Matthew 23:34 in Algonquin 34 Midac ke odji ijinijaamaonagok niganadjimo8innig kina8akag, acitc a8iagog ka kitci kagita8endamo8adj, acitc a8iagog kidji kikinoamago8eg. Nandam kiga nisa8ag acitc nandam kiga acidak8a8a8ag tcibaiatigokag. Kiga papajacte8a8ag kodagiag kidaiamiemigi8ami8akag acitc kiga paba minijao8a8ag adigotc ke paba ija8adj odenan.
Other Translations King James Version (KJV) Wherefore, behold, I send unto you prophets, and wise men, and scribes: and some of them ye shall kill and crucify; and some of them shall ye scourge in your synagogues, and persecute them from city to city:
American Standard Version (ASV) Therefore, behold, I send unto you prophets, and wise men, and scribes: some of them shall ye kill and crucify; and some of them shall ye scourge in your synagogues, and persecute from city to city:
Bible in Basic English (BBE) For this reason, I send you prophets, and wise men, and scribes: some of them you will put to death and put on the cross, and to some of them you will give blows in your Synagogues, driving them from town to town;
Darby English Bible (DBY) Therefore, behold, *I* send unto you prophets, and wise men, and scribes; and [some] of them ye will kill and crucify, and [some] of them ye will scourge in your synagogues, and will persecute from city to city;
World English Bible (WEB) Therefore, behold, I send to you prophets, wise men, and scribes. Some of them you will kill and crucify; and some of them you will scourge in your synagogues, and persecute from city to city;
Young's Literal Translation (YLT) `Because of this, lo, I send to you prophets, and wise men, and scribes, and of them ye will kill and crucify, and of them ye will scourge in your synagogues, and will pursue from city to city;
Cross Reference Matthew 10:16 in Algonquin 16 “Ndotaocik! Mi tabickotc mantcenicag ka ijinija8agani8i8adj nena8idj maiganikag e ijinagozieg e madjinijaonagok. Iag8amig dac, tabickotc ka iji kitci iag8ami8adj kinebigog, acitc k8aiak8adiziok, tabickotc ka inadizi8adj omimig ka 8abizi8adj.
Matthew 10:23 in Algonquin 23 Apitc nanekadjiigo8eg pejig odenakag, kodag odenag ipai8eg. Teb8e ki8idamonom, ka8in 8a8adj maci kiga ick8a paba tibadjimosim min8adjimo8in kakina odenan Israel akikag, ab8amaci tag8icig Aa8e Ka pi Anicinabe8iidizodj.”
Matthew 13:52 in Algonquin 52 Ogi inan dac: “A8enenigotc 8e8enda ka kikendagin Coda8inni Inakonige8inan, acitc ani kikendag adi eji kikinoamage8ag e mikodam8ag Kije Manidon Odogima8i8ini, 8adan oo ejinagozidj. Mi maia tabickotc ka kitci 8anadizidj a8iag ejinagozidj, ka kitci manenigin o8anadizi8inan omigi8amikag, nandam ocki kegonan acitc nandam 8eckadj kegonan.”
Matthew 23:34 in Algonquin 34 Midac ke odji ijinijaamaonagok niganadjimo8innig kina8akag, acitc a8iagog ka kitci kagita8endamo8adj, acitc a8iagog kidji kikinoamago8eg. Nandam kiga nisa8ag acitc nandam kiga acidak8a8a8ag tcibaiatigokag. Kiga papajacte8a8ag kodagiag kidaiamiemigi8ami8akag acitc kiga paba minijao8a8ag adigotc ke paba ija8adj odenan.
Matthew 28:19 in Algonquin 19 Paba nda 8abamikog dac kakina a8iagog kakinagotc ka inakanezi8adj, acitc kikinoamaokog kidji nosoneoji8adj. Sigaadaokog dac e abadjito8egon o8izoni8a Kije Manido Kidadaminan acitc Og8izisan acitc Omino Manidoman.
Luke 11:49 in Algonquin 49 Mi 8edji ki 8idamagedj e kitci kagita8endag Kije Manido: ‘Niga ijinijaama8ag niganadjimo8innin acitc nidanodaganan kidji mikomijindjin. Nandam kada nisagani8i8ag acitc nandam kodagiag kada kodagiagani8i8ag,’ ki ikido.
