Acts 21:39 in Chipaya

39 Nekztanaqui Pabluqui kjaazic̈ha, tuz̈ cjican: —Wejrqui judío z̈oñtc̈ha. Cilicia cjita yokquin Tarso cjita wajtquin nassinc̈ha wejrqui. Nii pajk wajtchiz z̈oñtc̈ha wejrqui. Jalla niz̈tiquiztan tii z̈oñinacz̈quiz paljayskatalla. —Nuz̈ permiso maychic̈ha.

Other Translations

King James Version (KJV)

But Paul said, I am a man which am a Jew of Tarsus, a city in Cilicia, a citizen of no mean city: and, I beseech thee, suffer me to speak unto the people.

American Standard Version (ASV)

But Paul said, I am a Jew, of Tarsus in Cilicia, a citizen of no mean city: and I beseech thee, give me leave to speak unto the people.

Bible in Basic English (BBE)

But Paul said, I am a Jew of Tarsus in Cilicia, which is not an unimportant town: I make a request to you to let me say a word to the people.

Darby English Bible (DBY)

But Paul said, *I* am a Jew of Tarsus, citizen of no insignificant city of Cilicia, and I beseech of thee, allow me to speak to the people.

World English Bible (WEB)

But Paul said, "I am a Jew, from Tarsus in Cilicia, a citizen of no insignificant city. I beg you, allow me to speak to the people."

Young's Literal Translation (YLT)

And Paul said, `I, indeed, am a man, a Jew, of Tarsus of Cilicia, of no mean city a citizen; and I beseech thee, suffer me to speak unto the people.'

Cross Reference

Acts 6:9 in Chipaya

9 Tsjii nooj tsjii kjaz̈ judío cuzturumpi paañi z̈oñinacaqui Estebanz̈tan ch'aasi kallantichic̈ha. Nii judío cuzturumpi paañi z̈oñinacaqui “Liwriita z̈oñi” cjitatac̈ha. Ninacz̈tan, tsjii kjaz̈t Cirene wajtchiz z̈oñinacz̈tan, niz̈aza Alejandría wajtchiz z̈oñinacz̈tan, niz̈aza Cilicia wajtchiz z̈oñinacz̈tan, niz̈aza Asia yokquin kamñi z̈oñinacz̈tan, jalla nii z̈oñinacaqui Estebanz̈tan ch'aassic̈ha.

Acts 9:11 in Chipaya

11 Nekztanaqui Yooz Jiliriqui cjichic̈ha: —Z̈aaz̈na. Sok'o cjita call kjutñi oka. Nekztan Judas kjuyquiz pewcz̈na, tuz̈ cjican: “¿Saulo, Tarso wajtchiz z̈oñi anaj z̈ejlya?” Jalla nuz̈ pewcznaquic̈ha. Nii Sauluqui Yoozquin mayizican z̈elaquic̈ha.

Acts 9:30 in Chipaya

30 Jalla nii quintu zizcu, nii parti criichinacaqui Saulo chjitchic̈ha Cesarea cjita wajtquin. Jalla niwjctan Tarso cjita watja cuchanchic̈ha.

Acts 15:23 in Chipaya

23 Jalla ninacz̈tan tsjii carta apaychic̈ha. Nii cartiquiz tuz̈ cjichic̈ha: “Wejtnaca jilanaca, wejrnacqui Jesusiz̈ illzta apostolonactc̈ha, niz̈aza icliz jilirinactc̈ha, niz̈aza Yoozquin criichinactc̈ha. Wejrnacqui anc̈hucaquin tsaanznuc̈ha. Anc̈hucqui ana judío z̈oñinacc̈hucc̈ha. Antioquía wajtchiz z̈oñc̈hucc̈ha, niz̈aza Siria yokquin kamiñc̈hucc̈ha, niz̈aza Cilicia yokquin kaminc̈huczakazza.

Acts 15:41 in Chipaya

41 Nekztan ninaca Siria yok kjutñi ojkchic̈ha. Siria yokaran niz̈aza Cilicia yokaran ojklaychic̈ha, iclizquiztan icliza ojklaychic̈ha, criichi jilanaca tjurt'iñi kuzziz cjeyajo.

