Matthew 5:22 in Algonquin 22 Nin dac 8in ki8idamonom oo8e. A8enenigotc ke kiji8azig8en o8idjiki8en odji kada tibakonagani8i. Aa8e ka inadjin o8idjiki8en: ‘Kikikimadizinan!’ kada iji8inagani8i nigan Coda8inni kitci aiamie onakonige8innikag. Aa dac ka inadjin: ‘Ka8in odji pejig kidabadizisi!’ kackitamadizo kitci ickodekag kidji madjocte8ebinagani8idj.
Other Translations King James Version (KJV) But I say unto you, That whosoever is angry with his brother without a cause shall be in danger of the judgment: and whosoever shall say to his brother, Raca, shall be in danger of the council: but whosoever shall say, Thou fool, shall be in danger of hell fire.
American Standard Version (ASV) but I say unto you, that every one who is angry with his brother shall be in danger of the judgment; and whosoever shall say to his brother, Raca, shall be in danger of the council; and whosoever shall say, Thou fool, shall be in danger of the hell of fire.
Bible in Basic English (BBE) But I say to you that everyone who is angry with his brother will be in danger of being judged; and he who says to his brother, Raca, will be in danger from the Sanhedrin; and whoever says, You foolish one, will be in danger of the hell of fire.
Darby English Bible (DBY) But *I* say unto you, that every one that is lightly angry with his brother shall be subject to the judgment; but whosoever shall say to his brother, Raca, shall be subject to [be called before] the sanhedrim; but whosoever shall say, Fool, shall be subject to the penalty of the hell of fire.
World English Bible (WEB) But I tell you, that everyone who is angry with his brother without a cause shall be in danger of the judgment; and whoever shall say to his brother, 'Raca{"Raca" is an Aramaic insult, related to the word for "empty" and conveying the idea of empty-headedness.}!' shall be in danger of the council; and whoever shall say, 'You fool!' shall be in danger of the fire of Gehenna{Gehenna is another name for Hell that brings to mind an image of a burning garbage dump with dead bodies in it.}.
Young's Literal Translation (YLT) but I -- I say to you, that every one who is angry at his brother without cause, shall be in danger of the judgment, and whoever may say to his brother, Empty fellow! shall be in danger of the sanhedrim, and whoever may say, Rebel! shall be in danger of the gehenna of the fire.
Cross Reference Matthew 3:17 in Algonquin 17 Midac a8iag 8ak8ig ki odji mad8e anim8e: “Mi aa Nig8izis ka kitci sagiag. Nikitci min8endamiig aa.”
Matthew 5:23 in Algonquin 23 Apitc dac nda migi8ean kipagidinige8in kitcit8a 8isini8aganikag taji ka iji icpenimagani8idj Kije Manido, odji mika8ian dac egi kiji8aadj kidjiki8e,
Matthew 5:28 in Algonquin 28 Nin dac 8in ki8idamonom oo8e. Aa nabe ka kana8abamadjin e mosa8enimadjin ik8e8an, aja madji aido8ini opamendan odeikag.
Matthew 5:34 in Algonquin 34 Nin dac 8in ki8idamonom oo8e. Apitc ikido8eg kegon kidji todameg, ka8in kegon 8idakegon kidji odji na8adj teb8etago8eg. Ka8in ikidokegon: ‘Icpimig nidodji teb8e,’ mi mega iima eji abidj Kije Manido ka ogima8idj.
Matthew 5:44 in Algonquin 44 Nin dac 8in ki8idamonom oo8e. Sagiikog ka madjenimigo8eg acitc aiamietamaokog igi8e ka nanekadjiigo8eg.
Matthew 10:17 in Algonquin 17 Iag8amig! A8iagog mega kiga takonigo8ag acitc nigan tibakonige8innikag kiga iji8inigo8ag. Kiga papajacteogo8ag odaiamiemigi8ami8akag.
