Revelation 9:21 in Chipaya 21 Nii parti z̈oñinacaqui anawal kamtiquiztan anapan jaytichic̈ha. Tirapantac̈ha z̈oñi conzqui, niz̈aza yat'iri ojklayzqui, niz̈aza adulteriuquiz ojklayzqui, niz̈aza tjañizaz ojklayzqui.
Other Translations King James Version (KJV) Neither repented they of their murders, nor of their sorceries, nor of their fornication, nor of their thefts.
American Standard Version (ASV) and they repented not of their murders, nor of their sorceries, nor of their fornication, nor of their thefts.
Bible in Basic English (BBE) And they had no regret for putting men to death, or for their use of secret arts, or for the evil desires of the flesh, or for taking the property of others.
Darby English Bible (DBY) And they repented not of their murders, nor of their witchcrafts, nor of their fornication, nor of their thefts.
World English Bible (WEB) They didn't repent of their murders, nor of their sorceries,{The word for "sorceries" (pharmakeia) also implies the use of potions, poisons, and drugs} nor of their sexual immorality, nor of their thefts.
Young's Literal Translation (YLT) yea they did not reform from their murders, nor from their sorceries, nor from their whoredoms, nor from their thefts.
Cross Reference Matthew 15:19 in Chipaya 19 Kuzquiztanpanz̈ ulanc̈ha tiz̈tanaca, ana wali pinsisnacaqui, niz̈aza z̈oñi conzqui, niz̈aza adulteriuquiz ojklayzqui, niz̈aza yekja maatakz̈tan z̈ejlzqui, niz̈aza cusasanaca kjañzqui, niz̈aza toscar taku chiizqui, niz̈aza ana wal taku joojoozqui.
2 Corinthians 12:21 in Chipaya 21 Cunamit yekjapanacaqui ana zuma kamañchizlani, niz̈aza adulteriuquiz ojklaychiz̈lani, niz̈aza ana walinaca paachiz̈lani. Cunamit yekjapanacaqui anc̈hucaquiztan uj paayiñc̈hucz̈lani, niz̈aza anc̈huca ujquiztan ana pertuna mayizichinc̈hucz̈lani. Jalla niz̈tiquiztan anc̈hucaquin tjontan cunamit wejt Yoozqui anc̈hucaz̈ anazuma kamchiz̈ cjen wejr azkatac̈hani. Niz̈ta wataquiz̈ niiqui, llaquita kuzziz cjeec̈ha.
Galatians 5:20 in Chipaya 20 z̈oñiz̈ paata yooznacz̈quiz sirwiz, z̈oñz̈ quintra laykiz paaz, z̈oñz̈ quintra chuchas, z̈oñz̈tan ch'aas, iñiziz, c̈hjaawjkatas, persun kuzcamapankaz paaz, t'aka t'aka cjiyas, tsjii partiquiztan tsjii partiquiztan quintras,
Revelation 11:7 in Chipaya 7 Jalla nii pucultan tisticunacaqui Yooz taku paljayz z̈erz̈cu, contaz̈ cjequic̈ha. Tsjii anawal animalaz̈takaz anawal koz tujquiztan ulnaquic̈ha. Yooz taku paljayñinacz̈ quintra cjequic̈ha. Niz̈aza nii pucultiquiztan atipaquic̈ha, niz̈aza conaquic̈ha.
Revelation 13:7 in Chipaya 7 Niz̈aza anawal animalaqui Yoozquin criichinacz̈ quintra quira zalajo permittatac̈ha, ninaca atipzcama. Niz̈aza niiz̈quiz mantiz poder tjaatatac̈ha, tjapa zaranacchiz z̈oñinacz̈quizimi, tjapa watjanacchiz z̈oñinacz̈quizimi, tjapa takunacchiz z̈oñinacz̈quizimi, tjapa nacionanacchiz z̈oñinacz̈quizimi, jalla tjapa nii ana criichi z̈oñinacz̈quizimi mantizjapa.
Revelation 13:13 in Chipaya 13 Niz̈aza segundo animalaqui pajk milajrunaca paachic̈ha. Tsewctan yokquiz uj tjojtskatchic̈ha z̈oñinacaz̈ cheran.
Revelation 13:15 in Chipaya 15 Segundo animalaqui primir animalz̈ irata paata yooz z̈ejtñi cjiskatchic̈ha. Niz̈ta poderchiz cjissic̈ha segundo animalaqui. Jalla nuz̈ z̈ejtñi cjican, nii paata yoozqui chiiñi cjissic̈ha. Niz̈aza jakziltat nii yooz ana rispitc̈haja, jalla niiqui contaj cjila, mantichic̈ha z̈ejtñi chiiñi yoozqui.
