Revelation 1:4 in Algonquin 4 Nin, John, kidojibiamonom, kina8a ka teb8etameg, ka nij8atcigin odenan 8edi Eja (Asie) aki ka taji tajikeieg, ka ma8adjiidieg kidji aiamieieg. Nipagosenima Kije Manido kidji ca8enimigo8eg, acitc kidji minigo8eg pekadendamo8ini, 8in nogom ka pimadizidj, kagige kagi pi pimadizidj, acitc ke pi tag8icig. Nipagosenimag igi8eni8ag nij8atcin manidog ka te8adj nigan Kije Manidon okitci ogima8i tesabi8aganikag ke8ina8a kidji ca8enimigo8eg acitc kidji minigo8eg pekadendamo8ini.
Other Translations King James Version (KJV) John to the seven churches which are in Asia: Grace be unto you, and peace, from him which is, and which was, and which is to come; and from the seven Spirits which are before his throne;
American Standard Version (ASV) John to the seven churches that are in Asia: Grace to you and peace, from him who is and who was and who is to come; and from the seven Spirits that are before his throne;
Bible in Basic English (BBE) John to the seven churches which are in Asia: Grace to you and peace, from him who is and was and is to come; and from the seven Spirits which are before his high seat;
Darby English Bible (DBY) John to the seven assemblies which [are] in Asia: Grace to you and peace from [him] who is, and who was, and who is to come; and from the seven Spirits which [are] before his throne;
World English Bible (WEB) John, to the seven assemblies that are in Asia: Grace to you and peace, from God, who is and who was and who is to come; and from the seven Spirits who are before his throne;
Young's Literal Translation (YLT) John to the seven assemblies that `are' in Asia: Grace to you, and peace, from Him who is, and who was, and who is coming, and from the Seven Spirits that are before His throne,
Cross Reference John 1:1 in Algonquin 1 Kitci 8eckadj, ab8amaci Kije Manido ka kijendag akini, aja tegoban a8iag, “Kije Manido Odanim8e8in” e ijinikanagani8igobanen. O8idji8agoban Kije Manidon acitc Kije Manido8iban.
Acts 19:10 in Algonquin 10 Nijopibon inigik, mi ka ijitadj Pon. Kakina dac Eja (Asie) akikag ka tajike8adj, Coda8innig acitc ega ka Coda8inni8i8adj, ogi nodana8a Kije Manidon omin8adjimo8ini.
Romans 1:7 in Algonquin 7 Kidojibiamonom kina8a Rom ka teieg, kakina kina8a ka sagiigo8eg Kije Manido acitc ka nd8e8emigo8eg odanicinabeman kidji ijinikanigo8eg. Nipagosenimag Kije Manido Kidadaminan acitc ka Tibeniminak Jesos Christ kidji ca8enimigo8eg acitc kidji minigo8eg pekadendamo8ini.
1 Corinthians 1:3 in Algonquin 3 Nipagosenimag Kije Manido Kidadaminan acitc Jesos Christ ka Tibeniminak kidji ca8enimigo8eg acitc kidji minigo8eg pekadendamo8ini.
1 Corinthians 12:4 in Algonquin 4 Kitci pepakan ijinag8ani8an Mino Manido oca8endjige8inan ka minadjin a8iagon, midac pejigo eta aa8e Mino Manido e migi8edj.
2 Corinthians 1:2 in Algonquin 2 Nipagosenimag Kije Manido Kidadaminan acitc Jesos Christ ka Tibeniminak kidji ca8enimigo8eg acitc kidji minigo8eg pekadendamo8ini.
Hebrews 1:10 in Algonquin 10 Kije Manido acitc ogi inan oo8eni Og8izisan: “Tebendjigean! Kin ockadok kagi kijendaman aki, kin kagi ojito8an 8ak8i.
Hebrews 13:8 in Algonquin 8 Ka8in 8ikad pakanadizisi Jesos Christ. Ka pi inadizidj ockadok, mi pejig8an enadizidj ogajiganig, acitc mi apanigotc ke inadizidj.
1 Peter 1:1 in Algonquin 1 Nin Pien, Jesos Christ Odanodaganan ka inagimigo8an. Kidanamikonom kina8a Kije Manido kagi onabamigo8eg 8inikag kidji iji tibendagozieg. Pi8ideg kidijinagozim nogom ooma akikag, kimigi8ami8akag egi odji madjinijaogo8eg. Aianodj 8edi akijican kidiji tajikem, Pont, Kalecia (Galatie), Kapados (Cappadoce), Eja (Asie) acitc Bitinia (Bithynie) ka ijinikadegin akijican.
