Revelation 9:1 in Algonquin 1 Midac kodag ajeni ki podadjige, mi aja nanan ajenig egi podadamo8adjin onodag8atcigani8an. Nigi 8abama 8anagoc 8ak8ig egi odagodjig. Ki minagani8i aa 8anagoc kidabikaigani kidji cenag ka iji kitci 8ani pagonekamiganig.
Other Translations King James Version (KJV) And the fifth angel sounded, and I saw a star fall from heaven unto the earth: and to him was given the key of the bottomless pit.
American Standard Version (ASV) And the fifth angel sounded, and I saw a star from heaven fallen unto the earth: and there was given to him the key of the pit of the abyss.
Bible in Basic English (BBE) And at the sounding of the fifth angel I saw a star falling from heaven to the earth: and there was given to him the key of the great deep.
Darby English Bible (DBY) And the fifth angel sounded [his] trumpet: and I saw a star out of the heaven fallen to the earth; and there was given to it the key of the pit of the abyss.
World English Bible (WEB) The fifth angel sounded, and I saw a star from the sky which had fallen to the earth. The key to the pit of the abyss was given to him.
Young's Literal Translation (YLT) And the fifth messenger did sound, and I saw a star out of the heaven having fallen to the earth, and there was given to it the key of the pit of the abyss,
Cross Reference Luke 8:31 in Algonquin 31 Igi dac madji manidog ogi kitci pagosenima8an Jesosan ega kidji ijinijaogo8adjin 8edi ka iji kitci 8ani pagonekamiganig taji ka iji kiba8agani8i8adj madji manidog.
Luke 10:18 in Algonquin 18 Jesos ogi nak8e8ajian: “Nigi 8abama kitci madji manido 8ak8ig e odagodjig tabickotc inimiki.
Romans 10:7 in Algonquin 7 Ka8in kek8an inendakegon: A8enen ke iji najada8epan taji ka tendjin ka nibondjin, kidji a8i nd8e8emadjin kidji pi abidjibandjin nibo8inikag ini8e kagi ikidondjin Kije Manidon kidji pidjinija8andjin?”
2 Thessalonians 2:3 in Algonquin 3 Ka8in pagidinakegon a8iag kidji iji 8agackibinigo8eg, anodjigotc e iji kagina8ickimigo8eg. Ka8in mega kada koki tag8icisi Jesos ab8amaci kidji ana8eta8a8adjin a8iagog Kije Manidon. Panima acitc aa kitci madji a8iag kada moki, 8in ke ick8aienimagani8idj kidji nici8anadjiagani8idj.
2 Timothy 3:1 in Algonquin 1 8e8enda k8ag8e nisidotan oo8e. Kada tag8anon kodagito8inan apitc ani ponaki8ag.
Revelation 1:18 in Algonquin 18 Nin aa ka pimadizidj. Nigi nibonan, anic dac aja kagige niga pimadizinan. Nin nitibendan nibo8in acitc iima taji ka te8adj a8iagog kagi nibo8adj.
Revelation 1:20 in Algonquin 20 Igi8e dac ka 8abamad8a nij8atcin 8anagocag ka takonag8a nikitcinikikag acitc ini8e nij8atcin pimide 8asakonendjiganatigon ka oza8iconia8agin, kiga 8idamon adi 8a ikidomagagin. Igi8e nij8atcin 8anagocag, mi ini8e Kije Manido ka ijinija8adjin tibadjimo8innin kidji nagadjiandjin ka teb8etamindjin iima ka taji ma8adjiidindjin ka nij8atcinigin odenan. Ini8e dac nij8atcin pimide 8asakonendjiganatigon, mi igi8e ka teb8etamo8adj ka taji ma8adjiidi8adj iima ka nij8atcinigin odenan.”
Revelation 8:2 in Algonquin 2 Midac nigi 8abamag igi nij8atcin ajenig nigan Kije Manidokag ka iji tajigaba8i8adj. Ki minagani8i8ag nij8atcin ka podadjigadenigin nodag8atciganan.
