Titus 2:11 in Algonquin

11 Kije Manido mega ki 8abadai8e okitci ca8endjige8in, kakina a8iag kegi odji ag8acimagani8idj.

Other Translations

King James Version (KJV)

For the grace of God that bringeth salvation hath appeared to all men,

American Standard Version (ASV)

For the grace of God hath appeared, bringing salvation to all men,

Bible in Basic English (BBE)

For the grace of God has come, giving salvation to all men,

Darby English Bible (DBY)

For the grace of God which carries with it salvation for all men has appeared,

World English Bible (WEB)

For the grace of God has appeared, bringing salvation to all men,

Young's Literal Translation (YLT)

For the saving grace of God was manifested to all men,

Cross Reference

Matthew 28:19 in Algonquin

19 Paba nda 8abamikog dac kakina a8iagog kakinagotc ka inakanezi8adj, acitc kikinoamaokog kidji nosoneoji8adj. Sigaadaokog dac e abadjito8egon o8izoni8a Kije Manido Kidadaminan acitc Og8izisan acitc Omino Manidoman.

Mark 16:15 in Algonquin

15 Jesos dac ogi inan: “Paba ijaok kakina mizi8ekamig, acitc paba tibadjimotaokog kakina a8iagog Kije Manidon omin8adjimo8ini.

Luke 3:6 in Algonquin

6 Midac kakina ka taci8adj a8iagog oga 8abadana8a adi Kije Manidon eji ag8acimigo8adjin.”

Luke 24:47 in Algonquin

47 Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.

John 1:9 in Algonquin

9 Mi aa eta Jesos 8edjida 8asea8in epitendagozidj, kagi pijadj ooma akig e pi 8asenama8adjin kakina a8iagon.

John 1:14 in Algonquin

14 Aa Jesos, “Kije Manido Odanim8e8in” ka ijinikanagani8igobanen, ki pi nta8igi ooma akig acitc 8enibik nigi 8idji tajikemigonan. Kabe kitci kije8adizi acitc kabe teb8e. Nigi 8abadananan odicpendagozi8in, Kije Manido kagi minadjin Og8izisan ka motci pejigondjin.

John 1:16 in Algonquin

16 Kakina kigi minigonan oca8endjige8inan. Epitci kije8adizidj, minamina8adj kigi ca8enimigonan.

Acts 11:23 in Algonquin

23 Apitc ka oditag, ogi 8abadan adi inigik igi a8iagog kagi minigo8adjin Kije Manidon okitci ca8endjige8ini. Ki kitci min8endam dac acitc ogi kitci inan kakina ega kidji ana8endjigendjin, acitc enigokodeendjin kidji nosone8andjin ka Tibendjigendjin.

Acts 13:43 in Algonquin

43 Ka ick8a ma8adjiidinani8anig Coda8inni aiamiemigi8amikag, mane Coda8innig acitc mane a8iagog kagi adjito8adj odaiamie8ini8a kidji nosoneamo8adj Coda8inni aiamie8ini ogi nosone8a8an Ponan acitc Banabasan. Midac Pon acitc Banabas odaiamia8abanin acitc okadjinija8a8abanin ega 8ikad kidji poni apacenimondjin Kije Manidon okitci ca8endjige8inikag.

Acts 13:47 in Algonquin

47 8adan oo8e ka Tibendjigedj kagi iji 8idamago8ag: ‘Kigi onabamin tabickotc 8asea8in kidji ijinagozian, taji ka te8adj ega ka Coda8inni8i8adj, midac kakina a8iagog ooma akig kidji kikendamo8adj adi ka todaman kidji ag8acimag8a,’ nigi igonan.”

Acts 20:24 in Algonquin

24 Ka8in nikitci apitendasin nipimadizi8in. Mi eta eji kitci nda8endaman kidji ick8aikam8ag ka Tibendjigedj Jesos kagi inanonijidj, kidji paba tibadjimo8an min8adjimo8in, ka odji kikendjigadenig Kije Manido okije8adizi8in.”

Romans 4:4 in Algonquin

4 Apitc a8iag ki mikimodj, inendagozi kidji kijika8agani8idj ka kackitamadizodj. Ka8in dac “Ca8endjigan niminigo” kadagi ikidosi apitc kijika8agani8idj.

Romans 5:2 in Algonquin

2 Osa mega kiteb8etananan, Jesos kigi minigonan kidji ani kikendam8aiak Kije Manido okitci ca8endjige8in, acitc dac mi ii8e ca8endjige8in odji 8edji nogom sogigaba8iak kiteb8etamo8inakag. Kimodjigendananan dac osa mega kiketcinamendananan kekina8it kidji icpendagoziak, tabickotc Kije Manido ka iji icpendagozidj.

