Acts 13:27 in Chipaya 27 Jalla nii Jerusalén wajtquiz kamñi z̈oñinacami, niz̈aza niiz̈ jilirinacami, jecc̈halaja Jesusaqui, nii ana zizatc̈ha. Zapa jeejz tjuñquiz judionacz̈ ajcz kjuyquin tuquita profetanacz̈ cjijrta taku liiñipanc̈ha. Jalla nuz̈ liyanami nii taku anaz̈ intintazñipantac̈ha. Nii z̈oñinacapachac̈ha tuquita Yooz taku cumpliskatchiqui, Jesusa conta cjiskatchic̈ha, nuz̈.
Other Translations King James Version (KJV) For they that dwell at Jerusalem, and their rulers, because they knew him not, nor yet the voices of the prophets which are read every sabbath day, they have fulfilled them in condemning him.
American Standard Version (ASV) For they that dwell in Jerusalem, and their rulers, because they knew him not, nor the voices of the prophets which are read every sabbath, fulfilled `them' by condemning `him'.
Bible in Basic English (BBE) For the men of Jerusalem and their rulers, having no knowledge of him, or of the sayings of the prophets which come to their ears every Sabbath day, gave effect to them by judging him.
Darby English Bible (DBY) for those who dwell in Jerusalem, and their rulers, not having known him, have fulfilled also the voices of the prophets which are read on every sabbath, [by] judging [him].
World English Bible (WEB) For those who dwell in Jerusalem, and their rulers, because they didn't know him, nor the voices of the prophets which are read every Sabbath, fulfilled them by condemning him.
Young's Literal Translation (YLT) for those dwelling in Jerusalem, and their chiefs, this one not having known, also the voices of the prophets, which every sabbath are being read -- having judged `him' -- did fulfill,
Cross Reference Matthew 22:29 in Chipaya 29 Jesusaqui ninacz̈quiz tuz̈ kjaazic̈ha: —Anc̈hucqui tsjii kjutñi kiwkchinc̈hucc̈ha. Anc̈hucqui Yooz takumi ana zuma zizza. Niz̈aza Yooz azimi ana pajc̈ha.
Matthew 26:54 in Chipaya 54 Pero jalla niz̈ta anal mayac̈ha. Jalla tiz̈ta watstanc̈ha, jaknuz̈t cjijrta Yooz taku chiic̈haja, jalla nii cumplistanc̈ha.
Luke 22:34 in Chipaya 34 Jalla nuz̈ chiitiquiztanaqui Jesusaqui cjichic̈ha: —Pedro, amquiz chiyuc̈ha, ima wallpaz̈ kjawan, amqui wejt puntuquiztan nicaquic̈ha. C̈hjep wilta wejr ana pajñim chiyaquic̈ha.
Luke 24:20 in Chipaya 20 Jalla nekztanaqui uc̈hum timplu jilirinacami uc̈hum wajt jilirinacami nii Jesusa intirjichic̈ha cruzquiz ch'awczjapa, conzjapa.
Luke 24:24 in Chipaya 24 Jalla nii quintu nonz̈cu tsjii kjaz̈t wejtnaca mazinacaqui sipulturu cherzñi ojkchic̈ha. Nii maatakaz̈ quint'ita, jalla niz̈tapacha cherzic̈ha. Pero Jesusa ana cherchic̈ha.
Luke 24:44 in Chipaya 44 Nekztanac cjichic̈ha: —Tuquiqui anc̈hucaltan z̈ejlcan anc̈hucaquiz mazinchintac̈ha, jaknuz̈t wejtquiz watstantaz̈laja, jalla nii. Jaziqui cumplispantac̈ha tjapa wejt puntuquiztan cjijrta Yooz takunaca. Moisesqui wejt puntuquiztan cjijrchic̈ha, niz̈aza tuquita Yooz taku paljayñi profetanacaqui cjijrchizakazza wejt puntuquiztan. Niz̈aza salmos cjita liwruquiz cjijrta zakaztac̈ha wejt puntuquiztan. Jalla nii tjapa cumplispantac̈ha.
