Matthew 19:21 in Algonquin 21 Jesos dac ogi inan: “Kicpin maiagotc 8i k8aiakozian, a8i ada8en kakina kidaiman, acitc ca8enimik ka kidimagizi8adj kiconiaman, midac kidji aiamanin 8anadizi8inan 8ak8ig. Pijan dac acitc nosoneocin.”
Other Translations King James Version (KJV) Jesus said unto him, If thou wilt be perfect, go and sell that thou hast, and give to the poor, and thou shalt have treasure in heaven: and come and follow me.
American Standard Version (ASV) Jesus said unto him, If thou wouldest be perfect, go, sell that which thou hast, and give to the poor, and thou shalt have treasure in heaven: and come, follow me.
Bible in Basic English (BBE) Jesus said to him, If you have a desire to be complete, go, get money for your property, and give it to the poor, and you will have wealth in heaven: and come after me.
Darby English Bible (DBY) Jesus said to him, If thou wouldest be perfect, go, sell what thou hast and give to [the] poor, and thou shalt have treasure in heaven; and come, follow me.
World English Bible (WEB) Jesus said to him, "If you want to be perfect, go, sell what you have, and give to the poor, and you will have treasure in heaven; and come, follow me."
Young's Literal Translation (YLT) Jesus said to him, `If thou dost will to be perfect, go away, sell what thou hast, and give to the poor, and thou shalt have treasure in heaven, and come, follow me.'
Cross Reference Matthew 4:19 in Algonquin 19 Jesos dac ogi inan: “Pijaok! Nosoneocik! Kiga 8abadainom dac adi ke todameg kidji pidji8ineg8a a8iagog ninikag.”
Matthew 5:19 in Algonquin 19 Kicpin dac a8iag ana8endag pejig eta ini inakonige8inan, misa8adj ma8adji ega ka apitendag8anig, acitc kikinoama8adjin kodagian a8iagon kidji kagikina8abamigodjin, mi aa ma8adji ke tabasendagozidj Kije Manidon Odogima8i8inikag. Aa8e dac ka nosoneagin ini inakonige8inan acitc kikinoama8adjin kodagian a8iagon kidji kagikina8abamigodjin, mi aa8e ke kitci icpendagozidj Kije Manidon Odogima8i8inikag.
Matthew 5:48 in Algonquin 48 Kina8a dac, apanigotc k8aiakoziok, tabickotc Kidadami8a 8ak8ig ka tedj 8edjidagotc ka kitci k8aiakozidj.”
Matthew 6:19 in Algonquin 19 “Ka8in ma8adjitamadizokegon 8anadizi8inan ooma akikag, ke 8anadjito8adjin mandjocag, acitc ke ani ag8ag8abikagin, acitc kimodi8innig ke odji pig8aamo8adjin kidick8ademabiko8an kidji kimodimigo8eg.
Matthew 9:9 in Algonquin 9 Jesos iima ki odji madja, acitc meg8adj e pimaadodj, ogi odji 8abaman pejig naben, Matio e ijinikazonigobanen. Ojibiige8igi8amikag ka iji ma8adjiagani8indjin conian e kijikaomagani8indjin kitci ogiman taji abigoban. Jesos dac ogi inan: “Nosoneocin.” Matio dac ki pazig8i acitc ogi nosone8an.
Matthew 16:24 in Algonquin 24 Jesos dac ogi inan kakina okikinoamaganan: “Kicpin a8iag 8i 8idjiojidj, panima ki poni mik8enimidizodj, panima ki pimi8inadjin otcibaiatigoman, acitc panima ki nosoneojidj.
Matthew 19:28 in Algonquin 28 Jesos dac ogi nak8e8ajian: “Teb8e ki8idamonom, apitc Kije Manido koki ojitodjin kakina kegonan, Ka pi Anicinabe8iidizodj kada taji abi odogima8i tesabi8aganikag ka kitci icpendag8anig. Ii dac apitc, kina8a ka midatcin acitc nijieg kagi nosoneojieg, kiga abim kekina8a pepejig e tacieg kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.
Mark 2:14 in Algonquin 14 Meg8adj e pimaadodj, Lepin (Lévi) ogi odji 8abaman, Alpi (Alphée) og8izisan. Ojibiige8igi8amikag ka iji ma8adjiagani8indjin conian e kijikaomagani8indjin kitci ogiman taji abigoban. Jesos dac ogi inan: “Nosoneocin.” Lepi dac ki pazig8i acitc ogi nosone8an.
Mark 8:34 in Algonquin 34 Midac Jesos ogi nd8e8eman okikinoamaganan acitc ini kitci mane a8iagon ka tenipanin iima, acitc ogi inan: “Kicpin a8iag 8i 8idjiojidj, panima ki poni mik8enimidizodj, panima ki pimi8inadjin otcibaiatigoman, acitc panima ki nosoneojidj.
Mark 10:21 in Algonquin 21 Jesos ogi kijigabaman e sagiadjin, acitc ogi inan: “Pejig kegon kinodese. A8i ada8en kakina kidaiman, acitc ca8enimik ka kidimagizi8adj kiconiaman, midac kidji aiamanin 8anadizi8inan 8ak8ig. Pijan dac acitc nosoneocin.”