Romans 5:15 in Algonquin

15 Pekic dac pepakan apitendagozi8ag igi eji niji8adj a8iagog. Kije Manido oca8endjige8in ka8in pejig8an inendag8asini Adam opatado8in ka inendag8anig. Teb8e, pejig eta a8iag egi patadidj, mi 8edji kitci mane ki nibo8adj. Anic dac, Kije Manido 8in okitci ca8endjige8in, na8adj kitci apitendag8ani. E kitci kije8adizidj, ogi kitci ca8eniman kitci mane a8iagon, adi ini8e pejig kodagian a8ian Jesos Christan kagi pi iji mino ijitcigendjin odji.

Romans 5:20 in Algonquin

20 Kije Manido ogi minan a8iagon Coda8inni Inakonige8inan, a8acamej kidji gi ani kikendamindjin adi epitci kitci patadindjin. Midac a8acamej egi ani kikendamindjin adi epitci kitci patadindjin, a8acamej acitc ogi ani kikendana8a Kije Manidon okitci ca8endjige8ini.

Romans 10:18 in Algonquin

18 Kegon dac ni8i k8ag8ed8e. Kana Coda8innig ododji nodasina8adok min8adjimo8ini? Ee, ogi nodana8a. Mi mega oo8eni mezinadenig Kije Manido Omazinaiganikag: “Mizi8ekamig ki paba ija8ag a8iagog e paba tibadjimo8adj min8adjimo8ini, misa8adj 8edi 8asag agamakig ki nodagani8ani odikido8ini8a.”

Romans 11:5 in Algonquin

5 Mi iidi acitc ejiseg nogom. Te8ag nandam pagi Israel a8iagog kagi ca8enimigo8adjin ka kitci kije8adizindjin Kije Manidon, egi onabamigo8adjin.

Romans 15:9 in Algonquin

9 Acitc ki ijitcige iidi ega ka Coda8inni8indjin odji, kidji gi odji icpenima8adjin Kije Manidon egi kidimagenimigo8adjin. Mi ii ka ojibiigadenig Kije Manido Omazinaiganikag: “Apitc 8idji8ag8a ega ka Coda8inni8i8adj, kiga icpenimin, acitc kiga nigamotaon e manadjiinan.”

2 Corinthians 6:1 in Algonquin

1 Nina8it dac ka 8idji mikimomagidj Kije Manido, kipagosenimigom kidji ega 8ebinameg okitci ca8endjige8in kagi minigo8eg.

Galatians 2:21 in Algonquin

21 Ka8in dac ni8ebinasin Kije Manido okitci ca8endjige8in. Kicpin mega a8iag e nosoneagin Coda8inni Inakonige8inan kackitopan kidji odji k8aiak8abamigodjin Kije Manidon, misa ceck8at kadagi niboban Jesos Christ.

Ephesians 1:6 in Algonquin

6 Midac ii ka todag, kidji gi odji icpenimaiak egi kitci mino todago8ak e minigo8ak okitci ca8endjige8in ka kitci icpendag8anig. Kitci mane kigi minigonan ii okitci ca8endjige8in, kagi pi ijitcigendjin Og8izisan odji ka kitci sagiadjin.

Ephesians 2:5 in Algonquin

5 Mi maia pejig8an kagi nibo8akoban ka ijinagoziak, osa mega kinita patadinanaban. Misa8adj dac, Kije Manido kigi koki pimadiziigonan, tabickotc kagi iji koki pimadiziadjin Jesos Christan. Maiagotc kigi 8abadaigo8a adi epitci kije8adizidj, e kitci ca8enimigo8eg kidji ag8acimigo8eg.

Ephesians 2:8 in Algonquin

8 Epitci kitci kije8adizidj Kije Manido, kigi ca8enimigo8a kidji ag8acimigo8eg, egi teb8eta8eg. Ka8in dac kikackitosina8a kina8a tibina8e kidji ag8acimidizo8eg. Mi sa Kije Manido ka iji ca8enimi8edj.

Ephesians 3:6 in Algonquin

6 Misa oo min8adjimo8in kagi kadjigadegiban. Igi8e ega ka Coda8inni8i8adj mi ke8ina8a okackitona8a Kije Manidon oca8endjige8ini kidji odisigo8adj, ka8in 8in eta Coda8innig kidji odisigo8adj ii. Aja mega e mama8ino8adj Coda8innig acitc ega ka Coda8inni8i8adj, mi pejig8an epitendagozi8adj kakina ka taci8adj, ma8asag Kije Manido odanicinabeman e ijinagozi8adj. Kakina oga odisigona8an ini mino kegonan kagi ikidodj Kije Manido kidji minadjin ini8e ka teb8eta8andjin Jesos Christan.