Matthew 10:28 in Algonquin 28 Ka8in kosakegonig a8iagog ka kackito8adj kidji nisigo8eg. Okackitona8a kidji nici8anadjito8adj 8ia8ini, ka8in dac 8in okackitosina8a kidji nici8anadjia8adjin a8ian odjitcagocini. Tiegodj, kosik Kije Manido, 8in ka kackitodj kitci ickodekag kidji nici8anadjitodj 8ia8ini acitc dac kidji nici8anadjiadjin a8ian odjitcagocini.
Matthew 11:18 in Algonquin 18 Midac pejig8an, apitc ka tag8icig Cabadis e pi nda kagik8edj, ka8in ododji am8asi8agoban pak8ejiganan acitc ka8in odji minik8esigoban cominaboni. Ki ikidonani8anogoban dac e kigickagogobanen madji manidon.
Matthew 12:24 in Algonquin 24 Apitc dac Coda8innig ka nagadjito8agobanen inakonige8inan ka nodage8agobanen ii, ki ikido8ag: “Mi aa madji manido ogima, ‘Beelzebul’ ka ijinikazodj, kagi minadjin Jesosan macka8izi8ini kidji gi sagidjinija8andjin madji manidon a8iagokag!”
Matthew 17:5 in Algonquin 5 Meg8adj e taji anim8edj, 8ak8ini e kitci tcakatenig ogi pi nigockagona8a. Ogi noda8a8an dac a8ian iima 8ak8ikag e odji mad8e anim8endjin e ikidondjin: “Mi aa Nig8izis ka kitci sagiag. Nikitci min8endamiig. Ndotaok dac!”
Matthew 18:8 in Algonquin 8 “Kicpin kinidji kek8an kizid pataigo8an, kickijan, 8asag dac inatig8en. Na8adj kiga minose kagige pimadizi8in kidji odisigo8an e motci pejigondjian kek8an e motci pejigozidean, apitc8in kidji aiamanin midjinijin kinidjin acitc midjinijin kizidan, kidji gi odji iji8ebinigo8an dac kitci ickodekag ega 8ikad ke ata8eg.
Matthew 18:21 in Algonquin 21 Pien dac ogi nazika8an Jesosan acitc ogi k8ag8edjiman: “Ka Tibendjigean! Atasinanaj enendagozian kidji ponenimag nidjiki8e, kicpin ega ponitodj kidji madji todaojidj? Pinici na nij8atcinanaj?”
Matthew 18:35 in Algonquin 35 “Midac pejig8an ke todago8eg Nidadam 8ak8ig ka tedj pepejig e tacieg, kicpin ega enigokodeeieg ponenimeg kidjiki8e8a adi kagi pi iji madji todago8eg.”
Matthew 23:15 in Algonquin 15 “Kiga kitci madji iji8ebizim, kina8a Coda8innig ka kikinoamageieg acitc kina8a ka nagadjito8egon inakonige8inan! Kikitci kimodizim! Kikitci paba ijam kitcigamig acitc mizi8ekamig, kidji gi kackimeg eta pejig a8iag kidji nosoneagin Coda8inni Inakonige8inan. Apitc dac ki iji kackimeg, mi eta nijinanaj a8acamej kackitamadizo kidji iji8ebinagani8idj kitci ickodekag apitc8in kina8a.”
Matthew 23:33 in Algonquin 33 “Kina8a madji a8iagog, tabickotc ka pitcibo8inezi8adj kinebigog ka ijinagozieg! Adi enendameg ke todameg kidji gi ojimo8eg kidji ick8aienimigo8eg kidji madjocte8ebinigo8eg kitci ickodekag?
Matthew 25:41 in Algonquin 41 “Mina8adj dac aa ogima oga inan ini8e onamadinikikag ke tendjin: ‘A8as 8edi ijaok, kina8a ka ick8aienimigo8eg Kije Manido! 8edi ijaok kagige ickodekag, kagi ojitama8agani8idj madji manido acitc odajeniman!