Luke 24:47 in Algonquin 47 Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.
John 16:2 in Algonquin 2 Kiga sagidjinijaogom Coda8inni aiamiemigi8amikag. Kada ijise kidji nisigo8eg, midac ‘Nidanokita8anan Kije Manido’ kada inendamog igi8e ka nisigo8eg.
John 20:21 in Algonquin 21 Jesos dac mina8adj ogi inan: “Pekadendamo8in kimininom. Mi maia Nidadam kagi pidjinijaojidj ooma akig, mi kenin kidijinijaonom kidji paba ijaieg.”
Acts 1:8 in Algonquin 8 Macka8izi8ini dac kiga minigo8a, apitc Mino Manido odisigo8eg. Midac kiga mikomijim adi eji kikenimijieg, iima Jerusalem odenag acitc mizi8e Coda (Judée) acitc Samani (Samarie) akig, pinici mizi8ekamig,” ki ikido.
Acts 5:40 in Algonquin 40 Ogi nd8e8ema8an dac mina8adj ini Anodaganan, acitc ki anoki8ag kidji papajacte8agani8indjin. Midac ka iji ina8adjin ega mina8adj kidji mikomandjin Jesosan, midac ka iji pagidina8adjin.
Acts 7:51 in Algonquin 51 Stepan ki ikido kiabadj: “Kina8a Coda8innig ka niganizieg! Kikitci cibictig8anem! Kidana8enima8a Kije Manido kidei8akag. Ka8in kinadota8asi8a8a apitc anim8edj. Ka8in 8ikad ki8i ndota8asi8a8a Mino Manido e aiamiigo8eg. Mi gotc maia 8eckadj kikitci anicinabemi8abanig enendagozieg.
Acts 7:58 in Algonquin 58 Ki sagidjidabi8ag ag8adjik odenakag, midac ka iji pabim8asinaa8adjin. Igi8e kagi kagina8icki8adj e inactaona8adjin Stepanan, ke8ina8a 8edi te8agoban. Ki kitcikonae8ag opizika8agani8an, midac pejig naben ka iji mina8adjin kidji kana8endamindjin. Saul ijinikazogoban aa nabe.
Acts 9:1 in Algonquin 1 Ii apitc 8edi Jerusalem Saul kiabadj ogi kitci k8ag8edjiton kidji segiadjin ini8eni8an ka teb8eta8andjin ka Tibendjigendjin, e inapanin kidji nisadjin. Kegapitc ogi nda 8abaman Coda8inni aiamie ogiman ma8adji ka niganizindjin.
Acts 11:27 in Algonquin 27 Ii dac apitc, ki tag8icinog iima Antiok nandam niganadjimo8innig, Jerusalem ka odose8adj.
Acts 12:2 in Algonquin 2 Ki anokiban kidji nisagani8indjin Jakan, John o8idjiki8en, e pajiba8agani8indjin.
Acts 13:1 in Algonquin 1 Apitc ka ma8adjiidi8apan ka teb8etamo8adj 8edi Antiok odenag, te8agoban nandam e tibadjimo8agobanen Kije Manidon odikido8ini acitc nandam e kikinoamage8agobanen. Banabas (Barnabas), Simian (Siméon), 8in “Ka Makade8inni8idj” ka ijinikanagani8igobanen, Losios (Lucius), 8in Sinen ka odjipan, Manaen, 8in ka 8idji tajikemapanin ako Herodan e ocki pimadizipan, acitc Saul, mi ejinikazo8agobanen igi nabeg.
Acts 14:19 in Algonquin 19 Nandam Coda8innig ki pi odose8ag Antiok (Antioche) acitc Ikoniom (Iconium) odenan. Ogi cagozoma8an dac a8iagon kidji nisimagani8indjin Ponan. Ogi pabim8asinaa8an dac, acitc ogi sagidjidabana8an ag8adjik odenag. “Ki nibo” ogi inenima8agoban mega.
Acts 15:32 in Algonquin 32 Jod acitc Silas apanigotc paba tibadjimo8agoban ako Kije Manidon odikido8ini adigotc e te8adj. Antiok odenakag dac kitci kagik8e8agoban kidji 8idjia8adjin ka teb8etamindjin acitc kidji sogigaba8icka8adjin oteb8etamo8inikag.
