Philippians 2:16 in Algonquin 16 e tibadjimota8eg8a min8adjimo8ini ka migi8emaganig kagige pimadizi8ini. Kicpin iidi todameg, kigagi kitci min8adjiminom apitc odjitcisenig Jesos Christ kidji koki tag8icig. Kada paietenag8an mega ega ceck8at egi kitci mikimo8an kakina adi epitcian.
Other Translations King James Version (KJV) Holding forth the word of life; that I may rejoice in the day of Christ, that I have not run in vain, neither laboured in vain.
American Standard Version (ASV) holding forth the word of life; that I may have whereof to glory in the day of Christ, that I did not run in vain neither labor in vain.
Bible in Basic English (BBE) Offering the word of life; so that I may have glory in you in the day of Christ, because my running was not for nothing and my work was not without effect.
Darby English Bible (DBY) holding forth [the] word of life, so as to be a boast for me in Christ's day, that I have not run in vain nor laboured in vain.
World English Bible (WEB) holding up the word of life; that I may have something to boast in the day of Christ, that I didn't run in vain nor labor in vain.
Young's Literal Translation (YLT) the word of life holding forth, for rejoicing to me in regard to a day of Christ, that not in vain did I run, nor in vain did I labour;
Cross Reference Matthew 10:27 in Algonquin 27 Kakina kegon ka 8idamonagok ka iji kacki tibikag, koki 8idamageok ka iji 8aseag. Kakina kegon ka kimodji 8idamago8eg, mi iji pabibagiok e 8idamageieg kakina a8iagokag.
Luke 12:8 in Algonquin 8 “Ki8idamonom, a8enenigotc ega ke cag8enimog8en kidji 8idama8adjin kodagian a8iagon ninikag e iji tibendagozidj, nin, Ka pi Anicinabe8iidizodj, kenin niga 8idama8ag Kije Manido odajeniman e tibenimag 8aa8e.
John 6:63 in Algonquin 63 Mino Manido mi aa ka migi8edj pimadizi8ini, ka8in a8iag 8in tibina8e okackitosin kidji odisigodj. Ini anim8e8inan ka 8idamonagok, Mino Manidokag odjimaganon, 8in ka migi8edj kagige pimadizi8ini.
John 6:68 in Algonquin 68 Simo Pien ogi nak8e8ajian: “Tebendjigean! Adi dac ke ijaiagiban? Kin kikikinoamaojinam adi ke iji aiamag kagige pimadizi8in.
Acts 13:26 in Algonquin 26 “Nidjiki8eg, kina8a Abanaam (Abraham) odanike ojisan acitc kina8a ega ka Coda8inni8ieg ka icpenimeg Kije Manido, ndotaocik! Kina8it sa Kije Manido kagi 8idamago8ak adi ke todag kidji ag8acimigo8ak.
Romans 10:8 in Algonquin 8 Misa dac oo8eni ka ojibiigadenig 8ina8a odji: “Kitci peconag8ani kina8akag Kije Manido odikido8in, kidoni8akag acitc kidei8akag iji tag8ani.” Kije Manido dac odikido8in, mi oo ka paba tibadjimo8ag, e ikido8ag panima a8iagog ki teb8eta8a8adjin Kije Manidon.
1 Corinthians 9:26 in Algonquin 26 Midac ii 8edji kitci nak8ian kidji k8aiak8adizian. Mi maia pejig8an a8iag ka 8i pakinagedj e k8ag8edjikandinani8anig ejinagozian, ega anica e pabambatodj anodjigotc. Acitc mi maia pejig8an k8ag8edaige8inni ejinagozian, ega anodjigotc e iji papakiteigeian.
Galatians 2:2 in Algonquin 2 Kije Manido mega nigi 8abadaigoban e nda8enimijipan kidji ijaian 8edi. Apitc dac ka tag8icinian, nigi ma8adjiidimin nina8it eta, nin acitc igi8e ka teb8etamo8adj ka niganizi8adj. Nigi 8a8idama8ag dac adi ako maia ekido8an apitc paba kagik8eian min8adjimo8in 8ina8akag ega ka Coda8inni8i8adj. Ka8in mega ninada8enimasi8abanig kidji inenimiji8adj: “Anodjigotc iji kagik8e,” acitc kidji odji nagabiniji8adj ii odji. Kicpin mega iidi ki iji8ebanogobanen, kitci anica nigi mikimonadok acitc kiabadj anica nitaji ijitanadok.
