1 Timothy 6:5 in Chipaya

5 Niz̈aza nii millk'u kuzziz z̈oñinacaqui porapat ana tucuziñi ch'aasñic̈ha. Ninacaqui Yooz pinsitanacami zuma werar razunanacami ana zizza. Tii muntuquiz wali jiru kamz cjis pinsican, Yooz jiczquin luzza. Nii wali jiru kamzqui, “Jalla nii kamzkazza waliqui”, cjican pinsiñic̈ha. Jalla nii ana wal pinsitanacchiz z̈oñinacz̈tan ana munazaquic̈ha.

Other Translations

King James Version (KJV)

Perverse disputings of men of corrupt minds, and destitute of the truth, supposing that gain is godliness: from such withdraw thyself.

American Standard Version (ASV)

wranglings of men corrupted in mind and bereft of the truth, supposing that godliness is a way of gain.

Bible in Basic English (BBE)

Bitter talk of men who, being evil in mind and dead to what is true, take the faith to be a way of making profit.

Darby English Bible (DBY)

constant quarrellings of men corrupted in mind and destitute of the truth, holding gain to be [the end of] piety.

World English Bible (WEB)

constant friction of people of corrupt minds and destitute of the truth, who suppose that godliness is a means of gain. Withdraw yourself from such.

Young's Literal Translation (YLT)

wranglings of men wholly corrupted in mind, and destitute of the truth, supposing the piety to be gain; depart from such;

Cross Reference

Matthew 7:17 in Chipaya

17 Tjapa zuma muntinacaqui zuma fruta pookñic̈ha. Niz̈aza tjapa ana zuma muntinacaqui ana zuma fruta pookñic̈ha.

Matthew 12:33 in Chipaya

33 Nekztan Jesusaqui tjaajinchic̈ha, tuz̈ cjican: —Zuma muntiz̈laj niiqui, zuma frutaz̈ pookc̈ha. Niz̈aza ana zuma muntiz̈laj niiqui, ana zuma frutaz̈ pookc̈ha. Jalla niz̈tiquiztan muntiqui niiz̈ frutquiztan pajza, zuma ana zuma, jalla nii.

Matthew 21:13 in Chipaya

13 Jalla nuz̈ paaz̈cu tuz̈ cjichic̈ha: —Yooz Takuqui tuz̈ cjic̈ha: “Wejt kjuyaqui Yoozquin mayiziz kjuyac̈ha”. Anc̈huczti tjañinacz̈ kjuyaz̈takaz paachinc̈hucc̈ha.

Matthew 23:13 in Chipaya

13 ‛Lii tjaajiñi maestrunaca, niz̈aza fariseo parti z̈oñinaca, ana zuma kuzziz z̈oñinacc̈hucc̈ha. Anc̈hucqui anawalipanz̈ cjisnaquic̈ha. Z̈oñinaca atajiñc̈hucc̈ha, arajpach Yooz wajtchiz ana luzajo. Anc̈hucpachaz̈ ana luzza, niz̈aza pecchi cjenami parti z̈oñinacz̈quizimi ana luzkatiñc̈hucc̈ha.

John 3:19 in Chipaya

19 Yooz zinta Majchc̈ha Yooz kamaña tjeezñiqui zuma kjanaz̈takaz. Jalla nuz̈ cjenaqui tii muntuquiz tjontan, z̈oñinacaqui ana wali kamañchiz kamzpanz̈ pecatc̈ha, zumchiquiz kamzpanz̈ pecatc̈ha. Niz̈aza ninacaz̈ ana wali kamtanacaz̈ cjen Yooz kamañchiz cjis ana pecchipanc̈ha. Jalla niz̈tiquiztan castictapanz̈ cjequic̈ha.

Acts 8:18 in Chipaya

18 Jalla nuz̈ kjarz̈tan lanztiquiztan Espíritu Santuz̈ luzñi cherz̈cu, Simonaqui paaz tirzic̈ha,

Acts 19:24 in Chipaya

24 Nii aptjapñi achaqui Demetrio cjitatac̈ha. Jalla niiqui paazquiztan yooznaca paañitac̈ha. Jalla nuz̈ paatiquiztan walja paaz canchic̈ha, niz̈aza parti niz̈ta paañinacaqui. Diana cjiti z̈oñiz̈ paata yooz timplu irata jalla nii paachic̈ha ninacaqui.