Colossians 1:6 in Algonquin

6 Kakina mizi8ekamig mikodjigade ii min8adjimo8in, acitc mi maia tabickotc minatig ka madjigidj acitc ka mini8idj ejinag8ag. Mi iidi ejinag8ag min8adjimo8in kina8akag, ka ako mikodamago8eg nitam ii min8adjimo8in acitc ka ani nisidotameg Kije Manido okitci ca8endjige8in adi maia ejinag8anig.

Colossians 1:23 in Algonquin

23 Panima dac ega 8ikad ki ponito8eg kidji teb8etameg min8adjimo8in, tiegodj panima ki sogigaba8ieg, e ketcinamendameg e teb8emagag, ega 8ikad kidji 8ebinameg ii apenimo8in kagi odisigo8eg apitc ka nodameg min8adjimo8in. Mizi8ekamig ki 8idamagani8an ii min8adjimo8in, kakina a8iagog odji. Nin dac, Pon, nidanokita8a Kije Manido e paba tibadjimo8an ii min8adjimo8in.

2 Thessalonians 2:16 in Algonquin

16 Kije Manido Kidadaminan kigi kitci sagiigonan. E minigo8ak okitci ca8endjige8in, kigi minigonan kagige kidji sogideeiak, acitc kidji kitci sogi apenimo8ak. 8in nipagosenimanan, acitc dac 8in tibina8e ka Tibeniminak Jesos Christ,

1 Timothy 1:14 in Algonquin

14 Kitci ani8ag mane nigi minig ka Tibeniminak okitci ca8endjige8in, acitc nigi odisigonan teb8etamo8in acitc sagii8e8in, Jesos Christ ka minadjin ako ini8e 8inikag ka iji tibendagozindjin.

1 Timothy 2:4 in Algonquin

4 ka nda8endag kakina a8iagon kidji ag8acimagani8indjin acitc kidji ani kikendamindjin teb8e8ini.

2 Timothy 4:17 in Algonquin

17 Anic ka Tibendjigedj nigi 8idjiig, acitc nigi minig macka8izi8ini, kitci ag8aiadj kidji gi tibadjimo8ag odikido8in. Misa dac ka iji nodamo8adj kakina igi8e ega ka Coda8inni8i8adj. Nigi kana8enimig ega maci kidji nisigo8aban.

Titus 3:4 in Algonquin

4 Misa8adj dac, apitc Kije Manido ka Ag8aciminak ka 8abadai8edj epitci minodeedj acitc epitci sagiadjin a8iagon,

Hebrews 2:9 in Algonquin

9 Anic dac ki8abamanan Jesos. 8in sa ki ijinago8agani8i tabickotc a8iag kidji ijinagozidj, pagi na8adj kidji tabasendagozidj apitc8in ka iji apitendagozindjin ajenin. Nogom dac kitci icpendagozi acitc kitci manadjiagani8i, osa mega ki kitci kodagito acitc ki nibo. Osa mega Kije Manido ogi kitci 8i ca8eniman a8iagon 8edji ki nibodj Jesos kakina a8iagon odji.

Hebrews 12:15 in Algonquin

15 Nagadjiidizok ega odji pejig a8iag kina8akag kidji ana8endag Kije Manidon okitci ca8endjige8ini. Iag8amig acitc, ega odji pejig a8iag kidji ani ijinagozidj tabickotc kitigan ka kitci 8isagizidj kidji madjigidj kina8akag. Kiga kitci madji todago8a mega kakina kekina8a.

1 Peter 1:10 in Algonquin

10 Aja 8eckadj niganadjimo8innig kitci 8e8enda onanada 8abadana8aban kidji nisidotamo8adj adi Kije Manidon kegi todaminipanin kidji ag8acimandjin a8iagon. Omikodana8aban Kije Manidon okitci ca8endjige8ini kagi ikidondjin kidji minigo8eg.

1 Peter 5:5 in Algonquin

5 Kina8a dac ka ocki pimadizieg! Pagidendizok kidji ndota8eg8a kitci anicinabeg. Kina8a kakina ka teb8etameg, tabasenimidizok acitc 8idokodadiok. Mazinadeni mega oo8eni Kije Manido Omazinaiganikag: “Kije Manido onagabinan ka kitci inenimidizondjin, anic dac okitci ca8endjige8in ominan ini8e ka tabasenimidizondjin.” Mi mezinadenig.