John 8:28 in Chipaya 28 Jalla nekztan Jesusaqui cjichic̈ha: —Wejrqui tsewctan cuchanz̈quita Yooz Z̈oñtc̈ha. C̈hjulorat anc̈hucqui wejr tsewcchuc waytita cherac̈haja, jalla nii ora anc̈hucqui zizaquic̈ha, werarac̈ha wejt persun puntuquiztan chiitaqui, nii. Wejrqui anal wejt persun kuzquiztan kamuc̈ha. Antiz wejt Yooz Epiz̈ kuzcama kamuc̈ha. Wejt waytiz oraqui jalla niizakaz zizaquic̈ha.
John 15:21 in Chipaya 21 Pero ana criichi z̈oñinacaqui anc̈huca quintra cjequic̈ha, anc̈hucaz̈ wejtquiz kuzziz cjen. Nii quintranacaqui wejr cuchanz̈quiñi anaz̈ pajc̈ha. Jalla niz̈tiquiztan anc̈hucaquiz quintrazza.
John 16:3 in Chipaya 3 Nii anc̈huc conñi z̈oñinacami wejtquizimi wejt Yooz Ejpz̈quizimi anapan pajc̈ha. Jalla niz̈tiquiztan anc̈huc conasac̈ha.
John 19:28 in Chipaya 28 Jalla nekztanaqui Jesusaqui zizzic̈ha, tjapa Yooz Epiz̈ tjaata langznaca liwj z̈erz̈tapantac̈ha, jalla nii. Nekztan cjichic̈ha: —Kjaz kjaral paznuc̈ha. Jalla nuz̈ cjican, cjijrta Yooz takuqui cumplissic̈ha.
John 19:36 in Chipaya 36 Jalla tii watchi puntunacquiztan cjijrta Yooz takuqui cumplissic̈ha. Cjijrta Yooz takuqui jalla tuz̈ cjic̈ha: “Anaz̈ jakzilta niiz̈ tsjijmi kjoltaz̈ cjequic̈ha”.
Acts 3:17 in Chipaya 17 ‛Jaziqui jilanaca, anc̈hucmi anc̈huca jilirinacami Jesusa conchinc̈hucc̈ha. Jalla nii ora anc̈hucqui c̈hjulut paatc̈haja anaz̈ zizatc̈ha.
Acts 13:14 in Chipaya 14 Nekztanaqui ninacaqui Pergequiztan watchic̈ha Antioquía watja. Antioquía watjaqui Pisidia yokquintac̈ha. Jalla nicju tsjii jeejz tjuñquiz luzzic̈ha tsjii judionacz̈ ajcz kjuyquiz. Nekztanaqui luzcu, julzic̈ha.
Acts 15:21 in Chipaya 21 Tuquitanpacha zapa wajtquiziqui Moisés liiqui parlitatac̈ha. Niz̈aza zapa ajcz kjuyquiz liitatac̈ha zapa jeejz tjuñquiziqui.
Acts 26:22 in Chipaya 22 Anzcama Yoozqui wejr yanapc̈ha. Jalla niz̈tiquiztan wejrqui tjurt'iñi kuzziz tii zuma Yooz taku parluc̈ha humilde z̈oñinacz̈quizimi pajk jilirinacz̈quizimi. Tuquitan Yooz taku parliñi profetz̈ chiita tawk jaru niz̈aza Moisés chiita tawk jaru, jalla niicama parluc̈ha. Jalla ninacaqui mazinchic̈ha, tuz̈ cjican:
Acts 28:23 in Chipaya 23 Jalla nekztanaqui tsjii tjuñi citchic̈ha. Jalla nii citta tjuñquiziqui walja z̈oñinacaqui tjonchic̈ha jakziquin Pablo alujassi z̈elatc̈haja, jalla nicju. Jalla nuz̈ z̈oñinacaz̈ tjonz̈cu Pabluqui ninacz̈quiz paljaychic̈ha wenstanpacha zezicama Yooz mantita kamañ puntuquiztan. Pabluqui ninaca zumpacha intintiskatz pecatc̈ha Jesucristuz̈ puntuquiztan. Moisés liiquiztanami niz̈aza profetanacaz̈ cjijrta liwrunacz̈quiztanami punta punta chiiz̈inchic̈ha, ninaca zuma intintazajo Jesusiz̈ puntuquiztan.
