Matthew 24:14 in Algonquin 14 Mizi8ekamig dac kada tibadjimonani8an oo8e min8adjimo8in, ka odji kikendjigadenig Kije Manidon Odogima8i8ini. Kakina dac ka inakanezi8adj a8iagog kada nodage8ag oo min8adjimo8ini. Ick8a dac ii, mi apitc ke ponaki8ag.”
Other Translations King James Version (KJV) And this gospel of the kingdom shall be preached in all the world for a witness unto all nations; and then shall the end come.
American Standard Version (ASV) And this gospel of the kingdom shall be preached in the whole world for a testimony unto all the nations; and then shall the end come.
Bible in Basic English (BBE) And this good news of the kingdom will be given through all the world for a witness to all nations; and then the end will come.
Darby English Bible (DBY) And these glad tidings of the kingdom shall be preached in the whole habitable earth, for a witness to all the nations, and then shall come the end.
World English Bible (WEB) This Gospel of the Kingdom will be preached in the whole world for a testimony to all the nations, and then the end will come.
Young's Literal Translation (YLT) and this good news of the reign shall be proclaimed in all the world, for a testimony to all the nations; and then shall the end arrive.
Cross Reference Matthew 4:23 in Algonquin 23 Jesos ki paba ijagoban mizi8e Galilee akikag. Kikinoamageban pepakan Coda8inni aiamiemigi8amikag, e paba kagik8edj min8adjimo8ini ka odji kikendjigadenig Kije Manidon Odogima8i8ini, acitc okigeabanin kakina ka akozindjin adigotc ka inapinendjin.
Matthew 9:35 in Algonquin 35 Jesos paba ijagoban kakina odenakag acitc odenajicikag iima akikag. Paba kikinoamagegoban Coda8inni aiamiemigi8amikag, acitc paba kagik8egoban min8adjimo8ini, ka odji kikendjigadenig Kije Manidon Odogima8i8ini. Okigeagoban kakina ka akozindjin adigotc ka inapinendjin.
Matthew 10:7 in Algonquin 7 Apitc dac paba ijaieg, mi oo8e ke paba tibadjimo8eg: ‘Aja kegat kada tag8icinomagani Kije Manido Odogima8i8in.’
Matthew 18:19 in Algonquin 19 “Teb8e ki8idamonom acitc, kicpin nijin ii e tacieg ooma akikag ma8asag onendameg kegon kidji k8ag8ed8eieg apitc aiamieieg, kiga minigo8a Nidadam 8ak8ig ka tedj.
Matthew 24:3 in Algonquin 3 Jesos ki a8i abigoban Olip (Oliviers) pik8adinajicikag. Okikinoamaganan dac eta ogi pi nazikagon, acitc ogi k8ag8edjimigon: “8idamaocinam anapitc ke iji8ebag ii, acitc 8egonen ke 8abadai8emagag e odjitciseg kidji pi koki tag8icinian, acitc kidji ponaki8ag.”
Matthew 24:6 in Algonquin 6 Kiga nodana8a e mad8e migadinani8ag pecodj acitc kiga nodagem e mad8e migadinani8ag 8asag anodj 8edi. Ka8in dac segizikegon ii odji. Panima ii kada iji8eban, ka8in dac maci kada ponaki8asinon.
Mark 16:15 in Algonquin 15 Jesos dac ogi inan: “Paba ijaok kakina mizi8ekamig, acitc paba tibadjimotaokog kakina a8iagog Kije Manidon omin8adjimo8ini.
Luke 2:1 in Algonquin 1 Ii apitc Ogost (Auguste) ma8adji kitci ogima8iban kakina akin Rom odenakag ka iji tibendag8anigin. Ki onakonige dac kakina a8ian odakikag ka tajikendjin kidji agimagani8indjin.
Luke 4:5 in Algonquin 5 Mina8adj dac kitci madji manido 8agidadin ogi iji8inan Jesosan. Kaiezigotc dac ogi 8abadaan kakina ogima8i8inan ooma akikag.
Luke 24:47 in Algonquin 47 Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.
Acts 11:28 in Algonquin 28 Pejig 8aa ka niganadjimodj Agabos ijinikazogoban. Ki tajigaba8i, midac ka iji tatibadjimodj, Mino Manidon omacka8izi8ini eji 8idjiigodj. Ki niganadjimo dac: “Kada kitci pakadani8an mizi8e akikag.” Midac teb8e ki iji8ebani, ii dac apitc Kalod (Claude) kitci ogima8iban.
