Romans 6:21 in Algonquin 21 Nogom dac kidagadendana8a adi ka iji madjakamigiziegoban 8eckadj. Ka8in odji pejig kigi odji 8idjiigosina8a iidi ka inakamigiziegoban! Tiegodj kada nibo8ag igi8e iidi ka inakamigizi8adj.
Other Translations King James Version (KJV) What fruit had ye then in those things whereof ye are now ashamed? for the end of those things is death.
American Standard Version (ASV) What fruit then had ye at that time in the things whereof ye are now ashamed? for the end of those things is death.
Bible in Basic English (BBE) What fruit had you at that time in the things which are now a shame to you? for the end of such things is death.
Darby English Bible (DBY) What fruit therefore had ye *then* in the things of which ye are *now* ashamed? for the end of *them* [is] death.
World English Bible (WEB) What fruit then did you have at that time in the things of which you are now ashamed? For the end of those things is death.
Young's Literal Translation (YLT) what fruit, therefore, were ye having then, in the things of which ye are now ashamed? for the end of those `is' death.
Cross Reference Luke 15:17 in Algonquin 17 “Kegapitc ogi odji mamidonendan. Ki inendam dac: ‘Kakina nidadam odanodaganan kitci ag8aiadj midjimini odaiana8a, acitc 8a8adj kitci ickose8ag. Nin dac ooma nikitci mamida8askade.
Romans 1:32 in Algonquin 32 Okikendana8a egi inakonigendjin Kije Manidon kidji kackitamadizondjin kidji nibondjin a8iagon iidi ka todamindjin. Midac misa8adj kiabadj iidi enakamigizi8adj, acitc apitc 8abama8adjin kodagian ii e todamindjin, mi eji kitci min8endamo8adj.
Romans 6:23 in Algonquin 23 Kicpin mega patadiak, kikackitamadizomin kidji nibo8ak. Kije Manido dac 8in kica8enimigonan kagige kidji pimadiziak, e abadjiadjin Jesos Christan ka Tibeniminak.
Romans 7:5 in Algonquin 5 8eckadj ako adigotc eji min8endamak kidiji pimadizinanaban. Apitc ako e nodamakobanin Coda8inni Inakonige8inan, kia8inakag kikitci madji mosa8endananaban kidji patadiak. Iidi e inakamigiziakoban, kikackitamadizonanaban kidji nibo8ak.
Romans 8:6 in Algonquin 6 Igi8e apanigotc ka mamidonendamo8adj 8ina8a eta kidji min8endamiidizo8adj, kada nibo8ag. Igi8e dac apanigotc ka mamidonendamo8adj kidji min8endamia8adjin Mino Manidon, kada pimadizi8ag acitc kada pekadendamog.
Romans 8:13 in Algonquin 13 Kicpin inadizieg adi eji min8endameg, kiga nibom. Anic dac kicpin pagidineg Mino Manido kidji 8idjiigo8eg, kidji gi poni ijitcigeieg kakina ka iji madji inakamigizieg kia8i8akag, kagige kiga pimadizim.
2 Corinthians 7:11 in Algonquin 11 Kina8a dac, ki8abadana8a aja adi kagi apitci mino todago8eg Kije Manido, egi kackendameg acitc egi odji ijigaba8ita8eg Kije Manido. Aja nogom 8e8enda kinisidotana8a acitc ki8i 8abadai8em 8e8enda e 8i todameg. Kikiji8azim acitc kikotadjim ka inakamigiziegoban odji. Ki8i koki 8abamijim. Kikitci 8i ijitam adi eji nda8endag Kije Manido, acitc kikitci 8i pajacte8a8a aa8e maia kagi panaagedj. Kigi 8abadai8em sa dac 8e8enda egi mikidameg ii.
Galatians 6:7 in Algonquin 7 Ka8in anodj inendakegon. Ka8in 8ikad a8iag ogagi 8aiejimasin Kije Manidon. Kitige8inni mi pejig8an ke ijinag8anig ke ma8adjitodj okitigan kagi ijinag8atopan kagi kitigedj. Mi maia pejig8an, pepejig a8iag oga odisigon kagi iji kackitamadizodj adi ka iji pimadizipan.
Philippians 3:19 in Algonquin 19 Igi8e dac kada nici8anadjiagani8i8ag. Ka8in mega onosone8asi8a8an Kije Manidon, onosoneana8an eta ini kegonan 8ina8a tibina8e ka iji nda8endamo8adjin. Kitci agadendagozi8ag adi enakamigizi8adj, pekic dac kitci inenimidizo8ag ii e todamo8adj. Mi eta kegonan ooma akig omik8endana8an.
Hebrews 6:8 in Algonquin 8 Kicpin dac eta madji mijackon acitc anodjigotc kibisatigockijan nta8igigin iima kitigan akikag, ka8in odji pejig abadasinon. Kije Manido oga ana8endan ii kitigan akini, acitc kegapitc kada sakaigade.
Hebrews 10:29 in Algonquin 29 Kana dac na8adj kiabadj kada kitci sanagizisi aa8e ka tabasenimadjin Kije Manidon Og8izisini? Ka8in mega odji pejig okitci apitendasin Jesosan omisk8ini aa, Kije Manido kagi abadjitodj kidji ojitodj odocki nakomo8in. Mi ii misk8ini kagi abadanig kidji paiekideeagani8idj aa a8iag. Acitc aa a8iag omanazoman Mino Manidon ka kikendamoni8endjin Kije Manidon okitci ca8endjige8ini. Teb8e sa kitci sogi kackitamadizo aa a8iag kidji pajacte8agani8idj.
James 1:15 in Algonquin 15 Apitc dac kitci macka8izimagag ii madji mosa8endamo8in, mi aja patadi aa a8iag. Apitc dac ani micanig opatado8in, mi ke odjinedj.
James 5:20 in Algonquin 20 Kida mik8endana8a dac oo8e. Aa a8iag ke koki iji8inadjin Kije Manidokag a8ian egi pakebinagani8indjin, oga ag8aciman ini8e ka patadindjin, ega kidji nibondjin odjitcagocimini. Kada kasiama8agani8i8an dac, misa8adj e kitci manenigin opatado8inan. Nin Jak
1 Peter 4:17 in Algonquin 17 Aja odjitciseni kidji tibakonadjin a8iagon Kije Manido. Nitam oga tibakonan ini8e ka tibenimadjin. Kicpin dac nitam kina8it odanicinabeman tibakonigo8ak, ketcinadj na8adj oga sogakonan ini8e ega ka teb8etamindjin omin8adjimo8ini.
1 John 2:28 in Algonquin 28 Midac kina8a nidabinodjijimag ka kitci ineniminagok, kabe 8idjiok Jesos, kidji gi sogigaba8iak kiteb8etamo8ininakag apitc pi tag8icig Jesos, ega kidji agadjiak apitc pi nagozidj.
Revelation 16:6 in Algonquin 6 Igi a8iagog ogi nisa8an niganadjimo8innin acitc kidanicinabeman, nogom dac kigi minag misk8ini kidji minik8e8adj. 8ina8a ka todadizo8adj, 8edji ijise8adj,” ki ikido.
Revelation 20:14 in Algonquin 14 Ickode sagaiganikag dac ki madjocte8ebinigade8an nibo8in acitc ii8e iima taji ka te8adj a8iagog kagi nibo8adj. Mi iima ickode sagaiganikag ke iji nibo8adj a8iagog mina8adj, nijinanaj e nibo8adj.