Nehemiah 7 in Boko

1 Kɛ́ wà bĩ́ibò mɛ́ ma a bↄlɛ gbaↄ pɛ̀lɛpɛlɛ, wà bĩ́ibↄlɛdↄ̃anaↄ ń lɛ̀sinaↄ ń Levii buiↄ dìlɛ.

2 Ɔ̃ ma a dãuna Anani dìlɛ Yelusalɛũ gbɛ̃zↄ̃ↄ ũ ń kibɛ ziia Ananiao, asa gbɛ̃́ náaideɛ. A Lua vĩa vĩ dɛ gbɛ̃́ dasidela.

3 Má ònɛ́: Wasuli Yelusalɛũ bↄlɛ gbaↄ wɛ̃o e ĩatɛ̃ gɛ lí gbãakũ. Wàli zɛtata wà gbã́aↄ dau e bĩ́ibↄlɛdↄ̃anaↄ tá. Wà Yelusalɛũdeↄ dilɛdilɛ gudↄ̃anaↄ ũ lↄ, an gbɛ̃eↄ aaↄ ku gudↄ̃akĩi, an gbɛ̃eↄ ń bɛ saɛ.

4 Wɛ̃́lɛpi zↄ̃ↄ mɛ́ a bàlumaↄ vĩ, mɛ́ gbɛ̃́ pↄ́ kú weↄ bílao. Wi e ɛ̀a a kpɛ́ↄ dↄ̀dↄ yãao.

5 Ma Lua làasoo dàmɛɛ ma sↄ̃u, ↄ̃ ma kíabuiↄ kã̀aa ń gbãadeↄ ń gbɛ̃́ kĩniↄ píi, kɛ́ wà ń tↄ́ dalau ń buiwa yã́i.

6 Babɛli kí Nɛbukanɛza Isailiↄ kũ̀kũ zĩ̀zↄↄ ũ yãa, à tàńnↄ Babɛli. An gbɛ̃́ pↄ́ bↄ̀ zĩ̀zↄkɛpiu aa sù Yelusalɛũ ń Yuda bùsuo, baade ń a bɛoↄn kɛ:

7 Aa sù ń Zolobabɛlio ń Yesuao ń Nɛɛmiio ń Azaliao ń Laamiao ń Naamanio ń Maadoseo ń Bilisão ń Misipaao ń Bigivaio ń Leuũo ń Baanao sãnu. Isaili gↄ̃ɛ pↄ́ sùpiↄ naoan kɛ:

8 Palↄsi buiↄ gbɛ̃ↄn ↄ̀aasↄsↄo lɛɛ pla ń baswaaↄ̃kwi ń plao (2.172).

9 Sefatia buiↄ gbɛ̃ↄn ↄ̀aa do ń baswaaↄ̃kwi ń plao (372).

10 Ala buiↄ gbɛ̃ↄn ↄ̀aa àaↄ̃o ń blakwi ń plao (652).

11 Paata Mↄabu bui pↄ́ dɛ Yesua ń Yoabuo buiↄ ũↄ gbɛ̃ↄn ↄ̀aasↄsↄo lɛɛ pla ń ↄ̀aa síiↄ̃ ń bao plasaio (2.818).

12 Elaũ buiↄ gbɛ̃ↄn ↄ̀aa soolo ń blakwi ń síiↄ̃o (1.254).

13 Zatu buiↄ gbɛ̃ↄn ↄ̀aa síiↄ̃ ń blasↄoo (845).

14 Zakai buiↄ gbɛ̃ↄn ↄ̀aa àaↄ̃ ń baswaaↄ̃o (760).

15 Binui buiↄ gbɛ̃ↄn ↄ̀aa àaↄ̃ ń blakwi plasaio (648).

16 Bebai buiↄ gbɛ̃ↄn ↄ̀aa àaↄ̃ ń baasↄo ń àaↄ̃o (628).

17 Azegada buiↄ gbɛ̃ↄn ↄ̀aasↄsↄo lɛɛ pla ń ↄ̀aa do ń basoolo ń plao (2.322).

18 Adonikaũ buiↄ gbɛ̃ↄn ↄ̀aa àaↄ̃ ń bàaↄ̃sↄo ń plao (667).

19 Bigivai buiↄ gbɛ̃ↄn ↄ̀aasↄsↄo lɛɛ pla ń bàaↄ̃sↄo ń plao (2.067).

20 Adini buiↄ gbɛ̃ↄn ↄ̀aa àaↄ̃ ń bàaↄ̃ sↄosaio (655).

21 Atee pↄ́ dɛ Ezekia bui ũ buiↄ gbɛ̃ↄn basↄo plasai (98).

22 Asuũ buiↄ gbɛ̃ↄn ↄ̀aa do ń basoolosↄo ń àaↄ̃o (328).

23 Bezai buiↄ gbɛ̃ↄn ↄ̀aa do ń basoolosↄo mɛ̀ndosaio (324).

24 Alifi buiↄ gbɛ̃ↄn basↄokwi ń plao (112).

25 Gabaↄ̃ↄ buiↄ gbɛ̃ↄn basↄo sↄosai (95).

26 Bɛtɛlɛũdeↄ ń Nɛtofadeↄ gbɛ̃ↄn ↄ̀aa do kuɛplasai (188).

27 Anatodeↄ gbɛ̃ↄn basoolosↄo ń àaↄ̃o (128).

28 Bɛtazamavɛdeↄ gbɛ̃ↄn bla ń plao (42).

29 Kiliayaaliũdeↄ ń Kefiladeↄ ń Beelodeↄ gbɛ̃ↄn ↄ̀aa àaↄ̃ ń basopla ń àaↄ̃o (743).

30 Lamadeↄ ń Gɛbadeↄ gbɛ̃ↄn ↄ̀aa àaↄ̃ ń bao ń mɛ̀ndoo (621).

31 Mimasadeↄ gbɛ̃ↄn basoolo ń plao (122).

32 Bɛtɛlideↄ ń Aideↄ gbɛ̃ↄn basoolo ń àaↄ̃o (123).

33 Nɛbo pãle buiↄ gbɛ̃ↄn blakwi ń plao (52).

34 Elaũ pãle buiↄ gbɛ̃ↄn ↄ̀aa soolo ń blakwi ń síiↄ̃o (1.254).

35 Aliũ buiↄ gbɛ̃ↄn ↄ̀aa do ń basooloo (320).

36 Yelikodeↄ gbɛ̃ↄn ↄ̀aa do ń basoplasↄoo (345).

37 Lodideↄ ń Adidadeↄ ń Onↄdeↄ gbɛ̃ↄn ↄ̀aa àaↄ̃ ń basoolo ń mɛ̀ndoo (721).

38 Senaadeↄ gbɛ̃ↄn ↄ̀aasↄsↄo lɛɛ àaↄ̃ ń ↄ̀aa síiↄ̃ ń basoolokwio (3.930).

39 Sa'ona bui pↄ́ sùↄn kɛ: Yesua bui Yedaia buiↄ gbɛ̃ↄn ↄ̀aa sↄo baasↄo ń plao sai (973).

40 Imɛɛ buiↄ gbɛ̃ↄn ↄ̀aa sↄo ń blakwi ń plao (1.052).

41 Pasuu buiↄ gbɛ̃ↄn ↄ̀aa soolo ń blasↄo ń plao (1.247).

42 Aliũ buiↄ gbɛ̃ↄn ↄ̀aa sↄo ń gɛ̃o ń plao (1.017).

43 Levii bui pↄ́ sùↄn kɛ: Odeva bui Yesua ń Kamiɛlio buiↄ gbɛ̃ↄn bàaↄ̃kwi ń síiↄ̃o (74).

