Proverbs 24:16 in Chuj

16 yujto vach'chom ijan stelvi uqueloc eb', an̈eja' uquel tz'ic'jipax q'ue vaan eb', axo pax eb' chuc jun, scotxon̈ejcan d'a yib'an̈ eb' d'a juneln̈ej.

Other Translations

King James Version (KJV)

For a just man falleth seven times, and riseth up again: but the wicked shall fall into mischief.

American Standard Version (ASV)

For a righteous man falleth seven times, and riseth up again; But the wicked are overthrown by calamity.

Bible in Basic English (BBE)

For an upright man, after falling seven times, will get up again: but trouble is the downfall of the evil.

Darby English Bible (DBY)

For the righteous falleth seven times, and riseth up again; but the wicked stumble into disaster.

World English Bible (WEB)

For a righteous man falls seven times, and rises up again; But the wicked are overthrown by calamity.

Young's Literal Translation (YLT)

For seven `times' doth the righteous fall and rise, And the wicked stumble in evil.

Cross Reference

1 Samuel 26:10 in Chuj

10 A in tic svac' in ti' d'a Dios to aocab' ol ic'anel sq'uinal vin̈ ayic ol c'och stiempoal scham vin̈, mato d'a scal oval ol cham vin̈.

1 Samuel 31:4 in Chuj

4 Ix yalan vin̈ d'a vin̈ ed'jinac syamc'ab': —Ic'q'ueta q'uen espada chi' tzin a tecanchamoc, yic vach' a juntzan̈ ch'oc chon̈ab'il tic, man̈ ol in sb'uch eb' ayic ol in smilancham eb', xchi vin̈aj Saúl chi'. Palta ix te xiv vin̈ ed'jinac syamc'ab' vin̈ chi', maj stac'laj vin̈ stecancham vin̈. Yuj chi' ix syumb'at n̈ojnaj sb'a vin̈ d'a yib'an̈ q'uen yespada, ix cham vin̈.

Esther 7:10 in Chuj

10 Yuj chi' ix q'ue locan vin̈aj Amán chi' d'a te', aton te' ix sb'oq'ue vin̈ yuj vin̈aj Mardoqueo yalani. Icha chi' ix aj sicb'i yoval sc'ol vin̈ rey chi'.

Job 5:19 in Chuj

19 Tzijtum el ol ach colchaj yuj Dios d'a tas ay smay. Man̈ ol ach scha ac'joc ganar yuj junoc tas sjavi d'a ib'an̈.

Psalm 7:16 in Chuj

16 A schucal eb' comonn̈ej sc'ulej, a ol cotcan d'a yib'an̈ eb'.

Psalm 34:19 in Chuj

19 A eb' anima vach' spensar, vach'chom tzijtum tas tz'ic'an eb', axo Jehová scolanel eb' d'a masanil juntzan̈ syaelal chi'.

Psalm 37:24 in Chuj

24 Vach'chom stelvi eb', palta max ec'laj tiempo sq'uexvan eb', yujto yamb'il sc'ab' eb' yuj Jehová.

Psalm 52:5 in Chuj

5 Palta a Dios ol ach satanel d'a juneln̈ej. Ol och yub'naj d'ayach, ol ach yic'ancanel d'a a pat, ol yic'anel a q'uinal.

Proverbs 13:17 in Chuj

17 A eb' checab' chuc syutej tas checji sc'ulej, an̈ej oval sq'ue vaan yuj eb'. Axo eb' checab' vach' syutej tas checji sc'ulej jun, syic'cot junc'olal eb'.

Proverbs 14:32 in Chuj

32 A eb' chuc, an̈eja' schucal eb' chi' tz'ic'ancot d'a yib'an̈. Axo eb' vach' spensar jun, ayn̈ejoch Dios yipoc sc'ol eb' masanto scham eb'.

