1 Corinthians 9:4 in Chumburung

4 Ne̱ m be̱e̱ mo̱ e̱ be̱ŋŋaa ane̱ŋ a ase̱sɛ‑ɔ fe̱yɛ ane̱ ya waa ayaa‑rɔ aye̱re̱po̱ a kusuŋ amo̱, mo̱ aa mo̱ nare̱bɛɛpo̱ Bar‑Nabas de kpa fe̱yɛ ane̱ nya ateese na nkyu le̱e̱ ane̱ kusuŋ amo̱ ne̱ ane̱ i suŋ‑o si.

Other Translations

King James Version (KJV)

Have we not power to eat and to drink?

American Standard Version (ASV)

Have we no right to eat and to drink?

Bible in Basic English (BBE)

Have we no right to take food and drink?

Darby English Bible (DBY)

Have we not a right to eat and to drink?

World English Bible (WEB)

Have we no right to eat and to drink?

Young's Literal Translation (YLT)

have we not authority to eat and to drink?

Cross Reference

Matthew 10:10 in Chumburung

10 Mo̱ne̱ a yɔ‑ɔ, mo̱ne̱ ɔko̱ ma taa ko̱re̱e̱ na atɔ bo̱ tii mò̱ kaare̱ ne̱ oo buŋ‑o na ase̱be̱ta ne̱ ɔɔ naa se̱‑ɔ na kayii nare̱se̱sɛ ne̱ o de‑o si. A le̱e̱ fe̱yɛ bamo̱ ne̱ ba suŋ kusuŋ ba sa Wuribware̱‑ɔ e̱ nya bamo̱ ateese gyisɛ a bo̱ le̱e̱ kusuŋ amo̱‑rɔ.

Luke 10:7 in Chumburung

7 Mo̱nꞌ so̱we̱ lɔŋ ne̱ ba kɔɔre̱ mo̱ne̱ kanɔka nɛɛnɛɛ‑rɔ‑ɔ, na mo̱nꞌ gyi ateese ke̱maa ne̱ ba nya a bo̱ sa mo̱ne̱‑ɔ, a le̱e̱ fe̱yɛ ɔke̱maa ne̱ o suŋ kusuŋ‑o de kakɔka. Na mo̱nꞌ so̱we̱ lɔŋ ko̱ŋko̱‑rɔ, mo̱ne̱ ma nare̱ so̱we̱ e̱lɔŋ‑nɔ kaa.

1 Corinthians 9:7 in Chumburung

7 N taa soogyaanyi ase̱ŋ bo̱ kaapo̱ mo̱ne̱ ɛ. Soogyaanyi e̱ gye̱ ne̱ ɔ ka mò̱ fɔŋfɔŋ ateese ko̱kɔ aaa? Bɛɛɛ n gye̱ ane̱ŋ dɛɛ ne̱ ɔdɔɔpo̱ i gyi ateese ne̱ ɔ nya a ɔ le̱e̱ mò̱ ndɔɔ‑rɔ‑ɔ ako̱ aaa? Bɛɛɛ n gye̱ ane̱ŋ ne̱ e̱naate̱ ɔde̱e̱re̱se̱po̱ i nuu ke̱nyapo̱ ne̱ ɔ nya a ɔ le̱e̱ mò̱ e̱naate̱‑ɔ ase̱‑ɔ ko̱ko̱ aaa?

Galatians 6:6 in Chumburung

6 Amaa a bware fe̱yɛ bamo̱ ne̱ ba suye abware̱se̱ŋ‑ɔ sa bamo̱ akaapo̱po̱‑ɔ atɔ timaa ke̱maa mɔ ne̱ bo̱ de‑o ako̱.

1 Thessalonians 2:6 in Chumburung

6 Mo̱ne̱ be̱e̱ mo̱ne̱ nyi fe̱yɛ hare̱e̱ ane̱ a gye̱ ase̱sɛ ne̱ ane̱ bo̱ dwii, ne̱ ane̱ be̱e̱ ane̱ gye̱ Kristoo a ayaa‑rɔ aye̱re̱po̱‑ɔ se̱‑ɔ, weetee ane̱ e̱ taare̱ a ane̱ kɔɔre̱ ko̱tɔko̱ bo̱ le̱e̱ mo̱ne̱ ase̱. Amaa ane̱ mɔ ane̱ a ba mo̱ne̱ ase̱‑ɔ, ane̱ mo̱ŋ bo̱ suŋ ane̱ e̱ kpa mo̱ne̱ bɛɛɛ ɔko̱ nkyo̱rɔ ne̱e̱. Ane̱ a ba‑ɔ, ane̱ a baa ane̱ e̱ye̱e̱ kaase̱ ne̱e̱ fe̱yɛ ane̱ŋ ne̱ trapo̱ i yuri e̱ye̱e̱ ɔ nyapo̱ mò̱ kayaagyi po̱pwɛɛ‑ɔ na ane̱ŋ ne̱ ɔ de̱e̱re̱ mò̱ gyi‑ana se̱‑ɔ.

1 Thessalonians 2:9 in Chumburung

9 Ane̱ ko̱so̱bɛɛ‑ana, mo̱ne̱ a taŋ se̱ fe̱yɛ ane̱ a waa ane̱ fɔŋfɔŋ kusuŋ ko̱ mpase̱ na kanye, ne̱ ane̱ a nya ane̱ ateese na atanne̱ aaa? Ane̱ a waa ane̱ŋ ne̱e̱ a mo̱ne̱ ma nya tɔwe̱ fe̱yɛ ane̱ abware̱se̱ŋ ke̱bo̱tɔwe̱‑ɔ a taa ke̱kpo̱ne̱ bo̱ dɔŋŋɔ mo̱ne̱ se̱.

2 Thessalonians 3:8 in Chumburung

8 Ane̱ŋ dɛɛ ne̱ mo̱ne̱ nyi fe̱yɛ ane̱ mo̱ŋ kyaare̱ mo̱ne̱ kɔɔre̱ ateese gyi, ane̱ a sɔɔ gyi ne̱e̱. Amaa ane̱ a suŋ ane̱ fɔŋfɔŋ kusuŋ mpase̱ na kanye ne̱e̱, kpa atanne̱ bo̱ be̱ra ane̱ e̱ye̱e̱, na ane̱ ma nya taa tɔɔraa bo̱ dɔŋŋɔ mo̱ne̱ se̱.

1 Timothy 5:17 in Chumburung

17 To, mbe̱yɔmɔ, asɔre̱e̱ abre̱sɛ mɔ, bamo̱ ya suŋ kusuŋ timaa fe̱yɛ ane̱ŋ ne̱ abre̱sɛ suŋ‑o, amo̱ fe̱raa asɔre̱e̱ agyi sa bamo̱ kakɔka iluwi e̱nyɔ e̱nyɔ kanɔ se̱. Asɔre̱e̱ abre̱sɛ ne̱ ba pee akatɔ keŋkeŋ ba tɔwe̱ abware̱se̱ŋ, na ba kaapo̱ ase̱sɛ abware̱se̱ŋ‑ɔ ase̱ŋ ne̱ mo̱ e̱ tɔwe̱‑ɔ.