Acts 6:3 in Chipaya 3 Jilanaca, pakallak z̈oñinaca anc̈hucaquiztan kjurzna. Zuma kuzziz z̈oñi, niz̈aza Yooz Espíritu Santuz̈ irpita z̈oñi, jalla niz̈aza zuma intintazzi z̈oñi, niz̈ta z̈oñinaca kjurzna. Nekztan ninacaqui tii c̈hjeri atintiz puestuquin uchta cjequic̈ha.
Other Translations King James Version (KJV) Wherefore, brethren, look ye out among you seven men of honest report, full of the Holy Ghost and wisdom, whom we may appoint over this business.
American Standard Version (ASV) Look ye out therefore, brethren, from among you seven men of good report, full of the Spirit and of wisdom, whom we may appoint over this business.
Bible in Basic English (BBE) Take then from among you seven men of good name, full of the Spirit and of wisdom, to whom we may give control of this business.
Darby English Bible (DBY) Look out therefore, brethren, from among yourselves seven men, well reported of, full of [the] [Holy] Spirit and wisdom, whom we will establish over this business:
World English Bible (WEB) Therefore select from among you, brothers, seven men of good report, full of the Holy Spirit and of wisdom, whom we may appoint over this business.
Young's Literal Translation (YLT) look out, therefore, brethren, seven men of you who are well testified of, full of the Holy Spirit and wisdom, whom we may set over this necessity,
Cross Reference Matthew 23:8 in Chipaya 8 ‛Anc̈hucqui anac̈ha z̈oñinacz̈quiz “maestro” cjita cjis peczqui. Tjapa anc̈hucqui jilazullquic̈hucc̈ha. Tsjii Maestruchizc̈huckazza. Cristuc̈ha nii Maestruqui.
Acts 1:21 in Chipaya 21 Pedruqui tira chiichic̈ha, tuz̈ cjican: —Jalla nii Yooz takuz̈ cjen uc̈humnacquiztan tsjiiqui illza, Judas puesto tanzñijapa. Jaziqui nii puesto tanzñi z̈oñiqui tjapa wejrnacaz̈ Jesusiz̈tan ojklayta timpu cumpant'ichi z̈oñinacz̈quiztan illzta cjistanc̈ha.
Acts 2:4 in Chipaya 4 Jalla nuz̈ tjonz̈cu Espíritu Santuqui tjapa ninacz̈quiz luzzic̈ha. Nekztan ninacaqui parijunaca yekja yekja taku chiichiichic̈ha, jaknuz̈t nii Espíritu Santuz̈ chiikatc̈haja, jalla nii.
Acts 6:6 in Chipaya 6 Jalla nuz̈ illzcu nii pakallak z̈oñinaca apostolonacz̈quin chjichtatac̈ha. Nekztanaqui apostolonacaqui ninacz̈ta mayizichic̈ha, niz̈aza ninacz̈ achquiz kjarz̈tan lanzic̈ha, nii puestuquiz cjeyajo.
Acts 9:30 in Chipaya 30 Jalla nii quintu zizcu, nii parti criichinacaqui Saulo chjitchic̈ha Cesarea cjita wajtquin. Jalla niwjctan Tarso cjita watja cuchanchic̈ha.
Acts 10:22 in Chipaya 22 Nekztan ninacaqui kjaazic̈ha, tuz̈ cjican: —Cornelio cjita zultatz̈ jiliriz̈ cuchanz̈quita tjonuc̈ha wejrnacqui. Niiqui walja rispitta z̈oñic̈ha. Niz̈aza niiqui Yooz rispitñic̈ha. Tjapa judío z̈oñinacaqui niiz̈ zuma kamañ wira quint'iñic̈ha. Tsjii Yooz anjilaqui niiz̈quin mantichic̈ha, tuz̈ cjican: “Z̈oñinaca cuchna, Pedro cjitaqui tekz am kjuyquiz kjawzjapa. Pedruz̈ chiita taku nonz̈na amqui”. Jalla nuz̈ Corneliuz̈quiz cjichic̈ha nii Yooz anjilaqui.
Acts 13:2 in Chipaya 2 Tsjii nooj Yoozquin alawazjapa ajczitac̈ha, niz̈aza nii ora ayunasatkalc̈ha. Jalla nuz̈ cjen Espíritu Santuqui ninacz̈quiz cjichic̈ha: —Anc̈hucqui Bernabé niz̈aza Saulo yekja t'akz̈ina, weriz̈ munta trabajo paañijapa.
Acts 15:23 in Chipaya 23 Jalla ninacz̈tan tsjii carta apaychic̈ha. Nii cartiquiz tuz̈ cjichic̈ha: “Wejtnaca jilanaca, wejrnacqui Jesusiz̈ illzta apostolonactc̈ha, niz̈aza icliz jilirinactc̈ha, niz̈aza Yoozquin criichinactc̈ha. Wejrnacqui anc̈hucaquin tsaanznuc̈ha. Anc̈hucqui ana judío z̈oñinacc̈hucc̈ha. Antioquía wajtchiz z̈oñc̈hucc̈ha, niz̈aza Siria yokquin kamiñc̈hucc̈ha, niz̈aza Cilicia yokquin kaminc̈huczakazza.
Acts 16:2 in Chipaya 2 Niz̈aza Listra wajtchiz criichi z̈oñinacami Timoteo rispitchic̈ha. Iconio wajtchiz z̈oñinacaqui Timoteo rispitchizakazza.