Matthew 26:59 in Algonquin 59 Igi8e Coda8inni kitci aiamie ogimag acitc kakina Coda8inni kitci aiamie onakonige8innig, ogi k8ag8e mikana8a kegoni kegi odji inactaona8apanin Jesosan, misa8adj ega e teb8emaganig ii, kidji gi odji ick8aienima8adjin.
Mark 9:43 in Algonquin 43 Kicpin kinidji pataigo8an, kickijan. Na8adj kiga minose kagige pimadizi8in kidji odisigo8an e motci pejigondjian, apitc8in kidji aiamanin midjinijin kinidjin, kidji iji8ebinigo8an dac kitci ickodekag ega 8ikad ka ata8eg.
Mark 14:55 in Algonquin 55 Igi8e Coda8inni kitci aiamie ogimag acitc kakina Coda8inni kitci aiamie onakonige8innig, ogi k8ag8e mikana8a kegoni kegi odji inactaona8apanin Jesosan, kidji gi odji ick8aienima8adjin. Ka8in dac kegoni ododji mikasina8a kegi odji ick8aienima8apanin.
Mark 15:1 in Algonquin 1 8ibadj e kijeba8acinig, Coda8inni kitci aiamie ogimag, ka niganizi8adj Coda8innig acitc Coda8inni kikinoamage8innig acitc kakina Coda8inni kitci aiamie onakonige8innig ki ma8adjiidi8ag kidji onakona8adjin Jesosan. Ogi mag8apina8an dac, acitc Pilatikag ogi iji8ina8an.
Luke 12:5 in Algonquin 5 Kiga 8idamonom dac a8enen enendagozieg kidji koseg! Kida kosa8a Kije Manido, 8in ka kackitodj kidji nisadjin a8ian, acitc dac ka aiag macka8izi8ini kitci ickodekag kidji iji8ebinadjin. Teb8e ki8idamonom, mi aa8e enendagozieg kidji koseg!”
Luke 16:23 in Algonquin 23 Ka oconiamidj kitci kodagitoban iima ka iji te8adj ka nibo8adj. Ki icpanabi dac acitc 8asag ogi odji tebabaman Abanaaman acitc Lazaran e pec8abamidindjin.
John 7:20 in Algonquin 20 Ini a8iagon ogi nak8e8ajiigon: “Ketcinadj kikigickagodok madji manido. A8enen nenada8i nisik?”
John 8:48 in Algonquin 48 Igi Coda8innig ogi ina8an Jesosan: “Maiagotc niteb8enanagoban apitc kagi ikido8agiban Samani (Samarie) akikag 8edjian acitc madji manido e kigickaok!”
John 11:47 in Algonquin 47 Midac ki ma8adjiidi8ag Coda8innig ka nagadjito8agobanen inakonige8inan acitc Coda8inni kitci aiamie ogimag acitc kakina Coda8inni kitci aiamie onakonige8innig. Ki ikidobanig dac: “Adi ke todamak? Kitci mane mamada8izi8inan otodanan.
John 15:25 in Algonquin 25 Midac iidi ka iji8ebag ii kagi mazinadenig Coda8innig odinakonige8ini8akag: ‘Anicagotc nigi madjenimigog,’ mazinadeni.”
Acts 3:20 in Algonquin 20 Kicpin ii todameg, ka Tibendjigedj kiga minigo8a kidji an8ebieg kidei8akag, acitc oga pidjinija8adjin Jesosan, mi ini8e kagi ikidogobanen kidji pidjinija8agobanen, kagi onabamadjin kidji pi nda 8idokago8eg.
Acts 5:27 in Algonquin 27 Iji8inagani8i8agoban Anodaganag taji ka iji ma8adjiidinipanin Coda8inni kitci aiamie onakonige8innin. Aiamie ogima dac ma8adji ka niganizidj ogi 8idama8an:
Acts 7:37 in Algonquin 37 Mi 8aa Mois ka inadjin Israel a8iagon oo8eni: ‘Kije Manido kiga ijinijaamago8a niganadjimo8innin, tabickotc nin kagi pidjinijaojidj. Kina8a ka inakanezieg kada inakanezi,’ ki ikido.
