Psalm 79 in Boko
1 Asafa lɛ. Lua, buipãleↄ sì ń bùsuu, aa n kpɛ́ pↄ́ a kua adoa ↄ̃̀ↄkpà, aa Yelusalɛũ dɛ̀ɛlɛ.
2 Aa n zↄ̀blenaↄ dɛ̀dɛ aa ń gɛ kpà bãↄwa, aa n yãmanaↄ gɛ tò wàiↄnɛ blɛ ũ.
3 An au bàalɛ̀ lán íwa Yelusalɛũ bĩ́i kpɛ, gbɛ̃e ku à ń vĩo.
4 Wa gↄ̃ pↄ́ yáalↄaↄ ũ wá saɛdeↄnɛ, láanipↄ ũ gbɛ̃́ pↄ́ liaawáziↄnɛ.
5 Dii, n pↄ aↄ paawázi e bↄɛ ni? N kpɛ̃nɛ tɛ́ aↄ kũ gↄↄpii yã̀?
6 Pↄkũma bↄbↄ bui pↄ́ aa n dↄ̃oↄwa, gbɛ̃́ pↄ́ aali ń sísioↄ bùsuↄwa.
7 Asa aa Yakↄbu buiↄ blè, aa ń bùsu ↄ̃̀ↄkpàɛ.
8 Ńsu wá maeↄ duuna wi wá musuo. Wɛ̃nadↄ̃wɛ̃ɛ kpakpa, asa wa busa dúuduuɛ.
9 Dↄwálɛ, Lua wá Suabana. Wá misi, kɛ́ ǹ tↄbↄ, wá duuna kɛ̃́wá n tↄ́ yã́i.
10 Bↄ́yãi ńyↄ̃ to buipãleↄ wá lá: Wá Lua ku máɛ la? To buipãleↄ dↄ̃ wá aɛ, kɛ́ ni n zↄ̀blenaↄ dɛdɛa tↄsimá.
11 To zĩ̀zↄↄ ↄↄlↄ gɛ̃ n swã́u, gbɛ̃́ pↄ́ kú ga lɛ́zĩpiↄ bↄ ń n gã̀sa gbãao.
12 Láani pↄ́ wá saɛdeↄ zĩ̀ma, fĩabonɛ́ gɛ̃n sopla, Dii.
13 Wápiↄ n gbɛ̃́ↄ, n kpàsa sãↄ, wíↄ n sáaukpa gↄↄpii, wíↄ n tↄ́ galikɛ e wá buiwa.