Titus 2:10 in Algonquin 10 8idamaok ega 8ikad kidji kimodima8adjin okackami8an. Tiegodj k8aiak kada inakamigizi8ag, kidji gi 8abadaa8adjin okackami8an e teb8eiendagozi8adj. Kicpin dac iidi todamo8adj, a8iagog oga teb8etana8a ka iji kikinoamagani8anig Kije Manidon ka Ag8aciminak e mikomagani8indjin.
Other Translations King James Version (KJV) Not purloining, but shewing all good fidelity; that they may adorn the doctrine of God our Saviour in all things.
American Standard Version (ASV) not purloining, but showing all good fidelity; that they may adorn the doctrine of God our Saviour in all things.
Bible in Basic English (BBE) Not taking what is not theirs, but giving clear signs of their good faith, in all things doing credit to the teaching of God our Saviour.
Darby English Bible (DBY) not robbing [their masters], but shewing all good fidelity, that they may adorn the teaching which [is] of our Saviour God in all things.
World English Bible (WEB) not stealing, but showing all good fidelity; that they may adorn the doctrine of God, our Savior, in all things.
Young's Literal Translation (YLT) not purloining, but showing all good stedfastness, that the teaching of God our Saviour they may adorn in all things.
Cross Reference Matthew 5:16 in Algonquin 16 Mi iidi enendag8ag kidji inasakoneg ki8asakonendjigani8a a8iagog odji, kidji gi 8abadamo8adj adi eji mino ijitcigeieg, acitc kidji gi odji icpenima8adjin Kije Manidon Kidadami8an, 8ak8ig ka tendjin.”
Matthew 24:45 in Algonquin 45 “A8enen dac aa8e anokitage8inni ka teb8eiendagozidj acitc ka kagita8endagozidj? Mi aa ke igodjin okackaman: ‘Kiga nagadjiag kakina a8iagog nimigi8amikag ka anokitaoji8adj meg8adj ke tanedian. Kakina pepejig e taci8adj kiga minag midjimini eko tibise8adj apitc odji 8i 8isini8adj,’ inagani8i.
Luke 16:6 in Algonquin 6 “ ‘Midasomidana (100) mitigo makakon inigik pimide,’ ki ikido8an.” “Aa dac anodagan ogi inan: ‘8adan oo8e kimazinaigan. 8ibadj abin, kiga ijibiige dac nanomidana (50) mitigo makakon eta inigik pimide mezinaama8adj nikackam.’ ”
Luke 16:10 in Algonquin 10 “Aa8e 8e8enda ka kana8endagin kegonan ega ka kitci apitendag8anigin, oga kana8endanan 8e8enda kitci kegonan ka kitci apitendag8anigin. Aa8e dac ka 8agackizidj apitc kana8endagin ega ka kitci apitendag8anigin kegonan, kada 8agackizi apitc kana8endagin ka kitci apitendag8anigin kegonan.
John 12:6 in Algonquin 6 Ka8in Judas ii ki ikidosiban e kidimagenimagobanen ka kidimagizindjin. Tiegodj ki kimodi8inni8iban 8edji ki ikidodj. 8in mega okana8enimabanin Jesosan acitc okikinoamagani oconiami8an, midac nanigodin okimodji odapinabanin ini conian.
Acts 5:2 in Algonquin 2 Ananias dac pagi conian ogi odji kimodji kana8eniman, e kikenimigodjin odik8eman. Ogi a8i minagoban ka ickosendjin conian Anodaganan acitc ogi inan: “8adan aa kakina inigik ka ijisedj conia.”
1 Corinthians 4:2 in Algonquin 2 Aa8e kagi anonagani8idj kegoni kidji ijitadj, 8e8enda inendagozi kidji ijitadj adi kagi inanonagani8idj.
Ephesians 4:1 in Algonquin 1 Kije Manido teb8e kigi kitci mino ca8enimigonan. Midac nin, ka kibaogo8an kibaodimigi8amikag osa e anokita8ag ka Tibendjigedj, kipagoseniminom 8e8enda kidji inadizieg, adi Kije Manido kagi iji nd8e8emigo8eg kidji iji pimadizieg.
