1 Timothy 3:14 in Chipaya

14 Wajilla wejrqui amquin ojkz pecuc̈ha. Pero anat uri tjonz atuc̈hani. Jalla niz̈tiquiztan tii takunaca amquin cjijrz̈cuc̈ha. Tii takunacaz̈ cjen amqui zizaquic̈ha, jaknuz̈t Yoozquin criichi z̈oñinacaqui parti Yooz maatinacz̈tan kamz waquizic̈haja, jalla nii. Yooz maatinacac̈ha werar z̈ejtñi Yooz iclizaqui. Yooz icliz z̈oñinacaqui werar Yooz tawkquizimi tjurt'iñi kuzzizpanc̈ha.

Other Translations

King James Version (KJV)

These things write I unto thee, hoping to come unto thee shortly:

American Standard Version (ASV)

These things write I unto thee, hoping to come unto thee shortly;

Bible in Basic English (BBE)

I am writing these things to you, though I am hoping to come to you before long;

Darby English Bible (DBY)

These things I write to thee, hoping to come to thee more quickly;

World English Bible (WEB)

These things I write to you, hoping to come to you shortly;

Young's Literal Translation (YLT)

These things I write to thee, hoping to come unto thee soon,

Cross Reference

1 Corinthians 11:34 in Chipaya

34 Jakziltat c̈hjeri eecskatc̈haja, persun kjuyquin zumpacha lujlznaquic̈ha, ima iclizquin ojkcan. Nekztan lujlz̈cu ajczquin okaquic̈ha, Santa Cena zuma paazjapa. Jakziltat Santa Cena ana zuma paaquiz̈ niiqui, Yoozqui nii z̈oñi casticaquic̈ha. Nuz̈ulkazza nii puntuqui. Yekja puntunacaqui wejr azquichac̈ha, anc̈hucaquin cherzñi quejpz̈cu.

1 Corinthians 16:5 in Chipaya

5 Ima tjoncan, wejrqui Macedonia yokaran ojklayasaj cjiwc̈ha. Wiruñaqui Corinto irantasaj cjiwc̈ha, anc̈hucaquiz tjonzjapa.

2 Corinthians 1:15 in Chipaya

15 Anc̈hucatan wejttan walikazza. Jalla nuz̈upanc̈ha. Jalla niz̈tiquiztan weriz̈ ojklaytiquiz anc̈hucaquin wilta tjonz pecaytuc̈ha. Nekztan anc̈hucqui pizc wilta cuntintu cjiskattaz̈ cjitasac̈ha, weriz̈ pizc wilta tjonz̈tiquiztan.

1 Thessalonians 2:18 in Chipaya

18 Niz̈aza anc̈hucaquin irantisquizpan pecaytuc̈ha. Wejrnacaz̈ ojkz pecan, Satanasaqui wejrnac atajchic̈ha. Wejrqui wiltan wiltan ojkz cjichintac̈ha. Jalla nuz̈ ojkz pectaz̈ cjen, Satanasaqui wejr atajchic̈ha.

1 Timothy 4:13 in Chipaya

13 Niz̈aza wejt tjonzcama, parti criichi z̈oñinacz̈quin Yooz taku liizinzjapa kuz tjaaquic̈ha. Niz̈aza Yooz taku liiz̈cu parti criichi z̈oñinacz̈quin zumpacha chiiz̈inaquic̈ha. Niz̈aza ninacz̈quiz tjaajnaquic̈ha.

Philemon 1:22 in Chipaya

22 Niz̈aza wejtta tsjii alujamintu tjacz̈inalla. Wejrqui anc̈huc cherzñi tjonz pecuc̈ha. Yooz munan niz̈aza anc̈hucaz̈ mayizitaz̈ cjen wejrqui tjonac̈ha, anc̈huc cherzñi. Jalla nii ojkzjapa tjewznuc̈ha.

Hebrews 13:23 in Chipaya

23 Uc̈hum Timoteo jilaqui carsilquiztan liwriitac̈ha. Jalla nii anc̈hucaquiz maz pecuc̈ha. Timoteoqui tekz waj tjonaquiz̈ niiqui, niiz̈tan wejttan anc̈hucaquin cherzñi okac̈ha.

2 John 1:12 in Chipaya

12 Zumsira wacchi takunaca wejtta z̈ejlc̈ha. Pero tjappachaqui anal cjijrz pecuc̈ha. Anc̈hucaquin tjonz pecuc̈ha, uc̈hum pora parlizjapa, porapat cuntintu cjisjapa.

3 John 1:14 in Chipaya

14 Wajilla amquin tjonzquiz pecuc̈ha. Jalla nekztan uc̈humporaz̈ palt'aquic̈ha.