Revelation 8:6 in Algonquin 6 Midac igi nij8atcin ajenig ka takonamo8apanin nij8atcin nodag8atciganan ka podadenigin ki eco8i8ag kidji nodag8atcige8adj.
Revelation 8:10 in Algonquin 10 Midac kiabadj kodag ajeni ki podadjige, mi aja nisin ajenig egi podadamo8adjin onodag8atcigani8an. Kitci 8anagoc 8ak8ig ki odagodjin. Mi maia mitig ka piskaneg 8anak8atig ejinagozipan. Kegat dac abita e tasigin sibin acitc mokidji8anobin ki iji inagodjin aa 8anagoc. Ogi 8anadjitonan dac.
Revelation 8:12 in Algonquin 12 Kiabadj kodag ajeni ki podadjige, mi aja ni8in ajenig egi podadamo8adjin onodag8atcigani8an. Apitc ka ick8a podadjigedj, kegat abita enigino8adj kizis acitc tibikikizis, kegoni ki ijise8ag, ega kabe kidji gi tcakasige8adj. Mi pejig8an 8anagocag ka ijise8adj, kegat abita e taci8adj ki ani makade8izi8ag. Kegat dac abita8ikajik inigik ki tibikanoban, acitc kegat abita8itibik inigik ka8in odji tcakasigesi8ag tibikikizis acitc 8anagocag.
Revelation 9:2 in Algonquin 2 Apitc ka cebidodj ka iji kitci 8ani pagonekamiganig aa 8anagoc, ki odji obabateni, tabickotc kitci ickode ka obabateg. Ki nigeabaso kizis, pinici kidji ani kacki tibikag akikag.
Revelation 9:11 in Algonquin 11 Aa ajeni ka ogimakadag ka iji kitci 8ani pagonekamiganig, mi aa ka ogimakanadjin ini papakinen. “Abaddon” ijinikazo aa ajeni, Coda8inni ijigij8e8ini. Kanek (Grec) dac ijigij8e8in, “Apolion” (Apollyon) ijinikazo. Ikidomagan dac ii: “A8iag kakina kegoni ka 8anadjitodj.”
Revelation 11:14 in Algonquin 14 Mi oo8e ejinag8agiban ii ka madji inakamigag. Aja nijinanaj kodagito8inan e tag8agin. Kodag 8a8ibadj kada tag8icinomagan.
Revelation 17:8 in Algonquin 8 Pimadiziban aa madji a8esiz, midac nogom ka8in aja pimadizisi. Aja pecodj kada koki pimadizi, acitc ka iji kitci 8ani pagonekamiganig kada pi odji sagidada8e. Apitc sagidada8edj, kada nici8anadjiagani8i. Igi8e dac a8iagog akikag ka pimadizi8adj, kada kitci mamakadendamog apitc 8abama8adjin ini madji a8esizan. Pimadizibanin mega, nogom dac ka8in aja pimadizisi8an, misa8adj dac aja pecodj kada odji koki nagozi8an. Mi igi8e a8iagog ega ka tag8anigin o8izoni8an iima mazinaiganikag, taji ka iji mazinazo8adj igi8eni8ag ke aiamo8adj kagige pimadizi8ini, ab8amaci kijendjigadenigoban akini apitc kagi ojibiigadegobanen ii mazinaigan.
Revelation 20:1 in Algonquin 1 Kegapitc nigi 8abama kodag ajeni 8ak8ig e pi odji najisedj. Otakonanabanin kidabikaigani kidji cenag ka iji kitci 8ani pagonekamiganig, acitc kitci pi8abiko sagapizoneabini.
Revelation 20:10 in Algonquin 10 Madji manido dac 8in, kagi 8agackibinapanin ini a8iagon, ki na8adjibinagani8i acitc ki madjocte8ebinagani8i. Mi maia sagaigan ejinag8ag ii ickode, ka kitci oza8abateg ka kitci kotazomateg. Mi iima kagi iji8ebinagani8i8apan aa madji a8esiz acitc aa8e “niniganadjimo8inni8inan” ka in8ekazopan. Apanigotc iima kada iji kodagito8ag, meg8a kijik acitc meg8a tibik.