Romans 1:5 in Algonquin 5 Jesos ka pi todag, mi 8edji ki minijidj Kije Manido okitci ca8endjige8in, acitc mi 8edji ki onabamijidj Jesos Odanodaganan kidji inagimigo8an, kidji anokita8ag Jesos, e 8ikobinag8a a8iagog mizi8ekamig kidji madji teb8eta8a8adjin Kije Manidon acitc kidji ani ndota8a8adjin.
Other Translations King James Version (KJV) By whom we have received grace and apostleship, for obedience to the faith among all nations, for his name:
American Standard Version (ASV) through whom we received grace and apostleship, unto obedience of faith among all the nations, for his name's sake;
Bible in Basic English (BBE) Through whom grace has been given to us, sending us out to make disciples to the faith among all nations, for his name:
Darby English Bible (DBY) by whom we have received grace and apostleship in behalf of his name, for obedience of faith among all the nations,
World English Bible (WEB) through whom we received grace and apostleship, for obedience of faith among all the nations, for his name's sake;
Young's Literal Translation (YLT) through whom we did receive grace and apostleship, for obedience of faith among all the nations, in behalf of his name;
Cross Reference John 1:16 in Algonquin 16 Kakina kigi minigonan oca8endjige8inan. Epitci kije8adizidj, minamina8adj kigi ca8enimigonan.
Acts 6:7 in Algonquin 7 Eckam dac a8iagog ogi ani teb8etana8a Kije Manidon odikido8ini. Eckam dac ki ani kitci mane8ag ka teb8etamo8adj Jerusalem odenakag. Kitci mane Coda8inni aiamie ogimag ke8ina8a ogi ani teb8eta8a8agoban Jesosan.
Acts 9:15 in Algonquin 15 Midac ka Tibendjigedj ogi inan Ananiasan: “A8i ijan! Nigi onabama Saul kidji ijitadj mikimo8ini e kitci apitendag8anig. Niga paba mikomig, kidji odji kikenimijindjin ega ka Coda8inni8indjin acitc kitci ogiman acitc Israel a8iagon.
Acts 15:14 in Algonquin 14 Simo kigi mikodamagonan adi Kije Manido ka todag nitam kidji 8abadai8edj e sagiadjin ke8ina8a ega ka Coda8inni8indjin, e onabamadjin 8ina8akag ini8e ke tibenimadjin.
Romans 3:29 in Algonquin 29 Kije Manido ketcinadj ka8in eta Coda8innig Okije Manidomi8an ini, kakina kodagiag a8iagog acitc Okije Manidomi8an.
Romans 12:3 in Algonquin 3 Kije Manido nigi ca8enimig kidji anokita8ag. Kakina dac ka tacieg kidininom oo8e. Ka8in a8acamej inenimidizokegon ii ka iji apitendagozieg. Tiegodj 8e8enda inenimidizok. Pepejig e tacieg kada onenimidizo adi maia eji kackitodj, e kikendag adi inigik teb8etamo8ini ka minigodjin Kije Manidon.
Romans 15:15 in Algonquin 15 Ooma ojibiiganikag, ka8in nidodji cag8enimosi kidji ojibiaman adi nin enendaman, kidji ega 8anikadamegon nandam kegonan. Nigi sogitagozinan e ojibiigeian, Kije Manido mega kagi iji ca8enimijidj
Romans 15:18 in Algonquin 18 Nidagadjinan kodag kegon kidji mikodaman, niga motci mikodan dac adi ka todag Jesos Christ egi 8idjiijidj kidji kikinoamaomagin ega ka Coda8inni8indjin kidji ani ndota8andjin Kije Manidon. Niga mikodan adi ka iji 8idjiijidj kidji kagik8e8ag acitc kidji inakamigizi8ag,
Romans 16:26 in Algonquin 26 Nogom dac aja kigi kikendamonigomin ii min8adjimo8in. Kije Manido mega, 8in kagige ka tedj, ogi anonan mane oniganadjimo8inniman kidji mikodamindjin ii min8adjimo8ini omazinaigani8akag, kakina ka inakanezi8adj kidji gi teb8eta8a8adjin acitc kidji gi ndota8a8adjin Kije Manidon.
