Psalm 113 in Boko

1 Àleluya! Dii zↄ̀blenaↄ, à aà táasilɛ, í aà tↄbↄ!

2 Gbɛ̃́pii Dii sáaukpa za gbã e gↄↄpii.

3 Gbɛ̃́pii Dii tↄbↄ sɛa za ĩatɛ̃bilɛa e a gɛ̃kpɛukĩi.

4 Dii ku musu, a dɛ bui píila, à tↄbↄ̀ e à mà musua.

5 Gbɛ̃e i ka Dii wá Luawao, a zↄ̃lɛa báawa musu.

6 Ì wɛ́kpalɛ zĩ́lɛ, ì musu ń tↄↄlɛo gwa.

7 Ì yɛ̃̀ɛɛsaideↄ bↄ bùsutiu, ì ń fɛlɛ, ì wɛ̃nadeↄ bↄ túfuu, ì ń sɛ́ lɛsĩ.

8 Ì ń da kíabuiↄ guu, anzĩa gbɛ̃́ kíabuiↄ guu.

9 Ì to fĩi nɛ́ bↄbↄ, i gↄ̃ nɛade pↄnade ũ. Àleluya!