Revelation 1:8 in Algonquin 8 “Nin kagi madjito8an kakina kegon acitc nin niga ick8aikan kakina kegon,” ikido Kije Manido ka Tibendjigedj ma8adji ka kitci macka8izidj, 8in nogom ka pimadizidj, kagige kagi pi pimadizidj, acitc ke pi tag8icig.
Revelation 1:11 in Algonquin 11 Midac ka ikidodj: “Mazinaiganikag ojibian nogom adi eji 8abadaman. Ijinijaamaok dac ii mazinaigani ka teb8etamo8adj ka taji ma8adjiidi8adj ono8e ka nij8atcinigin odenan, 8edi Epes (Ephèse), Simina (Smyrne), Penigam (Pergame), Taiatina (Thyatire), Sanidas (Sardes), Piladelapia (Philadelphie), acitc Leadisia (Laodicée),” ki ikido.
Revelation 1:20 in Algonquin 20 Igi8e dac ka 8abamad8a nij8atcin 8anagocag ka takonag8a nikitcinikikag acitc ini8e nij8atcin pimide 8asakonendjiganatigon ka oza8iconia8agin, kiga 8idamon adi 8a ikidomagagin. Igi8e nij8atcin 8anagocag, mi ini8e Kije Manido ka ijinija8adjin tibadjimo8innin kidji nagadjiandjin ka teb8etamindjin iima ka taji ma8adjiidindjin ka nij8atcinigin odenan. Ini8e dac nij8atcin pimide 8asakonendjiganatigon, mi igi8e ka teb8etamo8adj ka taji ma8adjiidi8adj iima ka nij8atcinigin odenan.”
Revelation 2:8 in Algonquin 8 Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Simina odenag. Ojibian dac oo8edi: Mi ekidodj aa8e nitam ka tedj acitc ick8eag ke tedj. Ki nibogoban, nogom dac aja ki abidjiba.
Revelation 2:18 in Algonquin 18 Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Taiatina odenag. Ojibian dac oo8edi: Mi oo ekidodj Kije Manido Og8izisan. Mi maia ickodeni ejinag8anigin ockijigon. Mi maia ka kitci tcakabikizodj oza8abiko conia ejinag8anigin ozidan.
Revelation 3:1 in Algonquin 1 Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Sanidas odenag. Ojibian dac oo8edi: Mi ekidodj aa8e ka tibenimadjin ini8e nij8atcin manidon ka anokita8andjin Kije Manidon, acitc ka nij8atcindjin 8anagocan ka takonadjin. Nikikendan adi ejitcigeieg. ‘Pimadizi8ag’ kidinenimigo8ag a8iagog, anic dac kigi nibom, nag8an mega egi nibo8eg adi enakamigizieg.
Revelation 3:7 in Algonquin 7 Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Piladelapia odenag. Ojibian dac oo8edi: Mi ekidodj aa8e ka kitcit8a8izidj, ega 8ikad ka kagina8ickidj. Davidan okidabikaigani otakonan. Kicpin cenag ick8ademini, ka8in a8ian ogagi kibaasini. Kicpin kibaag ick8ademini, ka8in a8ian ogagi cenasini.
Revelation 4:5 in Algonquin 5 8a8asakoneseban ii kitci ogima8i tesabi8agan, acitc kegon kitci nodag8anoban acitc inimikig kitci nodagozibanig. Nigan kitci ogima8i tesabi8aganikag, nij8atcin mitigon ka piskanegin 8anak8atig cacigapiasakonesebanin. Mi igi8e manidog ka anokita8a8adjin Kije Manidon ka apitendagozi8adj.
Revelation 4:8 in Algonquin 8 Kakina pepejig nigod8as8agebanig, acitc dac ockijigo8an mizi8egokenibanin omig8ana8akag. Kabe kijik acitc kabe tibik, ka8in 8ikad poni nigamosi8ag oo8eni: “Kitcit8a8endagozi, kitcit8a8endagozi, kitcit8a8endagozi Kije Manido ka Tibendjigedj ma8adji ka kitci macka8izidj, 8in kagige ka pi pimadizidj, nogom ka pimadizidj, acitc ke pi tag8icig.”
Revelation 5:6 in Algonquin 6 Kegapitc, Mantcenices nigi 8abama, e tajigaba8idj nena8idj, pecodj kitci ogima8i tesabi8aganikag. Ni8ibanig kagi kijenimagani8i8adj acitc igi8e kitci anicinabeg ogi 8akanigaba8ita8a8an. Nigi nisida8ina8a egi nisagani8igobanen. Nij8atcibanin odeckanan acitc nij8atcidinibanin ockijigon. Ini ockijigon, mi igi nij8atcin manidog ka anokita8a8adjin Kije Manidon ka apitendagozi8adj, ka paba ijinijaogo8adjin Kije Manidon 8akidakamig.