44 Asafa bui lɛ̀sinaↄ gbɛ̃ↄn basoplasↄo ń àaↄ̃o (148).

45 Saluũ ń Ateeo ń Talemↄo ń Akubuo ń Atitao ń Sobaio bui bĩ́ibↄlɛdↄ̃anaↄ gbɛ̃ↄn basopla plasai (138).

46 Lua ua zĩkɛnaↄá gbɛ̃́ɛ beeↄ buiↄnɛ: Ziha, Asufa, Tabao,

47 Kelosi, Siaa, Padoni,

48 Lebana, Agaba, Salemai,

49 Anana, Gideli, Gaaa,

50 Leaia, Lezini, Nɛkoda,

51 Gazaũ, Uza, Pasea,

52 Besai, Mɛuniũ, Nɛfusiũ,

53 Babuku, Akufa, Aluu,

54 Bazelu, Mɛida, Aasa,

55 Baakosi, Sisela, Tɛma,

56 Nɛzia ń Atifao.

57 Salomↄↄ zↄ̀blena buiↄá gbɛ̃́ɛ beeↄ buiↄnɛ: Sotai, Sofɛlɛ, Peluda,

58 Yala, Daakↄ̃, Gideli,

59 Sefatia, Atili, Pokɛlɛ Azebaiũ ń Amↄo.

60 Lua ua zĩkɛnapiↄ ń Salomↄↄ zↄ̀blena buipiↄ gbɛ̃ↄn ↄ̀aa pla swaaↄ̃saiɛ (392).

61 Gbɛ̃eↄ bↄ̀ Tɛmɛla ń Tɛlaasao ń Kelubuo ń Adↄ̃o ń Imɛɛo, ↄ̃ aai e ń buibↄkĩi ↄ̀lↄnɛ́o, tó Isailiↄn ń ũ.

62 Delaia ń Tobiao ń Nɛkodao buiↄnɛ, aa gbɛ̃ↄn ↄ̀aa àaↄ̃ ń bla ń plaoɛ (642).

63 Sa'ona bui pↄ́ dɛ Ɔbaia ń Akozio ń Baazilaio buiↄ ũ sù lↄ. Baazilaipi Galada bui Baazilainɛ sɛ̀ yãa nↄ ũ, ↄ̃ à a ã̀nsue tↄ́pi sɛ̀.

64 Gbɛ̃́piↄ ń tↄ́ wɛ̀ɛlɛ buibↄkĩi taalau, aai bↄwào, ↄ̃ wà gìnɛ́ ń sa'ozĩo.

65 Bùsu dↄaana ònɛ́, mɛ́ i kɛ sa'ona ń yã́ gwà ń Uliũo ń Tumiũo bàasio, aasu Lua blɛ bleo.

66 Gbɛ̃́piↄ píi gbɛ̃ↄn ↄ̀aasↄsↄo lɛɛ bla ń plao ń ↄ̀aa do ń baswaaↄ̃o (42.360).

67 An zↄ̀blenaↄ gↄ̃ɛↄ ń nↄɛↄ ku lↄ gbɛ̃ↄn ↄ̀aasↄsↄo lɛɛ sopla ń ↄ̀aa do ń basopla àaↄ̃saio (7.337). Lɛ̀sinaↄ gↄ̃ɛↄ ń nↄɛↄ kúńnↄ lↄ gbɛ̃ↄn ↄ̀aa do ń blasↄoo (245).

68 Aa sↄ̃́ↄ vĩ ↄ̀aa àaↄ̃ ń basooloo ń gɛ̃o ń mɛ̀ndoo (736), sↄ̃baonaↄ ↄ̀aa do ń blasↄoo (245), yiongoↄ ↄ̀aa pla ń bla sↄosaio (435), zàa'ĩnaↄ ↄ̀aasↄsↄo lɛɛ soolo ń ↄ̀aa àaↄ̃ ń basooloo (6.720).

69 An uabeleeↄ gbadàda zĩ yã́ musu. Bùsu dↄaana gbadà Lua kpɛ́ zĩ kpagolo guu vua kiloo swaaↄ̃ ń kĩnio ń vua taↄ mɛ̀n blakwi ń sa'on ulataoↄ mɛ̀n ↄ̀aa pla ń basoolokwio (530).

70 Uabeleeↄ gbadàda Lua kpɛ́ zĩ kpagolo guu, vua kiloo baswaaↄ̃kwi (170) ń ã́nusuo tↄnu do ń kiloo ↄ̀aa doo.

71 Gbɛ̃́ kĩniↄ gbadàda lↄ, vua kiloo baswaaↄ̃kwi (170) ń ã́nusuo tↄnu do ń kiloo basↄoo ń sa'on ulataoↄ mɛ̀n bàaↄ̃sↄo ń plao (67).

72 Sa'onaↄ ń Levii buiↄ ń bĩ́ibↄlɛdↄ̃anaↄ ń lɛ̀sinaↄ ń gbɛ̃pãleeↄ ń Lua ua zĩkɛnaↄ ń Isaili kĩniↄ zↄ̃̀lɛzↄ̃lɛ ń wɛ̃́lɛↄ guu.