1 Thessalonians 3:1 in Chumburung

1 Ne̱ ŋkee fe̱raa ane̱ a nyiŋŋi mo̱ne̱ bwe̱e̱tɔ, hare̱e̱ gbaa ane̱ maa lɛɛ taare̱ a ane̱ kye̱na, na ane̱ mo̱ŋ ŋu mo̱ne̱. Bo̱ le̱e̱ ane̱ŋ se̱‑ɔ, ne̱ ane̱ a waa ane̱ mfɛɛre̱ fe̱yɛ mo̱, Pɔɔl, na Silobaanus sii Atɛnis maŋ‑nɔ, na ane̱ suŋ Timotii mo̱ne̱ ase̱. Timotii gye̱ ane̱ ko̱so̱bɛɛ‑ana‑ɔ ɔko̱ ne̱e̱, ne̱ ane̱ aa mò̱ pɛɛɛ e̱ waa Wuribware̱ a kusuŋ‑o ane̱ e̱ tɔwe̱ Kristoo kuŋu si ase̱ŋ timaa‑o. To, mbe̱yɔmɔ ane̱ a suŋ mò̱ mo̱ne̱ ase̱ fe̱yɛ ɔ bo̱ kya mo̱ne̱‑rɔ, na mo̱nꞌ taare̱ ye̱re̱ mo̱ne̱ ke̱bware̱suŋ‑o‑ro keŋkeŋ. Na ɔ be̱e̱ sa mo̱ne̱ wɔre̱, na mo̱nꞌ taare̱ de̱e̱ kɔɔre̱ Kristoo gyi, na mo̱ne̱ ɔko̱ ma kaŋ kiŋŋi kamɛɛ, bo̱ le̱e̱ fe̱yɛ ane̱ nyi ane̱ŋ ne̱ mo̱ne̱ i ŋu ase̱ŋ bwe̱e̱tɔ‑ɔ. Mo̱ne̱ fɔŋfɔŋ nyi dame̱naŋsɛ fe̱yɛ a gye̱ Wuribware̱ ke̱pre̱ fe̱yɛ mo̱nꞌ kperi mò̱ se̱, na mo̱nꞌ gyi awo̱re̱fɔɔ ane̱ŋ.

Other Translations

King James Version (KJV)

Wherefore when we could no longer forbear, we thought it good to be left at Athens alone;

American Standard Version (ASV)

Wherefore when we could no longer forbear, we thought it good to be left behind at Athens alone;

Bible in Basic English (BBE)

At last our desire to have news of you was so strong that, while we ourselves were waiting at Athens,

Darby English Bible (DBY)

Wherefore, being no longer able to refrain ourselves, we thought good to be left alone in Athens,

World English Bible (WEB)

Therefore, when we couldn't stand it any longer, we thought it good to be left behind at Athens alone,

Young's Literal Translation (YLT)

Wherefore no longer forbearing, we thought good to be left in Athens alone,

Cross Reference

Acts 17:15 in Chumburung

15 Ne̱ bamo̱ ne̱ baa yaa Pɔɔl ɔpo̱o̱ kɛɛ‑ɔ a yaa mò̱ ya bo̱ fo̱ hare̱e̱ Atɛnis maŋ‑nɔ,† ne̱ baa kiŋŋi ba Beroya, ne̱ baa taa ŋkra le̱e̱ Pɔɔl ase̱ baa Silas na Timotii fe̱yɛ bo̱ waa me̱naŋ ba mò̱ ase̱ mfe̱ŋ ne̱ ɔ bo̱‑ɔ.

2 Corinthians 2:13 in Chumburung

13 Amaa na mo̱ mfɛɛre̱ mo̱ŋ da, a le̱e̱ fe̱yɛ mo̱ŋ ŋu ane̱ ko̱so̱bɛɛ Tiitus. Amo̱se̱‑ɔ, ne̱ mo̱ a kra ase̱sɛ ne̱ bo̱ bo̱ mfe̱ŋ‑ɔ, ne̱ mo̱ a me̱raa se̱ yɔ Makedoniya swe̱e̱re̱ se̱.

2 Corinthians 11:29 in Chumburung

29 Amo̱ ya ba fe̱yɛ asɔre̱e̱ a awuye‑o ɔko̱ ko̱kɔɔre̱gyi e̱ mo̱ŋ bo̱ le̱ŋ, amɔ mo̱‑ɔ mo̱ i su mo̱ e̱ sa mò̱. Bamo̱ ɔko̱ ya lwee e̱bɔye̱‑rɔ, amɔ mo̱ kakpo̱nɔ‑rɔ a nye̱ra.

1 Thessalonians 2:17 in Chumburung

17 Ane̱ ko̱so̱bɛɛ‑ana, ane̱ fe̱raa, saŋ ne̱ ase̱sɛ ko̱ a gya ane̱ fe̱yɛ ane̱ le̱e̱ mo̱ne̱ ase̱‑ɔ, ke̱tɔ mo̱ŋ kyee, ne̱ aa waa ane̱ gya bwe̱e̱tɔ fe̱yɛ ane̱ a yɔwe̱ mo̱ne̱. Hare̱e̱ ane̱ fɔŋfɔŋ a mo̱ŋ bo̱ mo̱ne̱ ase̱ gbaa ooo, mo̱ne̱ ase̱ŋ saŋ a bo̱ ane̱ ŋkpo̱nɔ‑rɔ.

1 Thessalonians 3:5 in Chumburung

5 Amo̱‑ɔ pɛɛɛ se̱ ne̱ mo̱ a mo̱ŋ lɛɛ mo̱ i nu mo̱ne̱ se̱, ne̱ mo̱ i nyiŋŋi mo̱ne̱‑ɔ, ne̱ mo̱ a suŋ Timotii fe̱yɛ ɔ bo̱ ke̱e̱ fe̱yɛ mo̱ne̱ saŋ mo̱ne̱ e̱ kɔɔre̱ Kristoo mo̱ne̱ i gyi keŋkeŋ bɛɛɛ. A le̱e̱ fe̱yɛ mo̱ a fo̱ŋ se̱ fe̱yɛ nsaŋse̱ Ɔbɔnsam a kyɔ mo̱ne̱‑rɔ ke̱e̱, ne̱ mo̱ne̱ a yɔwe̱ ke̱bware̱suŋ‑o, ne̱ ane̱ ke̱kpo̱ne̱ de̱maŋte̱ ne̱ ane̱ a kpo̱ne̱ mo̱ne̱ se̱‑ɔ a twe̱e̱.