1 Corinthians 9:2 in Algonquin 2 Misa8adj kodagiag a8iagog ega kikenimiji8adj Jesosikag e iji Anodagani8ian, kina8a kikikenimijim. Kigi teb8eta8a8a mega Jesos, nin egi tibadjimo8an min8adjimo8in kina8akag. Paietenag8an dac nin pejig ini Jesos Odanodaganan.
1 Corinthians 15:10 in Algonquin 10 Misa8adj dac, Kije Manido ka kitci kije8adizidj nigi ca8enimig, kidji inadizian nogom ka inadizian. Ka8in ceck8at nidodji ca8enimigosi. Tiegodj, na8adj nigi kitci nak8i kidji ijitaian ii mikimo8in apitc8in kakina kodagiag Anodaganag. Pekic dac Kije Manido aa maia ka mikimopan, 8in kagi ca8enimijidj, ka8in nin tibina8e nidodji ijitasi ii mikimo8in.
2 Corinthians 3:5 in Algonquin 5 Ka8in nigagi ikidosimin nina8it tibina8e e kackito8ag kidji ijitaiag ii mikimo8in. Kije Manido ka minigo8ag kidji kackito8ag kidji ijitaiag nogom ka todamag.
2 Corinthians 10:4 in Algonquin 4 Ka8in migazo8i abadjita8inan nidabadjitosinananan tabickotc ka abadjito8adjin igi8e ooma 8akidakamig ka iji tibendagozi8adj. Tiegodj, ka macka8izimagagin kegonan Kije Manidokag ka odjimagagin nidabadjitonananan kidji cagodjito8ag madji manido okitci macka8izi8in. Iidi dac, nidiji cagodjitonanan adi eji mamidonendamo8adj igi8e ka 8agackibina8adjin kodagian a8iagon,
Galatians 1:15 in Algonquin 15 Misa8adj dac, nigi onabamig Kije Manido ab8amaci nta8igian, acitc nigi kitci ca8enimig e nd8e8emijidj kidji anokita8ag. Apitc dac ka onendamogobanen,
Galatians 2:8 in Algonquin 8 Kije Manido mega ogi minabanin Pienan macka8izi8ini Coda8innikag kidji iji anokitagodjin. Kenin dac nigi minig macka8izi8ini, taji ega ka Coda8inni8indjin kidji iji anokita8ag.
Ephesians 1:6 in Algonquin 6 Midac ii ka todag, kidji gi odji icpenimaiak egi kitci mino todago8ak e minigo8ak okitci ca8endjige8in ka kitci icpendag8anig. Kitci mane kigi minigonan ii okitci ca8endjige8in, kagi pi ijitcigendjin Og8izisan odji ka kitci sagiadjin.
Ephesians 1:12 in Algonquin 12 Nina8it Coda8innig nitam kagi madji teb8eta8agidj Jesos Christ. Nigi onabamigonan dac Kije Manido, kidji gi odji icpenimagani8idj, 8in e kitci icpendagozidj.
Ephesians 3:2 in Algonquin 2 Ketcinadj kigi nodagena8adok Kije Manido ka kitci kije8adizidj egi ca8enimijidj, e anonijidj kidji 8idamonagok omin8adjimo8in.
1 Timothy 1:11 in Algonquin 11 Min8adjimo8inikag iji pagisin ii k8aiak kikinoamage8in, taji eji mikodjigadenig Kije Manido odicpendagozi8in, 8in apanigotc ka inendagozidj kidji icpenimagani8idj. Nin dac nigi anonig kidji tibadjimo8an ii omin8adjimo8in.
Hebrews 5:9 in Algonquin 9 Apitc dac kakina ka ick8a ijitadj ka iji nda8enimigogobanen Kije Manidon, ogi ani kackiton kidji minadjin kakina a8iagon ka ndotagodjin kagige kidji ag8acimagani8indjin.
1 Peter 2:9 in Algonquin 9 Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.