Revelation 14:10 in Algonquin

10 Kije Manidon oga kitci nickenimigo8an. Panima kada minik8e8ag ka kitci macka8agaminig cominaboni Kije Manidon kagi siginamago8adj odonagani8akag igi8e kakina kagi nickia8adjin. Oga todan kidji kodagitondjin ini a8iagon ickodeni kidji abadjitodj acitc ii ka kitci oza8abatenig ka kitci kotazomatenig, meg8adj Kije Manidon okitcit8a ajeniman e kana8abagendjin acitc Mantcenicesan.

Other Translations

King James Version (KJV)

The same shall drink of the wine of the wrath of God, which is poured out without mixture into the cup of his indignation; and he shall be tormented with fire and brimstone in the presence of the holy angels, and in the presence of the Lamb:

American Standard Version (ASV)

he also shall drink of the wine of the wrath of God, which is prepared unmixed in the cup of his anger; and he shall be tormented with fire and brimstone in the presence of the holy angels, and in the presence of the Lamb:

Bible in Basic English (BBE)

To him will be given of the wine of God's wrath which is ready unmixed in the cup of his wrath and he will have cruel pain, burning with fire before the holy angels and before the Lamb:

Darby English Bible (DBY)

he also shall drink of the wine of the fury of God prepared unmixed in the cup of his wrath, and he shall be tormented in fire and brimstone before the holy angels and before the Lamb.

World English Bible (WEB)

he also will drink of the wine of the wrath of God, which is prepared unmixed in the cup of his anger. He will be tormented with fire and sulfur in the presence of the holy angels, and in the presence of the Lamb.

Young's Literal Translation (YLT)

he also shall drink of the wine of the wrath of God, that hath been mingled unmixed in the cup of His anger, and he shall be tormented in fire and brimstone before the holy messengers, and before the Lamb,

Cross Reference

Matthew 13:41 in Algonquin

41 Ii apitc Ka pi Anicinabe8iidizodj oga pidjinija8an odajeniman. Kada paba ija8ag dac Kije Manidon Odogima8i8inikag, e ma8adjia8adjin ini8e ka pakebinandjin kodagian a8iagon e 8ik8adjiandjin kidji patadindjin, acitc ini8e ka madji inakamigizindjin.

Matthew 13:49 in Algonquin

49 Apitc ponaki8ag, mi pejig8an ke ijiseg. Ajenig oga pi nda onina8an madji a8iagon acitc ka k8aiakozindjin.

Matthew 20:22 in Algonquin

22 Jesos dac ogi inan Jakan acitc Johnan: “Ka8in kikikendasina8a 8egonen e k8ag8edjimijieg. Kikackitona8a na kidji kodagito8eg adi nin ke iji kodagito8an?” Ki ikido8ag dac: “Ee, nikackitonanan.”

Matthew 25:41 in Algonquin

41 “Mina8adj dac aa ogima oga inan ini8e onamadinikikag ke tendjin: ‘A8as 8edi ijaok, kina8a ka ick8aienimigo8eg Kije Manido! 8edi ijaok kagige ickodekag, kagi ojitama8agani8idj madji manido acitc odajeniman!

Matthew 26:39 in Algonquin

39 A8acic pagi ki ija taji eji tenipanin okikinoamaganan, acitc ki 8anijibanio. Ki aiamie dac e ikidodj: “Nidadam! Kicpin minoseg, 8ack8ebidon nidanimizi8in! Pekic dac ka8in nin ka iji nda8endaman todaken, tiegodj kin ka iji nda8endaman todan.”

2 Thessalonians 1:8 in Algonquin

8 Nena8idj ka kitci kagan8abigakonenig ickodeni kada pi iji najika. Oga pajacte8an dac ini8e ega ka kikenimandjin Kije Manidon acitc ega ka nosoneamindjin min8adjimo8ini ka odji kikenimagani8idj ka Tibeniminak Jesos.

Jude 1:7 in Algonquin

7 Mamidonenimikog ke8ina8a igi a8iagog 8eckadj ka tajike8agobanen iima odenan Sodom acitc Gomora (Gomorrhe) ka ijinikadegibanin, acitc kodagian odenan pecodj iima ka tag8anigibanin. Ki kitci madjakamigizibanig, tabickotc kagi todamo8agobanen igi madji ajenig, kakinagotc madji aido8ini e pabamendamo8agobanen, acitc e kitci mosa8enima8agobanen ini8e ega ka inendagozi8apan kidji 8idji8a8adjin. Ki pajacte8agani8i8ag dac, e iji8ebinagani8i8adj kitci ickodekag kagige ka piskanenig. Kitci paietenag8ani dac adi ke ijise8adj a8iagog iidi ka inakamigizi8adj.

