Revelation 6:2 in Algonquin

2 Nigi inabinan, kitata dac nigi odji 8abama 8abi pebejigogack8e. A8iag pimibaigoban. Pimodak8anan otakonabanin. Ki minagani8i sizok8epizoni osa mega ki cagodjii8e, ki tebii8e. Ki madja dac mina8adj kidji nda nak8ita8adjin a8iagon acitc kidji nda cagodjiadjin.

Other Translations

King James Version (KJV)

And I saw, and behold a white horse: and he that sat on him had a bow; and a crown was given unto him: and he went forth conquering, and to conquer.

American Standard Version (ASV)

And I saw, and behold, a white horse, and he that sat thereon had a bow; and there was given unto him a crown: and he came forth conquering, and to conquer.

Bible in Basic English (BBE)

And I saw a white horse, and he who was seated on it had a bow; and there was given to him a crown: and he went out with power to overcome.

Darby English Bible (DBY)

And I saw: and behold, a white horse, and he that sat upon it having a bow; and a crown was given to him, and he went forth conquering and that he might conquer.

World English Bible (WEB)

And behold, a white horse, and he who sat on it had a bow. A crown was given to him, and he came forth conquering, and to conquer.

Young's Literal Translation (YLT)

and I saw, and lo, a white horse, and he who is sitting upon it is having a bow, and there was given to him a crown, and he went forth overcoming, and that he may overcome.

Cross Reference

Matthew 28:18 in Algonquin

18 Jesos dac ogi nazika8an acitc ogi inan: “Nigi minigo macka8izi8in kidji ogima8ian 8ak8ig acitc akikag.

Romans 15:18 in Algonquin

18 Nidagadjinan kodag kegon kidji mikodaman, niga motci mikodan dac adi ka todag Jesos Christ egi 8idjiijidj kidji kikinoamaomagin ega ka Coda8inni8indjin kidji ani ndota8andjin Kije Manidon. Niga mikodan adi ka iji 8idjiijidj kidji kagik8e8ag acitc kidji inakamigizi8ag,

1 Corinthians 15:25 in Algonquin

25 Panima mega 8in Jesos ki ogima8idj pinici Kije Manido kidji cagodjiadjin kakina ini8e ka madjenimandjin Jesosan.

1 Corinthians 15:55 in Algonquin

55 Ikidomagan acitc: “Ka8in aja a8iagog ogagi cagodjiigosina8a nibo8ini, ka8in aja ogagi 8isagendamiigosina8a.”

2 Corinthians 10:3 in Algonquin

3 Teb8e ooma 8akidakamig nitajikemin. Pekic dac ka8in pejig8an nidinakamigizisimin kidji cagodjiagid8a ka madjenimigo8ag a8iagog, tabickotc igi8e ooma 8akidakamig ka iji tibendagozi8adj.

Revelation 3:21 in Algonquin

21 Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.

Revelation 11:15 in Algonquin

15 Kegapitc pejig kodag ajeni ki podadjige. Mi aja nij8atcin inigik ajenig egi podadamo8adjin onodag8atcigani8an. Nigi noda8ag a8iagog 8ak8ig e mad8e ikido8adj oo8eni: “Ka Tibeniminak acitc Ini8e kagi pidjinija8adjin aja ki madjita8ag kidji ogima8i8adj akikag. Apanigotc kada ogima8i8ag.”

Revelation 11:18 in Algonquin

18 Kakinagotc adi ka inakanezi8adj a8iagog ega ka kikenimik8a, ki kitci nickadizi8ag. Anic dac aja odjitcise kin kidji kitci nickadizian, acitc kidji tibakonad8a ka nibo8adj. Aja odjitcise kidji ca8enimad8a igi8e ka anokitaok8a kagi tibadjimo8adj kidikido8ini. Kiga ca8enimag kakina kidanicinabemag, ka tabasendagozi8adj acitc ka apitendagozi8adj, kakina igi8e ka ndotaok8a. Mi aja odjitcise kidji nici8anadjiagani8i8adj igi8e ka nici8anadjia8adjin a8iagon akikag.”

Revelation 14:14 in Algonquin

14 Kiabadj nigi inabinan acitc nigi 8abadan 8ak8i e 8abag. Nigi 8abama pejig a8iag iima e taji abidj, nozem nabe ejinagozipan. Okigickanaban octig8anikag oza8iconia sizok8epizoni. Otakonanaban kickija8ani e kitci kacanig.

Revelation 15:2 in Algonquin

2 Kodag kegon nigi 8abadan, maiagotc kitcigami e ijinag8ag, mi maia 8aseantcigan epitci cabonag8agiban, acitc e kitci tcakideg tabickotc ickode. Nigi 8abamag acitc igi8e a8iagog ega kagi manadjia8adjin ini madji a8esizan, acitc ega kagi nibak8ita8a8adjin omanidokanimini, acitc ega kagi nda8endamo8adj kidji kikina8adjibi8agani8i8adj ii agidasoni ka abadjitcigadenig kidji 8inagani8indjin ini a8esizan. Tcigagam kitcigamig mi maia 8aseantcigan ka ijinag8anig iji tajigaba8ibanig igi. Ajeni nodag8atcigani otakonana8aban, Kije Manidon kagi minigo8agobanen.

Revelation 17:14 in Algonquin

14 Oga migana8an ini Mantcenicesan. Mantcenices dac kada cagodjii8e, 8in mega otibeniman kakina ka tibenimi8endjin, acitc 8in okackakanan kakina ogiman. Odanicinabeman oga 8idji8an, ini8e kagi onabamadjin, acitc kagi nd8e8emadjin, acitc enigokodeendjin ka teb8etagodjin.”

Revelation 19:11 in Algonquin

11 Kegapitc nigi 8abadan 8ak8ig e ceteg, acitc pebejigogack8e ki odji nagozi. Aa8e dac ka 8agidabidj “Ka teb8eiendagozidj” ijinikazo acitc “Ka teb8edj.” K8aiak otibakonan a8iagon, acitc ka iji migadinani8anig ija, teb8e8ini kidji gi kikendjigadenig.

Revelation 19:14 in Algonquin

14 Kakina 8ak8ig ka tendjin cimaganican onosoneogobanin, 8abi pebejigogack8en e pimibaigo8agendjin, e kitci 8abiginoondjin, acitc e kitci paiekikonaendjin.