Philippians 1:27 in Algonquin 27 Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.
Philippians 2:15 in Algonquin 15 kidji gi odji k8aiakozieg acitc kidji gi odji paiekideeieg. Kije Manido dac odabinodjijiman kiga ijinagozim, ega e madji inakamigizieg. A8iagog ka 8agackizi8adj acitc ka madji inadizi8adj ki8idji tajikema8ag. Meg8adj dac e taji 8idji8eg8a, tabickotc 8anagocag ka 8asakone8adj ka iji kacki tibikanig kida ijinagozim,
Philippians 4:8 in Algonquin 8 Nidjiki8eg! Ab8amaci ick8a ojibiamonagok, kiabadj kodag kegon ki8i 8idamonom. Mamidonendamokon ako kegonan ka min8acigin acitc ka icpendjigadegin, mi ini kegonan ka teb8emagagin, ka manadjitcigadegin, ka k8aiak8agin, ka paiekendag8agin, ka min8endjigadegin, acitc ka min8adodjigadegin.
1 Timothy 1:1 in Algonquin 1 Nin Pon ka ojibiaman. Kije Manido ka Ag8aciminak acitc Jesos Christ ka iji apacenimo8ak nigi inanonigog Jesos Christ Odanodaganan kidji inagimigo8an.
1 Timothy 5:17 in Algonquin 17 Panima kada kitci manadjiagani8i8ag ka niganizi8adj 8e8enda ka kana8abama8adjin ka teb8etamindjin, acitc panima tibise 8e8enda kada kijika8agani8i8ag. A8acamej kada manadjiagani8i8ag igi8e ka kagik8e8adj acitc ka kikinoamage8adj Kije Manidon odikido8ini.
1 Timothy 6:1 in Algonquin 1 Kakina anokitage8innig ka tibenimagani8i8adj, panima ki manadjia8adjin okackami8an, ega kidji madji mikomagani8indjin Kije Manidon konigotc ini8e kegonan ka paba kikinoamageiag.
1 Timothy 6:3 in Algonquin 3 A8iag pakan iji kikinoamagedj, ka8in oteb8eta8asin ka Tibendjigendjin Jesos Christan odikido8ini ka teb8emaganig, acitc ka8in oteb8etasin kikinoamage8ini ka odji kikendamak adi ke inadiziakoban kidji min8enimagani8idj Kije Manido.
Titus 1:3 in Algonquin 3 Apitc dac ka odjitcisenig kidji kikendamonigo8ak e 8i minigo8ak ii kagige pimadizi8ini, mi ka iji todag, midac nigi anonig kidji paba 8idamage8ag omin8adjimo8in. Nitaji tibadjimonan dac, tabickotc kagi iji inanonijidj Kije Manido ka Ag8aciminak.
1 Peter 2:12 in Algonquin 12 Ooma akig ki8idji tajikema8ag igi8e ega ka teb8eta8a8adjin Kije Manidon. K8aiak8adiziok dac, misa8adj inactaonigo8eg egi madji inakamigizieg. Kiga 8abamigo8a dac 8e8enda mojag e todameg, acitc oga odji icpenima8an Kije Manidon apitc pi tag8icinindjin.
1 Peter 3:16 in Algonquin 16 8idamaokog e nokideeieg, e manadjieg. Kabe mino todamok, kidji gi kikenimidizo8eg k8aiak e inadizieg. Igi8e dac ka madji mikomigo8eg kada agadji8ag egi manazomigo8eg e mino ijitcigeieg adi eji nosone8eg Jesos Christ.
2 John 1:9 in Algonquin 9 Mi panima a8iag 8e8enda ki nosoneag Jesos Christan okikinoamage8ini. Kicpin kodag kikinoamage8ini iji mama8atodj, ka8in okikenimasin Kije Manidon. Aa8e dac 8e8enda ka nosoneag Jesosan okikinoamage8ini, 8in okikeniman Kije Manidon Kidadaminani acitc Og8izisini.