Luke 5:27 in Algonquin 27 Kegapitc Jesos ki sagaam, acitc ogi odji 8abaman pejig naben ka ma8adjiandjin conian kitci ogiman odji, Lepi ijinikazogoban aa. Odojibiige8igi8amikag iji abigoban. Jesos dac ogi inan: “Nosoneocin.”
Luke 6:40 in Algonquin 40 Aa ka kikinoamazodj ka8in na8adj apitendagozisi apitc8in ini8e ka kikinoamagodjin. Anic dac ick8a kikinoamazodj, mi maia pejig8an okikinoamage8inniman ke apitendagozidj.”
Luke 9:23 in Algonquin 23 Mina8adj Jesos ogi inan kakina a8iagon: “Kicpin a8iag 8i 8idjiojidj, panima ki poni mik8enimidizodj, panima taso kajik ki pimi8inadjin otcibaiatigoman, acitc panima ki nosoneojidj.
Luke 12:33 in Algonquin 33 Ada8eok kidaimi8an, acitc mijikog ini conian ka kidimagizi8adj. Ojitamadizok dac conia8ajan ega 8ikad ke ick8a abadagin, e ma8adjitamadizo8eg 8anadizi8inan 8ak8ig ka tag8agin. Ini8e dac 8anadizi8inan apanigotc iima kada tag8anon. Iima dac, ka8in kadagi kimodisi8ag kimodi8innig, acitc mandjocag ka8in oga kackitosina8a kidji 8anadjito8adjin.
Luke 14:33 in Algonquin 33 Midac pejig8an ka 8idamonagok oo8e. Ka8in pejig e tacieg nigagi nosoneogosi kicpin ega pagidinag kakina ka tibendag.”
Luke 16:9 in Algonquin 9 Jesos mina8adj ki ikido: “Nin dac oo8e ki8idamonom, min8abadjiik kiconiami8a ooma 8akidakamig ka aia8eg, kidji mino toda8eg8a kodagiag a8iagog. Ooma dac 8akidakamig, 8idji8aganag kiga ani aia8a8ag. Apitc dac kiconiami8a ani tcagisedj, Kije Manido kada min8endam kidji odiseg ka iji tedj, kagige kidji iji teieg.”
Luke 18:22 in Algonquin 22 Apitc Jesos ka nodag ii, ogi inan: “Kiabadj pejig kegon kinodese. Ada8en kakina kidaiman, acitc ca8enimik ka kidimagizi8adj kiconiaman, midac kidji aiamanin 8anadizi8inan 8ak8ig. Pijan dac acitc nosoneocin.”
John 10:27 in Algonquin 27 Nidanicinabemag nikikenimag. Ninadotagog dac acitc ninosoneogog.
John 12:26 in Algonquin 26 Kicpin a8iag 8i anokitaojidj, panima ki nosoneojidj. Adigotc dac nin ke teian, mi ke8in ke paba tedj aa ka anokitaojidj. Kicpin dac a8iag anokitaojidj, Nidadaman oga kitci apitenimigon.”
Acts 2:45 in Algonquin 45 Ki ada8e8agoban ka tibendamo8adjin acitc odakimi8an, acitc conian ki madinamadi8ag, kakina a8iag kidji gi aiag adi eji nodesedj.
Acts 4:32 in Algonquin 32 Ii apitc, kakina ka teb8etamo8adj pejig8an ki inendamog acitc pejig8an ki iji mosa8endamog. Ka8in a8iag “nin ii nidaim” ikidosiban, misagotc mama8 odabadjitona8abanin kakina kegonan.
Philippians 3:12 in Algonquin 12 Ka8in nidikidosi aja kakina kegon e kackito8an kek8an aja maia k8aiak e inadizian. Tiegodj, mi maia tabickotc pimibato8aban ka iji k8ag8edjikandinani8ag ejinagozian, e kitci k8ag8edjito8an adi epitcian kidji odjitcibato8an 8ek8aiak, kidji gi odisigo8an nikackitamadizo8in. Mi mega ii 8edji Jesos Christ minijidj 8inikag kidji tibendagozian.
1 Timothy 6:17 in Algonquin 17 Kiga inag igi8e ka 8anadizi8adj ooma akig ega kidji kitci kitenimo8adj. Kiga inag kidji iji apacenimo8adj Kije Manidokag, ka8in 8in o8anadizi8ini8akag. Ka8in mega kigagi ketcinamendasinanan apan kidji aiamakonin ini kegonan, anic dac Kije Manido kitci ani8ag mane kegoni kiminigonan kidji min8endamak.
Hebrews 10:34 in Algonquin 34 Kikidimagenima8abanig igi8e ka kodagito8adj 8edi kibaodimigi8amikag oteb8etamo8ini8a odji. Acitc apitc ka makamigo8egoban kidaimi8an, mi misa8adj ka iji kitci min8endameg egi 8anito8egon. Kikikenda8aban mega kitci mino kegonan e aiamegon 8edi 8ak8ig apanigotc ke tag8agin, acitc na8adj e kitci apitendag8agin apitc8in kegonan ka tibendamegon ooma 8akidakamig.