2 Timothy 2:11 in Chipaya

11 Jesucristuqui uc̈hum laycu ticzic̈ha. Jalla niic̈ha ultim werar razunaqui. Uc̈humqui tuquita ana wal kamañquiztan ticzi z̈oñinacaz̈takaz cjissinc̈humc̈ha, nii ana wal kamañquiz ana iya kamajo. Jaziqui ew kamañchiz cjissinc̈humc̈ha. Jalla niz̈tiquiztan Jesucristuz̈tan kamc̈ha.

Other Translations

King James Version (KJV)

It is a faithful saying: For if we be dead with him, we shall also live with him:

American Standard Version (ASV)

Faithful is the saying: For if we died with him, we shall also live with him:

Bible in Basic English (BBE)

This is a true saying: If we undergo death with him, then will we be living with him:

Darby English Bible (DBY)

The word [is] faithful; for if we have died together with [him], we shall also live together;

World English Bible (WEB)

This saying is faithful: For if we died with him, We will also live with him.

Young's Literal Translation (YLT)

Stedfast `is' the word: For if we died together -- we also shall live together;

Cross Reference

John 14:19 in Chipaya

19 Tsjii upacamakaz, nekztan ana criichi z̈oñinacaqui ana iya wejr cheraquic̈ha. Anchuczti wejr wilta cheraquic̈ha. Niz̈aza jacatatz̈cu wiñayjapa z̈etac̈ha. Weriz̈ z̈ejtchiz̈ cjen, anc̈huc zakaz wiñaya z̈etaquic̈ha Yooztan kamcan.

Romans 6:5 in Chipaya

5 Jakziltat Jesucristuz̈tan tsjii kuzziz cjec̈haja, jalla niiqui Jesucristuz̈tan ticzic̈ha, anazum uj paañi kamañquiztan liwriita cjisjapa. Niz̈aza jakziltat Jesucristuz̈tan tsjii kuzziz cjec̈haja, jalla niiqui Jesucristuz̈tan jacatatchic̈ha, ew zuma kamañchiz cjisjapa.

Romans 6:8 in Chipaya

8 Niz̈aza jakziltat Jesucristuz̈tan tsjii kuzziz cjissiz̈ cjen uj paañi kamañquiztan liwriita cjec̈haja, jalla niiqui ew kamañchiz cjequic̈ha, Jesucristuz̈takaz. Niz̈aza Jesucristuz̈tan chica kamaquic̈ha. Jalla nii razuna criichinc̈humc̈ha.

2 Corinthians 4:10 in Chipaya

10 Jesucristuz̈quin sirwican jakziquinami wejr ojklayuc̈haja, ancha sufruc̈ha, ticzmaya cjenami. Jalla nuz̈ sufrican, Jesucristuz̈ cjen tira z̈etuc̈ha; niiz̈tajapa tii curpuquiz kamuc̈ha. Jesucristuz̈quin sirwichiz̈ cjen ancha sufruc̈ha. “Waj ticznaa; ticznaa” cjiwc̈ha. Pero tii ticzñi curpchiz z̈ejtcanaqui, Jesucristuz̈ cjen kamuc̈ha.

2 Corinthians 13:4 in Chipaya

4 Ina z̈oñiz̈takaz cruzquiz ch'awctatac̈ha. Pero Yooz Ejpz̈ aztan jacatatchic̈ha. Cristuz̈takaz inallakaz wejrqui. Pero niz̈aza Cristuz̈tan kamcan, wejrqui Yooz aztan tjeeznasac̈ha anc̈hucaltajapa.

Galatians 2:19 in Chipaya

19 Moisés lii mantuquiz kaman nii liiqui kjanapacha wejtquiz tjeezic̈ha, wejrqui ujchizpantc̈ha, jalla nii. Jalla niz̈tiquiztan wejt persun uj pajz̈cu, Jesucristuz̈quin kuz tjaachinc̈ha. Jalla niz̈tiquiztan Moisés liiquiztan liwriitac̈ha wejrqui, Yooztajapa kamzjapa.

Colossians 3:3 in Chipaya

3 Anc̈hucqui Jesucristuz̈quin kuz tjaachiz̈ cjen, anc̈huca tuquita ana wal kamaña ecchinc̈hucc̈ha. Jaziqui anc̈huca Yooz kamañaqui Yooztajapa z̈ejlc̈ha. Ana criichi z̈oñinacz̈tajapa anc̈huca Yooz kamañaqui chjojz̈taz̈takaz z̈ejlc̈ha. Ana wira intintazzucac̈ha.

1 Thessalonians 4:17 in Chipaya

17 Tii muntuquiz z̈ejtchi criichinacz̈ tuqui jacatatskattaz̈ cjequic̈ha. Nii ticzi criichinacaz̈ jacatatskattiquiztan parti criichinacaqui ninacz̈tan juntupacha chjitz̈tazakaz cjequic̈ha. Nekztan tsewcchuc tsjir taypiquiz Jesucristo Jilirz̈tan zalaquic̈ha. Jalla nekztanaqui tjapa criichinacaqui tirapanz̈ Jesucristo Jilirz̈tan wiñaya kamaquic̈ha.

1 Thessalonians 5:10 in Chipaya

10 Jesucristuqui uc̈hum laycu ticzic̈ha, z̈ejtchi criichinacami ticzi criichinacami niiz̈tan chica cuntintu kamajo.

1 Timothy 1:15 in Chipaya

15 Jesucristuqui tii muntuquiz tjonchic̈ha, ujchiz z̈oñinaca liwriyi. Jalla nii takuc̈ha ultim razunaqui. Niz̈aza tjappachaqui nii taku catokz waquizic̈ha. Tjapa ujchiz z̈oñinacz̈quiztan wejrtc̈ha juc'ant ujchiztqui cjiwc̈ha.

1 Timothy 3:1 in Chipaya

1 Jakziltat icliz jilirz̈ puestuquiz luz pecc̈haja, jalla niiqui zuma Yooztajapa langz pecñic̈ha niiqui. Jalla nii takuqui ultim werarac̈ha.

Titus 3:8 in Chipaya

8 Ultim werarac̈ha Yoozquiztan tjaajintaqui. Niz̈aza zumpacha tjurt'iñi kuztan nii tjaajintanacquiz panz̈ tjurt'aquic̈ha, Yoozquin criichinacaz̈ zuma kamzquin kuz tjaajo. Jalla nii tjaajintaqui ancha zumapanc̈ha, tjappach z̈oñinacz̈ta. Niz̈aza zumapanz̈ yanapc̈ha Yooz kamañquiz juc'ant zuma kamzjapa.