Psalm 112 in Boko
1 Àleluya! Báaaden gbɛ̃́ pↄ́ Dii vĩa vĩ, mɛ́ Diipi yãdilɛaↄ ì kaaàgu ũ.
2 Aà nɛ́ↄ gↄ̃ gbãadeↄ ũ ń bùsuu, asa nↄ̀sɛpuade buiↄá báaadeↄnɛ.
3 Pↄ́mↄama ń àizɛɛo di aà bɛɛ, aà yãkɛa a zɛ́wa láaa vĩo.
4 Baa gusiau gu ì pu gbɛ̃maaↄnɛɛ, nↄ̀sɛpuade pↄ́ sùuu ń sósobio vĩↄ.
5 Gbɛ̃́ pↄ́ gbɛ̃kɛ vĩ ì pↄ́ sɛ̃anɛ́, ì a yã́ↄ kɛ a zɛ́wa, yã́ ì bↄɛ̀ maaɛ.
6 Gbɛ̃maa lí fu bauo, aà yã́ aↄ dↄńguɛ gↄↄpii.
7 Bao ĩ́i lí aà vĩakũo, aà sↄ̃ ìↄ dilɛa, ìↄ Dii náai vĩ.
8 Aà sↄ̃ lí vĩo, vĩa lí aà kũo, e à gɛ tidↄò a ibɛɛↄla.
9 Ì pↄ́ fã́ɛ taasideↄnɛ, aà yãkɛa a zɛ́wa láaa vĩo. Aà mi ìↄ daa ía ń gawioɛ.
10 Gbɛ̃vãi líↄ ye aà ea yã́io, ì lɛ́sakãaàzi, ì lↄ̀ↄ gá. Yã́ pↄ́ vãikɛna wɛ́ dↄi ì midɛwàɛ.