1 Corinthians 14:36 in Chipaya

36 Anc̈hucqui nii tjaajinta jaru kamz waquizic̈ha. Yooz takuqui anc̈hucaquiztan anaz̈ kalltic̈ha. Niz̈aza anac̈ha anc̈huc alajquizkaz Yoozqui taku tjaachiqui. Weriz̈ tjaajintacama kamc̈ha tjapa iclizziz z̈oñinacaqui.

Other Translations

King James Version (KJV)

What? came the word of God out from you? or came it unto you only?

American Standard Version (ASV)

What? was it from you that the word of God went forth? or came it unto you alone?

Bible in Basic English (BBE)

What? was it from you that the word of God went out? or did it only come in to you?

Darby English Bible (DBY)

Did the word of God go out from you, or did it come to you only?

World English Bible (WEB)

What? Was it from you that the word of God went out? Or did it come to you alone?

Young's Literal Translation (YLT)

From you did the word of God come forth? or to you alone did it come?

Cross Reference

Acts 13:1 in Chipaya

1 Antioquía wajtchiz Yoozquin criichi z̈oñinacz̈quiztan Yooz puntu tjaajiñinaca, niz̈aza Yooz taku chiiñi profetanaca z̈elatc̈ha. Jalla tinacatac̈ha: Bernabé, Saulo, Simón (Negro cjitazakaztac̈ha), Lucio (Cirene wajtchiz z̈oñitac̈ha), niz̈aza Manaén (niiqui junto pajkchic̈ha Herodestan. Herodesqui Galilea kjuttan mantiñitac̈ha).

Acts 15:35 in Chipaya

35 Niz̈aza Pabluqui Bernabez̈tan Antioquía wajtquin eclichizakazza. Nekztanaqui parti jilanacz̈tan Yooz taku walja tjaajnatc̈ha ana criichi z̈oñinacz̈quiz, niz̈aza liwriiñi Yooz taku paljayatc̈ha.

Acts 16:9 in Chipaya

9 Jalla nicju tsjii ween Yoozqui Pablo chjuuzkatchic̈ha. Chjuuzcan jalla tuz̈ Pabluqui cherchic̈ha, tsjii Macedonia wajtchiz z̈oñi cherchic̈ha. Tsijtsi z̈elatc̈ha. Niz̈aza rocatc̈ha, tuz̈ cjican: “Macedonia yok kjutñi kajkz̈calla amqui. Yanapt'alla”.

Acts 17:1 in Chipaya

1 Jalla nekztanaqui wilta ojkchic̈ha, Pabluz̈tan Silz̈tanaqui. Anfípolis niz̈aza Apolonia jalla nii yokanaca watchic̈ha. Nekztanaqui Tesalónica cjita pajk watja irantichic̈ha. Jalla nekzi tsjii judionacz̈ ajcz kjuya z̈elatc̈ha.

Acts 17:10 in Chipaya

10 Jalla nii nooj weenpacha criichi jilanacaqui Pabluz̈quiz Silz̈quiz nii wajtquiztan ulanskatchic̈ha. Nekztan Berea cjita watja ojkchic̈ha. Jalla nicju irantiz̈cu, judionacz̈ ajcz kjuya luzzic̈ha.

Acts 17:15 in Chipaya

15 Nekztanaqui Pabluz̈tan cumpant'iñi z̈oñinacaqui Pablo chjitchic̈ha Atenas cjita watja. Jalla nekztanaqui quejpz̈quichic̈ha tii takunacz̈tan: “Silz̈tan Timoteoz̈tan, jalla ninacaqui Pabluz̈quin apura irantiz waquizic̈ha”, cjican.

Acts 18:1 in Chipaya

1 Wiruñaqui Pabluqui Atenas wajtquiztan ulanchic̈ha. Corinto cjita watja ojkchic̈ha.

1 Corinthians 4:7 in Chipaya

7 ¿Ject anc̈huca t'aka parti z̈oñinacz̈quiztan tucquin uchjo? Anc̈huca t'akaz̈ juc'ant waliz̈laj niiqui, Yoozpankaz juc'ant wali cjiskatchic̈ha. Anc̈hucqui anac̈ha persunpacha wali cjisnasac̈ha. Jalla niz̈tiquiztan anac̈ha atinaru kuzziz chiichiizqui, “Juc'ant walic̈ha wejt t'akaqui”, cjicanaqui.

2 Corinthians 10:13 in Chipaya

13 Wejrqui persun puntuquiztan anal juc'ant chiyuc̈ha. Yoozpachac̈ha wejtquiz tii apóstol langz tjaachiqui. Nii langzquiztan jama chiyuc̈ha. Niz̈aza nii Yooziz̈ tjaata langzquiztan jama anc̈hucaquin tjonzinc̈ha, liwriiñi Yooz taku paljayzjapa.

1 Thessalonians 1:8 in Chipaya

8 Anc̈hucaz̈ cjen Yooz takuqui tjapa kjutñi paljaytac̈ha. Anac̈ha Macedonia yokquizkaz niz̈aza Acaya yokquizkaz paljaytaqui. Tjapa kjutñi paljaytac̈ha. Niz̈aza jaknuz̈t anc̈hucqui Yoozquin kuzziz cjissinc̈hucz̈laja, jalla nii quintu tjapa z̈oñinacaqui zizza. Jaziqui wejrnacqui anc̈huc puntuquiztan anaz̈ iya quint'asac̈ha.