Philippians 1:30 in Algonquin

30 Apitc ka teiaban kina8akag, kigi 8abamijim adi epitci kitci nak8ian kidji 8abadai8eian e teb8emaganig Kije Manido omin8adjimo8in. Nogom dac kinodagem kiabadj e todaman, acitc kekina8a mi pejig8an eji todameg.

Other Translations

King James Version (KJV)

Having the same conflict which ye saw in me, and now hear to be in me.

American Standard Version (ASV)

having the same conflict which ye saw in me, and now hear to be in me.

Bible in Basic English (BBE)

Fighting the same fight which you saw in me, and now have word of in me.

Darby English Bible (DBY)

having the same conflict which ye have seen in me, and now hear of in me.

World English Bible (WEB)

having the same conflict which you saw in me, and now hear is in me.

Young's Literal Translation (YLT)

the same conflict having, such as ye saw in me, and now hear of in me.

Cross Reference

John 16:33 in Algonquin

33 Mi oo kagi iji 8idamonagok, kidji gi pekadendameg eji 8idjiojieg. Ooma akikag kiga kodagitom. Anic dac sogideeok! Aja kakina kegon ooma akig nigi cagodjiton,” ki ikido Jesos.

Acts 16:19 in Algonquin

19 Ka tibenima8adjin ini ik8esesan ogi 8abadana8a ka iji8ebanig. Ogi kikendana8a ega kiabadj kidji gi coniakendjin ini ik8esesan. Midac ka iji na8adina8adjin Ponan acitc Silasan, kidji gi nda tibakonagani8indjin ka iji tendjin ka niganizindjin, 8edi acitc ka iji mane8adj ada8e8innig.

Romans 8:35 in Algonquin

35 Ka8in 8ikad a8iag kigagi nicikebinigosinan adi eji sagiinak Jesos Christ. Misa8adj e kodagito8ak, misa8adj e mamida8endjigeiak, misa8adj e nanekadjiigo8ak, misa8adj e kitci mamida8askadeiak, misa8adj e kidimagiziak, misa8adj e nanizaniziak, misa8adj e nibo8ak, ka8in kegon kada tag8asinon kidji nagabidjigemagag adi epitci sagiinak Jesos.

1 Corinthians 4:9 in Algonquin

9 Nidinendan dac nina8it Jesos Odanodaganan ka inagimigo8ag, kidji tabasenimigo8ag kakina kodagiag a8iagog, mi ka inasigo8ag Kije Manido. Mi maia tabickotc a8iagog kagi tibakonagani8i8adj kidji nisagani8i8adj meg8adj kakinagotc a8iagon acitc ajenin e taji kijigabamigo8adjin ejinagoziag.

1 Corinthians 15:30 in Algonquin

30 Kenina8it dac, kicpin ega abidjiba8apan kagi nibo8adj, ceck8at apanigotc kidji paba ijaiagiban ka iji nanizaniziag e paba tibadjimo8ag min8adjimo8in.

Ephesians 6:11 in Algonquin

11 Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, acitc ega kidji cagodjiagani8idj apitc migadinani8anig, mi panima ki ijiidizo8eg kekina8a, ega kidji nigodieg acitc kidji gi miganeg madji manido. Abadjitaokon dac kakina ini kegonan Kije Manido ka minigo8eg kidji gi odji cagodjieg madji manido apitc k8ag8e 8agackibinigo8eg kidji patadieg.

Colossians 1:29 in Algonquin

29 Kidji kijito8an dac oo mikimo8in, nikitci nak8i adi epitcian, e abadjito8an kakina macka8izi8ini Jesos e minijidj, ka kitci paietenag8anig apitc mikimo8an.

1 Thessalonians 2:2 in Algonquin

2 Ab8amaci tag8iciniag kina8akag, nigi kitci kodagiigomin acitc nigi kitci manenimigomin 8edi Pilip (Philippes) odenag. Aja kigi nodagena8adok ii. Anic dac Kikije Manidominan nigi minigonan kidji kitci sogideeiag kidji gi tibadjimotago8eg omin8adjimo8in, misa8adj e kitci mane8apan a8iagog e 8i k8ag8e nagabinigo8agiban.

