Romans 8:5 in Algonquin

5 Igi8e ka inakamigizi8adj adi 8ina8a tibina8e eji mosa8endamo8adj kidji todamo8adj, mi eta mojag ka iji min8endamo8adj eji mamidonendamo8adj. Igi8e dac ka inakamigizi8adj adi eji nda8endamindjin Mino Manidon, apanigotc omamidonendana8a adi ke iji min8endamia8adjin Mino Manidon.

Other Translations

King James Version (KJV)

For they that are after the flesh do mind the things of the flesh; but they that are after the Spirit the things of the Spirit.

American Standard Version (ASV)

For they that are after the flesh mind the things of the flesh; but they that are after the Spirit the things of the Spirit.

Bible in Basic English (BBE)

For those who are living in the way of the flesh give their minds to the things of the flesh, but those who go in the way of the Spirit, to the things of the Spirit.

Darby English Bible (DBY)

For they that are according to flesh mind the things of the flesh; and they that are according to Spirit, the things of the Spirit.

World English Bible (WEB)

For those who live according to the flesh set their minds on the things of the flesh, but those who live according to the Spirit, the things of the Spirit.

Young's Literal Translation (YLT)

For those who are according to the flesh, the things of the flesh do mind; and those according to the Spirit, the things of the Spirit;

Cross Reference

Mark 8:33 in Algonquin

33 Jesos dac ki k8ekigaba8i, ogi kana8abaman okikinoamaganan acitc ogi kitci kaganonan Pienan e inadjin: “A8as 8edi ijan, kitci madji manido! Ka8in Kije Manido ka inendag kidinendasin, tiegodj tabickotc a8iagog ka inendamo8adj kidinendan.”

John 3:6 in Algonquin

6 Apitc a8iag nta8igidj, onigiigokag eta odji nta8igi, acitc pimadizimagani o8ia8. Anic dac a8iag Mino Manidokag ka odji nta8igidj, teb8e aja pimadizi8an odjitcagocan.

Romans 8:6 in Algonquin

6 Igi8e apanigotc ka mamidonendamo8adj 8ina8a eta kidji min8endamiidizo8adj, kada nibo8ag. Igi8e dac apanigotc ka mamidonendamo8adj kidji min8endamia8adjin Mino Manidon, kada pimadizi8ag acitc kada pekadendamog.

Romans 8:9 in Algonquin

9 Kina8a dac, ka8in apanigotc kitodasina8a adi eji min8endameg. Tiegodj, kitodana8a adi eji min8endag Mino Manido, kikigickago8a mega. Kicpin a8iag ega kigickagodjin Mino Manidon, ka8in Jesos Christikag iji tibendagozisi.

Romans 8:12 in Algonquin

12 Nidjiki8eg! Panima ki inadiziak ka iji min8endag Mino Manido, ka8in sa kidinendagozisimin kidji iji inadiziak kina8it tibina8e eji min8endamak.

1 Corinthians 2:14 in Algonquin

14 Aa8e ega ka kigickagodjin Mino Manidon, ka8in ogagi aiasinan teb8e8inan Mino Manidokag ka odjimaganigin. Ka8in mega okackitosin kidji nisidotagin. “Ki8ack8etag8anon ini” inendam. Mi eta igi8e ka kigickago8adjin Mino Manidon ke kackito8adj kidji nisidotamo8adjin.

1 Corinthians 15:48 in Algonquin

48 A8iagog ooma akikag ka iji pimadizi8adj, mi tabickotc 8aa nabe Adam kagi kijenimagani8idj ajickini e abadjitcigadenig ejinagozi8adj. Igi8e dac Jesosikag ka iji tibendagozi8adj, mi tabickotc aa8e 8ak8ig kagi pi odosedj ejinagozi8adj.

2 Corinthians 10:3 in Algonquin

3 Teb8e ooma 8akidakamig nitajikemin. Pekic dac ka8in pejig8an nidinakamigizisimin kidji cagodjiagid8a ka madjenimigo8ag a8iagog, tabickotc igi8e ooma 8akidakamig ka iji tibendagozi8adj.

Galatians 5:19 in Algonquin

19 Aja kikikendananan adi ako eji madji mosa8endamo8adj a8iagog kidji todamo8adj. Onada8endana8a madji aido8ini kidji pamendamo8adj, kidji madjakamigizi8adj, kidji agazinagozi8adj,

Ephesians 5:9 in Algonquin

9 Igi8e mega ka iji 8aseanig ka te8adj kada odji minodee8ag, kada k8aiak8adizi8ag acitc kada teb8eiendagozi8ag.

Philippians 3:18 in Algonquin

18 Mane a8iagog 8abadai8e8ag adi ka inakamigizi8adj e madjenima8adjin Jesos Christan, ceck8atigotc e apitendamo8adj egi nibondjin tcibaiatigokag. Mi kabe ka pi 8idamonagok, midac kiabadj nogom ki8idamonom, e sasika8abian e kackendaman.

Colossians 3:1 in Algonquin

1 Apitc Jesos Christ kagi abidjibadj, mi maia tabickotc kekina8a ki abidjibaiegoban. Nanada 8abadamokon dac kegonan 8ak8ig ka tag8agin, taji e tedj Jesos Christ, ka abidj Kije Manidon okitcinikinikag.

2 Peter 2:10 in Algonquin

10 Kije Manido a8acamej oga sogakonan ini8e ka madji mosa8endamindjin madji aido8ini kidji pamendamindjin, acitc ega ka 8i ndotagodjin. Igi dac kikinoamage8innig ka kagina8icki8adj, ka8in kegoni okotasina8a, acitc ka8in a8ian onadota8asi8a8an. Ka8in 8a8adj odji pejig omanadjiasi8a8an ajenin acitc kodagian icpimig ka tendjin ka kitci macka8izindjin, tiegodj omanazoma8an.