Psalm 21 in Boko
1 Davidi lɛ.
2 Dii, kí lɛ́ pↄnakɛ ń n gbãao, aà pↄ na maamaa kɛ́ ń tò à zĩblè.
3 N pↄ́ pↄ́ aà pↄ gbà kpàwà, ni gí aà wabikɛa síiaànↄo.
4 N danlɛ kɛ̀ɛ̀ ń ɛ̀fãai zↄ̃ↄo, n vua fùa kpàɛ̀.
5 À wɛ̃ni gbɛ̀ama, ↄ̃ ń kpàwà, ń tò a ku e gↄↄpii.
6 Aà gawi zↄ̃ↄ kɛ́ ń tò à zĩblè, n gawi ń zↄ̃ↄkɛo kpàwà.
7 Niↄ báaadaaàgu gↄↄpii, n kuaaànↄ tò aà pↄ kɛ̀na.
8 Asa kí Dii náai vĩ, kua Musude gbɛ̃kɛu a kpaguao.
9 Ńyↄ̃ ↄdiɛ n ibɛɛↄwa, ńyↄ̃ n wɛ̀lɛↄ kṹ ń n ↄplaao.
10 Ńyↄ̃ ń kɛ mua yàa ũ n mↄgↄↄ, Dii a ń míↄnzↄ̃ a pↄfɛ̃gↄↄ, i to tɛ́kũmá.
11 Ńyↄ̃ ń nɛ́ↄ midɛ dṹnia guu, ní ń buiↄ kɛ̃ gbɛ̃nazĩnaↄwa.
12 Baa tó aa lɛkpàaĩnzi, an pↄeã a fↄ̃ zĩkɛo.
13 Ńyↄ̃ ka dↄdↄ ń wɛ́wa, ńyↄ̃ to aa kpɛkpa.
14 N gbãa guu, Dii, ǹ nzĩa kã́fĩ, wí lɛsi wà n gↄ̃sakɛ táasilɛ.