Revelation 9:21 in Algonquin 21 Igi dac a8iagog ka8in oponi nisasi8a8abanin kodagian a8iagon, kek8an kidji mandoke8adj, kek8an madji aido8ini kidji pamendamo8adj, kek8an kidji kimodi8adj. Mi kiabadj e todamo8apan acitc ka8in odji an8endizosi8agoban.
Other Translations King James Version (KJV) Neither repented they of their murders, nor of their sorceries, nor of their fornication, nor of their thefts.
American Standard Version (ASV) and they repented not of their murders, nor of their sorceries, nor of their fornication, nor of their thefts.
Bible in Basic English (BBE) And they had no regret for putting men to death, or for their use of secret arts, or for the evil desires of the flesh, or for taking the property of others.
Darby English Bible (DBY) And they repented not of their murders, nor of their witchcrafts, nor of their fornication, nor of their thefts.
World English Bible (WEB) They didn't repent of their murders, nor of their sorceries,{The word for "sorceries" (pharmakeia) also implies the use of potions, poisons, and drugs} nor of their sexual immorality, nor of their thefts.
Young's Literal Translation (YLT) yea they did not reform from their murders, nor from their sorceries, nor from their whoredoms, nor from their thefts.
Cross Reference Matthew 15:19 in Algonquin 19 Odeikag mega odjimagani8an a8iag omadji midonendamo8inan, kidji nici8edj, madji aido8ini kidji pabamendag, kidji madjakamigizidj, kidji kimodidj, kidji kagina8ickidj e inactaonadjin kodagian a8iagon, acitc kidji manazomadjin.
2 Corinthians 12:21 in Algonquin 21 Apitc mina8adj pi ndaodeominagok, nikotan Kije Manido kidji pagidinag kidji agadjian. Ne8ad mega niga kitci kackendamiigog igi8e mane a8iagog kagi patadi8adj, ega dac ka 8i an8endizo8adj egi madjakamigizi8adj, acitc egi pamendamo8adj madji aido8ini, acitc egi agazinagozi8adj adi enakamigizi8adj.
Galatians 5:20 in Algonquin 20 manidokanan kidji icpenima8adjin, acitc kidji mandoke8adj. Madjenimidi8ag kakina pepejig e taci8adj, kaganondi8ag, omosa8endana8a o8idjipimadizimi8an odaimini, kitci nta 8ake8ina8ezi8ag, acitc okitci k8ag8edjitona8a kidji niganizi8adj kakina pepejig e taci8adj. Nenicikese8ag acitc k8ag8e cagozomidi8ag kakina pepejig e taci8adj.
Revelation 11:7 in Algonquin 7 Apitc dac ick8a paba tibadjimo8adj Kije Manidon odikido8ini, madji a8esizan ka iji kitci 8ani pagonekamiganig ka odjindjin oga miganigo8an. Oga cagodjiigo8an dac acitc oga nisigo8an.
Revelation 13:7 in Algonquin 7 Ki minagani8i acitc macka8izi8ini kidji nak8ita8adjin Kije Manidon odanicinabemini acitc kidji cagodjiadjin. Ki minagani8i acitc macka8izi8ini kidji ogima8idj mizi8ekamig. Kakina dac a8iagon, kakinagotc adi enakanezindjin, adi ejigij8endjin, acitc adi 8edjindjin, kakina mizi8e okackakanabanin.
Revelation 13:13 in Algonquin 13 Kitci mamada8izi8inan ogi todanan. Ogi kackiton 8ak8ig kidji odagodenig ickodeni, akikag dac kidji inagodenig, kakina a8iagon e kijigabamigodjin.
Revelation 13:15 in Algonquin 15 Aa8e dac madji a8esiz ka taji anim8epan ki minagani8i macka8izi8ini kidji pimadiziadjin ini manidokanan, kidji gi anim8endjin acitc kidji gi anokindjin kidji nisagani8indjin kakina ini8e ega kagi icpenimigodjin 8in aa manidokan.
Revelation 14:8 in Algonquin 8 Kodag ajeni ki pi nagozi. Ikidoban: “Aja kitci odena Babilon (Babylone) ick8a nici8anadan. Ki kitci patadi8ag mega a8iagog iima ka tajike8adj. Ogi 8ik8adjia8an kakinagotc ka inakanezindjin a8iagon kidji inakamigizindjin ke8ina8a ka inakamigizi8adj. Mi maia tabickotc kagi minaa8adjin omadji cominabomi8a kidji gi ki8ack8ebindjin ejinag8anig.”
