Psalm 75 in Boko
1 Asafa lɛ.
2 Wa n sáaukɛ̀ Lua, wa n sáaukɛ̀. Tó wà n yãbↄnsaɛↄ galikɛ̀, ń kú kãi.
3 Lua mɛ̀: Ma gↄↄdìlɛ, má yã́kpalɛkɛ a zɛ́wa.
4 Tó dṹnia dèe, a gbɛ̃́ↄ lɛ́ kɛ sèee, mámɛ mi a gbapɛlɛ kṹ gíũgiũ.
5 Mi o yↄ̃̀ↄdeↄnɛ aasu ń gasa fɛlɛo, mi o vãikɛnaↄnɛ aasu káakuo.
6 Ásu à á gasa fɛlɛao, ásu kàamai kɛmanↄo.
7 Asa gbãa lí bↄ gukpɛ ge bɛ'aɛo, ìli bↄ guwaiwai guu no,
8 Lua mɛ́ yã́kpalɛkɛna ũ, ↄ̃mɛ ì gbɛ̃do sↄ̃ↄlɛ, ì gbɛ̃do fɛlɛ.
9 Imibↄ ku Dii ↄzĩ, í gbãa ka a pai, àlɛ pí aà pↄkũma ũ. Ì kↄ́lɛ dṹnia vãikɛnaↄwa píi, ↄ̃ aaì mi wesai ń a gbↄ̃ↄ.
10 Mapi sↄ̃ máↄ yã́pi o gↄↄpiiɛ, mí Yakↄbu Lua táasilɛ.
11 Má vãikɛnaↄ gasa kwɛ́, gbɛ̃maaↄ gasa iↄ ku musu.