Acts 17:18 in Algonquin 18 Nandam kikinoamage8innig, ega ka Coda8inni8i8adj, Epikorianag (Épicuriens) acitc Isto8ik8ag (Stoïciens) ka ijinikanagani8i8adj, ke8ina8a ogi pi nda 8abama8an Ponan acitc ogi k8ag8e tebima8an. Nandam ki ikido8ag: “Adi ekidog8en 8aa nabe? Ka8in kegoni okikendasin.” Kodagiag dac ki ikido8ag: “Tibadjimodok kodagian manidon, e aiamita8agani8indjin kodag akikag 8edi anodj.” Pon mega omikomabanin Jesosan egi abidjibandjin, mi 8edji ki ikidondjin ii.
Romans 12:10 in Algonquin 10 Sagiidiok kakina pepejig ka tacieg, kakina mega kidiji 8idjiki8edim. Enigokodeeieg manadjiidik kakina pepejig e tacieg.
1 Corinthians 6:6 in Algonquin 6 Ka8in min8acisinon kidji nda inactaonidieg nigan tibakonige8innikag ega ka teb8etamo8adj.
1 Corinthians 6:10 in Algonquin 10 acitc igi8e ka kimodi8adj kodag a8ian odaimini, acitc igi8e ka kitci mosa8endamo8adj kodag a8ian odaimini, acitc igi8e ka nta ki8ack8ebi8adj, acitc igi8e ka nta pag8anoma8adjin kodagian a8iagon, acitc igi8e ka makazo8adj kodag a8ian odaimini, ka8in 8ikad kada pidigesi8ag Kije Manidon Odogima8i8inikag.
Ephesians 4:26 in Algonquin 26 Kicpin nanigodin kiji8azieg, iag8amendamok ega kidji odji patadieg. Ka8in kabe kijik kiji8azikegon, nokadiziok ab8amaci kidji pagicimog.
Ephesians 4:31 in Algonquin 31 Ka8in madjideekegon a8iag odji madji todago8eg. Ka8in kiji8azikegon, ka8in kitci sogina8ezikegon, ka8in kaganondikegon, acitc ka8in manazomakegonig a8iagog. Ka8in pabajine 8i madji toda8akegonig a8iagog.
1 Thessalonians 4:6 in Algonquin 6 Ka8in dac 8ikad pejig nabe oda madji toda8asi8an o8idjipimadiziman ka teb8etamindjin adi ke iji 8idji8adjin ik8e8an. Ka Tibendjigedj mega oga pajacte8an ini8e iidi ke iji panaagendjin. Aja kitci enigok kigi 8idamagom kidji iag8amieg.
Titus 3:2 in Algonquin 2 Ka8in a8ian oga madji mikomasi8a8an. Tiegodj, kada pekadendagozi8ag, kada minodee8ag, acitc kabe oga manadjia8an kakina a8ian.
Hebrews 5:9 in Algonquin 9 Apitc dac kakina ka ick8a ijitadj ka iji nda8enimigogobanen Kije Manidon, ogi ani kackiton kidji minadjin kakina a8iagon ka ndotagodjin kagige kidji ag8acimagani8indjin.
Hebrews 12:25 in Algonquin 25 Iag8amig! Ka8in ana8endakegon kidji ndota8eg Kije Manido ka aiamiigo8eg. 8eckadj ako, Israel a8iagog ogi ana8endana8a kidji ndota8a8adjin Kije Manidon apitc ka aiamiigo8adjin ooma 8akidakamig 8edi Sinai pik8adinakag. Ka8in dac odji kackiosi8ag kidji ojimo8adj e 8i pajacte8agani8i8adj. Kina8it dac, 8ak8ig kidodji aiamiigonan Kije Manido. Kicpin dac ega 8i ndota8aiak, kitci ketcinam kiga pajacteogomin.