Revelation 16:6 in Algonquin 6 Igi a8iagog ogi nisa8an niganadjimo8innin acitc kidanicinabeman, nogom dac kigi minag misk8ini kidji minik8e8adj. 8ina8a ka todadizo8adj, 8edji ijise8adj,” ki ikido.
Revelation 17:2 in Algonquin 2 Ogimag akikag ogi kitci min8endana8a e 8idji madjakamigizima8adjin, mi maia tabickotc ki minik8e8apan ocominabomini ejinagozi8apan. Ki ki8ack8ebi8ag dac acitc ki madjakamigizi8ag.” Mi ka ikidodj.
Revelation 17:5 in Algonquin 5 Ki ojibiigadeni 8izoni ega e nisidotag8anig oskatigokag. Mi oo8e ejibiigadenigiban: “Nin Babilon (Babylone) ka kitci apitendag8ag kitci odena. Ninikag iji odjodjomi8ag kakina madji ik8e8ag acitc kakina ka madjakamigizi8adj ooma akig.”
Revelation 18:3 in Algonquin 3 Madji a8iagog iima ka tajike8apan ogi kackia8abanin a8iagon kakinagotc ka inakanezindjin kidji madjakamigizindjin ke8ina8a. Mi maia tabickotc mina8apanin cominaboni kidji ki8ack8ebindjin ejinagozi8apan. Ogi kackia8abanin ogiman mizi8e akig kidji 8idji madjakamigizimigo8adjin. Ada8e8innig adigotc 8edji8adj ki ani kitci 8anadizi8ag, osa mega apanigotc kiabadj igi8e a8iagog Babilon ka iji tajike8adj o8i odapinana8abanin kegonan ka kitci inendamo8apanin.” Mi iidi ka ikidodj aa ajeni.
Revelation 18:23 in Algonquin 23 Ka8in 8ikad mina8adj kada 8asakonesinon 8edi. Ka8in kada teb8e8idasi nabe kagi niba8idj acitc okokomiman iima odenag. Misa dac kada nici8anadjiomagan ii odena. Osa mega ada8e8innig iima ka te8apan, 8ina8a ma8adji kitci apitendagozibanig mizi8ekamig, acitc a8iagog iima ka tajike8apan, e mandoke8adj, ogi 8agackibina8an a8iagon mizi8ekamig.
Revelation 19:2 in Algonquin 2 Kabena k8aiak otibakonan a8iagon, pajacte8agani8i8an adi kagi ijitcigendjin. Ogi tibakonan ini madji ik8e8an kagi 8agackibinandjin a8iagon mizi8ekamig egi paba madji inakamigizindjin. Ogi tibakonan egi nisandjin ini a8iagon ka anokita8andjin Kije Manidon.”
Revelation 21:8 in Algonquin 8 Igi8e dac ka cagodee8adj kidji 8idamage8adj e teb8eta8a8adjin Jesosan, acitc igi8e ega ka teb8etamo8adj, acitc igi8e ka nta madjakamigizi8adj, acitc igi8e ka nici8e8adj, acitc igi8e madji aido8ini ka pamendamo8adj, acitc igi8e ka mandoke8adj, acitc igi8e ka icpenima8adjin manidokanan, acitc kakina ka kagina8icki8adj, 8ina8a kakina kada madjocte8ebinagani8i8ag. Mi maia sagaigan ejinag8ag ii ickode, ka kitci oza8abateg ka kitci kotazomateg. Mi iima ke iji nibo8adj a8iagog mina8adj, nijinanaj e nibo8adj.”
Revelation 22:15 in Algonquin 15 A8iagog dac ka aiagadakamigizi8adj, acitc igi8e ka mandoke8adj, acitc igi8e madji aido8ini ka pamendamo8adj, acitc igi8e ka nici8e8adj, acitc igi8e ka icpenima8adjin manidokanan, acitc igi8e mojag ka 8i kagina8icki8adj, 8ina8a kakina ag8adjik odenag kada iji tajike8ag.”