Nehemiah 12:1 in Chuj

1 Ay juntzan̈ eb' vin̈ sacerdote yed' juntzan̈xo eb' vin̈ levita janacxi yed' vin̈aj Zorobabel yuninal vin̈aj Salatiel yed' vin̈aj Jesúa yajal d'a eb' vin̈. Aton eb' vin̈ tic: Vin̈aj Seraías, vin̈aj Jeremías, vin̈aj Esdras, vin̈aj Amarías, vin̈aj Maluc, vin̈aj Hatús, vin̈aj Secanías, vin̈aj Rehum, vin̈aj Meremot, vin̈aj Iddo, vin̈aj Gineto, vin̈aj Abías, vin̈aj Mijamín, vin̈aj Maadías, vin̈aj Bilga, vin̈aj Semaías, vin̈aj Joiarib, vin̈aj Jedaías, vin̈aj Salú, vin̈aj Amoc, vin̈aj Hilcías yed' vin̈aj Jedaías. Aton eb' vin̈ tic yajal yaj d'a scal eb' vin̈ yetsacerdoteal d'a yol stiempoal vin̈aj Jesúa.

Other Translations

King James Version (KJV)

Now these are the priests and the Levites that went up with Zerubbabel the son of Shealtiel, and Jeshua: Seraiah, Jeremiah, Ezra,

American Standard Version (ASV)

Now these are the priests and the Levites that went up with Zerubbabel the son of Shealtiel, and Jeshua: Seraiah, Jeremiah, Ezra,

Bible in Basic English (BBE)

Now these are the priests and the Levites who went up with Zerubbabel, the son of Shealtiel, and Jeshua: Seraiah, Jeremiah, Ezra,

Darby English Bible (DBY)

And these are the priests and the Levites that went up with Zerubbabel the son of Shealtiel, and Jeshua: Seraiah, Jeremiah, Ezra,

Webster's Bible (WBT)

Now these are the priests and the Levites that went up with Zerubbabel the son of Shealtiel, and Jeshua: Seraiah, Jeremiah, Ezra,

World English Bible (WEB)

Now these are the priests and the Levites who went up with Zerubbabel the son of Shealtiel, and Jeshua: Seraiah, Jeremiah, Ezra,

Young's Literal Translation (YLT)

And these `are' the priests and the Levites who came up with Zerubbabel son of Shealtiel, and Jeshua; Seraiah, Jeremiah, Ezra,

Cross Reference

1 Chronicles 3:17 in Chuj

17 Axo eb' vin̈ yuninal vin̈aj Jeconías vin̈ ic'b'ilb'at preso d'a Babilonia, aton vin̈aj Salatiel, vin̈aj Malquiram, vin̈aj Pedaías, vin̈aj Senazar, vin̈aj Jecamías, vin̈aj Hosama yed' vin̈aj Nedabías.

Ezra 2:1 in Chuj

1 Aton slistail eb' aj Judá ic'b'ilb'at yuj vin̈aj Nabucodonosor sreyal Babilonia, eb' ix jax d'a Jerusalén yed' d'a juntzan̈xo lugar d'a yol yic Judá. Junjun eb' ix c'ochxican d'a schon̈ab'. Axo eb' vin̈ cuchb'um d'a eb', aton eb' vin̈ tic: Vin̈aj Zorobabel, vin̈aj Jesúa, vin̈aj Nehemías, vin̈aj Seraías, vin̈aj Reelaías, vin̈aj Mardoqueo, vin̈aj Bilsán, vin̈aj Mizpar, vin̈aj Bigvai, vin̈aj Rehum yed' vin̈aj Baana.

Ezra 3:8 in Chuj

8 Ix el yich sb'ochajxi scajnub' Dios yuj vin̈aj Zorobabel yuninal vin̈aj Salatiel, vin̈aj Jesúa yuninal vin̈aj Josadac yed' eb' sacerdote, eb' levita yed' masanil eb' ix cot d'a Babilonia. D'a schab'il ujal yic schab'il ab'il sjavi eb' d'a Jerusalén, ix syamanoch eb' sb'oanxi scajnub' Jehová, ix yac'anoch jun munlajel chi' eb' d'a yol sc'ab' eb' levita ec'xo 20 ab'il sq'uinal.

Ezra 4:2 in Chuj

2 ix c'och eb' d'a vin̈aj Zorobabel yed' d'a eb' yajal yaj d'a scal junjun macan̈ eb'. Ix yalan eb' icha tic: —Comonoc scha e c'ool sco b'o jun munlajel tic eyed'oc, yujto tzon̈ ochpax ejmelal d'a e Diosal chi' icha ex tic. Atax yic on̈ ic'chajcot d'a tic yuj vin̈aj Esar-hadón sreyal Asiria, atax ta' on̈ och ijan cac'an co silab' d'a e Diosal chi', xchi eb'.

Ezra 5:2 in Chuj

2 Yuj chi', ix och vin̈aj Zorobabel yuninal vin̈aj Salatiel yed' vin̈aj Jesúa yuninal vin̈aj Josadac d'a munlajel junelxo yic sb'ochajxiq'ue scajnub' Dios chi'. Ix och eb' vin̈ schecab' Dios chi' yiptzitan eb'.

Nehemiah 7:7 in Chuj

7 A eb' vin̈ scuchb'an eb', aton eb' vin̈ tic: Vin̈aj Zorobabel, vin̈aj Jesúa, vin̈aj Nehemías, vin̈aj Azarías, vin̈aj Raamías, vin̈aj Nahamani, vin̈aj Mardoqueo, vin̈aj Bilsán, vin̈aj Misperet, vin̈aj Bigvai, vin̈aj Nehum yed' vin̈aj Baana.