Acts 22:12 in Chipaya 12 ‛Jalla nii wajtquin tsjii Ananías cjita z̈oñi z̈elatc̈ha. Jalla niiqui Moisés lii jaru walja cumpliñitac̈ha. Niz̈aza tjapa nii Damasco wajtquin kamñi judionacami nii z̈oñz̈ puntuquiztan “Zumapanc̈ha nii z̈oñiqui” cjiñitac̈ha.
1 Corinthians 12:8 in Chipaya 8 Tiz̈ta kamañanacaqui tjaatac̈ha: Espíritu Santuqui yekjap criichinacz̈quiz zuma pinsita razunanacchiz chiikatc̈ha. Niz̈aza Yooz Espíritu Santuqui yekjap criichinacz̈quiz zizñi zizñi chiikatc̈ha.
1 Corinthians 16:3 in Chipaya 3 Niz̈aza anc̈hucqui tsjii kjaz̈ jilanaca illz waquizic̈ha, nii juntantita paaz chjichñijapa Jerusalén wajtchiz criichinacz̈quiz. Niz̈aza anc̈hucqui nii illzta jilanacz̈quiz tsjii carta credencialz̈ tjaaquic̈ha. Nekztanaqui wejr tjonz̈cu, wejrpachal ninaca cuchanz̈cac̈ha Jerusalén watja.
2 Corinthians 8:19 in Chipaya 19 Niz̈aza iclizziz criichinacaqui nii jila utchic̈ha, wejttan chica ojklayajo, niz̈aza tii ofrenda Jerusalenquin chjitzjapa. Wejrqui tii ofrenda chjitz pecuc̈ha, Yooz honora waytizjapa, niz̈aza wejt yanapñi kuzziz tjeezjapa.
Ephesians 5:18 in Chipaya 18 Niz̈aza anac̈ha vinz̈tan licchi cjisqui. Jalla nuz̈ licasaz̈ niiqui, zuma kamañquiztan tsjii kjutñi chjichta cjesac̈ha. Antiz anc̈huca kuztan Espíritu Santuz̈tan tsjii kuzziz cjee.
1 Timothy 3:7 in Chipaya 7 Niz̈aza icliz jilirinacaqui tjapa z̈oñinacz̈quiz rispittaz̈ cjispanc̈ha, criichi z̈oñinacami, ana criichi z̈oñinacami. Ana criichi z̈oñinacaqui niiz̈quiz ana rispitaquiz̈ niiqui, juc'anti niiz̈quin ujnacaz̈ tjojtnasac̈ha. Jalla niz̈tiquiztan diabluqui nii z̈oñz̈quiz ujquiz tjojtskatasac̈ha.
1 Timothy 5:10 in Chipaya 10 Niz̈aza z̈oñinacaqui naaz̈a zuma kamtiquiztan pajta cjistanc̈ha. Niz̈aza naa z̈ewqui maatinaca zuma irpiñtacha. Niz̈aza tjonzñi z̈oñinacz̈quiz zuma atintiñi kuzziz cjispanc̈ha. Niz̈aza criichi z̈oñinacz̈ kjojcha humilde kuzziz ajwsinintac̈ha. Niz̈aza sufriñi z̈oñinacz̈quiz zuma yanapñi kuzziz cjispanc̈ha. Niz̈aza tjapaman wali paatanacz̈quiz kuz tjaañi cjispanc̈ha. Jalla niz̈ta zuma kuzziz z̈ew maatakanacaqui iclizquiztan yanapta cjesac̈ha.
James 1:17 in Chipaya 17 Yoozqui zumapanc̈ha, niz̈aza lijitumapanc̈ha c̈hjulquiztanami. Tjappacha zumanacaqui Yoozquiztanz̈ tjonc̈ha, tjapa zumanacac̈ha tsewcta Yooz Epiz̈ tjaataqui. Yoozqui tjuñimi jiiz̈mi paachic̈ha. Ninacz̈ kjanaqui awisac zuma kjanc̈ha, awisac tsjirquiz weeztac̈ha. Yoozzti anac̈ha niz̈ta, zumapankazza. Anapan z̈oñi ujquin tjojtskatz pecc̈ha.
James 3:17 in Chipaya 17 Niz̈aza niiqui pasinziz kuzziz cjen, z̈oñinacz̈tan zuma kamc̈ha. Niz̈aza parti z̈oñz̈ razunanaca nonz̈a. Niz̈aza nii zuma kamañchiz z̈oñic̈ha okzñi kuzzizqui. Jalla nii z̈oñiqui zuma kamañanac jarupanz̈ kamc̈ha. Nii z̈oñiqui ana pjali cjiicjiiñi kuzzizza. Antiz zuma kuzzizza.
1 John 3:14 in Chipaya 14 Tuquiqui ana zuma munazan, jalla nekztan infiernuquin okaj cjitatakalc̈ha uc̈humqui. Jaziqui Yoozquin criiz̈cuqui arajpach watjaz̈ okaquic̈ha; wali cuntintu cjequic̈ha. Jalla nekztan uc̈humqui Yoozquin criichi jilanacz̈tan porapat zuma munazizza. Nii zizza uc̈humqui. Jakziltat ana jilanacz̈tan porapat zuma munazic̈haja, jalla niiqui infiernuquinz̈ okaquic̈ha.
3 John 1:12 in Chipaya 12 Tjappach z̈oñinacaqui Demetriuz̈ puntu cjic̈ha: —Zumac̈ha nii Demétrio cjita jilaqui. Niiz̈ paatanacami werar tawk jarupankazza. Niz̈aza wejrnacmi chiyuc̈ha, Demetriuqui zuma jilac̈ha, nii. Anc̈hucqui zizza, wejrnacqui werar takul chiyiñc̈ha, nii.