Romans 11:8 in Chipaya 8 Jalla nii chojru kuzziz z̈oñinacz̈ puntuquiztan cjijrta Yooz takuqui tuz̈ cjic̈ha: “Yoozqui Israel z̈oñinacz̈quiz niiz̈ puntu ana intintiñi kuzziz cjiskatchic̈ha. Jalla niz̈tiquiztan ninacaqui Yooz puntu chercanpacha ana cherñiz̈takaz cjiskatchic̈ha, niz̈aza Yooz puntu nonzcanpacha ana nonzñiz̈takaz cjiskatchic̈ha. Anzta tii timpucamaz̈ niz̈ta z̈ejlc̈ha”.
Romans 11:25 in Chipaya 25 Jilanaca, cullaquinaca, tsjii tuquita ana zizta taku anc̈hucaquiz zizkatz pecuc̈ha, ana mitaraz kuzziz cjisjapa, “Wejrnacqui ziziñ z̈oñtc̈ha” cjicanaqui. Jalla tuz̈ zizkatz pecuc̈ha: Yoozqui yekja wajtchiz z̈oñinacz̈quiz niiz̈ partiquiz cjiskatz pecc̈ha. Jakziltanacz̈quiz Yoozqui niiz̈ partiquiz luzkatz pecc̈haja, jalla ninacaqui luzaquic̈ha. Tjapa nii Yooziz̈ pecta z̈oñinaca Yooz partiquiz luzcama, jalla niicama Israel z̈oñinacaqui chojru ana intintiñi kuzziz cjequic̈ha.
1 Corinthians 2:8 in Chipaya 8 Tii timpuquiz mantiñi z̈oñinacz̈quiztan anaz̈ jecmi liwriiñi Yooz pinsita intintazzic̈ha. Intintaztasaz̈ niiqui zuma honorchiz Jesucristo Jiliri anaz̈ cruzquiz ch'awctasac̈ha ninacaqui.
2 Corinthians 3:14 in Chipaya 14 Wejrnacqui liwriiñi puntuquiztan kjanacama chiyuc̈ha. Pero Israel z̈oñinacazti nii puntu ana intintazzic̈ha. Chojru kuzzizpantac̈ha anzcama ana intintazza. Moises lii liiz̈cu nii liiquizkaz pinsic̈ha. Cristuz̈quin kuz tjaaz ana pinsic̈ha. Pero Cristuz̈quin kuz tjaachiz̈ cjenkaz liwriiñi Yooz puntu intintazñi cjesac̈ha.
2 Corinthians 4:4 in Chipaya 4 Tii muntuquiz mantiñi diabluqui nii ana criichi z̈oñinacz̈ kuz chojru cjiskatchic̈ha, liwriiñi taku ana intintajo. Zur z̈oñiz̈takaz cjiskatchic̈ha, Cristuz̈ liwriiñi kjana ana cherajo, niz̈aza liwriiñi taku ana catokajo. Nii liwriiñi takuc̈ha ancha zumaqui. Ancha zuma Cristuz̈ puntu chiic̈ha. Jesucristuc̈ha Yooz Ejpz̈ kuz tjeezñiqui.
1 Timothy 1:13 in Chipaya 13 Tuquiqui wejrqui Jesucristuz̈ quintra chiiñtac̈ha, niz̈aza niiz̈ quintra iñariñtac̈ha. Niz̈aza Jesucristuz̈quin criichi z̈oñinacz̈ quintra payiñtac̈ha. Jalla nuz̈ paanami niz̈aza chiyanami, Yoozqui wejtquiz okzic̈ha. Ima Jesucristuz̈quin criican, jalla nuz̈ ana wali ojklaychintac̈ha ana ultim werara zizcu. Jalla niz̈tiquiztan Yoozqui wejtquiz ancha okzic̈ha.