Revelation 14:8 in Chipaya 8 Jalla nekztanaqui yekja anjilaqui apz̈quichic̈ha, tuz̈ cjican: —Babilonia, nii pajk watjaqui akzic̈ha, akzic̈ha. Nii watjaqui parti watjanacchiz z̈oñinacz̈quiz anawali kamañchiz cjiskatchic̈ha, jaknuz̈t adulteriuquiz ojklayñinacaqui ana zuma kamañchizlaja, jalla niz̈ta.
Revelation 16:6 in Chipaya 6 Nii casticta z̈oñinacaqui am parti z̈oñinacami, niz̈aza am parti parliñi z̈oñinacami conchic̈ha. Jaziqui amqui nii z̈oñinacz̈quiz ljoc lickatchamc̈ha. Jalla nuz̈upan ninacz̈ta waquizic̈ha.
Revelation 17:2 in Chipaya 2 Tii yokquiz mantiñi jilirinacaqui naa putiriyatan adulteriuquiz ojklaychic̈ha. Naa irat kamañchiz pecz̈cu, Yoozquiztan ancha zarakchic̈ha nii mantiñinacaqui. Jaknuz̈t vinz̈tan licchi z̈oñiqui tsjii kjutñi ojkc̈haja, jalla niz̈ta cjissic̈ha.
Revelation 17:5 in Chipaya 5 Niz̈aza naaz̈a ayquiz tii ana intintazzuca tjuu cjijrtatac̈ha: “Pajk Babilonia, putirii maatakanacz̈ maa, niz̈aza tii yokquiz ana zuma kamañanacchiz maa”. Jalla nuz̈ cjijrtatac̈ha.
Revelation 18:3 in Chipaya 3 Nii Babilonia watjaqui tjapa nacionanaca Yoozquiztan zarakskatchic̈ha, licchinacaz̈takaz. Niz̈aza nii watjaz̈ cjen tjapa tii yokquiz mantiñi jilirinacaqui ana zuma kamañchiz cjissic̈ha. Niz̈aza nii wajtchiz z̈oñinacz̈quiz tjapaman cusasanaca tuytiquiztan, tuyñi z̈oñinacaqui ricachu cjissic̈ha.
Revelation 18:23 in Chipaya 23 Niz̈aza tii wajtquiz micha pekz̈ta anaz̈ iya cheraquic̈ha. Niz̈aza anaz̈ iya zalzñi pjijzta ch'ajwiñi nonznaquic̈ha. Tuqui tii wajtquiz tuyñinacaqui z̈oñinacz̈ yujcquiz pajk z̈oñitac̈ha. Maña paacan, tii wajtchiz z̈oñinacaqui tjapa nacionanacchiz z̈oñinacz̈quiz incallchic̈ha.
Revelation 19:2 in Chipaya 2 Uc̈hum Yoozza lijituma pjalzñiqui. Jalla nuz̈ Babilonia wajtchiz z̈oñinaca lijituma casticchic̈ha. Nii z̈oñinacaqui tjapa wajtchiz z̈oñinacz̈quiz ana wali kamañchiz cjiskatchic̈ha. Jalla niz̈tiquiztan casticta cjissic̈ha. Niz̈aza Yoozquin sirwiñi z̈oñinaca conchiz̈ cjen, Yoozqui nii z̈oñinaca casticchic̈ha”.
Revelation 21:8 in Chipaya 8 Ana wejtquin kuzziz z̈oñinacazti azupri uj kotquin chjatkattaz̈ cjequic̈ha. Jalla tiz̈ta kamañchizza nii z̈oñinacaqui: Yooz nicñinaca, Yoozquin kuz ana tjaañinaca, ana zuma kamañchiz z̈oñinaca, z̈oñi conñinaca, adulteriuquiz ojklayñinaca, yat'irinaca, z̈oñiz̈ paata yooznaca sirwiñinaca, toscara chiiñinaca. Jalla ninacaz̈ asñi ujquin castictaz̈ cjequic̈ha. Jalla nii asñi uj infiernuquin ojkzqui segundo ticz cjic̈ha.
Revelation 22:15 in Chipaya 15 Pero wajt zancu jalla tiz̈ta z̈oñinacaz̈ eclaquic̈ha: tsjii kjutñi kuz tjaañi z̈oñinaca, yat'irinaca, adulteriuquiz ojklayñinaca, z̈oñi conñinaca, z̈oñiz̈ paata yooznacz̈quin rispitñinaca, niz̈aza tjapa incallñinaca, niz̈aza tjapa toscar taku pecñinaca. Jalla nii anazuma z̈oñinacaz̈ wajt zancu eclaquic̈ha.