Romans 16:17 in Chipaya

17 Jilanaca, cullaquinaca, anc̈hucaquiz rocuc̈ha, zumapanz̈ anc̈hucqui cwitazaquic̈ha, nii t'akt'aksñi z̈oñinacz̈quiztan. Niz̈aza zumpacha cwitazaquic̈ha tsjii kjutñi tjaajiñi z̈oñinacz̈quiztan. Nii z̈oñinacaqui, jaknuz̈t anc̈hucaquiz Yooz puntu tjaajinta cjec̈haja, jalla nii tjaajinta quintra tjaajinc̈ha. Ninacz̈quiztan anc̈hucqui zaraka.

1 Corinthians 11:16 in Chipaya

16 Jakziltat nii puntu ch'aas pecc̈haja, jalla niiqui ziz waquizic̈ha tuz̈u. Wejrnacqui nii cuzturumpi pajzpanc̈ha. Niz̈aza tjapa Yooz iclizziz z̈oñinacaqui nii cuzturumpi jaru paaspanc̈ha.

Ephesians 4:17 in Chipaya

17 Jalla nii puntu anc̈hucaquin chiiz̈inz̈cuc̈ha. Jesucristo Jilirz̈tan tsjii kuzziz cjican wejrqui anc̈hucaquin tuz̈ cjiwc̈ha: Ana Yoozquin criichi z̈oñinacaqui ana zuma kamc̈ha. Jalla ninacaqui inapankaz persuna pinsitanacz̈ jaru kamc̈ha. Jalla niz̈ta irataqui anc̈hucqui anac̈ha kamzqui.

2 Thessalonians 2:8 in Chipaya

8 Jalla nii ana atajanaqui nekztan nii juc'ant ana wali paañiqui jecz̈caquic̈ha. Nekztanaqui Jesucristo Jiliriqui tjonz̈cu, persun tawkz̈tan nii ana wali paañi conaquic̈ha. Niz̈aza walja aztan tjonz̈cu nii ana wali paañi liwj akznaquic̈ha Jesucristo Jiliriqui.

2 Thessalonians 3:6 in Chipaya

6 Jilanaca, cullaquinaca, Jesucristo Jilirz̈ tjuuquiz anc̈hucaquiz mantuc̈ha. Jayrazñi jilanacz̈quiztan zarakaquic̈ha. Jalla ninacaqui wejrnacaz̈ tjaajintacama ana kamc̈ha.

1 Timothy 1:6 in Chipaya

6 Jalla niz̈ta zuma kamañquiztan tsjii z̈oñinacaqui chekachuc ojkchic̈ha. Jaziqui parleeka parlis pecñic̈ha, ana c̈hjulquiz waquiziñi.

1 Timothy 3:3 in Chipaya

3 Niz̈aza anapan licñi kuzziz cjispanc̈ha. Niz̈aza ana kichjasñi kuzziz cjispanc̈ha, antiz pasinziz kuzzizpan cjispanc̈ha. Niz̈aza anapan ch'aazñi kuzziz cjispanc̈ha. Niz̈aza paaz pecñi kuzziz anapan cjispanc̈ha.

1 Timothy 3:8 in Chipaya

8 Jalla niz̈ta zuma kamañchiz zakaz cjispanc̈ha iclizquiz yanapñi z̈oñinacaqui. Jalla ninacaqui zuma rispitta kamañchiz cjispanc̈ha. Niz̈aza ninacz̈ chiita taku cumpliñi kuzziz cjispanc̈ha. Niz̈aza anapan licñi kuzziz cjispanc̈ha. Niz̈aza paaz pecñi kuzziz anapan cjispanc̈ha.

1 Timothy 6:6 in Chipaya

6 Pero tsjiikaz cjiwc̈ha. Yooz jiczquiz kamzqui ancha walic̈ha, wali jiru kamzquiztan juc'anti. Yoozquinkaz kuzziz cjican z̈oñinacaqui cuntintu cjequic̈ha.

2 Timothy 3:5 in Chipaya

5 Ninacaqui Yoozquin criichiz̈ cuzturumpi jaru ojklayñiz̈ cjenami, ultimquiziqui persun kamañ wira kaz paaquic̈ha, anaz̈ Yooz kamañ jaru cjequic̈ha. Yooz aztan ana kamaquic̈ha zuma kamzjapa. Jalla niz̈ta kamñi z̈oñinacz̈tan anac̈ha ancha amigo pajasqui.