Acts 16:37 in Chipaya

37 Pabluzti nii zultat policianacz̈quiz paljaychic̈ha, tuz̈ cjican: —Wejrnacqui roman parti z̈oñinactc̈ha. Tjapa tii wajtquiz z̈ejlñinacz̈ yujcquiz wejrnaca wjajtchic̈ha, ana wejtnacaquiz zumpacha pewcz̈cu. Nekztanaqui inapacha wejrnac carsilquiz majcchic̈ha. ¿Jaziqui anc̈hucqui wejrnaca chjojzaka cuts pecya? ¡Anaz̈ cjesac̈ha! Antiz ninacaj persuna wejrnac tii carsilquiztan jwesi tjonla.

Acts 21:37 in Chipaya

37 Nekztanaqui Pabluqui cuartilquiz makawc cjen zultatz̈ jilirz̈quiz paljaychic̈ha, tuz̈ cjican: —Wejrqui tsjii chiiz pecuc̈ha. ¿Wejr chiyasaya? Nekztanaqui nii zultatz̈ jiliriqui kjaazic̈ha tuz̈ cjican: —¿Amqui griego taku chiiñam jaa?

Acts 22:3 in Chipaya

3 —Wejrqui judío z̈oñtc̈ha. Nawjc Cilicia cjita yokquin Tarso cjita wajtquin nassinc̈ha. Pero tekzi tii Jerusalén wajtquiz pajkchinc̈ha. Gamaliel cjita maestruqui wejr tjaajinchic̈ha, uc̈hum atchi ejpnacz̈ tuquita lii jarupanc̈ha tjaajinchiqui. Niz̈aza wejrqui tjapa kuztan Yoozquin sirwiñpanc̈ha, jaknuz̈t anc̈hucqui tjapa kuztan uc̈hum cuzturumpi jaru paac̈haja, jalla nuz̈.

Acts 22:25 in Chipaya

25 Pablo wjajtzjapa c̈hejlz̈taz̈ cjen, Pabluqui nekz z̈ejlñi tenientiz̈quiz paljaychic̈ha, tuz̈ cjican: —Ima zumpacha zizcan, ¿tsjii roman z̈oñi wjajtz waquiziya? Anapaz̈ waquizic̈ha.

Acts 23:27 in Chipaya

27 Judío z̈oñinacaqui tii z̈oñi preso tanchic̈ha. Niz̈aza conz cjichitakalc̈ha. Jalla tiiqui roman z̈oñic̈ha. Jalla nii zizcu, wejrqui zultatunacz̈tan ojkchinc̈ha, tii liwrii. Wejr irantan, judío z̈oñinacaqui tii conzmayatac̈ha.

Acts 23:34 in Chipaya

34 Carta liiz̈cu, nii chawc jiliriqui Pablo pewczic̈ha, jakzi wajtchiz z̈oñitaz̈laja, jalla nii. Cilicia wajtchiz z̈oñi, nii zizcu,

1 Peter 3:15 in Chipaya

15 Cristupankazza ultim Jiliriqui. Jalla niz̈tiquiztan Cristuz̈quiz anc̈hucqui rispitstanc̈ha. Niz̈aza anc̈hucqui listu tjaczi z̈ela, anc̈hucaz̈ Yooztajapa kamz puntuquiztan chiizjapa. Tsjii z̈oñi nii puntu pewcznaquiz̈ niiqui, zuma razunz̈tan kjaaz waquizic̈ha. Humilde kuzziz niz̈aza rispitñi kuzziz kjaaz waquizic̈ha.

1 Peter 4:15 in Chipaya

15 Nonz̈na anc̈hucqui. Anac̈ha z̈oñi conzqui. Anac̈ha tjañi zaazqui. Anac̈ha uj paazqui. Anac̈ha yekja z̈oñz̈ asuntuquiz mitizizqui. Niz̈ta ana walinaca paaquiz̈ niiqui, sufrac̈hani. Pero niz̈ta ana walinaca anapan paaquic̈ha.