Proverbs 28:14 in Chuj

14 Te tzalajc'olal yic eb' anima ayn̈ej yelc'och Dios d'a sat, palta a eb' pit syutej spensar, scotcan yaelal d'a yib'an̈ eb'.

Amos 5:2 in Chuj

2 A co chon̈ab' tic, toxo ix lajviel yuj oval. Lajan icha junoc ix cob'es ix, ix lajvi yuj q'uen espada, ix can telan d'a sat sluum, malaj mach scolani yic sq'ue vaan. Ix actajcan sch'ocoj d'a slugar, malaj mach tz'ic'anq'ue vaan.

Amos 8:14 in Chuj

14 Icha chi' ol aj eb' syac' sti' d'a juntzan̈ yechel q'uixvelaltac ay d'a Samaria, aton eb' tz'alan icha tic: Svac' in ti' d'a sb'i sdiosal eb' aj Dan, ma d'a sb'i sdiosal eb' aj Beerseba, xchi eb'. Yuj chi' man̈xa b'aq'uin̈ ol q'ue vaan eb', xchi Jehová.

Micah 7:8 in Chuj

8 A ex ajc'ool eyajoch d'ayon̈, man̈ ex tzalaj yuj tas tzon̈ ic'ani. Vach'chom tzon̈ telvi, palta ol on̈ q'uex vaan. Vach'chom tzoymaj q'uic'alq'uinal d'a co patic, palta a Jehová saquilq'uinal yaj d'ayon̈.

Acts 12:23 in Chuj

23 Yujto maj yic'chaan̈ sb'i Dios vin̈, yuj chi' d'a jun rato chi' ix ac'jioch syaelal vin̈ yuj jun yángel Dios, ix och noc' a'ay d'a yol sc'ool vin̈, ix cham vin̈.

2 Corinthians 1:8 in Chuj

8 Ex vuc'tac ex vanab', sco nib'ej scal d'ayex jantac syail ix cab'i ayic ix on̈ ec' d'a yol yic Asia. Yujto te ya' ix on̈ ec' ta', ijan maj techajlaj cuuj. Ix co na' to ijan val maj on̈ colchajel-laj d'a yol sc'ab' chamel.

2 Corinthians 4:8 in Chuj

8 Vach'chom oyanoch yaelal d'a co patic quichan̈, palta max on̈ canlaj d'a yalan̈ yuuj. Vach'chom somc'olal caji, palta max co vach' aq'uej somchajel co b'a.

2 Corinthians 11:23 in Chuj

23 Tato schecab' Cristo yaj eb', a in tic más val schecab' in d'a yichan̈ eb'. Vach'chom ayic svalanb'at juntzan̈ tic d'ayex, svalb'at icha yaj junoc mach malaj spensar. Más nivan in munlaj d'a yichan̈ eb'. Más tzijtum el ix in mac'ji d'a yichan̈ eb'. Tzijtum el ix in och d'a preso. Tzijtum el pax ix in ac'jioch d'a yol sc'ab' chamel.

1 Thessalonians 5:3 in Chuj

3 A d'a jun tiempoal chi' ol yal eb' anima: A on̈ tic te vach' caji, ¿toc ay tas sco na'a? xcham eb'. Palta a d'a jun rato chi' ol lajvoc el eb'. Icha tz'aj scot syail yalji yune' junoc ix ix, icha chi' ol aj sja yaelal d'a yib'an̈ eb'. Man̈ ol colchajcan el-laj eb' d'a jun yaelal chi'.

Revelation 18:20 in Chuj

20 Ix vab'an yalchaji: Ex aj satchaan̈, tzalajan̈ec yuj tas ix utaj jun chon̈ab' tic, yed' ex schecab' Jesucristo yed' ex yalumalel slolonel Dios yed' ex yic exxo Dios e masanil, tzalajan̈ec. Yujto icha ix ex yutej, icha chi' ix yutej Dios yac'an spac d'ay, xchi.