Galatians 4:11 in Algonquin 11 Nikitci animendan e mik8eniminagok. Ceck8at na nigi kitci mikimonan, e k8ag8e 8idjiinagok kidji kikendameg teb8e8in?
Philippians 1:26 in Algonquin 26 Apitc dac koki pi nda 8abaminagok, na8adj kiga kitci icpenima8a Jesos Christ kiabadj egi kacki 8idjiinagok.
1 Thessalonians 2:19 in Algonquin 19 Kina8a mega 8edji aiamag apenimo8in acitc 8edji kitci modjigendamag. Kina8a ka 8abadai8eieg 8e8enda egi mikimo8ag, acitc niga kitci min8adjimomin e mikomigo8eg nigan Jesos Christikag ka Tibeniminak apitc koki tag8icig.
1 Thessalonians 3:5 in Algonquin 5 Ka8in dac nikackitosinaban ega kidji nigodinendaman ega e nodageian adi e tieg, midac 8edji ki ijinija8ag Timote kina8akag kidji nda kikenimigo8eg adi e tieg kiteb8etamo8ini8akag. Nikotanaban mega kidji 8agackibinigo8eg madji manido, acitc ega kidji ani abadag nimikimo8ininan kina8akag.
2 Timothy 2:15 in Algonquin 15 Kin dac, kitci nak8in kidji min8abimik Kije Manido. 8e8enda mikimon, ega kidji odji agadjian adi kagi iji mikimo8an, 8e8enda e tibadjimo8an Kije Manido odikido8in ka teb8emaganig.
Hebrews 4:12 in Algonquin 12 Pimadizimagani mega Kije Manido Odikido8in, acitc kitci macka8izimagani. Na8adj kitci kaca apitc8in kitci mokoman ka kitci kacag nida8ina. Midac maia pejig8an kitci mokoman eji mikimomaganig ii Kije Manido Odikido8in. Kitci aidadj pidigamig kina8itinakag pidigemagan, pinici kideinakag acitc nena8idj kidjitcagocinakag. 8abadai8emagan adi eji mosa8endamak acitc adi enendamak kideinakag.
1 Peter 1:23 in Algonquin 23 Kikikendana8a mega Kije Manido egi minigo8eg ocki pimadizi8ini. Odabinodjijiman kigi ani ijisem aa a8iag ega 8ikad ka nibodj, kagige dac ka tedj. Kigi minigom ii ocki pimadizi8ini apitc ka nodameg acitc ka nosoneameg odikido8in ka migi8emaganig pimadizi8ini acitc kagige ke tag8anig.
1 John 1:1 in Algonquin 1 Kidojibiamagom kidji mikomagidj aa a8iag “Kije Manido Odanim8e8in” ka ijinikazodj, 8in ka migi8edj pimadizi8ini. Aja tegoban ab8amaci kakina kegoni madjisenigiban, e 8idji8apanin Kije Manidon Kidadaminani. Midac ki pi anicinabe8iidizo ooma akikag. Nina8it dac nigi noda8anan ekidodj acitc nigi 8abamanan. Nigi kana8abamanan acitc nigi taginanan. Mi ii 8edji mikomagidj. Ki8idamagom aja egi odisigo8ak aa8e kidji migi8edj kagige pimadizi8ini.
Revelation 22:17 in Algonquin 17 “Pi koki pijan,” Mino Manido acitc aa ik8e ka iji niba8idj Mantcenicesan, odina8an Jesosan. Kakina kina8a ka ndotameg oo8e, ikidok kekina8a: “Pi koki pijan.” Kina8a ka mamida8abag8eieg, pi nda k8abaamok nibi ka migi8emagag pimadizi8ini, ka8in kegon inagidag8asinon.