1 Thessalonians 2:14 in Algonquin

14 Nidjiki8enanag! Kigi iji8ebizim pejig8an kagi iji8ebizi8adj igi8e Kije Manidokag ka iji tibendagozi8adj, ka ma8adjiidi8adj kidji aiamie8adj Coda (Judée) akikag, ka teb8eta8a8adjin Jesos Christan. Kigi kitci nanekadjiigo8ag igi8e ka 8idji tajikemeg8a kidaki8akag, mi pejig8an ke8ina8a ka teb8etamo8adj Coda akikag ka kitci nanekadjiigo8adjin Coda8innin.

1 Thessalonians 3:2 in Algonquin

2 Nidjiki8enan aa Timote, ka 8idji mikimomigo8ag e anokita8agidj Kije Manido. Ni8idjiigonan dac kidji paba tibadjimo8agidj ii min8adjimo8ini ka odji kikenimagani8indjin Jesos Christan. Kina8akag dac nigi ijinija8anan kidji gi sogideeckago8eg acitc kidji gi 8idokago8eg kidji sogigaba8ieg kiteb8etamo8ini8akag.

1 Timothy 6:12 in Algonquin

12 Kana8endan kiteb8etamo8in, e kitci k8ag8edjito8an adi epitcian kidji nosone8adj Jesos, tabickotc pimibato8aban ka iji k8ag8edjikandinani8ag. Midac kiga aian kagige pimadizi8in. Kigi inig mega Kije Manido kidji minikiban ii pimadizi8ini apitc kagi nd8e8emikiban. Kigi 8idamage dac e teb8eta8adiban Jesos ka iji kitci manenani8ag.

2 Timothy 2:10 in Algonquin

10 mi 8edji mizi8e cacibendaman meg8adj e kodagito8an. Nidick8ata kidji kodagito8an, kidji gi 8idjiagani8i8adj igi8e Kije Manidon kagi onabamigo8adjin, ke8ina8a kidji gi ag8acimigo8adjin Jesos Christan, kagige dac kidji 8idji tajikema8adjin Kije Manidon odicpendagozi8inikag.

2 Timothy 4:7 in Algonquin

7 Adigotc epitcian nigi kitci k8ag8edjiton kidji anokita8ag Jesos, tabickotc iji pimibato8aban ka iji k8ag8edjikandinani8ag. Aja dac nogom nigi odjitcibato 8ek8aiak. Nigi kijiton Kije Manido omikimo8in kagi inanonijidj. 8e8enda nigi kana8endan ii ka iji teb8etamak.

Hebrews 10:32 in Algonquin

32 Mamidonendamok adi ka iji8ebag odakanag apitc ka 8asenamago8eg Kije Manido kidji gi nisidotameg omin8adjimo8in. Ii dac apitc, kigi kitci kodagiigo8ag a8iagog, anic dac kigi kitci sogigaba8im meg8adj ka sanagizieg.

Hebrews 12:4 in Algonquin

4 Kitaji nanak8itana8a patado8in, ka8in dac maci kidodji nisigosim ii odji.

Revelation 2:10 in Algonquin

10 Aja pecodj kiga kodagitom, anic dac ka8in segizikegon. Madji manido oga kiba8an kibaodimigi8amikag nandam ka tacieg, kidji nda kikenimigo8eg epitci teb8eta8eg8en kek8an ka8in. Midasogon inigik kiga nanekadjiigom. Misa8adj odji nisigo8eg, ka8in poni teb8etaojikegon. Mi panima iidi ke odji ca8eniminagok kagige pimadizi8in. Mi tabickotc sizok8epizon kagi kackitamadizo8eg ke ijinagozieg.

Revelation 12:11 in Algonquin

11 Kije Manido dac odanicinabeman ogi cagodjia8an ini8e. Mantcenicesan egi pagidenimidizondjin kidji nibondjin, acitc 8ina8a egi tibadjimo8adj Kije Manidon omin8adjimo8ini, mi 8edji ki kackito8adj kidji cagodjia8adjin. 8a8adj ki eco8ibanig kidji pagidenimidizo8adj kidji nibo8adj.