Psalm 9 in Boko
1 Davidi lɛ.
2 Dii, má n táasilɛ ń nↄ̀sɛmɛndoo, má n yãbↄnsaɛkɛaↄ kpàwakɛnɛ́.
3 Má pↄnakɛ, má yáalↄ n yã́ musu, Musude, má n tↄbↄ ń lɛsiao.
4 Ma ibɛɛↄ ì kpɛkpa, aaì gɛ̃mbↄlɛ aa gaga n aɛ.
5 Asa n zɛmanↄ, n yãnakpàa, zↄ̃lɛa n gĩ́naa n yãgↄ̃̀gↄ̃ a zɛ́wa.
6 N buipãleↄ lèle, n gbɛ̃vãipiↄ míↄnzↄ̃, n ń tↄ́ dɛ̀ míↄmiↄ.
7 N músi láasai kpà ma wɛ̀lɛↄzi, n ń wɛ̃́lɛↄ kwɛ̀, an yã́ dↄ gbɛ̃egu lↄo.
8 Dii ì kible gↄↄpii, à a kpala dìlɛ yã́kpalɛkɛa yã́i.
9 A yã́kpalɛkɛ ń dṹnia gbɛ̃́ↄ súsu, a kible buiↄwa a zɛ́wa.
10 Dii mɛ́ ulɛkĩi ũ gbɛ̃́ pↄ́ wàlɛ gbãamↄnɛ́ↄnɛ, a dɛnɛ́ aafia'ekĩi ũ taasikɛgↄↄ.
11 Dii, gbɛ̃́ pↄ́ n tↄ́ dↄ̃ↄ n náai vĩ, nili n aɛyanaↄ vũaao.
12 À lɛsi Diiɛ, àlɛ kible Siↄna, à aà yãkɛaↄ kpàwakɛ bui píiɛ.
13 Asa yã́ lí sãaaguo, ì tↄsi gbɛ̃dɛnawa, ì taasideↄ wiilɛa yãda.
14 Gwa lá ma ibɛɛↄ lɛ́ ĩadaa, Dii, wɛ̃nadↄ̃mɛɛ, ní ma bↄ ga lɛ́zĩ,
15 mí lɛ́mama Siↄna bĩ́ibↄlɛu, mí pↄnakɛ kɛ́ n ma suabà yã́i.
16 Buiↄ sì ɛ pↄ́ aa yↄ̃̀u, an gbá zù ba pↄ́ aa kpàu.
17 Wa Dii dↄ̃ ń yã́kpalɛkɛa a zɛ́waoɛ, ì to gbɛ̃vãi yãkɛa labadaaàla.
18 Gbɛ̃vãiↄ ì ta bɛdau, bui pↄ́ aali Lua yãdaopiↄ.
19 Wɛ̃nadeↄ yã́ a sãaàgu bauo, taaside wɛdↄaaàzi láaa vĩo.
20 Fɛlɛ Dii, ńsu to gbɛ̃nazĩna n gã fĩo, bui píi kãaa, ní yã́kpalɛkɛńnↄ.
21 Dii, to vĩa buiↄ kṹ, kɛ́ aa e dↄ̃ wa dɛ gbɛ̃nazĩnaↄ ũ.