James 2:20 in Algonquin 20 Kikikimadizinan! Kiga 8abadain ceck8at e teb8etaman kicpin ega mino ijitcigean.
James 3:6 in Algonquin 6 Mi maia tabickotc ickode ejinag8ag kidenananan. Kakinagotc madji ijitcigemagan kia8inakag, midac mizi8e kia8inan eji 8anadjitomagag. Kitci ickodekag odjimagan ii ickode kidenananakag ka tag8ag, acitc sakaigemagan kipimadizi8ininakag ka ako nta8igiak pinici kidji nibo8ak.
1 Peter 2:23 in Algonquin 23 Ki manazomagani8i, ka8in dac 8in ododji koki manazomasi8an. Apitc kagi kodagitogobanen, ka8in odji ikidosi ke8in kidji madji toda8adjin ini a8iagon ka kodagiigodjin. Tiegodj, Kije Manidokag ki iji apacenimo, 8in k8aiak ka tibakonigendjin.
1 Peter 3:9 in Algonquin 9 Kicpin a8iag madji todago8eg, ka8in koki madji toda8akegon. Kicpin a8iag manazomigo8eg, ka8in koki manazomakegon. Tiegodj, pagosenimik Kije Manido kidji ca8enimadjin. Kije Manido mega kigi nd8e8emigo8a kidji todameg iidi, kidji gi odji ca8enimigo8eg.
1 John 2:9 in Algonquin 9 A8iag dac ekidodj: “Jesos o8asea8inikag nidiji pimadizinan,” pekic dac madjenimadjin o8idjiki8en, aja kitci anodj inendam. Ka8in ka iji 8aseanig iji pimadizisi. Ka iji kacki tibikanig kiabadj iji pimadizi.
1 John 3:10 in Algonquin 10 Mi oo8e e odji kikendamak a8enen Kije Manidon ka tibenimigodjin acitc a8enen madji manidon ka tibenimigodjin. Aa a8iag ega k8aiak8adizidj kek8an ega sagiadjin o8idjiki8en, ka8in 8in ini Kije Manido odabinodjijiman.
1 John 3:14 in Algonquin 14 Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.
1 John 4:20 in Algonquin 20 Kicpin a8iag ikidodj: “Nisagia Kije Manido,” pekic e madjenimadjin o8idjiki8en, kagina8icki aa. Kicpin mega a8iag ega sagiadjin o8idjiki8en ka 8abamadjin, adi kegi odji sagiadjin Kije Manidon ega 8ikad egi 8abamadjin?
1 John 5:16 in Algonquin 16 Kicpin 8abameg kidjiki8e8a e patadidj, kida aiamiem 8in odji, midac oga odisigon kagige pimadizi8ini. Pekic dac, tag8an patado8in ke odji nibodj a8iag ka iji patadidj, ka8in dac nidikidosi kidji aiamieieg aa a8iag odji egi iji patadidj iidi.
Jude 1:9 in Algonquin 9 8a8adj Micen (Michel), 8in pejig igi8e ma8adji ka niganizi8adj ajenig, ka8in odji ijitcigesi iidi. Apitc kagi kanondi8adj 8in acitc madji manidon, e k8ag8e kikendamo8adj a8enen e niji8adj ke tibendag Moisan o8ia8ini, ka8in iaga pagi ododji manazomasin madji manidon. Midac eta oo8e ka ikidodj: “Ka Tibendjigedj kiga pajacteog.”
Revelation 20:14 in Algonquin 14 Ickode sagaiganikag dac ki madjocte8ebinigade8an nibo8in acitc ii8e iima taji ka te8adj a8iagog kagi nibo8adj. Mi iima ickode sagaiganikag ke iji nibo8adj a8iagog mina8adj, nijinanaj e nibo8adj.