Revelation 1:7 in Chipaya 7 Cjuñzna. Tsjii nooj Jesucristuqui tsjir taypiquiz tjonaquic̈ha. Jalla nuz̈ tjonan tjapa z̈oñinacaqui nii cheraquic̈ha; Jesucristo quintra paañi z̈oñinacami nii zakaz cheraquic̈ha. Nekztanaqui tjapa wajtchiz ana criiñi z̈oñinacaqui kaaquic̈ha, ninaca casticz ora tjonchiz̈ cjen. Jalla nuz̈oj cjila. Amén.
Other Translations King James Version (KJV) Behold, he cometh with clouds; and every eye shall see him, and they also which pierced him: and all kindreds of the earth shall wail because of him. Even so, Amen.
American Standard Version (ASV) Behold, he cometh with the clouds; and every eye shall see him, and they that pierced him; and all the tribes of the earth shall mourn over him. Even so, Amen.
Bible in Basic English (BBE) See, he comes with the clouds, and every eye will see him, and those by whom he was wounded; and all the tribes of the earth will be sorrowing because of him. Yes, so be it.
Darby English Bible (DBY) Behold, he comes with the clouds, and every eye shall see him, and they which have pierced him, and all the tribes of the land shall wail because of him. Yea. Amen.
World English Bible (WEB) Behold, he is coming with the clouds, and every eye will see him, including those who pierced him. All the tribes of the earth will mourn over him. Even so, Amen.
Young's Literal Translation (YLT) Lo, he doth come with the clouds, and see him shall every eye, even those who did pierce him, and wail because of him shall all the tribes of the land. Yes! Amen!
Cross Reference Matthew 24:30 in Chipaya 30 Jalla nekztanaqui arajpachquin wejt siñalaqui parisaquic̈ha. Wejrqui tsewctan cuchanz̈quita Yooz Z̈oñtc̈ha. Jalla nuz̈ wejt siñala cherz̈cu tjapa ana criichi z̈oñinacaqui kaaquic̈ha. Ninacaqui wejt tjonz cheraquic̈ha. Wejrqui tsjir taypiquiz tjonac̈ha walja aztan, niz̈aza Yooz Epiz̈ aziz̈ tjeez̈can.
Matthew 26:64 in Chipaya 64 Jesusaqui kjaazic̈ha, tuz̈ cjican: —Wejrc̈hay. Amqui jaknuz̈um chiic̈haja, jalla nuz̈uc̈ha. Wejr zakal anc̈hucaquiz cjeec̈ha. Wejrqui tsewctan cuchanz̈quita Yooz Z̈oñtc̈ha. Tsjii noojiqui anc̈hucqui wejr cheraquic̈ha, juc'anti azziz Yooz z̈ew latuquiz julzi. Niz̈aza arajpachquiztan tsjir taypiquiz wilta tjonac̈ha.
Mark 13:26 in Chipaya 26 Jalla nekztanaqui z̈oñinacaqui tii tsewctan cuchanz̈quita Yooz Z̈oñiz̈ cheraquic̈ha. Wejrqui tsjir taypiquiz tjonac̈ha, walja aztan, ancha ispantichuca.
Mark 14:62 in Chipaya 62 Jesusaqui kjaazic̈ha: —Jesalla. Wejrtc̈ha Cristutqui. Wejrqui tsewctan cuchanz̈quita Yooz Z̈oñtc̈ha. Tsjii nooj anc̈hucqui wejr cheraquic̈ha, juc'anti azziz Yooz latuquiz julzi. Nekztan arajpachquiztan tsjirquiz tjonac̈ha.
Luke 21:27 in Chipaya 27 Jalla nekztanaqui z̈oñinacaqui wejr, nii tsewtan cuchanz̈quita Yooz Zoñi, quejpz̈quiñi cheraquic̈ha. Walja kjancan wejt azi tjeez̈can tsjir taypiquiz tjonac̈ha.
Luke 23:28 in Chipaya 28 Pero Jesusaqui maatakanacz̈quiz cherz̈cu paljaychic̈ha, tuz̈ cjican: —Jerusalén wajtchiz maatakanaca, wejtquiztan ana kaa. Anc̈huca persunjapa niz̈aza anc̈huca maatinacz̈quiztan kaa.
John 19:34 in Chipaya 34 Pero tsjii zultatuqui Jesusiz̈ ch'ill kjuttan chjapz̈inchic̈ha pajk cuchillz̈tan. Jalla nuz̈ chjaptan ljocmi kjazmi lewchic̈ha.
John 19:37 in Chipaya 37 Niz̈aza tsjii cjijrta Yooz takuqui tuz̈ cjicha: “Ninacaqui ninacaz̈ chjapta z̈oñiqui cheraquic̈ha”.
Acts 1:9 in Chipaya 9 Nekztan apostolonacaz̈ cheran Jesusaqui ninacz̈ taypiquiztan tsewcchuc waytissic̈ha. Yooz Epiz̈ chjichtatac̈ha arajpacha. Nuz̈quiz tsjir taypiquiz katchic̈ha Jesusaqui. Ana iya tjenchic̈ha.
