Isaiah 24:3 in Chuj

3 Toxon̈ej ol can b'eran luum, yujto ol satel masanil tas vach' ay d'a sat luum. A Jehová ix alani, ol eln̈ejc'ochoc.

Other Translations

King James Version (KJV)

The land shall be utterly emptied, and utterly spoiled: for the LORD hath spoken this word.

American Standard Version (ASV)

The earth shall be utterly emptied, and utterly laid waste; for Jehovah hath spoken this word.

Bible in Basic English (BBE)

The earth will be completely waste and without men; for this is the word of the Lord.

Darby English Bible (DBY)

The land shall be utterly emptied, and utterly spoiled; for Jehovah hath spoken this word.

World English Bible (WEB)

The earth shall be utterly emptied, and utterly laid waste; for Yahweh has spoken this word.

Young's Literal Translation (YLT)

Utterly emptied is the land, and utterly spoiled, For Jehovah hath spoken this word:

Cross Reference

Leviticus 26:30 in Chuj

30 Ol in pojem juntzan̈ lugar b'aj tzex och ejmelal d'a e diosal, ol in mac'poj eyaltar yic incienso. Ol in molb'ejq'ue b'ulan e nivanil d'a yib'an̈ juntzan̈ e diosal man̈ pitzanoc chi', yujto ol ex in chaqueli.

Deuteronomy 29:23 in Chuj

23 Ol yil eb' to a lum luum chi' tz'anac luum smasanil, an̈ej q'uen azufre yed' atz'am atz'am ay d'a luum. Man̈xalaj tas ol yal yavchaj d'a luum. Man̈xalaj tas ol q'uib' d'a luum, vach'chom an̈ an̈c'ultac man̈xo ol q'uib'laj an̈. Icha val ajnac satel juntzan̈ chon̈ab' yuj yoval sc'ol Jehová, aton Sodoma, Gomorra, Adma yed' Zeboim, icha val chi' ol aj lum e luum tic.

Deuteronomy 29:28 in Chuj

28 Ix yiq'uel jun chon̈ab' chi' yed' yoval sc'ool, ix yac'ancanb'at eb' d'a scaltac juntzan̈xo nación, ichaton van yuji ticnaic, xcham eb' ol pacan jun lolonel chi'.

2 Chronicles 36:21 in Chuj

21 Icha val chi' ix aj yelc'och tas ix schec Dios yal vin̈aj Jeremías schecab'. Icha chi' ix aj yic'an yip lum luum, yujto 70 ab'il man̈xalaj mach ix munlaj d'a sat luum.

Isaiah 6:11 in Chuj

11 Ix in c'anb'an d'ay icha tic: Mamin, ¿jantac tiempo ol valel jun tic? xin chi. Ix yalan d'ayin: Ol aln̈ej jun tic masanto ol lajvoquem juntzan̈ chon̈ab', man̈xa mach ol can cajan d'ay. Man̈xa junoc pat ol can anima d'a yool, ol can tz'inan luum.

Isaiah 21:17 in Chuj

17 A eb' aj Cedar jelan sjulvaji, jayvan̈xon̈ej eb' ol canoc. A in Jehová e Diosal in a ex israel ex tic, a in svala', xchi.

Isaiah 22:25 in Chuj

25 A d'a jun c'ual chi', a jun te te' vach' yaj smac'chajoch chi', ol elta chocnaj te'. Ol emta tan̈naj te' d'a sat luum, ol pojcanb'at masanil tas locanoch chi' d'a te'. A val Jehová tz'alan d'ayin, xchi vin̈aj Isaías chi'.

Isaiah 24:1 in Chuj

1 A Jehová ol mesan sat lum luum tic. Toxon̈ej ol can b'eran luum. Ol laj svuch'chitan sat luum tic, ol spechan saclem masanil eb' cajan d'a luum.

Jeremiah 13:15 in Chuj

15 Ex aj Judá, a Jehová van slolon d'ayex. Emnaquil tzeyutej e b'a, tze maclan eyab' tas syala'.

Ezekiel 36:4 in Chuj

4 Yuj chi', a in Jehová Yajal in sval d'ayex israel ex ayex d'a lum tzalquixtac, d'a lum ch'olquixtac, d'a chon̈ab' mac'b'ilem lan̈najoc yed' d'a chon̈ab' cannac tz'inan, aton juntzan̈ chon̈ab' elc'ab'ilb'at tastac ay d'ay yuj juntzan̈ chon̈ab' ay d'a slac'anil.

Micah 4:4 in Chuj

4 A eb' anima, man̈xalaj b'aj ol xiv eb'. Junjun mach ol yal yic'an yip d'a yalan̈ yen̈ul sc'ab' te' yuva yed' d'a yalan̈ yen̈ul sc'ab' te' yigo. A Jehová Yajal d'a Smasanil syac' sti' d'a jun tic.