Nehemiah 12:10 in Chuj

10 A sb'i eb' vin̈ yin̈tilal vin̈aj Jesúa d'a stzolal, aton vin̈aj Joiacim, vin̈aj Eliasib, vin̈aj Joiada, vin̈aj Jonatán yed' vin̈aj Jadúa.

Nehemiah 12:12 in Chuj

12 A sb'i eb' vin̈ sacerdote yajal d'a junjun macan̈ eb' yetsacerdoteal d'a stiempoal vin̈aj sat sacerdote Joiacim, aton eb' vin̈ tic: A vin̈aj Meraías yajal d'a eb' yin̈tilal vin̈aj Seraías. A vin̈aj Hananías yajal d'a eb' yin̈tilal vin̈aj Jeremías. A vin̈aj Mesulam yajal d'a eb' yin̈tilal vin̈aj Esdras. A vin̈aj Johanán yajal d'a eb' yin̈tilal vin̈aj Amarías. A vin̈aj Jonatán yajal d'a eb' yin̈tilal vin̈aj Melicú. A vin̈aj José yajal d'a eb' yin̈tilal vin̈aj Sebanías. A vin̈aj Adna yajal d'a eb' yin̈tilal vin̈aj Harim. A vin̈aj Helcai yajal d'a eb' yin̈tilal vin̈aj Meraiot. A vin̈aj Zacarías yajal d'a eb' yin̈tilal vin̈aj Iddo. A vin̈aj Mesulam yajal d'a eb' yin̈tilal vin̈aj Ginetón. A vin̈aj Zicri yajal d'a eb' yin̈tilal vin̈aj Abías. A vin̈aj Piltai yajal d'a eb' yin̈tilal vin̈aj Miniamín yed' d'a eb' yin̈tilal vin̈aj Moadías. A vin̈aj Samúa yajal d'a eb' yin̈tilal vin̈aj Bilga. A vin̈aj Jonatán yajal d'a eb' yin̈tilal vin̈aj Semaías. A vin̈aj Matenai yajal d'a eb' yin̈tilal vin̈aj Joiarib. A vin̈aj Uzi yajal d'a eb' yin̈tilal vin̈aj Jedaías. A vin̈aj Calai yajal d'a eb' yin̈tilal vin̈aj Salai. A vin̈aj Eber yajal d'a eb' yin̈tilal vin̈aj Amoc. A vin̈aj Hasabías yajal d'a eb' yin̈tilal vin̈aj Hilcías. A vin̈aj Natanael yajal d'a eb' yin̈tilal vin̈aj Jedaías.

Haggai 1:1 in Chuj

1 D'a schab'il ab'il yoch vin̈aj Darío reyal, d'a sb'ab'el c'ual yic svaquil uj, a Jehová ix in checan a in Hageo schecab' in tic yic b'at in lolon yed' vin̈ sgobernadoral Judá, aton vin̈aj Zorobabel yuninal vin̈aj Salatiel yed' pax vin̈aj Josué, vin̈ sat sacerdote yuninal vin̈aj Josadac.

Haggai 1:12 in Chuj

12 A juntzan̈ slolonel Jehová Dios ix vala', ayic ix yab'an vin̈aj Zorobabel yed' vin̈aj Josué, aton vin̈ sat sacerdote yed' masanil eb' anima, ix te xiv eb' d'a Jehová, yuj chi' ix sc'anab'ajej eb'.

Haggai 1:14 in Chuj

14 Icha chi' ix aj yiptzitaj vin̈aj Zorobabel gobernador d'a Judá yed' vin̈aj Josué sat sacerdote yed' pax masanil eb' anima yuj Jehová. Ayic 24 c'ual yoch svaquil uj, d'a schab'il ab'il yoch vin̈aj Darío reyal, aton ta' ix syamoch eb' sb'oanxi scajnub' sDiosal, aton Jehová Yajal d'a Smasanil.

Haggai 2:2 in Chuj

2 Ix yalani to sval d'a vin̈aj Zorobabel yed' d'a vin̈aj Josué yed' pax d'a masanil eb' anima icha tic:

Haggai 2:21 in Chuj

21 Ix yalan icha tic: Al d'a vin̈aj Zorobabel sgobernadoral Judá to a in Jehová in sval icha tic: Ol in tzicub'tan̈ej satchaan̈ yed' lum luum tic.

Zechariah 3:1 in Chuj

1 Ix ch'oxji vila' to a vin̈aj Josué, aton vin̈ sat sacerdote, lin̈anoch vin̈ d'a yichan̈ Yángel Jehová. A d'a stojolal svach' vin̈aj Josué chi', ata' lin̈anoch vin̈ Satanás, yic syaloch smul vin̈aj Josué chi' vin̈.

Zechariah 4:6 in Chuj

6 Ix yalanxi jun ángel chi' d'ayin icha tic: Aton jun lolonel tic syal Jehová Yajal d'a Smasanil d'a vin̈aj Zorobabel: Man̈ yujoc eb' soldado, man̈ yujoc pax ipalil, palta a yuj Vespíritu ol yal uuj.

Zechariah 6:11 in Chuj

11 A yed' q'uen plata yed' q'uen oro ol a cha chi' tza b'o junoc corona, tzac'anq'ue d'a sjolom vin̈aj Josué, aton vin̈ sat sacerdote yuninal vin̈aj Josadac.

Matthew 1:12 in Chuj

12 Ayic ayec' eb' d'a Babilonia chi', ix alji vin̈aj Salatiel yuninal vin̈aj Jeconías. A vin̈aj Salatiel chi' smam vin̈aj Zorobabel.