1 Thessalonians 1:10 in Chipaya 10 Niz̈aza anc̈hucqui Yooz Majch arajpachquiztan tjonz tjuñi tjewz̈a. Yoozqui niiz̈ Majch ticziquiztan jacatatskatchic̈ha. Jalla nii Jesusaqui uc̈hum casticunacquiztan liwriichic̈ha. Jalla nuz̈ quint'iñitac̈ha anc̈huca puntuquiztan.
1 Thessalonians 4:17 in Chipaya 17 Tii muntuquiz z̈ejtchi criichinacz̈ tuqui jacatatskattaz̈ cjequic̈ha. Nii ticzi criichinacaz̈ jacatatskattiquiztan parti criichinacaqui ninacz̈tan juntupacha chjitz̈tazakaz cjequic̈ha. Nekztan tsewcchuc tsjir taypiquiz Jesucristo Jilirz̈tan zalaquic̈ha. Jalla nekztanaqui tjapa criichinacaqui tirapanz̈ Jesucristo Jilirz̈tan wiñaya kamaquic̈ha.
Hebrews 6:6 in Chipaya 6 Jalla niz̈ta Yooz taku catokchi z̈oñinacaqui Yooz quintra quepsnaquiz̈ niiqui, anaz̈ wilta kuz campii atasac̈ha zumquinaqui. Ninacz̈ kuzqui chojrupan cjissa. Jalla niz̈ta cjiscu, ninacapacha Jesucristo Yooz Majch wilta cruzquiz ch'awctaz̈okazza, niiz̈ quintra z̈oñinacz̈ yujcquiz cjicjiñic̈ha.
Hebrews 10:29 in Chipaya 29 Jalla niz̈tiquiztan jakziltat Yooz Majch quintrapan quepsnac̈haja, niz̈aza Yooz Majch liwriiñi ljoc tjawkta puntuquiztan iñarac̈haja, niz̈aza okzñi Yooz Espíritu Santuz̈quiz z̈awjwa zjijcc̈haja, jalla niz̈ta paañinacaqui juc'anti castictaz̈ cjequic̈ha, nii Moisés lii quintra paañi z̈oñinacz̈quiztan cjen. Jalla niz̈ta casticzpan waquizic̈ha niz̈ta z̈oñinacz̈taqui.
1 John 3:2 in Chipaya 2 Jilanaca, cullaquinaca, uc̈humqui Yooz maatic̈humc̈ha. Wiruñaqui jaknuz̈kac̈hum cjissnac̈han, uc̈humqui ana zizza. Pero Jesucristuz̈ tjontanaqui, nii cheraquic̈ha uc̈humqui. Nekztanaqui Jesucristuz̈ irata cjisnaquic̈ha uc̈humqui. Jalla nii tjaajinta zizzinc̈humc̈ha.
Jude 1:14 in Chipaya 14 Tsjii z̈oñiqui Enoc cjitatac̈ha. Adanz̈quiztan pakallak wilta majchmajchquiztan tjonñitac̈ha. Jalla nii Enocqui Yooztajapa chiichic̈ha tuz̈ cjican: “Yooz Jiliriqui warank warank anjilanacz̈tan tjonaquic̈ha, tjapa z̈oñinaca pjalzjapa.
Revelation 6:15 in Chipaya 15 Nekztanaqui tii muntuquiz mantiñinacami, jilirinacami, zultatz̈ jilirinacami, ricachunacami, azziz z̈oñinacami, mantita z̈oñinacami, ana mantita z̈oñinacami, tjappacha chjojzic̈ha pajk maz pjetanacquizimi, niz̈aza cur akjinacquizimi.
Revelation 14:14 in Chipaya 14 Jalla nekztanaqui tsewc kjutñi cherz̈cu, chiw tsjiri cherchinc̈ha. Nii tsjir juntuñ tsjii z̈oñiz̈takaz julzi z̈elatc̈ha, kor pillu achquiz tjewzi, niz̈aza kjarquiz cuchillu tanzi.
Revelation 18:15 in Chipaya 15 Nii cusasanaca tuyñinacaqui ricachu cjissic̈ha nii wajtchiz z̈oñinacaz̈ kjaychiz̈ cjen. Jaziqui tuyñinacaqui nii watja casticu cherz̈cu, eksñi kuztan az̈kquin tsijtchi z̈elaquic̈ha. Niz̈aza altu jorz̈tan kjawcan, kaaquic̈ha, niz̈aza llacjizaquic̈ha.
Revelation 19:1 in Chipaya 1 Jalla nekztanaqui arajpachquin wacchi z̈oñinacz̈ jora nonzinc̈ha, tuz̈ cjican: “¡Aleluya! Uc̈hum Yoozza liwriiñiqui, walja azzizza, walja honorchizza.
Revelation 22:4 in Chipaya 4 Niz̈aza Yooz wajtchiz z̈oñinacaqui Yooz cheraquic̈ha. Niz̈aza Yooz tjuuqui nii z̈oñinacz̈ ayquiz cjijrtaz̈ cjequic̈ha.
Revelation 22:20 in Chipaya 20 Jalla tii takunaca ticlarñiqui tuz̈ cjic̈ha: —Ultimupan wejrqui wajillal tjonac̈ha. Wejrzakaz cjiwc̈ha: —Jalla nuz̈oj cjila. Amén. Jesucristo Jiliri, jalla nuz̈ tjona.