Revelation 9:17 in Algonquin

17 Mi ii kagi 8abadaman e ijinaman. Nigi 8abamag pebejigogack8eg acitc igi8e ka pimibaigo8adj. Okakigani8akag agokeni8an pi8abikon kagi onabikaigadegin, tabickotc ako kegon ka kigickigadeg e pi8abiko8ag ka iji migadinani8ag 8eckadj. Nandam kitci misk8abikanibanin tabickotc ickodeni, nandam oja8ack8abikanibanin, acitc nandam oza8abikanibanin. Mi maia micibiji8ictig8an ejinag8anigibanin pebejigogack8eg octig8ani8an. Sagidabatenibanin odoni8an, acitc ickodeni sasagidabigakoneniban, acitc ickodeni ka kitci oza8abatenig ka kitci kotazomatenig.

Revelation 16:19 in Algonquin

19 Nisin ki iji tackise ii kitci odena, Babilon ka ijinikadeg, acitc kakina odenan mizi8ekamig ki nici8anadjiomaganon. Ka8in odji 8anikesi Kije Manido ii kitci odenani. Ogi kitci kiji8aigon mega. Panima dac ki tcagadjigadenig ka kitci macka8agaminig cominaboni Kije Manidon kagi siginamindjin odonaganikag, ii cominaboni tabickotc onickadizi8ini ka apitendag8anig.

Revelation 18:3 in Algonquin

3 Madji a8iagog iima ka tajike8apan ogi kackia8abanin a8iagon kakinagotc ka inakanezindjin kidji madjakamigizindjin ke8ina8a. Mi maia tabickotc mina8apanin cominaboni kidji ki8ack8ebindjin ejinagozi8apan. Ogi kackia8abanin ogiman mizi8e akig kidji 8idji madjakamigizimigo8adjin. Ada8e8innig adigotc 8edji8adj ki ani kitci 8anadizi8ag, osa mega apanigotc kiabadj igi8e a8iagog Babilon ka iji tajike8adj o8i odapinana8abanin kegonan ka kitci inendamo8apanin.” Mi iidi ka ikidodj aa ajeni.

Revelation 18:6 in Algonquin

6 Kiga toda8a8ag igi8e a8iagog adi kagi todago8eg. Nijinanaj a8acamej inigik kiga ki8e minag kakina kegoni kagi iji todago8eg. Adi kagi iji kodagiigo8eg, mi maia tabickotc ki siginamago8egoban ka macka8agaminig cominaboni ejinag8ag. Nijinanaj dac inigik macka8agaminamok apitc kicponebado8egon odonagani8an.

Revelation 19:20 in Algonquin

20 Midac ki na8adjibinagani8i aa madji a8esiz. Ki na8adjibinagani8i acitc aa8e “niniganadjimo8inni8inan” ka in8ekazopanin. Mi aa8e kagi mamada8izidj nigan madji a8esizikag. Ogi 8agackibinan dac iidi a8iagon kidji odisigondjin madji a8esizan okikina8adjibiigani acitc kidji icpenimandjin madji a8esizan omanidokanimini. Apitc dac ka na8adjibinagani8i8adj midjinijin, ki madjocte8ebinagani8i8ag kiabadj e pimadizi8adj. Mi maia sagaigan ejinag8ag ii ickode, ka kitci oza8abateg ka kitci kotazomateg.

Revelation 20:10 in Algonquin

10 Madji manido dac 8in, kagi 8agackibinapanin ini a8iagon, ki na8adjibinagani8i acitc ki madjocte8ebinagani8i. Mi maia sagaigan ejinag8ag ii ickode, ka kitci oza8abateg ka kitci kotazomateg. Mi iima kagi iji8ebinagani8i8apan aa madji a8esiz acitc aa8e “niniganadjimo8inni8inan” ka in8ekazopan. Apanigotc iima kada iji kodagito8ag, meg8a kijik acitc meg8a tibik.

Revelation 21:8 in Algonquin

8 Igi8e dac ka cagodee8adj kidji 8idamage8adj e teb8eta8a8adjin Jesosan, acitc igi8e ega ka teb8etamo8adj, acitc igi8e ka nta madjakamigizi8adj, acitc igi8e ka nici8e8adj, acitc igi8e madji aido8ini ka pamendamo8adj, acitc igi8e ka mandoke8adj, acitc igi8e ka icpenima8adjin manidokanan, acitc kakina ka kagina8icki8adj, 8ina8a kakina kada madjocte8ebinagani8i8ag. Mi maia sagaigan ejinag8ag ii ickode, ka kitci oza8abateg ka kitci kotazomateg. Mi iima ke iji nibo8adj a8iagog mina8adj, nijinanaj e nibo8adj.”