Acts 22:19 in Algonquin 19 Nigi nak8e8ajia dac: ‘Tebendjigean! Okikendana8a egi paba pidigeiaban odaiamiemigi8ami8akag, acitc egi takonag8aban acitc egi papajacte8ag8aban igi8e ka teb8etaok8a.
1 Corinthians 2:6 in Algonquin 6 Teb8e sa kakina kagi madjigi8adj teb8etamo8inikag, onisidotana8a epitci kagita8endag8anig nitibadjimo8ini. Ka8in dac ooma akikag odjimagasinon ii kagita8endamo8in, ka8in kek8an ka ogima8i8adj ooma akikag iji odjimagasinon ii. 8ina8a mega okagita8endamo8ini8a kada ick8aseni.
1 Corinthians 3:10 in Algonquin 10 Kije Manido nigi ca8enimig kina8akag kidji gi odji madjitaian. Mi maia a8iag ka ojitodj migi8amini ejinagoziaban, ka cabo kikendag omikimo8in. Nigi ojitonaban ke iji padakisidjigadeg ka madji kagik8eian, aja dac nogom kodagiag otaji ojitona8a ii migi8amini. Kakina dac pepejig a8iag oda nagadjiton 8e8enda kidji ojitodj ii migi8amini.
1 Corinthians 12:3 in Algonquin 3 Midac ii odji 8edji nda8eniminagok kidji nisidotameg oo8e. A8iag ka kigickagodjin Mino Manidon, ka8in okackitosin kidji manazomadjin Jesosan, acitc mi aa8e eta ka kigickagodjin Mino Manidon kadagi ikido: “Jesos 8in teb8e ka Tibendjigedj.”
2 Corinthians 11:24 in Algonquin 24 Nananaj nigi kitci papajacteogo Coda8inni ogimakag, tasin dac ka papajacteogo8an nisomidana acitc cagidatcinanaj inigik nigi papajacteogo.
Ephesians 4:8 in Algonquin 8 Mi 8edji mazinadenig Kije Manido Omazinaiganikag, Jesos e mikomagani8idj: “Apitc ka icpikadj 8ak8ig, ogi madji8inan mane a8iagon ka madjenimigodjin egi cagodjiadjin. Acitc dac ogi minan ca8endjige8inan ini a8iagon ka teb8etagodjin.”
Colossians 1:28 in Algonquin 28 Jesos Christ sa dac ka paba mikomagidj. E abadjito8ag kakina kagita8endamo8in ka aiamag, ni8idama8ananag kakina a8iagog adi enendagozi8adj kidji inakamigizi8adj acitc nikikinoama8ananag. Ninada8enimanan mega kakina pepejig a8iag kidji madjigidj teb8etamo8inikag, tabickotc kitci anicinabe kidji ijinagozidj, Jesos Christikag e iji mama8isedj.
1 Thessalonians 2:16 in Algonquin 16 Nik8ag8e nagabinigonanag kidji tibadjimota8agid8a ega ka Coda8inni8indjin ii min8adjimo8ini kegi odji ag8acimagani8indjin. Kabegotc eckam ki kitci nta patadi8ag igi8e Coda8innig, acitc aja ki odjitciseni inigik ka pagidinigo8adjin Kije Manidon kidji patadi8adj. Aja dac ogi kitci nickia8an Kije Manidon acitc ogi tibakonigo8an.
Hebrews 11:37 in Algonquin 37 Nandam dac a8iagog ki abida8agani8i8ag e pabim8asinaagani8i8adj. Nandam dac a8iagog abita ki iji kickij8agani8i8ag e nisagani8i8adj. Nandam dac a8iagog ki pajiba8agani8i8ag. Nandam dac ki kitci nanekadjiagani8i8ag acitc ki kitci madji toda8agani8i8ag. Kakina kegoni nodesebanig, acitc anodjigotc iji paba tajikebanig, mi eta mantcenici 8aianan acitc minago mantcenici 8aianan tebanin kidji ijio8adj.
Revelation 11:10 in Algonquin 10 Kada kitci modjigendamog kakina a8iagog akikag ka tajike8adj, egi nisagani8indjin ini ka nijindjin a8iagon ka kitci sanagendjigeigo8adjin. Kada magoce8ag acitc kada ca8enimidi8ag.