Psalm 70 in Chuj

1 A jun b'it tic sb'itaj yuj vin̈ cuchb'um d'a b'it, yic snaancot Dios tastac tzon̈ ic'ani. Aton jun tic sb'it vin̈aj David. Ach in Diosal, ul colineli. Mamin Jehová, cotan̈ elan̈chamel yic tzin a colani.

2 A eb' snib'an in smilanchamoc, q'uixvocab' el eb', somchajocab' el eb'. A eb' sgana yac'an chucal d'ayin, b'atocab' eb' elelal yuj q'uixvelal.

3 A eb' tzin b'uchani, aton eb' tz'el stzub' d'ayin, b'atocab' eb' elelal yuj q'uixvelal.

4 Axo masanil eb' syaq'uem sb'a d'ayach, tzalajocab' sc'ol eb'. A eb' snib'an a colval, yalocab' eb' to te nivan elc'ochi.

5 A in pax tic jun, ilb'aj in c'ool, cusc'olal vaji. Axo svalani: Ach in Diosal, cotan̈ d'a elan̈chamel yic tzin a colani. A achn̈ej tzin a coltaxoni. Cotan̈ d'a elan̈chamel, Mamin Jehová, xin chi.