Revelation 22:1 in Algonquin

1 Mina8adj dac aa ajeni nigi 8abadaig sibini, ii nibi pimadizi8ini ka migi8emaganig. Kitci tcakide dac tabickotc asini ka kitci sanagagidagozidj ka cab8atenagozidj, acitc Kije Manido acitc Mantcenices okitci ogima8i tesabi8agani8akag odjidji8an.

Other Translations

King James Version (KJV)

And he shewed me a pure river of water of life, clear as crystal, proceeding out of the throne of God and of the Lamb.

American Standard Version (ASV)

And he showed me a river of water of life, bright as crystal, proceeding out of the throne of God and of the Lamb,

Bible in Basic English (BBE)

And I saw a river of water of life, clear as glass, coming out of the high seat of God and of the Lamb,

Darby English Bible (DBY)

And he shewed me a river of water of life, bright as crystal, going out of the throne of God and of the Lamb.

World English Bible (WEB)

He showed me a{TR adds "pure"} river of water of life, clear as crystal, proceeding out of the throne of God and of the Lamb,

Young's Literal Translation (YLT)

And he shewed me a pure river of water of life, bright as crystal, going forth out of the throne of God and of the Lamb:

Cross Reference

John 4:10 in Algonquin

10 Jesos dac ogi nak8e8ajian: “Kicpin kikendamaban 8egonen Kije Manido e migi8edj, acitc kicpin kikenimijiaban, nin ka k8ag8edjiminan kidji minaijinan nibi, kidagi k8ag8edjimijinan acitc kidagi minin nibi ka migi8emagag pimadizi8in,” ki ikido.

John 4:14 in Algonquin

14 A8enenigotc dac minik8edj nibini ke minag, ka8in 8ikad mina8adj kada 8i minik8esi. Nibini mega ke minag, mi maia mokidji8anobi ke ani ijinag8anig 8inikag, taji ke odjidji8ag kagige pimadizi8in.”

John 7:38 in Algonquin

38 Mi ke ijinagozidj aa ka teb8etaojidj, nibini ka migi8emaganig pimadizi8ini kidji kitci odjidji8anig odeikag, mi iidi ekidomaganig Kije Manido Omazinaigan,” ki ikido.

John 14:16 in Algonquin

16 Niga k8ag8edjima Nidadam kodag a8ian kidji minigo8eg kidji 8idokago8eg, apanigotc dac kiga 8idji tajikemigo8a.

John 15:26 in Algonquin

26 “Apitc ijaian Nidadamikag, niga pidjinija8a kina8akag aa8e ke pi 8idokago8eg. Mi aa Mino Manido, Nidadamikag ka odjidj, ka teb8edj e mikomadjin Kije Manidon adi ejinagozindjin. Apitc dac pi tag8icig, niga mikomig.

John 16:7 in Algonquin

7 Teb8e ki8idamonom, na8adj kiga mino iji8ebizim kicpin madjaian. Kicpin mega ega madjaian, aa8e ke pi 8idokago8eg ka8in kada pi tag8icisi. Kicpin dac madjaian niga pidjinija8a kina8akag.

Acts 1:4 in Algonquin

4 Nigodin e 8idji 8isinimagobanen Odanodaganan, ogi inan: “Ka8in nagadakegon oo Jerusalem odenag. Kiga pitona8a ii8e Nidadam kagi ikidodj kidji migi8edj, kagi mikodamonagok.

Acts 2:33 in Algonquin

33 Kije Manidon okitcinikinikag ki iji asagani8i kidji gi odji icpenimagani8idj, acitc Odadaman ogi minigon Mino Manidon, kagi inapanin kidji minigodjin. Jesos dac kakina nigi minigonan ini Mino Manidon. Midac 8edji oo nogom nodameg acitc 8abadameg.

Revelation 3:21 in Algonquin

21 Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.

Revelation 4:5 in Algonquin

5 8a8asakoneseban ii kitci ogima8i tesabi8agan, acitc kegon kitci nodag8anoban acitc inimikig kitci nodagozibanig. Nigan kitci ogima8i tesabi8aganikag, nij8atcin mitigon ka piskanegin 8anak8atig cacigapiasakonesebanin. Mi igi8e manidog ka anokita8a8adjin Kije Manidon ka apitendagozi8adj.

Revelation 5:6 in Algonquin

6 Kegapitc, Mantcenices nigi 8abama, e tajigaba8idj nena8idj, pecodj kitci ogima8i tesabi8aganikag. Ni8ibanig kagi kijenimagani8i8adj acitc igi8e kitci anicinabeg ogi 8akanigaba8ita8a8an. Nigi nisida8ina8a egi nisagani8igobanen. Nij8atcibanin odeckanan acitc nij8atcidinibanin ockijigon. Ini ockijigon, mi igi nij8atcin manidog ka anokita8a8adjin Kije Manidon ka apitendagozi8adj, ka paba ijinijaogo8adjin Kije Manidon 8akidakamig.

Revelation 5:13 in Algonquin

13 Nigi noda8ag acitc kakina kagi kijenimagani8i8adj 8ak8ig, akikag, anamakamig, kitcigamikag, mizi8ekamig e nigamo8apan oo8e: “Aa8e ka abidj kitci ogima8i tesabi8aganikag acitc aa Mantcenices, kagige kada icpenimagani8i8ag, kada manadjiagani8i8ag, kada kitcit8a8endagozi8ag, acitc kada macka8izi8ag.”

Revelation 7:10 in Algonquin

10 Kakina ikidobanig e kitci kiji8e8adj: “Kikije Manidominan ka abidj kitci ogima8i tesabi8aganikag acitc aa Mantcenices, mi igi8e kagi ag8acimigo8ak.”

Revelation 7:17 in Algonquin

17 Aa mega Mantcenices, 8in nena8idj ka iji tedj, pecodj kitci ogima8i tesabi8aganikag, oga nagadjian. Oga iji8inan mokidji8anobikag pimadizi8ini ka migi8emaganig. Kije Manido dac oga toda8an a8iagon ega mina8adj kidji kackendamindjin.”

Revelation 21:6 in Algonquin

6 Nigi inig kiabadj: “Mi aja kakina kegon nigi koki kijendan. Nin kagi madjito8an kakina kegon acitc niga ick8aikan kakina kegon. Nigi te ab8amaci madjiseg kegon acitc niga te pinici ke ani ick8aseg. Aa8edi ka mamida8abag8edj, niga mina nibini, ka8in dac kegon inagidag8asini. Kagige pimadizi8ini ominigona8a a8iagog ii nibini.

Revelation 21:11 in Algonquin

11 Kitci tcakasakoneban ii8e odena, tabickotc asini ka kitci sanagagidagozidj ka cab8atenagozidj. Mi ii Kije Manido odicpendagozi8in ka kitci tcakidenigiban.

Revelation 22:17 in Algonquin

17 “Pi koki pijan,” Mino Manido acitc aa ik8e ka iji niba8idj Mantcenicesan, odina8an Jesosan. Kakina kina8a ka ndotameg oo8e, ikidok kekina8a: “Pi koki pijan.” Kina8a ka mamida8abag8eieg, pi nda k8abaamok nibi ka migi8emagag pimadizi8ini, ka8in kegon inagidag8asinon.