2 Timothy 3:8 in Chipaya

8 Jalla niz̈takaztac̈ha pucultan yatirinacaqui, Janes cjita z̈oñz̈tan niz̈aza Jambres cjita z̈oñz̈tan. Jalla ninacaqui Moisés quintra paachic̈ha. Jalla niz̈ta irata nii ana wal kamñinacaqui werar Yooz tawk quintra paac̈ha. Niz̈aza nii ana wal kamñi z̈oñinacaqui ana zum pinsamintuchiz tsjii kjutñipan chiiñic̈ha “Yoozquin kuzziztc̈ha” cjicanaqui. Pero zumpacha tantiita cjequic̈ha. Nekztan ninacz̈ ana zuma kuz kjanapacha tjeez̈ta cjequic̈ha, tjapa z̈oñinacaz̈ ninacz̈ puntuquiztan werara zizajo.

Titus 1:11 in Chipaya

11 Nii ana zum z̈oñinacaqui ana wali tjaajinc̈ha, paaz gansjapakaz. Jalla ninacz̈ ana zuma chiiñi ataqui chawjcsinsa, ana niz̈ta tjaajnajo. Ninacaqui ana wali tjaajincan, kjuychiz familianaca intiru quejpskatc̈ha. Jalla niz̈ta ana wali tjaajinz ana waquizic̈ha.

Titus 1:15 in Chipaya

15 Jakziltat Yooz kuzcama zuma kamc̈haja, jalla niiqui c̈hjulu paacanami Yoozquin kuzzizpanc̈ha. Pero ana zuma kamañchiz ana criichinacaqui c̈hjulu paacanami ana Yoozquin kuzzizza, persun pecta kamzquinkaz kuzzizza. Ninacac̈ha ana zuma pinsamintuchizkazqui. Niz̈aza persun uj paaz̈cumi ana naazñic̈ha.

Hebrews 3:12 in Chipaya

12 Jilanaca, cullaquinaca, persun kuzquiz cuitasa, Yoozquin ana criichi kuzziz ana cjisjapa. Anawal kuzziz cjequiz̈ niiqui, ultim z̈ejtñi Yoozquiztan zarakzkatta cjequic̈ha.

2 Peter 2:3 in Chipaya

3 Ancha paaz paca peccu, nii anawali tjaajiñi z̈oñinacaqui toscar tawkz̈tan anc̈hucaquiz incallaquic̈ha. Nekztan anc̈huca paaz tanznaquic̈ha. Jalla nuz̈ cjen ninacaqui ultimupan tantaz̈ cjequic̈ha. Tuquitanpacha Yoozqui ninaca utchic̈ha casticta cjisjapa.

2 Peter 2:15 in Chipaya

15 Yooz jiczquiztan zarakchic̈ha. Nekztan uj paacan ojklayñic̈ha. Tuquitan tsjii anawali profeta z̈elatc̈ha, Balaam cjita, Beorz̈ majch. Jalla niiqui anawali paatiquiztan paaz ganz pecchic̈ha. Jalla nii Balaam cjitaz̈ iratac̈ha ninaca ojklayñiqui.

2 John 1:8 in Chipaya

8 Anc̈hucqui nonz̈na. Anc̈hucqui Yooztajapaz̈ langz̈a. Nii langz̈ta cuitaquic̈ha, ana pertiznajo, arajpachquin zumanaca tanzjapa.

Jude 1:11 in Chipaya

11 Ninacz̈taqui ana wali cjequic̈ha. Cainz̈ irata Yooz kamañquiz ana kamz pecc̈ha. Paaz ganz peccu, Balaam irata tsjii kjutñi ojklayc̈ha. Niz̈aza Corez̈ irataz̈takazza casticu zjijcc̈ha. Korequi Yooz uchta z̈oñinacz̈ quintra paaz̈cu ticzic̈ha.

Revelation 18:3 in Chipaya

3 Nii Babilonia watjaqui tjapa nacionanaca Yoozquiztan zarakskatchic̈ha, licchinacaz̈takaz. Niz̈aza nii watjaz̈ cjen tjapa tii yokquiz mantiñi jilirinacaqui ana zuma kamañchiz cjissic̈ha. Niz̈aza nii wajtchiz z̈oñinacz̈quiz tjapaman cusasanaca tuytiquiztan, tuyñi z̈oñinacaqui ricachu cjissic̈ha.

Revelation 18:13 in Chipaya

13 canelanaca, zuma ulurchiznaca, insinsunaca, zuma ulurchiz mirra cjitanaca, zuma ulurchiz asitinaca, vinunaca, asitinaca, chiw llamp'u jac'unaca, trigonaca, kuzñi animalanaca, uuzanaca, cawallunaca, autunaca, tuyzjapa piyunanaca. Jalla tjapa niz̈tanaca tuytatac̈ha.