Romans 8:6 in Algonquin 6 Igi8e apanigotc ka mamidonendamo8adj 8ina8a eta kidji min8endamiidizo8adj, kada nibo8ag. Igi8e dac apanigotc ka mamidonendamo8adj kidji min8endamia8adjin Mino Manidon, kada pimadizi8ag acitc kada pekadendamog.
Other Translations King James Version (KJV) For to be carnally minded is death; but to be spiritually minded is life and peace.
American Standard Version (ASV) For the mind of the flesh is death; but the mind of the Spirit is life and peace:
Bible in Basic English (BBE) For the mind of the flesh is death, but the mind of the Spirit is life and peace:
Darby English Bible (DBY) For the mind of the flesh [is] death; but the mind of the Spirit life and peace.
World English Bible (WEB) For the mind of the flesh is death, but the mind of the Spirit is life and peace;
Young's Literal Translation (YLT) for the mind of the flesh `is' death, and the mind of the Spirit -- life and peace;
Cross Reference John 14:6 in Algonquin 6 Jesos ogi nak8e8ajian: “Misa nin mikana, nin teb8e8in, nin pimadizi8in. Ninikag eta a8iag oga odji kackiton kidji ijadj Nidadamikag.
John 14:27 in Algonquin 27 “Nogom dac kiga naganinom. Pekadendamo8in kinagadamonom, mi tabickotc nin eji pekadendaman kimininom kidji pekadendameg. Ka8in 8in ii8e pekadendamo8ini odaiasina8a igi8e ega ka teb8etamo8adj. Ka8in dac animendakegon acitc ka8in kotadjikegon.
John 17:5 in Algonquin 5 Nidadam! Ab8amaci tag8agiban aki, nigi kitci icpendagozinan e 8idjiojian. Minicin dac nogom mina8adj kidji iji kitci icpendagozian e 8idjiojian.”
Romans 5:1 in Algonquin 1 Kigi odji k8aiak8abamigonan dac Kije Manido osa mega kiteb8eta8anan. Aja dac nogom kimino 8idji8anan, adi Jesos Christan ka Tibeniminak kagi pi ijitcigendjin odji.
Romans 5:10 in Algonquin 10 Kimadjenimananaban ako Kije Manido, misa8adj dac kigi minigonan kidji mino 8idji8aiak, egi pagidenimidizondjin Og8izisan kidji nibondjin. Ketcinadj dac, aja egi minigo8ak kidji mino 8idji8aiak, kiga ag8acimigonan, Og8izisan nogom e pimadizindjin.
Romans 6:21 in Algonquin 21 Nogom dac kidagadendana8a adi ka iji madjakamigiziegoban 8eckadj. Ka8in odji pejig kigi odji 8idjiigosina8a iidi ka inakamigiziegoban! Tiegodj kada nibo8ag igi8e iidi ka inakamigizi8adj.
Romans 6:23 in Algonquin 23 Kicpin mega patadiak, kikackitamadizomin kidji nibo8ak. Kije Manido dac 8in kica8enimigonan kagige kidji pimadiziak, e abadjiadjin Jesos Christan ka Tibeniminak.
Romans 7:5 in Algonquin 5 8eckadj ako adigotc eji min8endamak kidiji pimadizinanaban. Apitc ako e nodamakobanin Coda8inni Inakonige8inan, kia8inakag kikitci madji mosa8endananaban kidji patadiak. Iidi e inakamigiziakoban, kikackitamadizonanaban kidji nibo8ak.
Romans 7:11 in Algonquin 11 Apitc mega ka nodamabanin ini Inakonige8inan, na8adj nigi 8i ani patadinaban. Patado8in dac nigi 8agackibinigon, acitc nigi nisigon, egi nodamabanin ini Inakonige8inan.
Romans 8:7 in Algonquin 7 Igi8e apanigotc ka mamidonendamo8adj adi eji min8endamo8adj, ka8in odji pejig osagiasi8a8an Kije Manidon. Ka8in otodasina8a adi enakonigendjin Kije Manidon, acitc ka8in 8a8adj okackitosina8a kidji ndota8a8adjin.
Romans 8:13 in Algonquin 13 Kicpin inadizieg adi eji min8endameg, kiga nibom. Anic dac kicpin pagidineg Mino Manido kidji 8idjiigo8eg, kidji gi poni ijitcigeieg kakina ka iji madji inakamigizieg kia8i8akag, kagige kiga pimadizim.
Romans 13:14 in Algonquin 14 Tiegodj, pagidinik Jesos Christ ka Tibendjigedj kidji 8idjiigo8eg kidji gi sogigaba8ieg, acitc ka8in mamidonendakegon adi kegi iji minosegiban kidji madji inakamigizieg, ka kitci mosa8endameg ako kidji todameg.
Romans 14:17 in Algonquin 17 Igi8e mega Kije Manidon Odogima8i8inikag ka iji tibendagozi8adj, ka8in 8in kitci apitendag8asini 8egoneni e inadjige8adj acitc 8egoneni menik8e8adj, tiegodj kidji k8aiak8adizi8adj, kidji mino 8idji8a8adjin Kije Manidon, acitc kidji modjigendamo8adj. Mi mega ii ka iji ca8enimigo8adjin Mino Manidon.
Galatians 5:22 in Algonquin 22 Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,
Galatians 6:8 in Algonquin 8 Aa dac a8iag ka inakamigizidj adi eji madji mosa8endag kidji todag, mi maia tabickotc madji anominan ki kitigepan, acitc kada odji kackitamadizo nibo8ini ii odji. Aa dac a8iag ka inakamigizidj kidji odji min8endamiadjin Mino Manidon, mi maia tabickotc mino anominan ki kitigepan, acitc Mino Manidon oga minigon kagige pimadizi8ini.
James 1:14 in Algonquin 14 Anic dac iji8ebizi kakina pepejig a8iag kidji 8ik8adjiagani8idj kidji patadidj, apitc 8in tibina8e omadji mosa8endamo8in 8ikobinigodj acitc 8aiejimigodj.