 5:5 in Chumburung

5 Mo̱ne̱ a gyi kɔne̱ kaye̱ mɔ‑rɔ bwe̱e̱tɔ, na mo̱ne̱ mo̱ŋ nyi fe̱yɛ mo̱ne̱ e̱ kpo̱ne̱ so̱so̱. Mo̱ne̱ a daŋ adabe̱, fe̱yɛ ɔko̱ a de naate̱ ɔ be̱ra bo̱ fo̱ saŋ ne̱ ɔɔ daŋ tɛɛ mfɔ‑ɔ, na ɔ mɔɔ mò̱ wo̱‑ɔ. Kake ŋko̱ Wuribware̱ i gyiiri mo̱ne̱ ke̱se̱bɔ a ɔ mɔɔ mo̱ne̱.

2 Peter 2:18 in Chumburung

18 Ase̱sɛ ko̱ bo̱‑rɔ ne̱ baa se̱re̱ le̱e̱ bamo̱ bɛɛko̱‑ana kakye̱na bɔye̱‑rɔ‑ɔ, ne̱ aye̱bapo̱ amo̱ e̱ kpa a bo̱ be̱e̱ gyiiri bamo̱ yaa kamɛɛ be̱e̱ ya bo̱ lwee e̱bɔye̱‑rɔ. Bo̱ de adabe̱dabe̱se̱ŋ na nse̱ŋŋe̱ ne̱ mfɛɛre̱ mo̱ŋ bo̱ mmo̱‑rɔ‑ɔ ba pe̱nna ane̱ŋ a ase̱sɛ‑ɔ. Ba tɔwe̱ ba gywii bamo̱ ne̱e̱ fe̱yɛ ŋyo̱rɔwe̱ bɔye̱ ne̱ bo̱ saŋ bo̱ de‑o bo̱ daŋ.

Revelation 18:7 in Chumburung

7 Mo̱nꞌ sa a o ŋu ase̱ŋ ne̱ a kyɔ ke̱dabe̱ fe̱yɛ ane̱ŋ ne̱ ɔɔ dɛɛ bu mò̱ e̱ye̱e̱ ke̱dabe̱‑ɔ. Na mo̱nꞌ waa mò̱ bo̱ro̱kɔɔne̱ ne̱ ɔ ta fe̱yɛ kɔne̱ ne̱ ɔɔ dɛɛ gyi‑o. A le̱e̱ fe̱yɛ ɔɔ tɔwe̱ gywii mò̱ e̱ye̱e̱ saŋ amo̱ fe̱yɛ, ‘Mo̱nꞌ ke̱e̱ mo̱ mfe̱e̱, mo̱, wurekye̱e̱. Ma kii kpenlekye̱e̱, na n su kale daa. Mo̱ bo̱re̱‑rɔ maa duŋwi mo̱ kake ko̱ se̱ daa.’