Acts 17:6 in Algonquin 6 Ka8in dac ododji mika8asi8a8an. Ogi iji8ina8an dac Jasonan acitc nandam kodagian ka teb8etamindjin nigan ka niganizindjin odenag. Ki pibagi8ag dac: “Mizi8e ooma akini omadjisetona8a igi8e nabeg Pon acitc Silas. Aja dac nogom ooma tag8icinog!
Acts 20:25 in Algonquin 25 “Aja nikikendan ega mina8adj kidji 8abamijieg. Kabegotc inigik ka 8idji tajikeminagok kigi mikodamonom Kije Manido Odogima8i8in.
Romans 10:18 in Algonquin 18 Kegon dac ni8i k8ag8ed8e. Kana Coda8innig ododji nodasina8adok min8adjimo8ini? Ee, ogi nodana8a. Mi mega oo8eni mezinadenig Kije Manido Omazinaiganikag: “Mizi8ekamig ki paba ija8ag a8iagog e paba tibadjimo8adj min8adjimo8ini, misa8adj 8edi 8asag agamakig ki nodagani8ani odikido8ini8a.”
Romans 15:18 in Algonquin 18 Nidagadjinan kodag kegon kidji mikodaman, niga motci mikodan dac adi ka todag Jesos Christ egi 8idjiijidj kidji kikinoamaomagin ega ka Coda8inni8indjin kidji ani ndota8andjin Kije Manidon. Niga mikodan adi ka iji 8idjiijidj kidji kagik8e8ag acitc kidji inakamigizi8ag,
Romans 16:25 in Algonquin 25 Icpenimadan Kije Manido! 8in okackiton kidji sogigaba8iigo8eg kiteb8etamo8ini8akag, kiteb8etana8a mega ii min8adjimo8in ka paba tibadjimo8an, e paba mikomag Jesos Christ. Nogom ki kikendamoni8e Kije Manido ii min8adjimo8ini, odakanag ako ka kadamago8akoban.
Colossians 1:6 in Algonquin 6 Kakina mizi8ekamig mikodjigade ii min8adjimo8in, acitc mi maia tabickotc minatig ka madjigidj acitc ka mini8idj ejinag8ag. Mi iidi ejinag8ag min8adjimo8in kina8akag, ka ako mikodamago8eg nitam ii min8adjimo8in acitc ka ani nisidotameg Kije Manido okitci ca8endjige8in adi maia ejinag8anig.
Colossians 1:23 in Algonquin 23 Panima dac ega 8ikad ki ponito8eg kidji teb8etameg min8adjimo8in, tiegodj panima ki sogigaba8ieg, e ketcinamendameg e teb8emagag, ega 8ikad kidji 8ebinameg ii apenimo8in kagi odisigo8eg apitc ka nodameg min8adjimo8in. Mizi8ekamig ki 8idamagani8an ii min8adjimo8in, kakina a8iagog odji. Nin dac, Pon, nidanokita8a Kije Manido e paba tibadjimo8an ii min8adjimo8in.
Revelation 3:10 in Algonquin 10 Kina8a dac, kigi ndotaojim. Kigi cacibendana8a apitc e kodagito8eg. Kakina pepejig a8iag ooma akikag kada kodagito, kidji nag8anig kicpin maiagotc epitci teb8etaojidj kek8an ka8in. Ii dac apitc, kiga nagadjiinom.
Revelation 14:6 in Algonquin 6 Nigi 8abama kodag ajeni kitci icpimig 8ak8ig e ani pimisedj. Ki pi nda tibadjimoban Kije Manidon omin8adjimo8ini kagige ka teb8emaganig. Kakina mizi8e akikag kada paba tibadjimo, kakinagotc adi inakanezindjin a8iagon, adi ejigij8endjin, acitc adi 8edjindjin.
Revelation 16:14 in Algonquin 14 Igi8e dac madji manidog mamada8izi8ag. Kakina dac ogiman mizi8ekamig onazika8a8an. Oma8adjia8an dac kidji ijandjin ke iji migadinani8anig apitc odjitcisenig okitci kijigom Kije Manido ma8adji ka kitci macka8izidj.